လံာ်တၢ်ကဲထီၣ်အခီၣ်ထံး 2:17 - Sgaw Karen Common Bible

¹⁷ ထဲဒၣ်သ့ၣ်တထူၣ်လၢ အဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီး တၢ်အၢအသၣ်န့ၣ်အီၣ်အီၤတဂ့ၤ. နမ့ၢ်အီၣ်အီၤဒီး နကသံတနံၤဃီန့ၣ်လီၤ.”

လံာ်တၢ်ကဲထီၣ်အခီၣ်ထံး 2:17 Iomraidhean Croise

လံာ်တၢ်ကဲထီၣ်အခီၣ်ထံး 2:9

ဒီးအဝဲဒုးမဲထီၣ်ကယဲၢ်သ့ၣ်အဃံအလၤအကလုာ်ကလုာ်ဒီးဒုးသၣ်ထီၣ် တၤသၣ်အဂ့ၤန့ၣ်လီၤ. လၢတၤသၣ်လီၢ်အခၢၣ်သးန့ၣ်အိၣ်ဒီးသ့ၣ်လၢအဟ့ၣ်တၢ်မူတထူၣ်, ဒီးသ့ၣ်လၢအဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီးတၢ်အၢတထူၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 20:7

မ့မ့ၢ်, ခဲကနံၣ်အံၤဟ့ၣ်လီၤက့ၤပိာ်မုၣ်ဆူအဝၤအအိၣ်န့ၣ်တ က့ၢ်. အဝဲမ့ၢ်ဝံတဂၤဒီးကဘါထုကဖၣ်န့ၢ်တၢ်လၢနဂီၢ်ဒ်သိးနသုတသံ တဂ့ၤလီၤ. ဘၣ်ဆၣ်နမ့ၢ်တဟ့ၣ်က့ၤအီၤဘၣ်န့ၣ်ဒီးယဟ့ၣ်ပလီၢ်နၤလၢ နကသံ, နၤ, ဒီးနပှၤဂီၢ်မုၢ်ခဲလၢာ်ကသံဝဲဒၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 3:11

ဒီးကစၢ်ယွၤသံကွၢ်အီၤ, “မ့ၢ်မတၤတဲနၤလၢနအိၣ်ဘ့ၣ်ဆ့န့ၣ်လဲၣ်. သ့ၣ်သၣ်လၢယတဲနၤလၢအီၣ်အီၤတဂ့ၤန့ၣ်မ့ၢ်နအီၣ်ဧါ.”

လံာ်တၢ်ကဲထီၣ်အခီၣ်ထံး 3:17

ဒီးအဝဲစံးဘၣ်ပိာ်ခွါန့ၣ်, “နဒိကနၣ်နမါအကလုၢ်ဒီးအီၣ်သ့ၣ် သၣ်လၢယမၤလိာ်နၤအီၣ်အီၤတဂ့ၤန့ၣ်လီၤ. မ့ၢ်လၢနမၤတ့ၢ်တၢ်အံၤအဃိဟီၣ်ခိၣ်ကအိၣ်လၢတၢ်ဆိၣ်အၢတမံၤအဖီလာ်လီၤ. နကဘၣ်မၤတၢ်ဆူၣ်ဆူၣ်တစိၤနသးဒ်သိးနကမၤန့ၢ်တၢ်အီၣ်လၢလၢလီၣ်လီၣ်လၢအပူၤ, လၢနဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:37

နမ့ၢ်ဟးထီၣ်ဒီးလဲၤဖျိကွံာ်ယံၤန့ၢ်ဒံးထံကျိဖိကံဒြိၣ် တစုစုဒီးနကသံသပှၢ်ကတၢၢ်လီၤ. တၢ်န့ၣ်ကမ့ၢ်နတၢ်ကမၣ်ဒၣ်နဲလီၤ.”

