လံာ်တၢ်ကဲထီၣ်အခီၣ်ထံး 18:5 - Sgaw Karen Common Bible

⁵ ယကဟဲစိာ်စ့ၢ်ကီးတၢ်အီၣ်တဆံးတက့ၢ်လၢသုကန့ၢ်ဂံၢ်န့ၢ်ဘါအဂီၢ် ဒီးလၢသုကလဲၤကဒီးတၢ်ဆူညါအဂီၢ်န့ၣ်လီၤ. သုဟဲဆူယဟံၣ်အဃိဒီးမ့ၢ်သုမၤလၤကပီၤယၤလီၤ. မၤသးဒ်န့ၣ်ဒီး, ပျဲယတူၢ်လိာ်သုတက့ၢ်.” ဒီးအဝဲသ့ၣ်စံးဆၢဝဲ, “တၢ်ဘျုး, ပတူၢ်လိာ်အီၤလီၤ.”

လံာ်တၢ်ကဲထီၣ်အခီၣ်ထံး 18:5 Iomraidhean Croise

လံာ်တၢ်ကဲထီၣ်အခီၣ်ထံး 18:6

ဒီးစီၤအၤဘြၤဟၣ်ဟဲက့ၤချ့သဒံးဆူအဒဲပူၤဒီးစံးဘၣ်နီၢ် စၤရါ, “မၤချ့ချ့ဒီးဟံးန့ၢ်နကိၣ်ကမူၣ်လၢအဂ့ၤကတၢၢ်တထၢၣ်ဒီး ကုၢ်ကိၣ်တနီၤတက့ၢ်.

လံာ်တၢ်ကဲထီၣ်အခီၣ်ထံး 19:8

ကွၢ်, ယအိၣ်ဒီးယဖိမုၣ်ခံဂၤလၢအအိၣ်ဒံးဒၣ်မုၢ်ကနီၤဆှံဆှံ လီၤ. ပျဲယဟဲစိာ်ထီၣ်န့ၢ်အီၤဆူသုအိၣ်ဒီးသုမၤအဝဲသ့ၣ်ဖဲတၢ် မိၣ်မၤသုသးသ့ဝဲလီၤ. မ့မ့ၢ်ပှၤတဖၣ်အံၤမၤအီၤလၢတၢ်နီတမံၤတဂ့ၤ. အဝဲသ့ၣ်မ့ၢ်ဒၣ်ပှၤတမှံၤလၢယဟံၣ်ပူၤဒီးယကဘၣ်ဒီဒၣ်အိၣ်ပှိၤ အီၤန့ၣ်လီၤ.”

လံာ်တၢ်ကဲထီၣ်အခီၣ်ထံး 33:10

စီၤယၤကိာ်စံးဝဲ, “တမ့ၢ်ဘၣ်. နမ့ၢ်သးကညီၤကွၢ်မဲာ်ယၤဒီး ဝံသးစူၤတူၢ်လိာ်ယတၢ်ဟ့ၣ်တက့ၢ်. တၢ်ထံၣ်ဘၣ်နမဲာ်ဒ်လၢအခဲအံၤဖျါပှဲၤဒီးတၢ်သးကညီၤကွၢ်မဲာ် န့ၣ်, လၢယဂီၢ်လီၤဂာ်ဒ်တၢ်ထံၣ်ဘၣ်ကစၢ်ယွၤအမဲာ်အသိးလီၤ.

လံာ်စီၤပၤအခီၣ်ထံးတဘ့ၣ် 17:11

ဒီးဖဲအလဲၤဝဲဒ်သိးအကဟံးန့ၢ်ထံအီန့ၣ်, အဝဲကိးဃီၤဝဲ, “ဝံသးစူၤဟဲစိာ်န့ၢ်ယၤကိၣ်တစဲးစ့ၢ်ကီးတက့ၢ်.”

