လံာ်တၢ်ကဲထီၣ်အခီၣ်ထံး 19:17 - Sgaw Karen Common Bible

¹⁷ အန့ၣ်ဝံၤဒီးကလူးအကျါတဂၤန့ၣ်စံးဘၣ်အီၤ, “ဃ့ၢ်လၢသုသးသမူအဂီၢ်တက့ၢ်. ကွၢ်ဆူလီၢ်ခံတဂ့ၤ. ဒီးအိၣ်ကတီၢ်လၢတၢ်တြီၤပူၤတဂ့ၤ. ဃ့ၢ်ဆူတၢ်လူၢ်တဖၣ်အလိၤဒ် သိးသုသုတဘၣ်တၢ်မၤသံအီၤတဂ့ၤအဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 19:17 Iomraidhean Croise

လံာ်တၢ်ကဲထီၣ်အခီၣ်ထံး 13:10

စီၤလိာ်ကွၢ်တၢ်ဝးဝးဒီးထံၣ်ဝဲဒၣ်လၢထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါကျဲတရဲာ်ဃီဆူဝ့ၢ်စိၤဧၢ်န့ၣ်ထံအိၣ်လၢလၢလီၣ် လီၣ်လီၤဂာ်ဒ်ယွၤအတၤသၣ်လီၢ်အသိးမ့ၢ်ဂ့ၤ, လီၤဂာ်ဒ်ကီၢ်အဲၤကူပတူးအသိးမ့ၢ်ဂ့ၤန့ၣ်လီၤ. (အအံၤမ့ၢ်တၢ်အကတီၢ်လၢယွၤတချုးမၤဟးဂီၤဝ့ၢ်စဒိၣ်ဒီးဂမိၤ ရၤဒံးဘၣ်န့ၣ်လီၤ.)

လံာ်တၢ်ကဲထီၣ်အခီၣ်ထံး 14:10

ဒီးစံးဒံၣ်အတၢ်တြီၤပူၤန့ၣ်ပှဲၤဒီးကျဲတံးအပူၤတဖၣ်ဒီးဖဲ စဒိၣ်ဒီးဂမိၤရၤအစီၤပၤတဖၣ်ဃ့ၢ်ကွံာ်လၢတၢ်ဒုးဒီးလီၤတဲာ် လၢတၢ်ပူၤန့ၣ်လီၤ. ဘၣ်ဆၣ်ဒီးစီၤပၤအဂၤတဖၣ်ဃ့ၢ်ပူၤဖျဲးဝဲဆူကစၢၢ်ကလိန့ၣ် လီၤ.

လံာ်တၢ်ကဲထီၣ်အခီၣ်ထံး 18:22

တုၤနုၤတစု, ပှၤခံဂၤန့ၣ်ဟးထီၣ်ဒီးလဲၤဝဲလိၤလိၤဆူဝ့ၢ် စဒိၣ်လီၤ. မ့မ့ၢ်ယွၤအိၣ်လီၤတဲာ်ဒီးစီၤအၤဘြၤဟၣ်လီၤ.

လံာ်တၢ်ကဲထီၣ်အခီၣ်ထံး 19:18

ဒီးစီၤလိာ်စံးဆၢဝဲ, “တသ့ဘၣ်. တၢ်ဒိၣ်ဧၢ, ဝံသးစူၤမၢပမၤတၢ်န့ၣ်တဂ့ၤ.

လံာ်တၢ်ကဲထီၣ်အခီၣ်ထံး 19:22

မၤချ့ချ့. ဃ့ၢ်တက့ၢ်. တချုးနလဲၤတုၤဖဲန့ၣ်ဘၣ်ဒီး, ယမၤတၢ်တသ့နီတမံၤဘၣ်. မ့ၢ်လၢစီၤလိာ်ကိးအီၤလၢတၢ်အဆံးအဃိ ဝ့ၢ်အံၤဘၣ်တၢ်ကိးအီၤလၢဝ့ၢ်စိၤဧၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 19:26

ဘၣ်ဆၣ်ဒီး, စီၤလိာ်အမါကွၢ်ကဒါက့ၤတၢ်ဆူအလီၢ်ခံ ဒီးကဲထီၣ်အံသၣ်ထူၣ်တထူၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 19:30