လံာ်စီၤပၤအခီၣ်ထံးတဘ့ၣ် 2:42

အဝဲမၤလိာ်အီၤဒီးစံးဘၣ်အီၤ, “ယမၢနအၢၣ်လီၤယၤလၢယွၤ အမံၤအပူၤလၢနသုတဟးထီၣ်လၢဝ့ၢ်ယရူၤၡလ့ၣ်အပူၤတဂ့ၤန့ၣ်လီၤ. ဒီးယဟ့ၣ်ပလီၢ်တ့ၢ်နၤလၢနမ့ၢ်ဟးထီၣ်ဒီးနကသံသပှၢ်ကတၢၢ်န့ၣ် လီၤ. မ့ၢ်နတအၢၣ်လီၤတၢ်န့ၣ်ဒီးစံးတ့ၢ်လၢနကစူၢ်ယၤဘၣ်န့ၣ်ဧါ.

လံာ်ယံးရမံယၤ 26:8

ဒီးဖဲယကတိၤတၢ်လၢယွၤမၤလိာ်တ့ၢ်ယၤတဖၣ် ဝံၤတဘျီဃီန့ၣ်, အဝဲသ့ၣ်ဖီၣ်စှီၤတံၢ်ဃာ်ယၤဒီး ကိးထီၣ်ဝဲ, “နကြၢးဘၣ်တၢ်မၤသံနၤလၢ တၢ်အံၤအဃိန့ၣ်လီၤ.

လံာ်ယဃ့းစက့လး 18:13

ဒီးဟ့ၣ်လိၢ်လီၤစ့လၢတၢ်အါထီၣ်အဂီၢ်လီၤ. မ့ၢ်အဝဲကမူစ့ၢ်ကီးဧါ. အဝဲတမူဘၣ်. အဝဲမၤတၢ်လီၤသးဘၣ်အၢသ့ၣ်တဖၣ်အံၤ အဃိဒီးအဝဲကသံဝဲဒၣ်လီၤ. အဝဲကဘၣ်တၢ်ပာ်ဒ့ၣ်ပာ်ကမၣ်အီၤလၢအတၢ်သံဒၣ်ဝဲအဃိန့ၣ်လီၤ.

လံာ်ယဃ့းစက့လး 18:32

ယွၤပၢဘၣ်တၢ်ခဲလၢာ်ကစၢ်စံးဝဲ, “ယတအဲၣ်ဒိးလၢပှၤကသံ နီတဂၤဘၣ်. ဃၣ်ကွံာ်သုသးလၢသုတၢ်ဒဲးဘးတဖၣ်ဒီးမူသုဝဲတက့ၢ်.”

လံာ်ယဃ့းစက့လး 18:4

ပှၤကိးဂၤဒဲးအတၢ်အိၣ်မူန့ၣ်ဘၣ်ဃးဒီးယၤ, မိၢ်ပၢ်တဖၣ်အတၢ်အိၣ်မူ ဒီးဒ်န့ၣ်အသိးဖိတဖၣ်အတၢ်အိၣ်မူစ့ၢ်ကီးန့ၣ်လီၤ. ပှၤတဂၤလၢအမၤတၢ်ဒဲးဘးန့ၣ်မ့ၢ်ပှၤတဂၤလၢကဘၣ်သံဝဲန့ၣ်လီၤ.

လံာ်ယဃ့းစက့လး 33:14

ဘၣ်တဘၣ်ယကဟ့ၣ်ပလီၢ်ပှၤအၢပှၤသီတဂၤလၢအဝဲကသံ, ဘၣ်ဆၣ်အဝဲမ့ၢ်ဆိကတီၢ်မၤတၢ်ဒဲးဘးဒီးမၤတၢ်လၢအဘၣ်ဒီး ဂ့ၤဝဲလီၤ.

လံာ်ယဃ့းစက့လး 33:8

ယမ့ၢ်ပာ်ဖျါထီၣ်လၢပှၤအအၢအသီတဂၤကဘၣ်သံဝဲ, ဘၣ်ဆၣ်နမ့ၢ်တဟ့ၣ်ပလီၢ်အီၤလၢအဝဲ ကလဲလိာ်ကွံာ်အကျဲတဖၣ်ဒ်သိးအဝဲအုၣ်က့ၤခီၣ်က့ၤလီၤအသးကသ့, ဒီးအဝဲကသံဒံးဒၣ်ဒ်ပှၤတၢ်ဒဲးဘးတဂၤအသိးဒီး ယကပာ်မူပာ်ဒါနၤလၢအဝဲအတၢ်သံအဃိန့ၣ်လီၤ.

လံာ်တၢ်ဂံၢ် 26:65

ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.

