လံာ်တၢ်ကဲထီၣ်အခီၣ်ထံး 19:26 - Sgaw Karen Common Bible

²⁶ ဘၣ်ဆၣ်ဒီး, စီၤလိာ်အမါကွၢ်ကဒါက့ၤတၢ်ဆူအလီၢ်ခံ ဒီးကဲထီၣ်အံသၣ်ထူၣ်တထူၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 19:26 Iomraidhean Croise

လံာ်တၢ်ကဲထီၣ်အခီၣ်ထံး 19:17

အန့ၣ်ဝံၤဒီးကလူးအကျါတဂၤန့ၣ်စံးဘၣ်အီၤ, “ဃ့ၢ်လၢသုသးသမူအဂီၢ်တက့ၢ်. ကွၢ်ဆူလီၢ်ခံတဂ့ၤ. ဒီးအိၣ်ကတီၢ်လၢတၢ်တြီၤပူၤတဂ့ၤ. ဃ့ၢ်ဆူတၢ်လူၢ်တဖၣ်အလိၤဒ် သိးသုသုတဘၣ်တၢ်မၤသံအီၤတဂ့ၤအဂီၢ်န့ၣ်တက့ၢ်.”

တၢ်ကတိၤဒိ. 14:14

ပှၤအၢပှၤသီတဖၣ်ကဒိးန့ၢ်တၢ်ကြၢးဒီးအီၤလီၤ. ပှၤဂ့ၤပှၤဝါတဖၣ်ကဘၣ်တၢ်ဟ့ၣ်ဘျုးအီၤလၢအတၢ်မၤတဖၣ်အဃိလီၤ.

လံာ်တၢ်ဂံၢ် 16:38

အဝဲသ့ၣ်ကဲထီၣ်တ့ၢ်တၢ်စီဆှံဖဲအဘၣ်တၢ်ဟ့ၣ်ထီၣ်အီၤဆူယွၤ အတၢ်လုၢ်လီၢ်အကတီၢ်န့ၣ်လီၤ. မၤသးဒ်န့ၣ်ဒီး, ဟံးထီၣ်ကွံာ်ပှၤတဖၣ်လၢအဘၣ်တၢ်မၤသံအီၤအ သပၢၤမ့ၣ်အူလၢအဝဲသ့ၣ်အတၢ်ဒဲးဘးအဂီၢ်ဒီးပိာ်ကဲထီၣ်အီၤဆူ လီခီအဘူဒီးမၤတၢ်ခိၣ်ကျၢၢ်တခါလၢတၢ်လုၢ်လီၢ်အဂီၢ်တက့ၢ်. တၢ်န့ၣ်ကမ့ၢ်တၢ်ဟ့ၣ်ပလီၢ်တမံၤဆူကီၢ်အံၣ်စရ့လးအပှၤဂီၢ်မုၢ် န့ၣ်လီၤ.”

ဧ့ၤဘြံၤ 10:38

ဘၣ်ဆၣ်ဒီးယပှၤဂီၢ်မုၢ်အတီအလိၤန့ၣ် ကမူဝဲလၢတၢ်နာ်လီၤ. ဘၣ်ဆၣ်အဝဲသ့ၣ်အကျါတဂၤမ့ၢ်ဂုၤက့ၤဆူအလီၢ်ခံဒီး ယတဘၣ်သူၣ်ဘၣ်သးလၢၤအီၤဘၣ်.