လံာ်တၢ်ကဲထီၣ်အခီၣ်ထံး 18:31 - Sgaw Karen Common Bible

³¹ စီၤအၤဘြၤဟၣ်စံးဝဲ, “ယွၤဧၢ, ဝံသးစူၤပျၢ်ယၤလၢယက တိၤတၢ်ဒူဒူတနဲးနဲးအဃိန့ၣ်တက့ၢ်. ပစံးဒၣ်ကလိာ်, တၢ်မ့ၢ်ထံၣ်ထဲပှၤအဂၤခံဆံတခီန့ၣ်လဲၣ်.” ဒီးယွၤစံးဆၢအီၤ, “ယမ့ၢ်ထံၣ်ထဲပှၤအဂၤခံဆံန့ၣ်ယတမၤဟး ဂီၤဝ့ၢ်န့ၣ်ဘၣ်.”

လံာ်တၢ်ကဲထီၣ်အခီၣ်ထံး 18:31 Iomraidhean Croise

လံာ်တၢ်ကဲထီၣ်အခီၣ်ထံး 18:27

စီၤအၤဘြၤဟၣ်စံးကဒီးဝဲ, “ယွၤဧၢ, ဝံသးစူၤပျၢ်ယၤလၢ ယကတိၤတၢ်ဒူဒူတနဲးနဲးဒီးနၤအဃိတက့ၢ်. ယမ့ၢ်ဒၣ်ပှၤကညီတဂၤဒီးတၢ်ခွဲးတၢ်ယာ်တအိၣ်ဒီးယၤနီတမံၤလၢ ယကတဲတၢ်တမံၤမံၤအဂီၢ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 18:30

စီၤအၤဘြၤဟၣ်စံး, “ယွၤဧၢ, ဝံသးစူၤသးဒိၣ်တဂ့ၤ. ယကဘၣ်စံးကဒီးယဲန့ၣ်လီၤ. ပှၤမ့ၢ်အိၣ်ထဲအဂၤသၢဆံဧိၤန့ၣ်တၢ် ကမၤအသးဒ်လဲၣ်.” ဒီးယွၤစံးဆၢအီၤ, “ယမ့ၢ်ထံၣ်ထဲပှၤအဂၤသၢဆံန့ၣ်ယတမၤတၢ်န့ၣ်ဘၣ်.”

လံာ်တၢ်ကဲထီၣ်အခီၣ်ထံး 18:32

ဒီးစီၤအၤဘြၤဟၣ်စံးဝဲ, “ယွၤဧၢ, ဝံသးစူၤသးဒိၣ်တဂ့ၤ. ဒီးယကစံးထဲအဝဲတဘျီအံၤလီၤ. တၢ်မ့ၢ်ထံၣ်ထဲပှၤအဂၤတဆံန့ၣ် တၢ်ကမၤသးဒ်လဲၣ်.” ဒီးယွၤစံးဆၢအီၤ, “ပှၤမ့ၢ်အိၣ်ထဲအဂၤတဆံန့ၣ်ယတမၤဟးဂီၤ အီၤဘၣ်.”

လံာ်မးသဲ 7:11

သုအၢသုသီဘၣ်ဆၣ်ဒီး, သုသ့ၣ်ညါဟ့ၣ်သုဖိတဖၣ်တၢ်လၢ အဂ့ၤတဖၣ်လီၤ. မ့မ့ၢ်ဒ်န့ၣ်ဒီး, သုပၢ်အိၣ်လၢမူခိၣ်တဂၤကဟ့ၣ်ပှၤတဖၣ်လၢအဃ့တၢ်လၢအီၤ တၢ်အဂ့ၤတဖၣ်အါန့ၢ်အန့ၣ်တက့ၢ်ဆံးဒိၣ်လဲၣ်.

လံာ်မးသဲ 7:7

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

လံာ်လူၤကၣ် 11:8

အန့ၣ်ဒီး, တၢ်ကမၤအသးဒ်လဲၣ်. ယစံးဘၣ်တဲဘၣ်သု, အဝဲမ့ၢ်တဂဲၤဆၢထၢၣ်ဒီးဟ့ၣ်နၤကိၣ်လၢနမ့ၢ်အတံၤသကိး အဃိဘၣ်ဆၣ်ဒီး, အဝဲဒၣ်ကဂဲၤဆၢထၢၣ်ဟ့ၣ်နၤတၢ်ခဲလၢာ်ခဲဆ့လၢ နလိၣ်ဘၣ်အီၤမ့ၢ်လၢနဃ့ဝံၤဃ့က့ၤတၢ်န့ၣ်နတမဲာ်ဆှးဘၣ် အဃိလီၤ.

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

အ့းဖ့းစူး 6:18

မၤတၢ်ခဲလၢာ်လၢတၢ်ထုကဖၣ်အပူၤဒီးဃ့ကစၢ်ယွၤအတၢ်မၤ စၢၤတက့ၢ်. ထုကဖၣ်ကိးဆၢကိးကတီၢ်ဒဲးဒ်ကစၢ်ယွၤ အသးဆှၢသုအသိးတက့ၢ်. လၢတၢ်အံၤအဂ့ၢ်န့ၣ်, ဆိးသီသုဝဲဒီးတ့ၢ်စၢ်လီၤသုဂံၢ်သုဘါတဂ့ၤ. ထုကဖၣ်ထီဘိလၢယွၤအပှၤစီဆှံခဲလၢာ်အဂီၢ်တက့ၢ်.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.