ရိမ့ၤ 1:32

အဝဲသ့ၣ် သ့ၣ်ညါဝဲလၢကစၢ်ယွၤအတၢ်သိၣ်တၢ်သီစံးဝဲလၢပှၤလၢအအိၣ် မူလၢကျဲဒ်အံၤန့ၣ်ကြၢးသံဝဲလီၤ. အန့ၣ်ဒၣ်လဲာ်, တမ့ၢ်ထဲအဝဲသ့ၣ်မၤထွဲတၢ်သ့ၣ်တဖၣ်အံၤဧိၤန့ၣ်ဘၣ်, မ့မ့ၢ်အဝဲသ့ၣ်ဘၣ်သူၣ်ဘၣ်သးလၢပှၤလၢအမၤတၢ်ဒ်အံၤ တဖၣ်န့ၣ်လီၤ.

ရိမ့ၤ 6:16

သုသ့ၣ်ညါသပှၢ်ကတၢၢ်လၢ ဖဲသုဟ့ၣ်လီၤသုသးဒ်ကုၢ် တဖၣ်အသိးလၢသုကစူၢ်ပှၤတဂၤဂၤန့ၣ်ဒီး, သုမ့ၢ်နီၢ်နီၢ်ကစၢ်လၢသုစူၢ်အီၤတဂၤအံၤအကုၢ် တဖၣ်န့ၣ်လီၤ. တဘျီဃီဖဲသုကဲတၢ်ဒဲးဘး လၢအဆှၢသု ဆူတၢ်သံအကုၢ်န့ၣ်, သုကဲတၢ်ဒိကနၣ်လၢအဆှၢသုဆူ တၢ်ပာ်တီပာ်လိၤသုအကုၢ်န့ၣ်တသ့ဘၣ်.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

1 ကရံၣ်သူး 15:22

အဂ့ၢ်ဒ်အံၤ, ဒ်ပှၤကိးဂၤဒဲးသံဝဲဒၣ်ခီဖျိအဝဲသ့ၣ်အတၢ် ပာ်ဖှိၣ်ဃုာ်အသးဒီးစီၤအၤဒၣ်အသိးန့ၣ်, လၢကျဲတဘိဃီ အဝဲန့ၣ်ပှၤကိးဂၤဒဲးကဘၣ်တၢ်မၤမူထီၣ်က့ၤအီၤခီဖျိ အဝဲသ့ၣ်အတၢ်ပာ်ဖှိၣ်ဃုာ်အသးဒီးခရံာ်န့ၣ်လီၤ.

1 ကရံၣ်သူး 15:56

တၢ်သံဒိးန့ၢ်ဘၣ်တၢ်စိကမီၤလၢအကမၤဆူးမၤဆါတၢ်လၢတၢ်ဒဲး ဘးအအိၣ်, ဒီးတၢ်ဒဲးဘးဒိးန့ၢ်တၢ်စိတၢ်ကမီၤလၢတၢ်သိၣ်တၢ်သီ အအိၣ်လီၤ.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

လံာ်သိၣ်လီၤသီလီၤတၢ် 27:26

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးတၢ်သိၣ်လိတဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 30:15

တနံၤအံၤယဟ့ၣ်လီၤသုတၢ်ဃုထၢတမံၤလၢတၢ်ဂ့ၤဒီးတၢ်အၢအဘၢၣ် စၢၤ, လၢတၢ်မူဒီးတၢ်သံအဘၢၣ်စၢၤန့ၣ်လီၤ.

လံာ်သိၣ်လီၤသီလီၤတၢ် 30:19

ခဲကနံၣ်အံၤယဟ့ၣ်လီၤသုတၢ်ဃုထၢလၢတၢ်မူဒီးတၢ်သံ အဘၢၣ်စၢၤဒီးကိးထီၣ်မူခိၣ်ဒီးဟီၣ်ခိၣ်လၢကကဲထီၣ်တၢ်အုၣ် အသးလၢတၢ်ဃုထၢလၢသုမၤအီၤအဂီၢ်န့ၣ်လီၤ. ဃုထၢတၢ်မူတက့ၢ်.

