လံာ်တၢ်ကဲထီၣ်အခီၣ်ထံး 18:7 - Sgaw Karen Common Bible

⁷ ဒီးစီၤအၤဘြၤဟၣ်လဲၤဃ့ၢ်ဆူဂီၤဖံးတဖုအအိၣ်ဒီးမၤန့ၢ်ဂီၤ ဖံးဖိလၢအညၣ်ကပုာ်ဒီးဘီၣ်ဝဲတဒုဒီးဟ့ၣ်လီၤဝဲဆူအကုၢ်တဂၤ အအိၣ်လၢကကတဲာ်ကတီၤအီၤချ့သဒံးအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 18:7 Iomraidhean Croise

လံာ်တၢ်ကဲထီၣ်အခီၣ်ထံး 18:6

ဒီးစီၤအၤဘြၤဟၣ်ဟဲက့ၤချ့သဒံးဆူအဒဲပူၤဒီးစံးဘၣ်နီၢ် စၤရါ, “မၤချ့ချ့ဒီးဟံးန့ၢ်နကိၣ်ကမူၣ်လၢအဂ့ၤကတၢၢ်တထၢၣ်ဒီး ကုၢ်ကိၣ်တနီၤတက့ၢ်.

လံာ်တၢ်ကဲထီၣ်အခီၣ်ထံး 18:8

ဒီးဟံးန့ၢ်တၢ်နုၢ်ထံလီၤသကၤ, တၢ်နုၢ်ထံဒီးတၢ်ညၣ်, ဒီးကတဲာ်ကတီၤတၢ်အီၣ်တၢ်အီလၢအဝဲသ့ၣ်အမဲာ်ညါန့ၣ်လီၤ. ဒီးစီၤအၤဘြၤဟၣ်အနီၢ်ကစၢ်ဒၣ်ဝဲဒုးအီၣ်ဒုးအီအဝဲသ့ၣ်လၢ သ့ၣ်အဖီလာ်, ဒီးအဝဲသ့ၣ်အီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 19:3

စီၤလိာ်ကွဲဆူၣ်အဝဲသ့ၣ်ဒီးလၢခံကတၢၢ်န့ၣ်အဝဲသ့ၣ်လဲၤဃုာ် ဒီးအီၤဆူအဟံၣ်လီၤ. စီၤလိာ်မၤလိာ်အခ့အပှၤတဖၣ်လၢကကုၢ်ကိၣ်တစဲးဒီးကတဲာ်ကတီၤတၢ် အီၣ်တၢ်အီအဂ့ၤလၢပှၤတမှံၤသ့ၣ်တဖၣ်အဂီၢ်လီၤ. ဒီးတုၤအဘၣ်တၢ်ကတဲာ်ကတီၤအီၤဝံၤန့ၣ်အဝဲသ့ၣ်အီၣ်ဝဲဒၣ်လီၤ.

လံာ်ဧၤမိၣ် 6:4

ပှၤလၢအမံလီၤလၢလီၢ်မံခးကဆီမဲတဖၣ်ဒီးစူၣ်လီၤအသးလၢ အလီၢ်ဖူကပုာ်တဖၣ်အဖီခိၣ်, ဒီးအီၣ်သိဖိအဘီၣ်ကတၢၢ်တဖၣ်လၢသိကရၢ, ဂီၤဖံးအဘီၣ်တဖၣ်လၢအကရၢၢ်ပူၤသ့ၣ်ဧၢ, သုဘၣ်အဖှီၣ်လီၤ.

လံာ်မၤလကံ 1:14

ဒီးပှၤလၢအအၢၣ်လီၤအသးလၢကလုၢ်ထီၣ်ဆၣ်ဖိကီၢ်ဖိလၢ အဂ့ၤဘၣ်ဆၣ်လုၢ်ထီၣ်ဆၣ်ဖိကီၢ်ဖိလၢတဂိာ်တသီၣ်န့ၣ်မ့ၢ် ပှၤလီတၢ်ဒီးဘၣ်ဆိၣ်အၢဝဲလီၤ. အဂ့ၢ်ဒ်အံၤ, မ့ၢ်စီၤပၤဖးဒိၣ်ဒီး ပှၤကလုာ်ခဲလၢာ်ပျံၤယၤလီၤ.”

လံာ်မးသဲ 22:4

မၤကဒီးတစု, အဝဲဆှၢလီၤအခ့အပှၤအဂၤတဖၣ်ဒီးစံးဝဲ, ‘လဲၤဒီးစံးဘၣ်တဲဘၣ်ပှၤလၢအဘၣ်တၢ်ကွဲမုာ်အီၤတဖၣ် လၢယကတဲာ်ကတီၤမူးအတၢ်အီၣ်တၢ်အီဝံၤလံ. ယဂီၤဖံးဖါဒီးဂီၤဖံးဖိလၢအဘီၣ်တဖၣ်ဘၣ်တၢ်မၤသံအီၤလံ. ဒီးတၢ်ခဲလၢာ်အိၣ်ကတဲာ်ကတီၤအသးလံ. ဟဲဆူတၢ်ဖျီအမူးတက့ၢ်.’

လံာ်လူၤကၣ် 15:23

အန့ၣ်ဝံၤအလီၢ်ခံ, လဲၤမၤန့ၢ်ဂီၤဖံးဖိလၢအဘီၣ်တဒုဒီးမၤသံအီၤ, ဝံၤဒီး မ်ပကသူၣ်ဖှံသးညီသကိးခီဖျိတၢ်အီၣ်တၢ်အီအမူးန့ၣ်တက့ၢ်.

လံာ်လူၤကၣ် 15:27

တၢ်ခ့တၢ်ပှၤစံးဆၢအီၤ, ‘နဒီပုၢ်ဝဲၢ်ခွါဟဲက့ၤတုၤဟံၣ်, ဒီးနပၢ်မၤသံဂီၤဖံးဖိလၢအဘီၣ်တဒု, အဂ့ၢ်မ့ၢ်လၢအဝဲဒၣ်ဟဲက့ၤတုၤဂ့ၤဂ့ၤဘၣ်ဘၣ်အဃိလီၤ.’

လံာ်လူၤကၣ် 15:30

မ့မ့ၢ်နဖိခွါတဂၤအံၤမၤလၢာ်ဂီၤနတၢ်စုလီၢ်ခီၣ်ခိၣ်ခဲလၢာ်လၢတၢ်ဂဲၤ ဃုာ်ဒီးဃဲသဲမုၣ်, ဒီးဖဲအဝဲဒၣ်ဟဲက့ၤတုၤဟံၣ်န့ၣ်နမၤသံဂီၤဖံးဖိအဘီၣ်ကတၢၢ် တဒုလၢအဝဲဒၣ်အဂီၢ်လီၤ.’

လံာ်စီၤၡမူၤအ့လးအခီၣ်ထံးတဘ့ၣ် 28:24

ပိာ်မုၣ်န့ၣ်မၤချ့ချ့ဒီးမၤသံဂီၤဖံးတဒုလၢအဘုၣ်ဘီၣ်ထီၣ် တ့ၢ်ဃာ်ဝဲန့ၣ်လီၤ. အန့ၣ်ဝံၤဒီးဟံးန့ၢ်ဝဲကိၣ်ကမူၣ်တနီၤ, ကတဲာ်ကတီၤအီၤဒီးဘၢမံကိၣ်လၢတအိၣ်ဒီးကိၣ်မံၣ်ဘၣ်န့ၣ်လီၤ.