လံာ်တၢ်ကဲထီၣ်အခီၣ်ထံး 19:29 - Sgaw Karen Common Bible

²⁹ ဘၣ်ဆၣ်ဖဲကစၢ်ယွၤမၤဟးဂီၤကွံာ်တၢ်တြီၤန့ၣ်အဝ့ၢ်သ့ၣ်တဖၣ်လၢ စီၤလိာ်အိၣ်ဝဲဆိးဝဲန့ၣ်ယွၤသ့ၣ်နီၣ်ထီၣ်စီၤအၤဘြၤဟၣ်ဒီး ပျဲစီၤလိာ်ဃ့ၢ်ပူၤထီၣ်ဆူတၢ်ပူၤဖျဲးအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 19:29 Iomraidhean Croise

လံာ်တၢ်ကဲထီၣ်အခီၣ်ထံး 11:27

ဒီးအအံၤတဖၣ်မ့ၢ်စီၤတ့ရၤလၢအမ့ၢ်စီၤအၤဘြၣ်, စီၤနၤဃိၢ်ဒီးစီၤဟၤရၣ်အပၢ်အစၢၤအသွဲၣ်တဖၣ်န့ၣ်လီၤ. စီၤဟၤရၣ်မ့ၢ်စီၤလိာ်အပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 30:22

ဒီးကစၢ်ယွၤသ့ၣ်နီၣ်နီၢ်ရၤဃ့လး, ဒီးစံးဆၢအတၢ်ထုကဖၣ် လၢကအိၣ်ဒီးအဖိ အဂီၢ်လီၤ.

လံာ်တၢ်ကဲထီၣ်အခီၣ်ထံး 8:1

ဒီးကစၢ်ယွၤတသးပ့ၤနီၣ်စီၤနိအၤ, ဒီးကယဲၢ်ဆၣ်ဖိကီၢ်ဖိအိၣ် ဒီးအီၤလၢကဘီပူၤန့ၣ်ဘၣ်. အဝဲဒုးအူထီၣ်ကလံၤဒီးထံစးထီၣ်လီၤဝဲဒၣ်န့ၣ်လီၤ.

လံာ်စီၤနဃ့မယၤ 13:14

ယကစၢ်ယွၤဧၢ, သ့ၣ်နီၣ်ထီၣ်က့ၤကယဲၢ်တၢ်ခဲလၢာ်လၢယမၤတ့ၢ်ယဲလၢ နတၢ်လုၢ်ဟံၣ်ဒီးအတၢ်ဘူၣ်ထီၣ်ဘါထီၣ်နၤအဂီၢ်န့ၣ်တက့ၢ်.

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်စီၤယိၤဘး 35:8

လၢနတၢ်ဒဲးဘးတဖၣ်အဃိဒီးပှၤကညီကဒဲကဒဲဒ်နၤတူၢ်ဘၣ်တၢ်, ဒီးတၢ်အဂ့ၤလၢနမၤန့ၣ်, မၤစၢၤအီၤလီၤ.

စံးထီၣ်ပတြၢၤ 105:42

အဂ့ၢ်ဒ်အံၤ, အဝဲသ့ၣ်နီၣ်ထီၣ်က့ၤအတၢ်အၢၣ်လီၤအီလီၤစီဆှံ ဆူအခ့အပှၤစီၤအၤဘြၤဟၣ်န့ၣ်လီၤ.

စံးထီၣ်ပတြၢၤ 105:8

အဝဲသ့ၣ်နီၣ်ထီၣ်က့ၤ အတၢ်အၢၣ်လီၤအီလီၤအထူအယိာ်, အတၢ်ကတိၤလၢအမၤလိာ်ဝဲအစိၤတကထိလီၤ.

