လံာ်တၢ်ကဲထီၣ်အခီၣ်ထံး 19:9 - Sgaw Karen Common Bible

⁹ ဘၣ်ဆၣ်အဝဲသ့ၣ်စံးဝဲ, “ပှၤတခီထံတခီကီၢ်ဖိဧၢ, ဟးထီၣ်ကွံာ်လၢပမဲာ်ညါတက့ၢ်. နမ့ၢ်မတၤတဂၤလၢကဘၣ်တဲပှၤမၤ တၢ်ဒ်အံၤဒ်နုၤန့ၣ်လဲၣ်. ဟးထီၣ်ကွံာ်လၢပမဲာ်ညါတက့ၢ်. မ့တမ့ၢ်ဘၣ်ဒီးပကမၤနၤနးန့ၢ်အဝဲသ့ၣ်လီၤ.” အဝဲသ့ၣ်ဆီၣ်ကွံာ်ဝဲစီၤလိာ်ဆူလီၢ်ခံဒီးသုးဘူးထီၣ်အသးလၢ ကမၤဟးဂီၤကွံာ်တြဲၤအဂီၢ်လီၤ.

လံာ်တၢ်ကဲထီၣ်အခီၣ်ထံး 19:9 Iomraidhean Croise

လံာ်တၢ်ကဲထီၣ်အခီၣ်ထံး 11:6

ဒီးစံးဝဲဒၣ်, “ခဲကနံၣ်အံၤပှၤသ့ၣ်တဖၣ်အံၤမ့ၢ်ပှၤတဖုဃီ ဒီးစံးကတိၤကျိာ်တကျိာ်ဃီန့ၣ်လီၤ. တၢ်အံၤမ့ၢ်ဒံးထဲတၢ်အခီၣ်ထံးဖိလၢတၢ်လၢအဝဲသ့ၣ်သါကမၤဝဲ တယံာ်ဘၣ်ဒီးတၢ်တမံၤဂ့ၤတမံၤဂ့ၤလၢအသးအိၣ်မၤဝဲန့ၣ်အဝဲ သ့ၣ်မၤဝဲကသ့ကန့ၢ်လီၤ.

လံာ်တၢ်ကဲထီၣ်အခီၣ်ထံး 13:12

စီၤအၤဘြၣ်အိၣ်ဝဲဆိးဝဲလၢကီၢ်ကနၤဧၣ်အပူၤဒီးစီၤလိာ်သူၣ် လီၤအတၢ်အိၣ်တၢ်ဆိးအလီၢ်လၢဝ့ၢ်တဖၣ်လၢအအိၣ်လၢယၢ်ဒ့ၣ်အတၢ်ပၢၤ ခိၣ်အကျါဒီးသူၣ်ထီၣ်အဒဲဘူးဒီးဝ့ၢ်စဒိၣ်န့ၣ်လီၤ.

လံာ်တၢ်ဟးထီၣ်ကွံာ် 2:14

ပှၤတဂၤန့ၣ်စံးဆၢဝဲ, “မ့ၢ်မတၤပာ်နၤလၢပဒိၣ်ဒီးစံၣ်ညီၣ် ကွီၢ်တဂၤလၢပဖီခိၣ်န့ၣ်လဲၣ်. မ့ၢ်နဆိကမိၣ်လၢနကမၤသံယၤဒ်နမၤသံပှၤအဲၤကူပတူးဖိတဂၤ အသိးစ့ၢ်ကီးဧါ.” တုၤနုၤတစုစီၤမိၤၡ့ပျံၤတၢ်ဒီးဆိကမိၣ်လၢအသးပူၤ, “ပှၤသ့ၣ်ညါတၢ်လၢယမၤတ့ၢ်အီၤန့ၣ်လံ.”

တၢ်ကတိၤဒိ. 14:16

ပှၤသူၣ်ထံသးဆးတဖၣ်ပလီၢ်အသးလၢကအိၣ်ယံၤဒီးတၢ်အၢတၢ်သီ လီၤ. မ့မ့ၢ်, ပှၤအမၢးတဖၣ်တပလီၢ်အသးဘၣ်ဒီးမၤကြီတၢ်လီၤ.

တၢ်ကတိၤဒိ. 17:12

တၢ်သဂၢၢ်ဘၣ်တၤသူမိၢ်တဒုလၢပှၤဟုၣ်န့ၢ်အဖိတဖၣ်န့ၣ်ဂ့ၤန့ၢ် ဒိၣ်န့ၢ်ဒံးတၢ်သဂၢၢ်ဘၣ်ပှၤဟးဂီၤဖိတနီၤလၢအတၢ်မၤအါဝဲဒၣ် လၢတၢ်မၤတဂိာ်တသီၣ်ဘၣ်တဖၣ်တက့ၢ်လီၤ.

တၢ်ကတိၤဒိ. 27:3

လၢၢ်ဧိၤလ့ဧိၤဒီးမဲးဧိၤဟီၣ်ဧိၤအတၢ်ဃၢတၢ်စုာ်န့ၣ်တုၤအဘၣ် တၢ်ထိၣ်သတြီၤအီၤဒီးတၢ်ကိၢ်တၢ်ဂီၤလၢတၢ်သူၣ်တထံသးတဆးဒုး အိၣ်ထီၣ်သ့န့ၣ်, တမ့ၢ်တၢ်နီတမံၤဘၣ်.

