လံာ်တၢ်ကဲထီၣ်အခီၣ်ထံး 19:4 - Sgaw Karen Common Bible

⁴ ဒီးဖဲပှၤတမှံၤတဖၣ်တချုးနုာ်လီၤမံဒံးဘၣ်န့ၣ်ပိာ်ခွါတဖၣ် လၢဝ့ၢ်စဒိၣ်အပူၤကဝီၤဃာ်စီၤလိာ်အဟံၣ်န့ၣ်လီၤ. ကယဲၢ်ပိာ်ခွါသးစၢ်, သးပှၢ်လၢဝ့ၢ်ပူၤတဖၣ်အိၣ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 19:4 Iomraidhean Croise

လံာ်တၢ်ကဲထီၣ်အခီၣ်ထံး 13:13

ပှၤဝ့ၢ်စဒိၣ်ဖိသ့ၣ်တဖၣ်န့ၣ်မ့ၢ်ပှၤအၢပှၤသီဒီးပှၤမၤတၢ်ဒဲး ဘးထီဒါယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 18:20

ဒီးယွၤစံးဘၣ်စီၤအၤဘြၤဟၣ်, “တၢ်ဆှိးထီၣ်လီၤပျံၤလီၤ ဖုးထီဒါဝ့ၢ်စဒိၣ်ဒီးဂမိရၤန့ၣ်အိၣ်ဝဲ, ဒီးအတၢ်ဒဲးဘးန့ၣ်ဒိၣ်နီၢ်မးလီၤ.

လံာ်တၢ်ဟးထီၣ်ကွံာ် 16:2

ဒီးလၢပှၢ်မုၢ်ကနၢအပူၤန့ၣ်အဝဲသ့ၣ်ခဲလၢာ်ကဒူးကဒ့ၣ်တၢ်ဆူ စီၤမိၤၡ့ဒီးစီၤအၤဟရိၣ်အအိၣ်,

လံာ်တၢ်ဟးထီၣ်ကွံာ် 23:2

ဖဲပှၤအါဂၤမၤတၢ်ကမၣ်မ့ၢ်ဂ့ၤ, ဖဲအဝဲသ့ၣ်ဟ့ၣ်တၢ်အုၣ်အသးလၢ ကဘိးကဒါတၢ်စံၣ်ညီၣ်တီမ့ၢ်ဂ့ၤန့ၣ်, ပိာ်ထွဲအခံတဂ့ၤ.

တၢ်ကတိၤဒိ. 4:16

ပှၤတတီတလိၤတဖၣ်န့ၣ်, မ့ၢ်တမၤကမၣ်ဘၣ်တၢ်တမံၤမံၤဒီးမံဝဲ တန့ၢ်ဘၣ်. မ့ၢ်တမၤဆါဘၣ်ပှၤတဂၤဂၤဘၣ်ဒီး, တမံဘၣ်ဝဲဘၣ်.

တၢ်ကတိၤဒိ. 6:18

သးလၢအဆိကမိၣ်ထီၣ်တၢ်ကူၣ်အၢကူၣ်သီ, ခီၣ်လၢအခါထီၣ်ချ့ချ့ဆူတၢ်အၢအအိၣ်,

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

ရိမ့ၤ 3:15

အဝဲသ့ၣ်ပ့ၢ်ချ့လၢကမၤဆါဒီးမၤသံတၢ်လီၤ.

လံာ်ပှၤစံၣ်ညီၣ်ကွီၢ် 19:22

ဖဲအဝဲသ့ၣ်သူၣ်ဖှံသးညီအကတီၢ်န့ၣ်သတူၢ်ကလာ်ပှၤအလုၢ် အလၢ်တဂ့ၤလၢဝ့ၢ်ပူၤတနီၤကဝီၤဃာ်ဟံၣ်န့ၣ်ဒီးဒိတကျိာ်တြဲၤလီၤ. အဝဲသ့ၣ်စံးဘၣ်ပှၤသးပှၢ်န့ၣ်, “ဟဲကိးထီၣ်ပှၤတဂၤလၢအဟဲက့ၤပိာ်နခံဆူနဟံၣ်တက့ၢ်. ပအဲၣ်ဒိးမံဃုာ်ဒီးအီၤလီၤ.”