ကလီးစဲ 2:13

လၢညါန့ၣ်လၢသုတၢ်ဒဲးဘးအဃိ, ဒီးလၢသုမ့ၢ်ပှၤကလုာ်ဂၤတဖၣ်လၢအတအိၣ်ဘၣ်ဒီးတၢ်သိၣ်တၢ်သီ အဃိသုမ့ၢ်တ့ၢ်ပှၤလၢအသံဝဲလၢသူၣ်လၢသးလီၤ. ဘၣ်ဆၣ်အခဲအံၤယွၤဒုးဂဲၤဆၢထၢၣ်က့ၤလံသုလၢတၢ်သံဃုာ်ဒီး ခရံာ်လံ. ယွၤပျၢ်ကွံာ်ကယဲၢ်ပတၢ်ဒဲးဘးတဖၣ်ခဲလၢာ်လီၤ.

၁ တံၤမသ့း 5:6

မ့မ့ၢ်, မုၣ်ကမဲတဂၤလၢအဃုအတၢ်မုာ်တၢ်လၤဒၣ်ဝဲန့ၣ်, မူဘၣ်ဆၣ်ဒီးသံဝဲလံန့ၣ်လီၤ.

ယၤကိာ် 1:15

အန့ၣ်ဝံၤဒီး, အတၢ်သူၣ်လီသးကွံအအၢအသီဒၢထီၣ်ဒီး ဆံးစၢ်ထီၣ်တၢ်ဒဲးဘး, ဒီးတၢ်ဒဲးဘးအံၤတုၤအဒိၣ်တုာ်ခိၣ်ပှဲၤ ဒီးဆံးစၢ်ထီၣ်ဝဲတၢ်သံန့ၣ်လီၤ.

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.

လံာ်လီၣ်ဖျါ 2:11

လၢတၢ်န့ၣ်အဃိနနၢ်မ့ၢ်အိၣ်န့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်တတူၢ်ဘၣ် တၢ်မၤဆူးမၤဆါအီၤလၢတၢ်သံခံစုတစုန့ၣ်ဘၣ်.”

လံာ်လီၣ်ဖျါ 20:14

တၢ်န့ၣ်ဝံၤအလီၢ်ခံ, တၢ်သံဒီးပျုၤပူၤဘၣ်တၢ်တ့ၢ်လီၤကွံာ် အီၤဆူနိၣ်မ့ၣ်အူအပူၤလီၤ. (နိၣ်မ့ၣ်အူအံၤမ့ၢ်ဝဲတၢ်သံခံစု တစုလီၤ.)

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်ပှၤစံၣ်ညီၣ်ကွီၢ် 3:2

အဝဲမၤတၢ်အံၤမ့ၢ်ဒ်သိးကသိၣ်လိပှၤအံၣ်စရ့လးဖိတစိၤဘၣ်တစိၤလၢတၢ်ဒုးတၢ်ယၤအဂ့ၢ်, လီၤဆီဒၣ်တၢ်ပှၤလၢအတလဲၤခီဖျိ ဘၣ်ဒံးတၢ်ဒုးတၢ်ယၤနီတဘျီဘၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:39

ယအၢၣ်လီၤတ့ၢ်တၢ်လၢယွၤလၢအမူဝဲတဂၤလၢအဟ့ၣ်ကီၢ်အံၣ်စရ့လး လၢတၢ်မၤနၢၤအမံၤအပူၤ, လၢပှၤလၢအတၢ်ကမၣ်အိၣ်တဂၤန့ၣ်အဝဲမ့မ့ၢ်ဒၣ်လဲာ် ယဖိခွါစီၤယိနၤသၣ်န့ၣ်ကဘၣ်တၢ်မၤသံကွံာ်အီၤလီၤ.” ဘၣ်ဆၣ်ဒီးပှၤတစံးဘၣ်တၢ်နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:44

စီၤစီလူးစံးဘၣ်အီၤ, “နမ့ၢ်တဘၣ်တၢ်မၤသံနၤဒီးမ်ကစၢ် ယွၤတီၢ်ယၤတုၤယသံတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 20:31

စီၤယိနၤသၣ်စံးဝဲ,

လံာ်စီၤၡမူၤအ့လးအခီၣ်ထံးတဘ့ၣ် 22:16

စီၤပၤစံးဝဲဒၣ်, “စီၤအဃံၤမ့လ့းဧၢ, နၤဒီးနဘူးနတံၢ်ခဲလၢာ်ကဘၣ်သံဝဲလီၤ.”