လံာ်တၢ်ကဲထီၣ်အခီၣ်ထံး 18:9 - Sgaw Karen Common Bible

⁹ ဒီးအဝဲသ့ၣ်သံကွၢ်အီၤ, “နမါနီၢ်စၤရါအိၣ်ဖဲလဲၣ်.” ဒီးစီၤအၤဘြၤဟၣ်စံးဆၢ, “အိၣ်ဝဲလၢဒဲပူၤလီၤ.”

လံာ်တၢ်ကဲထီၣ်အခီၣ်ထံး 18:9 Iomraidhean Croise

လံာ်တၢ်ကဲထီၣ်အခီၣ်ထံး 18:10

ဒီးလၢအဝဲသ့ၣ်အကျါတဂၤစံးဝဲ, “စးထီၣ်ခဲအံၤဒီးဆူညါ ခွံလါန့ၣ်ယကဟဲက့ၤဒီးနမါနီၢ်စၤရါကအိၣ်ဒီးအဖိခွါတဂၤလီၤ.” နီၢ်စၤရါအိၣ်လၢအဝဲအလီၢ်ခံဖဲဒဲအတြဲၤဒီးဒိကနၣ်တၢ်လီၤ.

လံာ်တၢ်ကဲထီၣ်အခီၣ်ထံး 18:8

ဒီးဟံးန့ၢ်တၢ်နုၢ်ထံလီၤသကၤ, တၢ်နုၢ်ထံဒီးတၢ်ညၣ်, ဒီးကတဲာ်ကတီၤတၢ်အီၣ်တၢ်အီလၢအဝဲသ့ၣ်အမဲာ်ညါန့ၣ်လီၤ. ဒီးစီၤအၤဘြၤဟၣ်အနီၢ်ကစၢ်ဒၣ်ဝဲဒုးအီၣ်ဒုးအီအဝဲသ့ၣ်လၢ သ့ၣ်အဖီလာ်, ဒီးအဝဲသ့ၣ်အီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:67

တုၤနုၤတစု, စီၤအံၤစဲးကိးနုာ်နီၢ်ရံးဘကၤဆူအမိၢ်နီၢ်စၤ ရါအဒဲပူၤဒီးနီၢ်ရံးဘကၤကဲထီၣ်အမါန့ၣ်လီၤ. စီၤအံၤစဲးအဲၣ်နီၢ်ရံးဘကၤသတးဒီးအသးမုာ်ထီၣ်က့ၤဝဲလၢတၢ် ဘၣ်မိၣ်ဘၣ်မးလၢအမိၢ်တအိၣ်လၢၤဘၣ်အဂ့ၢ်အဃိလီၤ.

လံာ်တၢ်ကဲထီၣ်အခီၣ်ထံး 3:9

ဘၣ်ဆၣ်ယွၤ, ကစၢ်ယွၤကိးထီၣ်ပိာ်ခွါ, “နအိၣ်ဖဲလဲၣ်.”

လံာ်တၢ်ကဲထီၣ်အခီၣ်ထံး 31:33

စီၤလၤဘၣ်လဲၤဃုစီၤယၤကိာ်အဒဲ, ဝံၤဒီးလဲၤဆူနီၢ်လ့ၤအၤ အဒဲဒီးကုၢ်ပိာ်မုၣ်ခံဂၤအဒဲန့ၣ်လီၤ. ဘၣ်ဆၣ်ဒီး, တထံၣ်န့ၢ်အကစၢ်တဖၣ်န့ၣ်ဘၣ်. တုၤနုၤတစု, အဝဲလဲၤနုာ်ဆူနီၢ် ရၤဃ့လးအဒဲပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 4:9

ဒီးယွၤသံကွၢ်စီၤကၤယံၣ်, “နပုၢ်စီၤဟ့းဘ့းလးန့ၣ်အိၣ်ဖဲလဲၣ်.” ဒီးအဝဲဒၣ်စံးဆၢဝဲ, “ယတသ့ၣ်ညါဘၣ်. နဆိကမိၣ်ယမ့ၢ်ပှၤဘၣ်ကွၢ် ထွဲယပုၢ်ဧါ.”

တံတူး 2:5

ကပၢၤသူၣ်ပၢၤသးဒီးကကဆှီဝဲ, ဒီးကမ့ၢ်မါလၢအကွၢ်ဟံၣ်ကွၢ်ဃီဂ့ၤဂ့ၤလၢအစူၢ်အဝၤ အကလုၢ်တဖၣ်, ဒ်သိးပှၤသုတကတိၤအၢတၢ်သးခုကစီၣ်လၢ အဟဲလၢကစၢ်ယွၤအအိၣ်တဂ့ၤအဂီၢ်န့ၣ်လီၤ.

ဧ့ၤဘြံၤ 11:9

လၢတၢ်စူၢ်တၢ်နာ်န့ၣ်, စီၤအၤဘြၤဟၣ်အိၣ်ဝဲဆိးဝဲလၢကီၢ် တၢ်စံးပာ်တဘ့ၣ်အပူၤဒ်ပှၤသမှံၤတဂၤအသိး ဒီးအိၣ်ဝဲဆိးဝဲလၢဒဲအပူၤဒ်စီၤအံၤစဲးဒီးစီၤယၤကိာ်, ပှၤလၢအကန့ၢ်သါဃုာ်တၢ်စံးပာ်တမံၤဃီဒီးအီၤတဖၣ် အသိးန့ၣ်လီၤ.