လံာ်တၢ်ကဲထီၣ်အခီၣ်ထံး 2:18 - Sgaw Karen Common Bible

¹⁸ ဒီးယွၤ, ကစၢ်ယွၤစံးဝဲဒၣ်, “ပှၤကညီကအိၣ်မူထဲတဂၤဧိၤန့ၣ်တဂ့ၤဘၣ်. ယကတ့န့ၢ်အီၤအတံၤသကိးလၢအကြၢးဒီးအီၤလၢကမၤစၢၤအီၤအဂီၢ်လီၤ.”

လံာ်တၢ်ကဲထီၣ်အခီၣ်ထံး 2:18 Iomraidhean Croise

လံာ်တၢ်ကဲထီၣ်အခီၣ်ထံး 1:31

ကစၢ်ယွၤကွၢ်တၢ်လၢအမၤတ့ၢ်ဝဲခဲလၢာ်ဒီးအဝဲအသးခုသးမုာ်ဒိၣ်မးလီၤ. မုၢ်ဟါပူၤကွံာ်ဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်ဃုနံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 2:20

ဒီးပှၤကညီယုၢ်န့ၢ်ကယဲၢ်ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤတဖၣ်န့ၣ်လီၤ. ဘၣ်ဆၣ်လၢအဝဲသ့ၣ်အကျါန့ၣ်တံၤသကိးအကြၢးကတၢၢ်လၢကမၤစၢၤအီၤတအိၣ်နီတဂၤဘၣ်.

လံာ်တၢ်ကဲထီၣ်အခီၣ်ထံး 3:12

ဒီးပိာ်ခွါန့ၣ်စံးဆၢအီၤ, “ပိာ်မုၣ်လၢနဒုးအိၣ်ဃုာ်ဒီးယၤ ဖဲအံၤဟ့ၣ်ယၤသ့ၣ်သၣ်ဒီးယအီၣ်ဘၣ်လီၤ.”

တၢ်ကတိၤဒိ. 18:22

ပှၤလၢအထံၣ်န့ၢ်အမါတဂၤန့ၣ်ထံၣ်န့ၢ်တၢ်အဂ့ၤတမံၤ, ဒီးဒိးန့ၢ်ဘၣ်တၢ်ဘျုးတၢ်ဖှိၣ်လၢယွၤလီၤ.

1 ကရံၣ်သူး 7:36

မ့မ့ၢ်ဖဲလၢအဘၣ်ဃးဒီးပှၤခံဂၤလၢအဘၣ်အဲၣ်တီလိာ်အသး, ဒီးပာ်လီၤတ့ၢ်အသးလၢအတဒိးတ့ဒိးဖျီအသးန့ၣ်, ပိာ်ခွါမ့ၢ်ထံၣ်လီၤအသးလၢအတၢ်ပာ်သူၣ်ပာ်သးလၢပိာ်မုၣ် အဖီခိၣ်တမ့ၢ်တၢ်အကြၢးဝဲဘၣ်ဝဲဘၣ်, ဒီးအတၢ်သူၣ်ဂဲၤသးဂဲၤအသဟီၣ်ဆူၣ်တလၢ, ဒီးအဝဲဒၣ်ထံၣ်လၢအဝဲသ့ၣ်ကြၢးဒိးတ့ဒိးဖျီအသးန့ၣ်, ဒ်အဝဲအဲၣ်ဒိးဝဲအသိး, အဝဲသ့ၣ်ကြၢးဒိးတ့ဒိးဖျီအသးလီၤ. လၢတၢ်တမံၤအံၤအပူၤန့ၣ်တၢ်ကမၣ်တအိၣ်နီတမံၤဘၣ်.

၁ ပ့းတရူး 3:7

ဒ်န့ၣ်အသိး, သုဝဲဝၤတဖၣ်သုကဘၣ်အိၣ်မူဒီးသုမါတဖၣ် လၢတၢ်သ့ၣ်ညါနၢ်ပၢၢ်လၢအဝဲသ့ၣ်မ့ၢ်ပှၤဂံၢ်စၢ်ဘါစၢ်တဖၣ် အပူၤန့ၣ်လီၤ. ယူးယီၣ်ပာ်ကဲအဝဲသ့ၣ်မ့ၢ်လၢအဝဲသ့ၣ်ကဒိး န့ၢ်ကစၢ်ယွၤအတၢ်ဟ့ၣ်ဘၣ်ဃးဒီးတၢ်မူဃုာ်ဒီးသုအဃိန့ၣ် တက့ၢ်. မၤတၢ်အံၤဒ်သိးသုတၢ်ထုကဖၣ်တဖၣ်တၢ်သုတမၤ တံာ်တာ်အီၤနီတမံၤတဂ့ၤအဂီၢ်န့ၣ်တက့ၢ်.

လံာ်နီၢ်ရူၤသး 3:1

ဒီးနီၢ်နၤဧမံစံးဘၣ်နီၢ်ရူၤသး, “ယဖိမုၣ်ဧၢ, ယကဘၣ်ဃုန့ၢ်ဟံၣ်လၢနဂီၢ်ဒ်သိးတၢ်မုာ်ကအိၣ်ဒီးနၤအဂီၢ်လီၤ.