စံးထီၣ်ပတြၢၤ 106:4

ယွၤဧၢ, သ့ၣ်နီၣ်ထီၣ်က့ၤယၤဖဲနဒုးနဲၣ် တၢ်ကွၢ်မဲာ်နပှၤဂီၢ်မုၢ်, ဒီးမၤစၢၤယၤဖဲ နအုၣ်က့ၤခီၣ်က့ၤအဝဲသ့ၣ်, န့ၣ်တက့ၢ်

စံးထီၣ်ပတြၢၤ 136:23

ဒီးသ့ၣ်နီၣ်ထီၣ်က့ၤပှၤဖဲပဒုၣ်ပဒါမၤနၢၤပှၤ အကတီၢ်န့ၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 145:20

ယွၤပာ်မူပှၤလၢအအဲၣ်အီၤခဲလၢာ်, မ့မ့ၢ်အဝဲကမၤဟးဂီၤ ပှၤတတီတလိၤခဲလၢာ်န့ၣ်လီၤ.

စံးထီၣ်ပတြၢၤ 25:7

ယသးစၢ်အတၢ်ဒဲးဘးဒီးအတၢ်ကမၣ်သ့ၣ်တဖၣ်န့ၣ်ပျၢ်လၢ်ဘၣ်တက့ၢ်. ယွၤဧၢ, လၢနတၢ်အဲၣ်ဂၢၢ်ကျၢၤဒီး နတၢ်ဂ့ၤတၢ်ဝါအပူၤန့ၣ်, သ့ၣ်နီၣ်ထီၣ်က့ၤယၤတက့ၢ်.

လံာ်ယဃ့းစက့လး 14:16

ဒီးပှၤသၢဂၤန့ၣ်မ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, ယၤ, ယွၤပၢဘၣ်တၢ်ခဲလၢာ်ကစၢ်, ဒ်ယမ့ၢ်ကစၢ်ယွၤလၢအမူဝဲတဂၤအသိး, ယစံးယဲ, ပှၤသၢဂၤန့ၣ်အုၣ်က့ၤခီၣ်က့ၤအဝဲသ့ၣ်အဖိဒၣ်ဝဲတဖၣ် ဒၣ်လဲာ်တသ့ဘၣ်န့ၣ်လီၤ. အဝဲသ့ၣ်အုၣ်က့ၤခီၣ်က့ၤကသ့ဒၣ်ထဲ အသးသမူဒၣ်ဝဲတဖၣ်, ဒီးထံကီၢ်န့ၣ်ကကဲထီၣ်ပှၢ်မုၢ်ကနၢ တတီၤန့ၣ်လီၤ.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.

လံာ်သိၣ်လီၤသီလီၤတၢ် 9:27

သ့ၣ်နီၣ်ထီၣ်က့ၤနခ့နပှၤတဖၣ်, လၢအမ့ၢ်ဝဲစီၤအၤဘြၤဟၣ်, စီၤအံၤစဲးဒီးစီၤယၤကိာ်တက့ၢ်. ဒီးတဘၣ်ပာ်သူၣ်ပာ်သးလၢပှၤဂီၢ်မုၢ်အံၤအတၢ်ခိၣ်ကိၤ, ဒီးအတၢ်ဒဲးဘးအဂ့ၢ်န့ၣ်တဂ့ၤ.

လံာ်သိၣ်လီၤသီလီၤတၢ် 9:5

တမ့ၢ်လၢသုမ့ၢ်ပှၤတဖၣ်လၢအဂ့ၤဒီးမၤတၢ်လၢအဘၣ်အဃိဒီးယွၤ ပျဲသုမၤန့ၢ်ဘၣ်အဝဲသ့ၣ်အကီၢ်အံၤဘၣ်. ယွၤကနီၣ်ထီၣ်ကွံာ်အဝဲသ့ၣ်မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ် မ့ၢ်လၢအဝဲပာ်လီၤအသးလၢကဟံးဃာ်ဂၢၢ်ကျၢၤအတၢ်အၢၣ်လီၤအီလီၤ လၢအမၤတ့ၢ်ဝဲဒီးသုပၢ်ဖးဒိၣ်လၢပျၢၤတဖၣ်ဒ်စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အဃိန့ၣ်လီၤ.

၂ ပ့းတရူး 2:7

အဝဲမၤပူၤဖျဲးစီၤလိာ်, ပှၤအဂ့ၤတဂၤလၢအသးဘၣ်ကိၢ်ဘၣ်ဂီၤလၢပှၤအအၢအသီတဖၣ် အတၢ်ကလုာ်ကလိၤအဃိလီၤ.