လံာ်တၢ်ကဲထီၣ်အခီၣ်ထံး 19:2 - Sgaw Karen Common Bible

² ဒီးစံးဝဲ, “တၢ်ဒိၣ်သ့ၣ်ဧၢ, ယအိၣ်ဖဲအံၤလၢတၢ်တူၢ်လိာ်သု အဂီၢ်လီၤ. ဝံသးစူၤဟဲနုာ်လၢယဟံၣ်ပူၤတက့ၢ်. သုသ့သုခီၣ်ဒီးမံဖဲအံၤသ့ဝဲလီၤ. ဒီးလၢမုၢ်ဂီၤန့ၣ်သု ပၢၢ်ထီၣ်ဂီၤဂီၤဒီးသုလဲၤသုကျဲသ့ဝဲလီၤ.” ဘၣ်ဆၣ်အဝဲသ့ၣ်စံးဆၢဝဲ, “ပကမၤလၢာ်မုၢ်နၤလၢဝ့ၢ်အဂၢၤပူၤန့ၣ်လီၤ.”

လံာ်တၢ်ကဲထီၣ်အခီၣ်ထံး 19:2 Iomraidhean Croise

လံာ်တၢ်ကဲထီၣ်အခီၣ်ထံး 18:4

ပျဲယဟဲစိာ်န့ၢ်သုထံတစဲးလၢသုကသ့သုခီၣ်န့ၣ်တက့ၢ်. သုအိၣ်ဘှံးလၢသ့ၣ်ကဒုအံၤသ့ဝဲဒၣ်လီၤ.

လံာ်တၢ်ကဲထီၣ်အခီၣ်ထံး 19:1

ဒီးတုၤမုၢ်ဟါလီၤဖဲကလူးခံဂၤဟဲတုၤဝ့ၢ်စဒိၣ်န့ၣ်စီၤလိာ် ဆ့ၣ်နီၤဝဲဖဲဝ့ၢ်အကျဲစၢၤန့ၣ်လီၤ. ဒီးတုၤအထံၣ်ဝဲအဝဲသ့ၣ်တဘျီဃီန့ၣ်ဂဲၤဆၢထၢၣ်ဒီးလဲၤသဂၢၢ် အဝဲသ့ၣ်န့ၣ်လီၤ. ဒီးတီၤလီၤလၢအဝဲသ့ၣ်အမဲာ်ညါ,

လံာ်တၢ်ကဲထီၣ်အခီၣ်ထံး 19:3

စီၤလိာ်ကွဲဆူၣ်အဝဲသ့ၣ်ဒီးလၢခံကတၢၢ်န့ၣ်အဝဲသ့ၣ်လဲၤဃုာ် ဒီးအီၤဆူအဟံၣ်လီၤ. စီၤလိာ်မၤလိာ်အခ့အပှၤတဖၣ်လၢကကုၢ်ကိၣ်တစဲးဒီးကတဲာ်ကတီၤတၢ် အီၣ်တၢ်အီအဂ့ၤလၢပှၤတမှံၤသ့ၣ်တဖၣ်အဂီၢ်လီၤ. ဒီးတုၤအဘၣ်တၢ်ကတဲာ်ကတီၤအီၤဝံၤန့ၣ်အဝဲသ့ၣ်အီၣ်ဝဲဒၣ်လီၤ.

လံာ်တၢ်ကဲထီၣ်အခီၣ်ထံး 24:31

ဒီးစံးဝဲ, “ဟဲဆူဟံၣ်ဒီးယၤတက့ၢ်. နမ့ၢ်ပှၤတဂၤလၢယွၤ ဆိၣ်ဂ့ၤတ့ၢ်အီၤန့ၣ်လီၤ. ဘၣ်မနုၤလၢနဆၢထၢၣ်ဖဲတၢ်ချၢအံၤန့ၣ်လဲၣ်. ယအိၣ်ဒီးဒၢးတဖျၢၣ်ကတဲာ်ကတီၤအသးလၢနဂီၢ်လၢယဟံၣ်ပူၤဒီးတၢ် လီၢ်တတီၤလၢနကီၤလၤအူးသ့ၣ်တဖၣ်အဂီၢ်စ့ၢ်ကီးလီၤ.”