လံာ်ပှၤစံၣ်တဲၤတဲလီၤတၢ် 10:13

အဝဲစးထီၣ်ဒီးပှၤအမၢးအကျိာ်ဒီးလဲၤကတၢၢ်ဝဲလၢတၢ်ပျုၢ် အကျိာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:3

ဘူၣ်တီၢ်တမံၤဃီတုၤအိၣ်ပှၤခဲလၢာ်, ဒီးတၢ်အံၤကမၣ်ဒၣ်ဒ်တၢ် တမံၤဂ့ၤတမံၤဂ့ၤလၢအမၤသးလၢဟီၣ်ခိၣ်ချၢအံၤန့ၣ်လီၤ. ဖဲပှၤကညီအိၣ်မူဒံးအကတီၢ်န့ၣ်, အသးပှဲၤဒီးတၢ်အၢဒီးတၢ်သူၣ် တထံသးတဆးဒီးသတူၢ်ကလာ်အဝဲသ့ၣ်သံဝဲလီၤ.

လံာ်ယၡါယၤ 65:5

ဝံၤဒီးအဝဲသ့ၣ်စံးဘၣ်ပှၤဂၤတဖၣ်အိၣ်ယံၤဒီးပှၤတက့ၢ်. အဂ့ၢ်ဒ်အံၤ, ပစီဆှံကဲၣ်ဆိးလၢသုကထိးဘၣ်ပှၤအဂီၢ်လီၤ. ပှၤဂီၢ်မုၢ်ဒ်သိးအံၤတဖၣ်ယကွၢ်အီၤတလိၤဘၣ်. ယတၢ်သးဒိၣ်ထီဒါအဝဲသ့ၣ်အံၤလီၤဂာ်ဒ်မ့ၣ်အူ တခါလၢအတလီၤပံာ်နီတစုဘၣ်အသိးန့ၣ်လီၤ.

လံာ်ယံးရမံယၤ 3:3

လၢတၢ်န့ၣ်အဃိ, တၢ်တြီဃာ်တၢ်စူၤထံတဖၣ်ဒီးတၢ်စူၤထံလၢ တၢ်မဲထီၣ်အခါတဟဲလၢၤစ့ၢ်ကီးဘၣ်န့ၣ်လီၤ. ပကွၢ်နၤလီၤဂာ်ဒၣ်လဲာ်ဒီးဃဲသဲမုၣ်တဂၤ ဒီးနတၢ်မဲာ်ဆှးတအိၣ်ဘၣ်န့ၣ်လီၤ.

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 16:49

အဝဲဒီးအဖိမုၣ်တဖၣ်ပာ်ထီၣ်ထီအသးမ့ၢ်လၢအဝဲသ့ၣ်အိၣ်ဒီး တၢ်လၢကအီၣ်ဝဲအါအါဂီၢ်ဂီၢ်, ဒီးအိၣ်ဆိးဝဲလၢတၢ်ဃူတၢ်ဖိးဒီးတၢ်ဘှ့ၣ်တၢ်ဘှီၣ်အပူၤအဃိ, ဘၣ်ဆၣ်ဒီးအဝဲသ့ၣ်တကဟု ကယာ်ပှၤဖှီၣ်ဖိယာ်ဖိပှၤအစုတတုၤလီၤအခီၣ်တတုၤလီၤတဖၣ်န့ၣ်ဘၣ်.

လံာ်မးသဲ 7:6

တဘၣ်ဟ့ၣ်လီၤတၢ်စီဆှံလၢထွံၣ်တဖၣ်တဂ့ၤ. အဝဲသ့ၣ်ကဃၣ်တရံးအသးဒီးအ့ၣ်နၤလီၤ. တဘၣ်ကွံာ်လီၤသုတၢ်မျၢ်ပလဲတဖၣ်လၢထိးတဖၣ်အမဲာ်ညါတဂ့ၤ. အဝဲသ့ၣ်ကယီၢ်တံၢ်ဒၣ်အီၤလၢအခီၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:44

အဝဲတၤစီၤဒၤဝံးစံးဝဲ, “ဟဲဃီၤ, ယကဒုးအီၣ်နညၣ်လၢထိၣ် တဖၣ်ဒီးဆၣ်ဖိကီၢ်ဖိတဖၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:16

ပှၤတဂၤန့ၣ်မ့ၢ်စံးဆၢ, “ပျဲပမၤတၢ်အဘၣ်ဒီးဆူးကဲၤထီၣ်တၢ် အသိလၢညါတက့ၢ်. အန့ၣ်ဝံၤဒီးဟံးန့ၢ်တၢ်လၢနသးလီအီၤတက့ၢ်,” ဒီးပှၤလုၢ်တၢ်အခိၣ်အခ့အပှၤန့ၣ်ကစံးဝဲဒၣ်, “တသ့ဘၣ်. ဟ့ၣ်ယၤတၢ်န့ၣ်ခဲအံၤတက့ၢ်. နမ့ၢ်တဟ့ၣ်ယၤဘၣ်ဒီး ယကဟံးန့ၢ်ဆူၣ်အီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:17

ဆိကမိၣ်ကွၢ်တၢ်အံၤဒီးစံၣ်ညီၣ်တဲာ်တၢ်လၢနကဘၣ်မၤအီၤတက့ၢ်. တၢ်အံၤကဲထီၣ်တၢ်တတၢးတနါလၢပကစၢ်အဂီၢ်ဒီးအဒူၣ်ဖိ ထၢဖိခဲလၢာ်အဂီၢ်သ့ဝဲလီၤ. အဝဲဒၣ်အခိၣ်ကိၤအၢသီတုၤဒၣ်လဲာ်တကနၣ်ဘၣ်ပှၤနီတဂၤဘၣ်န့ၣ်လီၤ.”