လံာ်တၢ်ကဲထီၣ်အခီၣ်ထံး 2:2 - Sgaw Karen Common Bible

² ဒီးလၢမုၢ်နွံနံၤတနံၤန့ၣ်ကစၢ်ယွၤမၤဝံၤတၢ်လၢအမၤတ့ၢ်ဝဲဒီးဆိကတီၢ်လၢအတၢ်မၤန့ၣ်လီၤ.

လံာ်တၢ်ကဲထီၣ်အခီၣ်ထံး 2:2 Iomraidhean Croise

လံာ်တၢ်ကဲထီၣ်အခီၣ်ထံး 1:31

ကစၢ်ယွၤကွၢ်တၢ်လၢအမၤတ့ၢ်ဝဲခဲလၢာ်ဒီးအဝဲအသးခုသးမုာ်ဒိၣ်မးလီၤ. မုၢ်ဟါပူၤကွံာ်ဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်ဃုနံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 2:3

အဝဲဆိၣ်ဂ့ၤတ့ၢ်မုၢ်နွံနံၤတနံၤဒီးပာ်လီၤဆီဝဲဒ်အမ့ၢ်မုၢ်နံၤလီၤဆီတနံၤအသိးလီၤ. အဂ့ၢ်ဒ်အံၤ, တုၤမုၢ်နံၤအဝဲန့ၣ်န့ၣ်, အဝဲမၤဝံၤကွံာ်အတၢ်တ့လီၤပာ်လီၤဒီးဆိကတီၢ်လၢအတၢ်မၤန့ၣ်လီၤ.

လံာ်တၢ်ဟးထီၣ်ကွံာ် 23:12

တနွံန့ၣ်မၤတၢ်ဃုသီတက့ၢ်. မ့မ့ၢ်လၢနွံသီတသီန့ၣ်မၤတၢ် နီတမံၤတဂ့ၤ. အန့ၣ်ဒီး, သုကုၢ်သုပှၤ, ဒီးပှၤတခီဘီမုၢ်ဖိလၢအမၤတၢ်လၢသု ဂီၢ်, ဒီးသုဆၣ်ဖိကီၢ်ဖိတဖၣ်ဒၣ်လဲာ်ကအိၣ်ဘှံးဘၣ်ဝဲလီၤ.

လံာ်တၢ်ဟးထီၣ်ကွံာ် 31:15

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ. မ့မ့ၢ်နွံသီတသီန့ၣ်, မ့ၢ်သပှၢ်ကတၢၢ်နံၤအိၣ်ဘှံးလၢတၢ်ပာ်စီဆှံအီၤဆူယအိၣ်လီၤ. ပှၤတဂၤလၢ်လၢ်လၢအမၤတၢ်တမံၤဂ့ၤတမံၤဂ့ၤလၢမုၢ်တနံၤန့ၣ်ကဘၣ်တၢ်မၤသံအီၤလီၤ.

လံာ်တၢ်ဟးထီၣ်ကွံာ် 31:17

အဝဲအံၤမ့ၢ်တၢ်ပနီၣ်အဂၢၢ်အကျၢၤတမံၤလၢကီၢ်အံၣ်စရ့လးအပှၤ ဂီၢ်မုၢ်ဒီးယၤအဘၢၣ်စၢၤန့ၣ်လီၤ. အဂ့ၢ်ဒ်အံၤယၤ, ယွၤအံၤတ့လီၤမူခိၣ်ဒီးဟီၣ်ခိၣ်လၢဃုနံၤဃုသီ အတီၢ်ပူၤ, ဒီးလၢနွံသီတသီန့ၣ်ယဆိကတီၢ်တၢ်မၤဒီးအိၣ်ဘှံးယဲ ဒၣ်လီၤ.”

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်ယိၤဟၣ် 5:17

ဒီးယ့ၣ်ၡူးစံးဆၢအဝဲသ့ၣ်, “ယပၢ်မၤတၢ်ထီဘိတထံၣ်ဃီဒီးယဲစ့ၢ်ကီးယဘၣ်မၤယဲလီၤ.”

လံာ်သိၣ်လီၤသီလီၤတၢ် 5:14

ဘၣ်ဆၣ်ဒီးနွံသီတသီန့ၣ်, မ့ၢ်ဝဲတၢ်အိၣ်ဘှံးအမုၢ်တနံၤလၢတၢ် ကပာ်စီဆှံထီၣ်အီၤလၢယဂီၢ်န့ၣ်လီၤ. လၢမုၢ်နံၤအဝဲန့ၣ်, ပှၤတဘၣ်မၤတၢ်နီတဂၤဘၣ်. သုဝဲမ့ၢ်ဂ့ၤ, သုဖိသုလံၤတဖၣ်မ့ၢ်ဂ့ၤ, သုကုၢ်သုပှၤတဖၣ်မ့ၢ်ဂ့ၤ, သုဆၣ်ဖိကီၢ်ဖိတဖၣ်မ့ၢ်ဂ့ၤ, ပှၤတခီဘီမုၢ်ဖိတဖၣ်လၢအအိၣ်ဆိးလၢသုထံသုကီၢ်ပူၤမ့ၢ်ဂ့ၤ, တဘၣ်မၤတၢ်နီတဂၤဘၣ်. သုကုၢ်တဖၣ်ကဘၣ်အိၣ်ဘှံးဒၣ်ဒ်သုဝဲအသိးလီၤ.

ဧ့ၤဘြံၤ 4:10

အဂ့ၢ်ဒ်အံၤ, ပှၤတဂၤလၢ်လၢ်လၢအဒိးန့ၢ်ဘၣ်တၢ်အိၣ်ဘှံးလၢ ကစၢ်ယွၤစံးပာ်န့ၣ်ကဆိကတီၢ်ကွံာ်လၢအတၢ်ဖံးတၢ်မၤဒ် ကစၢ်ယွၤအိၣ်ဘှံးက့ၤလၢတၢ်ဖံးတၢ်မၤအပူၤအသိးန့ၣ်လီၤ.

ဧ့ၤဘြံၤ 4:4

အဂ့ၢ်ဒ်အံၤတၢ်ကွဲးအသးစီဆှံအိၣ်ဝဲတတီၤလၢအကတိၤ တၢ်ဘၣ်ဃးဒီးမုၢ်နွံနံၤတနံၤဒ်အံၤ, “ကစၢ်ယွၤအိၣ်ဘှံးတ့ၢ်ဝဲလၢမုၢ်နွံနံၤတနံၤလၢအတၢ်ဖံးတၢ် မၤခဲလၢာ်န့ၣ်လီၤ.”