လံာ်တၢ်ကဲထီၣ်အခီၣ်ထံး 19:3 - Sgaw Karen Common Bible

³ စီၤလိာ်ကွဲဆူၣ်အဝဲသ့ၣ်ဒီးလၢခံကတၢၢ်န့ၣ်အဝဲသ့ၣ်လဲၤဃုာ် ဒီးအီၤဆူအဟံၣ်လီၤ. စီၤလိာ်မၤလိာ်အခ့အပှၤတဖၣ်လၢကကုၢ်ကိၣ်တစဲးဒီးကတဲာ်ကတီၤတၢ် အီၣ်တၢ်အီအဂ့ၤလၢပှၤတမှံၤသ့ၣ်တဖၣ်အဂီၢ်လီၤ. ဒီးတုၤအဘၣ်တၢ်ကတဲာ်ကတီၤအီၤဝံၤန့ၣ်အဝဲသ့ၣ်အီၣ်ဝဲဒၣ်လီၤ.

လံာ်တၢ်ကဲထီၣ်အခီၣ်ထံး 19:3 Iomraidhean Croise

လံာ်တၢ်ကဲထီၣ်အခီၣ်ထံး 19:2

ဒီးစံးဝဲ, “တၢ်ဒိၣ်သ့ၣ်ဧၢ, ယအိၣ်ဖဲအံၤလၢတၢ်တူၢ်လိာ်သု အဂီၢ်လီၤ. ဝံသးစူၤဟဲနုာ်လၢယဟံၣ်ပူၤတက့ၢ်. သုသ့သုခီၣ်ဒီးမံဖဲအံၤသ့ဝဲလီၤ. ဒီးလၢမုၢ်ဂီၤန့ၣ်သု ပၢၢ်ထီၣ်ဂီၤဂီၤဒီးသုလဲၤသုကျဲသ့ဝဲလီၤ.” ဘၣ်ဆၣ်အဝဲသ့ၣ်စံးဆၢဝဲ, “ပကမၤလၢာ်မုၢ်နၤလၢဝ့ၢ်အဂၢၤပူၤန့ၣ်လီၤ.”

လံာ်တၢ်ကဲထီၣ်အခီၣ်ထံး 21:8

ဒီးဖိသၣ်ဒိၣ်ထီၣ်ဝဲ, ဒီးမုၢ်တနံၤလၢအဖှၣ်အမိၢ်အနုၢ်န့ၣ်စီၤ အၤဘြၤဟၣ်မၤတၢ်အီၣ်အမူးဖးဒိၣ်လီၤ.

လံာ်တၢ်ကဲထီၣ်အခီၣ်ထံး 24:31

ဒီးစံးဝဲ, “ဟဲဆူဟံၣ်ဒီးယၤတက့ၢ်. နမ့ၢ်ပှၤတဂၤလၢယွၤ ဆိၣ်ဂ့ၤတ့ၢ်အီၤန့ၣ်လီၤ. ဘၣ်မနုၤလၢနဆၢထၢၣ်ဖဲတၢ်ချၢအံၤန့ၣ်လဲၣ်. ယအိၣ်ဒီးဒၢးတဖျၢၣ်ကတဲာ်ကတီၤအသးလၢနဂီၢ်လၢယဟံၣ်ပူၤဒီးတၢ် လီၢ်တတီၤလၢနကီၤလၤအူးသ့ၣ်တဖၣ်အဂီၢ်စ့ၢ်ကီးလီၤ.”

လံာ်တၢ်ကဲထီၣ်အခီၣ်ထံး 26:30

ဒီးစီၤအံၤစဲးကတဲာ်ကတီၤတၢ်အီၣ်တၢ်အီအမူးတခါလၢအဝဲသ့ၣ် အဂီၢ်ဒီးအဝဲသ့ၣ်အီၣ်သကိးတၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:8

ဘၣ်မုၢ်တနံၤ, စီၤအလံၤၡါလဲၤဝဲဒၣ်ဆူဝ့ၢ်ၡူန့ၣ်, ဖဲပိာ်မုၣ်ထူးတီၤတဂၤအိၣ်ဆိးဝဲန့ၣ်လီၤ. ပိာ်မုၣ်န့ၣ်ကွဲဃီၤအီၤဆူတၢ်အီၣ်တဘျီ, ဒီးစးထီၣ်ဖဲန့ၣ်, ဖဲအလဲၤဝဲဆူဝ့ၢ်ၡူန့ၣ်ကိးဘျီဒဲးန့ၣ်, အဝဲကအီၣ်တၢ်ဖဲပိာ်မုၣ်န့ၣ်အဟံၣ်လီၤ.