ဒီးမ့ၢ်လၢစီၤလိာ်ပျံၤတၢ်လၢကအိၣ်ဝဲဆိးဝဲလၢဝ့ၢ်စိၤဧၢ်အ ဃိ အဝဲဒီးအဖိမုၣ်ခံဂၤလဲၤထီၣ်ဆူတၢ်လူၢ်တဖၣ်ဒီးအိၣ်ဝဲဆိး ဝဲလၢလၢၢ်ကအိတခါအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:12

နမ့ၢ်အဲၣ်ဒိးနသးသမူဒီးနဖိခွါစီၤၡလိၤမိၤအသးသမူပူၤ ဖျဲးန့ၣ်, ယကဟ့ၣ်ကူၣ်နၤဒ်အံၤ,

လံာ်စီၤပၤအခီၣ်ထံးတဘ့ၣ် 19:3

စီၤအ့ၤလံယၤပျံၤတၢ်ဒီးဃ့ၢ်ပူၤဖျဲးလၢအသးသမူအဂီၢ်လီၤ. အဝဲကိးထီၣ်အခ့အပှၤဒီးလဲၤဝဲဆူဝ့ၢ်ဘ့ၢ်ၡဘၤလၢကီၢ်ယူဒၤ အပူၤန့ၣ်လီၤ. အဝဲပာ်တီၢ်အခ့အပှၤဖဲန့ၣ်,

စံးထီၣ်ပတြၢၤ 121:1

ယကကျ့ထီၣ်ယမဲာ်ဆူကစၢၢ်ကလိ ဖဲတၢ်မၤစၢၤယၤဟဲဝဲလီၤ.

လံာ်ယံးရမံယၤ 48:6

အဝဲသ့ၣ် စံးဝဲဒၣ်, ‘မၤချ့ချ့ဃ့ၢ်ကွံာ်လၢသုသးသမူအဂီၢ်တက့ၢ်. ဃ့ၢ်ဒ်မဲးမုၢ်ခိၣ်ကသ့ၣ်ယီၤမံၤတဒုအသိးန့ၣ်တက့ၢ်,’

လံာ်တၢ်ဂံၢ် 16:26

အဝဲဒၣ်စံးဘၣ်ပှၤဂီၢ်မုၢ်, “ဆၢထၢၣ်ယံၤဒီးပှၤတတီတလိၤတဖၣ် အံၤအဒဲတဖၣ်ဒီးထိးဘူးတၢ်ဘၣ်ဃးဒီးအဝဲသ့ၣ်န့ၣ်နီတမံၤတ ဂ့ၤ. မ့တမ့ၢ်ဘၣ်ဒီး, သုကဘၣ်တၢ်တြူာ်ကွံာ်သုဃုာ်ဒီးအဝဲသ့ၣ်အတၢ် ဒဲးဘးတဖၣ်န့ၣ်လီၤ.”

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်လူၤကၣ် 12:23

တၢ်အိၣ်မူန့ၣ်အကါဒိၣ်န့ၢ်ဒံးတၢ်အီၣ်တၢ်အီ, ဒီးနီၢ်ခိန့ၣ်အကါဒိၣ်န့ၢ်ဒံးတၢ်ကူတၢ်သိးတက့ၢ်လီၤ.

လံာ်လူၤကၣ် 9:62

ယ့ၣ်ၡူးစံးဘၣ်အီၤ, “ပှၤတဂၤဂ့ၤတဂၤဂ့ၤလၢအထူထီၣ်စံာ်ဒီး ကွၢ်ကဒါက့ၤဆူအလီၢ်ခံတလီၢ်လီၢ်န့ၣ်, အဘျုးအဖှိၣ်တအိၣ်ဝဲလၢ ကစၢ်ယွၤအဘီအမုၢ်အဂီၢ်နီတမံၤဘၣ်.”

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:11

မုၢ်တနၤဃီန့ၣ်, စီၤစီလူးမၢလီၤပှၤလဲၤခိးကွၢ်စီၤဒၤဝံး အဟံၣ်ဒီးမၢအမၤသံကွံာ်အီၤလၢမုၢ်ဆ့ၣ်ထီၣ်န့ၣ်လီၤ. စီၤဒၤဝံးအမါနီၢ်မံကၤလးဟ့ၣ်ပလီၢ်အီၤ, “နမ့ၢ်တဟးထီၣ်ကွံာ်တနၤညါအံၤန့ၣ်, ခဲမုၢ်ဆ့ၣ်နကသံလီၤ.”