လံာ်တၢ်ကဲထီၣ်အခီၣ်ထံး 43:24

တၢ်ခ့တၢ်ပှၤန့ၣ်လဲၤကိးပှၤဒီပုၢ်ဝဲၢ်ခွါတဖၣ်ဆူဟံၣ်ပူၤန့ၣ် လီၤ. ဒီးဟ့ၣ်အဝဲသ့ၣ်လၢထံဒ်သိးကသ့အခီၣ်ဒီးဒုးအီၣ်အဝဲသ့ၣ် အကသ့ၣ်ယီၤတဖၣ်အဆၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:8

အန့ၣ်ဝံၤဒီး, အဝဲစံးဘၣ်စီၤအူၤရံယၤ, က့ၤဆူနဟံၣ်ဒီးအိၣ်ဘှံးတစိၢ်တလီၢ်တက့ၢ်. စီၤအူၤရံယၤဟးထီၣ်ဝဲ ဒီးစီၤဒၤဝံးဆှၢလီၤတၢ်ဟ့ၣ်တမံၤဆူအဟံၣ်န့ၣ်လီၤ.

လံာ်စီၤယိၤဘး 31:32

ယကွဲမုာ်တ့ၢ်ပှၤလဲၤတၢ်ဖိသ့ၣ်တဖၣ်ဆူဟံၣ်ပူၤဒီးတပျဲဘၣ် အဝဲသ့ၣ်ကမံလၢကျဲခိၣ်နီတဘျီဘၣ်.

တၢ်ကတိၤဒိ. 25:17

လဲၤအိၣ်သကိးပှၤလၢနဃၢၤခဲခဲအံၤတဂ့ၤ. အသးကလီၤဘှံးလၢနဃိ, ဒီးကသးဟ့ဘၣ်ဖုးနၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:3

ယဘ့ၣ်လီၤကွံာ်လံယတၢ်ကူတၢ်ကၤလံ, ဘၣ်မနုၤယဘၣ်ကူထီၣ်ကၤထီၣ်က့ၤကဒီးလဲၣ်. ယသ့ယခီၣ်ဝံၤလံ, ဘၣ်မနုၤယဘၣ်မၤဘၣ်အၢကဒီးအီၤလဲၣ်.

လံာ်လူၤကၣ် 7:44

တုၤနုၤတစုယ့ၣ်ၡူးဃၣ်ဃီၤအသးဆူပိာ်မုၣ်အအိၣ်ဒီးစံးဘၣ်စီၤၡံမိၣ်, “နထံၣ်ပိာ်မုၣ်တဂၤအံၤကစီဒီဧါ. ယဟဲနုာ်ဆူနဟံၣ်ပူၤဒီး နတဟ့ၣ်ယၤထံလၢယခီၣ်အဂီၢ်နီတစဲးဘၣ်. မ့မ့ၢ်အဝဲဒၣ်သ့ကွံာ်ယခီၣ်လၢအမဲာ်ထံ, ဒီးတြူာ်သူထီၣ်က့ၤဝဲလၢအခိၣ်သူလီၤ.

လံာ်ယိၤဟၣ် 13:5

ဝံၤဒီးအဝဲလူလီၤထံလၢသရာ်အပူၤဒီးစးထီၣ်သ့အပျဲၢ်အဘီၣ် တဖၣ်အခီၣ်ဒီးထွါသူထီၣ်က့ၤဝဲလၢတၢ်ကံးယာ်လၢအစၢဃာ် အယီၢ်ဒ့တဘ့ၣ်န့ၣ်လီၤ.

မၤတၢ် 16:15

အဝဲဒၣ်ဒီးအပှၤဟံၣ်ဖိဃီဖိတဖၣ်ဘၣ်တၢ်ဘျၢအီၤလၢထံလီၤ. အန့ၣ်ဝံၤအလီၢ်ခံအဝဲဒၣ်ကွဲပှၤဒီးစံးဝဲ, “သုမ့ၢ်ပာ်ယၤလၢယမ့ၢ်ပှၤစူၢ်က့ၤနာ်က့ၤကစၢ်နီၢ်နီၢ်န့ၣ်, ဟဲအိၣ်လၢယဟံၣ်တက့ၢ်.” ဒီးအဝဲဒၣ်ကိးပှၤသပှၢ်ပှၢ်တုၤ ပလဲၤတစုလီၤ.

ဧ့ၤဘြံၤ 13:2

တဘၣ်သးပ့ၤနီၣ်တူၢ်တံၢ်တူၢ်သမှံၤတဂ့ၤ. အဂ့ၢ်ဒ်အံၤပှၤတနီၤနီၤလၢတၢ်တပာ်သူၣ်ပာ်သးဘၣ်အပူၤ တူၢ်လိာ်ဘၣ်ကလူးတဖၣ်လီၤ.