လံာ်တၢ်ဟးထီၣ်ကွံာ် 12:15

ဒီးယွၤစံးဝဲဒၣ်, “လၢနွံသီအတီၢ်ပူၤန့ၣ်သုတဘၣ်အီၣ်ကိၣ် လၢအဘၣ်တၢ်မၤအီၤလၢကိၣ်မံၣ်နီတမံၤဘၣ်. အီၣ်ထဲကိၣ်လၢတအိၣ်ဘၣ်ဒီးကိၣ်မံၣ်န့ၣ်တက့ၢ်. လၢအခီၣ်ထံးတသီန့ၣ်သုကဘၣ်စူးကွံာ်ကိၣ်မံၣ်ခဲလၢာ် လၢသုဟံၣ်အပူၤတဖၣ်န့ၣ်လီၤ. အဂ့ၢ်ဒ်အံၤ, ပှၤတဂၤလၢ်လၢ်မ့ၢ်အီၣ်ဘၣ်ကိၣ်လၢတၢ်မၤအီၤလၢကိၣ် မံၣ်, လၢနွံသီအတီၢ်ပူၤန့ၣ်ကဘၣ်တၢ်ညိကွံာ်အီၤလၢယပှၤဂီၢ်မုၢ် အကျါန့ၣ်လီၤ.

လံာ်တၢ်ဟးထီၣ်ကွံာ် 12:39

အဝဲသ့ၣ်ဘၢကိၣ်တအိၣ်ဘၣ်ဒီးကိၣ်မံၣ်လၢကိၣ်ကမူၣ်ဃါဃုာ်ဒီးထံ လၢအဟဲစိာ်ဝဲလၢကီၢ်အဲၤကူပတူးအပူၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဘၣ်တၢ်နီၣ်ထီၣ်ကွံာ်အီၤလၢကီၢ်အဲၤကူ ပတူးအပူၤသတူၢ်ကလာ်အဃိတၢ်ဆၢကတီၢ်တအီၣ်ဘၣ်လၢက, ကတဲာ်ကတီၤအတၢ်အီၣ်မ့ၢ်ဂ့ၤ, ကတဲာ်ကတီၤကိၣ်ကမူၣ်ဃါဃုာ် ဒီးထံမ့ၢ်ဂ့ၤဘၣ်န့ၣ်လီၤ.

လံာ်လူၤကၣ် 11:8

အန့ၣ်ဒီး, တၢ်ကမၤအသးဒ်လဲၣ်. ယစံးဘၣ်တဲဘၣ်သု, အဝဲမ့ၢ်တဂဲၤဆၢထၢၣ်ဒီးဟ့ၣ်နၤကိၣ်လၢနမ့ၢ်အတံၤသကိး အဃိဘၣ်ဆၣ်ဒီး, အဝဲဒၣ်ကဂဲၤဆၢထၢၣ်ဟ့ၣ်နၤတၢ်ခဲလၢာ်ခဲဆ့လၢ နလိၣ်ဘၣ်အီၤမ့ၢ်လၢနဃ့ဝံၤဃ့က့ၤတၢ်န့ၣ်နတမဲာ်ဆှးဘၣ် အဃိလီၤ.

လံာ်လူၤကၣ် 14:23

လၢတၢ်န့ၣ်အဃိကစၢ်စံးဘၣ်အတၢ်ခ့တၢ်ပှၤ, ‘လဲၤဆူဒူသဝီကျဲမုၢ်ဒီးကျဲဖိတဖၣ်, ဒီးမၢပှၤဟဲဒ်သိးယဟံၣ်ကပှဲၤအဂီၢ်န့ၣ်တက့ၢ်.

