လံာ်တၢ်ကဲထီၣ်အခီၣ်ထံး 19:5 - Sgaw Karen Common Bible

⁵ အဝဲသ့ၣ်ကိးထီၣ်စီၤလိာ်ဒီးသံကွၢ်ဝဲ, “ပှၤပိာ်ခွါလၢအဟဲ လၢကအိၣ်ဒီးနၤတနၤအံၤတဖၣ်န့ၣ်အိၣ်ဖဲလဲၣ်. ဟဲစိာ်ထီၣ်အဝဲသ့ၣ်ဆူပအိၣ်တက့ၢ်.” ဝ့ၢ်စဒိၣ်အပှၤပိာ်ခွါသ့ၣ် တဖၣ်အဲၣ်ဒိးမံဃုာ်ဂဲၤဃုာ်ဒီးအဝဲသ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 19:5 Iomraidhean Croise

လံာ်တၢ်ကဲထီၣ်အခီၣ်ထံး 19:6

စီၤလိာ်ဟးထီၣ်ဆူတၢ်ချၢဒီးကးတံၢ်ဃးတြဲၤလၢအလီၢ်ခံန့ၣ် လီၤ.

လံာ်စီၤပၤအခီၣ်ထံးတဘ့ၣ် 14:24

တၢ်အၢအဒိၣ်ကတၢၢ်လၢတၢ်ခဲလၢာ်အဖီခိၣ်မ့ၢ်, လၢပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်န့ၣ်, ပှၤပိာ်ခွါတဖၣ်ဒီးပှၤပိာ်မုၣ်တဖၣ်အိၣ်ဝဲလၢအမၤတၢ်ဒ်ပှၤဃဲ သဲမုၣ်တဖၣ်အသိးန့ၣ်လီၤ. ကီၢ်ယူဒၤအပှၤဂီၢ်မုၢ်မၤကယဲၢ်တၢ်လီၤသးဘၣ်အၢတဖၣ်လၢပှၤဂီၢ် မုၢ်လၢယွၤနီၣ်ထီၣ်ဟီထီၣ်ကွံာ်အီၤလၢကီၢ်ပူၤမၤတ့ၢ်ဝဲန့ၣ် လီၤ. ယွၤနီၣ်ထီၣ်ဟီထီၣ်ကွံာ်တ့ၢ်ပှၤဂီၢ်မုၢ်တဖၣ်အံၤဖဲပှၤအံၣ်စရ့ လးဖိတဖၣ်ဟဲနုာ်ဆူကီၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:46

ကယဲၢ်ပှၤပိာ်ခွါဒီးပှၤပိာ်မုၣ်လၢအမၤတၢ်ဒ်ပှၤဃဲသဲမုၣ်တဖၣ် အသိးလၢပှၤဘါတၢ်ဂီၤတၢ်ဖီၣ်အတၢ်လုၢ်လီၢ်တဖၣ်, လၢအအိၣ်လီၤတဲာ်တ့ၢ်ဒံးလၢအဝဲအပၢ်စီၤအၤစါအမုၢ်နံၤတဖၣ် န့ၣ်, အဝဲနီၣ်ထီၣ်ကွံာ်ဝဲခဲလၢာ်န့ၣ်လီၤ.

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 3:9

အတၢ်ကွၢ်မဲာ်လၢတၢ်ထံၣ်တဆှံတဖၣ်ကဘၣ်တၢ်ဟံးဃာ်အီၤ လၢတၢ်ထီဒါက့ၤအဝဲသ့ၣ်အဂီၢ်လီၤ. အဝဲသ့ၣ်မၤတၢ်ဒဲးဘးဖျိ ဖျိဖျါဖျါဒ်ပှၤအိၣ်လၢဝ့ၢ်စဒိၣ်တဖၣ်မၤတ့ၢ်ဝဲအသိးလီၤ. အဝဲသ့ၣ်ဘၣ်တၢ်စံၣ်ညီၣ်ဃါမနၤလီၤ. အဝဲ သ့ၣ်ဟဲစိာ်တၢ်အံၤလၢအဖီခိၣ်ဒၣ်ဝဲလီၤ.

လံာ်ယံးရမံယၤ 3:3

လၢတၢ်န့ၣ်အဃိ, တၢ်တြီဃာ်တၢ်စူၤထံတဖၣ်ဒီးတၢ်စူၤထံလၢ တၢ်မဲထီၣ်အခါတဟဲလၢၤစ့ၢ်ကီးဘၣ်န့ၣ်လီၤ. ပကွၢ်နၤလီၤဂာ်ဒၣ်လဲာ်ဒီးဃဲသဲမုၣ်တဂၤ ဒီးနတၢ်မဲာ်ဆှးတအိၣ်ဘၣ်န့ၣ်လီၤ.

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယဃ့းစက့လး 16:49

အဝဲဒီးအဖိမုၣ်တဖၣ်ပာ်ထီၣ်ထီအသးမ့ၢ်လၢအဝဲသ့ၣ်အိၣ်ဒီး တၢ်လၢကအီၣ်ဝဲအါအါဂီၢ်ဂီၢ်, ဒီးအိၣ်ဆိးဝဲလၢတၢ်ဃူတၢ်ဖိးဒီးတၢ်ဘှ့ၣ်တၢ်ဘှီၣ်အပူၤအဃိ, ဘၣ်ဆၣ်ဒီးအဝဲသ့ၣ်တကဟု ကယာ်ပှၤဖှီၣ်ဖိယာ်ဖိပှၤအစုတတုၤလီၤအခီၣ်တတုၤလီၤတဖၣ်န့ၣ်ဘၣ်.

