လံာ်တၢ်ကဲထီၣ်အခီၣ်ထံး 19:30 - Sgaw Karen Common Bible

³⁰ ဒီးမ့ၢ်လၢစီၤလိာ်ပျံၤတၢ်လၢကအိၣ်ဝဲဆိးဝဲလၢဝ့ၢ်စိၤဧၢ်အ ဃိ အဝဲဒီးအဖိမုၣ်ခံဂၤလဲၤထီၣ်ဆူတၢ်လူၢ်တဖၣ်ဒီးအိၣ်ဝဲဆိး ဝဲလၢလၢၢ်ကအိတခါအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 19:30 Iomraidhean Croise

လံာ်တၢ်ကဲထီၣ်အခီၣ်ထံး 13:10

စီၤလိာ်ကွၢ်တၢ်ဝးဝးဒီးထံၣ်ဝဲဒၣ်လၢထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါကျဲတရဲာ်ဃီဆူဝ့ၢ်စိၤဧၢ်န့ၣ်ထံအိၣ်လၢလၢလီၣ် လီၣ်လီၤဂာ်ဒ်ယွၤအတၤသၣ်လီၢ်အသိးမ့ၢ်ဂ့ၤ, လီၤဂာ်ဒ်ကီၢ်အဲၤကူပတူးအသိးမ့ၢ်ဂ့ၤန့ၣ်လီၤ. (အအံၤမ့ၢ်တၢ်အကတီၢ်လၢယွၤတချုးမၤဟးဂီၤဝ့ၢ်စဒိၣ်ဒီးဂမိၤ ရၤဒံးဘၣ်န့ၣ်လီၤ.)

လံာ်တၢ်ကဲထီၣ်အခီၣ်ထံး 14:22

စီၤအၤဘြၣ်စံးဆၢဝဲဒၣ်, “ယဆိၣ်လီၤယသးသညူးသပှၢ်လၢယွၤ, တၢ်ထီကတၢၢ်ကစၢ်ယွၤ, ယွၤလၢအတ့လီၤမူခိၣ်ဒီးဟီၣ်ခိၣ်အမဲာ်ညါ,

လံာ်တၢ်ကဲထီၣ်အခီၣ်ထံး 19:17

အန့ၣ်ဝံၤဒီးကလူးအကျါတဂၤန့ၣ်စံးဘၣ်အီၤ, “ဃ့ၢ်လၢသုသးသမူအဂီၢ်တက့ၢ်. ကွၢ်ဆူလီၢ်ခံတဂ့ၤ. ဒီးအိၣ်ကတီၢ်လၢတၢ်တြီၤပူၤတဂ့ၤ. ဃ့ၢ်ဆူတၢ်လူၢ်တဖၣ်အလိၤဒ် သိးသုသုတဘၣ်တၢ်မၤသံအီၤတဂ့ၤအဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 19:19

နမၤတ့ၢ်တၢ်ဘျုးတၢ်ဖှိၣ်ဖးဒိၣ်တမံၤဒီးအုၣ်က့ၤခီၣ်က့ၤယသး သမူလီၤ. ဘၣ်ဆၣ်ဒီးတၢ်လူၢ်တဖၣ်န့ၣ်ယံၤဒိၣ်မးလီၤ. တၢ်တတၢးတနါကချုးန့ၢ်ယၤဒီးတချုးယတုၤဒံးဘၣ်ဖဲန့ၣ်ဒီးယကသံလီၤ.

လံာ်တၢ်ကဲထီၣ်အခီၣ်ထံး 49:4

နလီၤဂာ်ဒ်ထံဒိၣ်ခိၣ်ယွၤတပျုာ်တပျီၤတမံၤအသိး, ဘၣ်ဆၣ်နတမ့ၢ်ပှၤအကါဒိၣ်ကတၢၢ်ဘၣ်. အဂ့ၢ်ဒ်အံၤ, နမံဃုာ်တ့ၢ်ဒီးယသံၣ်မါဒီးနမၤလီၤနပၢ်အလီၢ်မံ အသူးအသ့ၣ်န့ၣ်လီၤ.

လံာ်ယၡါယၤ 15:5

ယသးကိးပသူထီၣ်လၢကီၢ်မိၤအးအဂီၢ်လီၤ. ပှၤဂီၢ်မုၢ်ဃ့ၢ်ထီၣ်ကွံာ်ဝဲတုၤလၢဝ့ၢ်စိၤဧၢ်, ဒီးဆူအဲးကလးၡဃ့ၡၣ်န့ၣ်လီၤ. တနီၤလဲၤထီၣ်ကျဲဆူဝ့ၢ်လူဃံးဒီး ဟီၣ်ဝဲယၢၤဝဲဖဲအလဲၤတၢ်အဖၢမုၢ်လီၤ. တနီၤဃ့ၢ်ထူၣ်ဖျဲးထီၣ် ဆူဝ့ၢ်ဃိရနဲၣ်, အိၣ်ဒီးတၢ်သူၣ်အုးသးအုးအသီၣ်ဖးဒိၣ်လီၤ.

လံာ်ယံးရမံယၤ 48:34

ပှၤဂီၢ်မုၢ်လၢဝ့ၢ်ဃ့ၡဘိၣ်ဒီး ဝ့ၢ်အ့လဧၤလ့ၤကိးထီၣ်ဝဲဒီး အဝဲသ့ၣ် အတၢ်ကိးထီၣ်န့ၣ်ဘၣ်တၢ်နၢ်ဟူအီၤသ့ဝဲတုၤလၢ ဝ့ၢ်ယၤစ့ၢ်န့ၣ်လီၤ. တၢ်န့ၣ်ဘၣ်တၢ်နၢ်ဟူစ့ၢ်ကီးအီၤလၢ ပှၤဂီၢ်မုၢ်လၢဝ့ၢ်စိဧၢ်, ဒီးတၢ်န့ၣ်ဘၣ်တၢ်နၢ်ဟူအီၤယံၤဝဲ တုၤလၢ ဝ့ၢ်ဃိရနဲၣ်, ဒီးအဲကလးၡလ့ၡၤန့ၣ်လီၤ. ဝ့ၢ်နံးမရံအထံကျိတဖၣ်ဒၣ်လဲာ်လီၤသံးဝဲလီၤ.

လံာ်သိၣ်လီၤသီလီၤတၢ် 34:3

ယူဒၤအတၢ်လီၢ်လၢကလံၤထံးတကပၤ, ဒီးတၢ်ပၢၤခိၣ်လၢအစးထီၣ် အသးလၢဝ့ၢ်စိၤဧၢ်တုၤဃီၤဆူသ့ၣ်စူၣ်ပလူၣ်တဖၣ်အဝ့ၢ်, ဝ့ၢ်ယရံၤဃိန့ၣ်လီၤ.

ယၤကိာ် 1:8

အဂ့ၢ်ဒ်လဲၣ်န့ၣ်လၢတၢ်ခဲလၢာ်လၢအဝဲမၤဝဲအပူၤန့ၣ်, အသးတဂၢၢ်ဘၣ်ဒီးစံၣ်ညီၣ်တဲာ်တၢ်တသ့ဘၣ်အဃိ န့ၣ်လီၤ.