လံာ်လူၤကၣ် 5:29

တုၤနုၤတစုစီၤလ့ၤဝံမၤတၢ်အီၣ်အမူးဖးဒိၣ်တမူးလၢအဟံၣ်ပူၤလၢယ့ၣ်ၡူး အဂီၢ်, ဒီးလၢပှၤဘၣ်တၢ်ကွဲအီၤသ့ၣ်တဖၣ်အကျါန့ၣ်အိၣ်ဃုာ်ဒီး ပှၤဃ့သွဲအါဒံအါဂၤဒီးပှၤအဂၤသ့ၣ်တဖၣ်လီၤ.

လံာ်ယိၤဟၣ် 12:2

ဖဲန့ၣ်, အဝဲသ့ၣ်ကတဲာ်ကတီၤဟါတၢ်အီၣ်လၢယ့ၣ်ၡူးအဂီၢ် ဒီးနီၢ်မၢ်သၤမၤစၢၤတၢ်လၢတၢ်လုၢ်အီၣ်လုၢ်အီဒီးစီၤလါစရူးမ့ၢ် ပှၤအီၣ်သကိးဃုာ်တၢ်ဒီးယ့ၣ်ၡူးအကျါတဂၤန့ၣ်လီၤ.

1 ကရံၣ်သူး 5:8

မ့မ့ၢ်ဒ်န့ၣ်ဒီး, မ်ပကမၤသကိးပဘူၣ်လဲၤကပာ်, တမ့ၢ်လၢကိၣ်အိၣ်ဒီးကိၣ်မံၣ်လီၢ်လံၤဘၣ်ဃးတၢ်ဒဲးဘးဒီးတၢ် အၢတၢ်သီန့ၣ်ဘၣ်. မ့မ့ၢ်, လၢကိၣ်တအိၣ်ဒီးကိၣ်မံၣ်, ကိၣ်ဘၣ်ဃးတၢ်ကဆှီဒီးတၢ်မ့ၢ်တၢ်တီန့ၣ်လီၤ.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

ဧ့ၤဘြံၤ 13:2

တဘၣ်သးပ့ၤနီၣ်တူၢ်တံၢ်တူၢ်သမှံၤတဂ့ၤ. အဂ့ၢ်ဒ်အံၤပှၤတနီၤနီၤလၢတၢ်တပာ်သူၣ်ပာ်သးဘၣ်အပူၤ တူၢ်လိာ်ဘၣ်ကလူးတဖၣ်လီၤ.

လံာ်ပှၤစံၣ်ညီၣ်ကွီၢ် 6:19

မၤသးဒ်န့ၣ်ဒီးစီၤကံဒဧိၣ်က့ၤနုာ်ဆူအဟံၣ်ပူၤဒီးဖီထီၣ် မဲာ်တဲးလဲးအစၢ်ဖိတဒုဒီးကိၣ်ကမူၣ်နာ်တဝာ်ဃၣ်ဃၣ်လၢကမၤဝဲ ကိၣ်တအိၣ်ဘၣ်ဒီးကိၣ်မံၣ်အဂီၢ်လီၤ. အဝဲဒၢနုာ်တၢ်ဖံးတၢ်ညၣ်လၢတီၣ်တဖျၢၣ်အပူၤဒီးတၢ်ညၣ်အထံလၢ သပၢၤတဖျၢၣ်အပူၤဒီးလဲၤစိာ်ဝဲဆူ ယွၤအကလူးအိၣ်လၢသ့ၣ်သ့ထိးဖၣ်အဖီလာ်ဒီးဟ့ၣ်အီၤလၢတၢ်န့ၣ် တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:24

ပိာ်မုၣ်န့ၣ်မၤချ့ချ့ဒီးမၤသံဂီၤဖံးတဒုလၢအဘုၣ်ဘီၣ်ထီၣ် တ့ၢ်ဃာ်ဝဲန့ၣ်လီၤ. အန့ၣ်ဝံၤဒီးဟံးန့ၢ်ဝဲကိၣ်ကမူၣ်တနီၤ, ကတဲာ်ကတီၤအီၤဒီးဘၢမံကိၣ်လၢတအိၣ်ဒီးကိၣ်မံၣ်ဘၣ်န့ၣ်လီၤ.