လံာ်ယဃ့းစက့လး 16:50

အဝဲသ့ၣ်ပာ်ထီၣ်ထီအသးဒီးအခိၣ်ကိၤ, ဒီးမၤတၢ်တဖၣ်လၢယသးဟ့ အီၤ, သတးဒီးယမၤဟးဂီၤတ့ၢ်အဝဲသ့ၣ်ဒ်နသ့ၣ်ညါနဲဂ့ၤမးအသိးန့ၣ် လီၤ.

လံာ်ယဃ့းစက့လး 16:51

ဝ့ၢ်ၡၤမရံတမၤတၢ်ဒဲးဘးထဲသိးဒီးနမၤတ့ၢ်အီၤတဝာ်ဒၣ်လဲာ်ဘၣ်. နမၤတၢ်လီၤသးဘၣ်အၢအါန့ၢ်အဝဲမၤတ့ၢ်ဝဲတက့ၢ်လီၤ. ဖဲတၢ်ထိၣ်သတြီၤကွၢ်အီၤဒီး, နတၢ်မၤတတီတတြၢ်တၢ်န့ၣ်ဒုးကဲ ထီၣ်နပုၢ်မုၣ်တဖၣ်လၢပှၤလၢအဖျါလၢအတၢ်သရူးကမၣ်တအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:22

ပိာ်ခွါတဘၣ်မံဃုာ်ဒီးပိာ်ခွါဒ်အမံဃုာ်ဒီး ပိာ်မုၣ်တဂၤအသိးန့ၣ်ဘၣ်. မ့ၢ်တၢ်သးဘၣ်အၢလၢယွၤလီၤ.

လံာ်တၢ်ဘူၣ်ထီၣ်ဘါထီၣ် 20:13

ဒီးပှၤပိာ်ခွါတဂၤလၢအမံဃုာ်ဒီးပိာ်ခွါအဂၤတဂၤန့ၣ်မ့ၢ်အမၤတၢ်လီၤသးဘၣ်အၢလီၤ. ဒီးပှၤခံဂၤလိာ်အံၤကဘၣ်တၢ်မၤသံကွံာ်အီၤန့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

လံာ်သိၣ်လီၤသီလီၤတၢ် 23:17

ဒီးပှၤအံၣ်စရ့လးဖိအပိာ်ခွါမ့ၢ်ဂ့ၤ, အပိာ်မုၣ်မ့ၢ်ဂ့ၤ, တဘၣ်ကဲထီၣ်တၢ်လုၢ်လီၢ်အပှၤဃဲသဲမုၣ်နီတဂၤဘၣ်.

၁ တံၤမသ့း 1:10

ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.

၂ တံၤမသ့း 3:13

မ့မ့ၢ်ပှၤအၢပှၤသီဒီးပှၤလီတၢ်ဝ့ၤတၢ်တဖၣ်န့ၣ်ကလဲၤတၢ် ဒံးယံာ်ဒံးအၢထီၣ်, ကလီပှၤဂၤတဖၣ်ဒီးကဘၣ်တၢ်လီ န့ၢ်အီၤစ့ၢ်ကီးန့ၣ်လီၤ.

၂ ပ့းတရူး 2:2

အန့ၣ်ဒၣ်လဲာ်, ပှၤအါဂၤကပိာ်ထွဲအဝဲသ့ၣ်အတၢ်ကလုာ်ကလိၤအကျဲ တဖၣ်အခံ, ဒီးလၢတၢ်လၢအဝဲသ့ၣ်မၤဝဲအဃိ, ပှၤဂၤတဖၣ်ကကတိၤအၢကတိၤသီတၢ်မ့ၢ်တၢ်တီအကျဲ န့ၣ်လီၤ.

၂ ပ့းတရူး 2:7

အဝဲမၤပူၤဖျဲးစီၤလိာ်, ပှၤအဂ့ၤတဂၤလၢအသးဘၣ်ကိၢ်ဘၣ်ဂီၤလၢပှၤအအၢအသီတဖၣ် အတၢ်ကလုာ်ကလိၤအဃိလီၤ.

ယူဒၤ 1:7

သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.

လံာ်ပှၤစံၣ်ညီၣ်ကွီၢ် 19:22

ဖဲအဝဲသ့ၣ်သူၣ်ဖှံသးညီအကတီၢ်န့ၣ်သတူၢ်ကလာ်ပှၤအလုၢ် အလၢ်တဂ့ၤလၢဝ့ၢ်ပူၤတနီၤကဝီၤဃာ်ဟံၣ်န့ၣ်ဒီးဒိတကျိာ်တြဲၤလီၤ. အဝဲသ့ၣ်စံးဘၣ်ပှၤသးပှၢ်န့ၣ်, “ဟဲကိးထီၣ်ပှၤတဂၤလၢအဟဲက့ၤပိာ်နခံဆူနဟံၣ်တက့ၢ်. ပအဲၣ်ဒိးမံဃုာ်ဒီးအီၤလီၤ.”