စံးထီၣ်ပတြၢၤ 104:15

ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

လံာ်ယၡါယၤ 3:1

ခဲအံၤယွၤ, ယွၤသ့တၢ်လၢာ်, ကဟံးထီၣ် ကွံာ်တၢ်ခဲလၢာ်ဒီးပှၤကိးဂၤဒဲးလၢ ပှၤဂီၢ်မုၢ်သန့ၤအသးလၢအီၤလၢအအိၣ်ဝဲလၢ ဝ့ၢ်ယရူၤရှလ့ၣ်ဒီးကီၢ်ယူဒၤအပူၤ, ဒီးအဝဲကစိာ်ကွံာ်အတၢ်အီၣ်ဒီးအထံဧိၤနိဧိၤ,

လံာ်မးသဲ 6:11

တနံၤဘၣ်တနံၤအတၢ်အီၣ်လၢပဒိးန့ၢ်ဘၣ်အလီၢ်အိၣ်န့ၣ်, ဟ့ၣ်လီၤလၢ်ဘၣ်ပှၤတနံၤအံၤတက့ၢ်.

လံာ်ပှၤစံၣ်ညီၣ်ကွီၢ် 13:15

တသ့ၣ်ညါတ့ၢ်ဝဲလၢအမ့ၢ်ယွၤအကလူးအဃိ, စီၤမၤနိစံးဘၣ်အီၤ, “ဝံသးစူၤက့ၤဒံးနဲတဂ့ၤ, ပျဲပဖီထီၣ်မဲာ်တဲးလဲးသးစၢ်ဖိတဒုလၢနဂီၢ်တက့ၢ်.”

လံာ်ပှၤစံၣ်ညီၣ်ကွီၢ် 13:16

ဘၣ်ဆၣ်ဒီးကလူးန့ၣ်စံးဘၣ်အီၤ, “ယမ့ၢ်အိၣ်ဒံးဒီးယတအီၣ်နတၢ်အီၣ်ဘၣ်. ဘၣ်ဆၣ်ဒီးနမ့ၢ်သးအိၣ်ကတဲာ်ကတီၤအီၤဒီး, ဆူးကဲၤထီၣ်အီၤဒ်တၢ်လုၢ်မၤဘူၣ်တမံၤဆူယွၤအအိၣ်တက့ၢ်.”

လံာ်ပှၤစံၣ်ညီၣ်ကွီၢ် 19:5

လၢလွံၢ်သီတသီန့ၣ်, အဝဲသ့ၣ်ပၢၢ်ထီၣ်ဂီၤဂီၤဒီးကတဲာ်ကတီၤအသးလၢကဟးထီၣ်ဝဲဒၣ်လီၤ. ဘၣ်ဆၣ်ဒီးပိာ်မုၣ်ဖိအပၢ်န့ၣ် စံးဘၣ်ပှၤလ့ၤဝံဖိ, “အီၣ်ဆိတၢ်အီၣ်လၢညါဒ်သိးနကန့ၢ်ဂံၢ်န့ၢ်ဘါတက့ၢ်. ဝံၤဒီးနလဲၤတၢ်သ့ဝဲလီၤ.”

လံာ်ပှၤစံၣ်ညီၣ်ကွီၢ် 6:18

တချုးလၢယဟဲစိာ်တၢ်လုၢ်မၤဘူၣ်တၢ်အီၣ်တၢ်အီတုၤဒံးဘၣ်ဒီး ဝံသးစူၤဟးထီၣ်ကွံာ်ဖဲအံၤတဂ့ၤ.” ယွၤအကလူးစံးဝဲဒၣ်, “ယကအိၣ်တုၤလၢနဟဲက့ၤတစုလီၤ.”

လံာ်ပှၤစံၣ်ညီၣ်ကွီၢ် 6:19

မၤသးဒ်န့ၣ်ဒီးစီၤကံဒဧိၣ်က့ၤနုာ်ဆူအဟံၣ်ပူၤဒီးဖီထီၣ် မဲာ်တဲးလဲးအစၢ်ဖိတဒုဒီးကိၣ်ကမူၣ်နာ်တဝာ်ဃၣ်ဃၣ်လၢကမၤဝဲ ကိၣ်တအိၣ်ဘၣ်ဒီးကိၣ်မံၣ်အဂီၢ်လီၤ. အဝဲဒၢနုာ်တၢ်ဖံးတၢ်ညၣ်လၢတီၣ်တဖျၢၣ်အပူၤဒီးတၢ်ညၣ်အထံလၢ သပၢၤတဖျၢၣ်အပူၤဒီးလဲၤစိာ်ဝဲဆူ ယွၤအကလူးအိၣ်လၢသ့ၣ်သ့ထိးဖၣ်အဖီလာ်ဒီးဟ့ၣ်အီၤလၢတၢ်န့ၣ် တဖၣ်လီၤ.