လံာ်တၢ်ကဲထီၣ်အခီၣ်ထံး 19:31 - Sgaw Karen Common Bible

³¹ ဒီးအဖိမုၣ်အဒိၣ်တဂၤစံးဘၣ်အဒီပုၢ်ဝဲၢ်မုၣ်, “ပပၢ်အံၤအသးပှၢ် တ့ၢ်လံ. ဒီးပှၤပိာ်ခွါတအိၣ်လၢဟီၣ်ခိၣ်ဒီဘ့ၣ်အံၤနီတဂၤလၢကဒိးတ့ ဒိးဖျီအသးဒီးပှၤဒ်သိးပဖိအိၣ်ကသ့အဂီၢ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 19:31 Iomraidhean Croise

လံာ်တၢ်ကဲထီၣ်အခီၣ်ထံး 16:2

မၤသးဒ်န့ၣ်ဒီး, နီၢ်စၤရဲစံးဘၣ်စီၤအၤဘြၣ်, “ယွၤတြီယၤဒ်သိးယဖိသုတအိၣ်တဂ့ၤလီၤ. လဲၤမံဃုာ်ဒီးယကုၢ်ပိာ်မုၣ်ဖိန့ၣ်တက့ၢ်. ဘၣ်တဘၣ်အဝဲကဒိးန့ၢ်ဘၣ်ဖိတဂၤလၢယဂီၢ်ကန့ၢ်ကသ့ဝဲလီၤ.” စီၤအၤဘြၣ်အသးလီၤပလိာ်ဒီးတၢ်လၢနီၢ်စၤရဲစံးဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 16:4

စီၤအၤဘြၣ်မံဃုာ်ဂဲၤဃုာ်ဒီးနီၢ်ဟၤကၢ်ဝံၤနီၢ်ဟၤကၢ်ဒၢထီၣ်ဝဲဒၣ်န့ၣ်လီၤ. ဒီးတုၤအသ့ၣ်ညါဝဲလၢအဒၢထီၣ်န့ၣ်အဝဲပာ်ထီၣ်ထီအသးဒီးပာ် နီၢ်စၤရဲဒ်တမ့ၢ်တၢ်နီတမံၤလၢအမဲာ်ညါအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 19:28

အဝဲကွၢ်လီၤတၢ်ဆူဝ့ၢ်စဒိၣ်ဒီးဂမိရၤဒီးတၢ်တြီၤဒီခါညါ, ဒီးထံၣ်ဝဲမ့ၣ်အူခုၣ်ထီၣ်လၢဟီၣ်ခိၣ်ဖီခိၣ်ဒ်မ့ၣ်အူလုၣ်ဟဲ ထီၣ်လၢဖၣ်ကပူၤဖးဒိၣ်တခါအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 4:1

ဒီးစီၤအၤဒၣ်သ့ၣ်ညါအမါနီၢ်အံၣ်အု, ဒီးနီၢ်အံၣ်အုဒၢထီၣ်ဝဲဒၣ်န့ၣ်လီၤ. ဒီးဆံးစၢ်န့ၢ်အဖိပိာ်ခွါဒီးစံးဝဲဒၣ်, “မ့ၢ်လၢယွၤအတၢ်မၤစၢၤယၤအဃိယဒိးန့ၢ်ယဖိခွါတဂၤလီၤ.” ဒီးယုၢ်န့ၢ်ဝဲအမံၤလၢစီၤကၤယံၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 6:4

လၢမုၢ်နံၤတဖၣ်အပူၤန့ၣ်ဒီးဆူညါဒၣ်လဲာ်န့ၣ်, ပှၤနီၢ်ဒိၣ်ဖိတဖၣ်အိၣ်ထီၣ်လၢဟီၣ်ခိၣ်ချၢ, ပှၤလၢအဟဲလီၤစၢၤလၢပှၤကညီပိာ်မုၣ်ဒီးကစၢ်ယွၤအဖိခွါတဖၣ် န့ၣ်လီၤ. အဝဲသ့ၣ်မ့ၢ်ပှၤဒူပှၤဃိၤဖးဒိၣ်တဖၣ်ဒီးပှၤမံၤဟူသၣ်ဖျါလၢ ပျၢၤလံၤလံၤတဖၣ်န့ၣ်လီၤ.

လံာ်ယၡါယၤ 4:1

ဖဲတၢ်ဆၢကတီၢ်အဝဲန့ၣ်ဟဲတုၤဝဲဒီး, ပိာ်မုၣ်နွံဂၤကစှီၤဃာ် ပိာ်ခွါတဂၤဒီးစံး, “ပလုၢ်အီၣ်လုၢ်အီ ပသးဒီးမၤကူမၤကၤဒၣ်ပဝဲသ့လီၤ. ဘၣ်ဆၣ်ပျဲပစံးလၢနမ့ၢ် ပဝၤဒ်သိးပသုတတူၢ်ဘၣ်တၢ်မဲာ်ဆှးလၢပဝၤတအိၣ်ဘၣ် အဃိတဂ့ၤန့ၣ်တက့ၢ်.”

လံာ်မၢ်ကူး 9:6

စံးတၢ်ဒ်အံၤမ့ၢ်လၢကဘၣ်စံးမနုၤလဲၣ်န့ၣ်တသ့ၣ်ညါလၢၤဝဲဘၣ်ဒီး အဝဲသ့ၣ်ပျံၤတၢ်ဒိၣ်ဒိၣ်ကလဲာ်အဃိန့ၣ်လီၤ.

လံာ်သိၣ်လီၤသီလီၤတၢ် 25:5

ပှၤဒီပုၢ်ဝဲၢ်ခွါခံဂၤမ့ၢ်အိၣ်ဆိးလၢတၢ်န့ၢ်သါအလီၢ်တပူၤဃီဒီးအဝဲသ့ၣ်အကျါတဂၤမ့ၢ်သံဒီး အဖိခွါမ့ၢ်တအိၣ်လီၤတဲာ် နီတဂၤဘၣ်န့ၣ်, အဝဲအမါမုၣ်ကမဲလၢအအိၣ်လီၤတဲာ်တဘၣ်ဖျီအသးဒီး ပှၤအဂၤနီတဂၤလၢဒူၣ်ထၢအချၢဘၣ်. ပှၤလၢအသံတဂၤအဒီပုၢ်ဝဲၢ်ခွါအိၣ်ဒီးမူဒါလၢကဖျီအသးဒီးအီၤန့ၣ်လီၤ.