လံာ်တၢ်ကဲထီၣ်အခီၣ်ထံး 18:26 - Sgaw Karen Common Bible

²⁶ ဒီးယွၤစံးဆၢအီၤ, “ယမ့ၢ်ထံၣ်န့ၢ်ပှၤလၢအတၢ်ကမၣ်တအိၣ်အဂၤ ယဲၢ်ဆံလၢဝ့ၢ်စဒိၣ်အပူၤန့ၣ်, ယကပျဲပူၤဝ့ၢ်ဒီဝ့ၢ်အံၤလၢအဝဲသ့ၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 18:26 Iomraidhean Croise

လံာ်တၢ်ကဲထီၣ်အခီၣ်ထံး 18:17

ဒီးယွၤစံးလီၤအသး, “တၢ်လၢယကမၤအီၤန့ၣ်ယတပာ်ခူ သူၣ်အီၤလၢစီၤအၤဘြၤဟၣ်ဘၣ်.

လံာ်ယၡါယၤ 10:22

ခဲအံၤ, ပှၤအံၣ်စရ့လးဖိမ့ၢ်အါဝဲဒ်မဲးဧိၤဟီၣ်ဧိၤလၢပီၣ်လဲၣ် အနံၤသနာ်က့, ကဟဲက့ၤကဒါက့ၤဒၣ်ထဲစှၤဂၤလီၤ. တၢ်မၤဟးဂီၤန့ၣ်အိၣ်ပာ်ပာ်စၢၤ လၢပှၤဂီၢ်မုၢ်အဂီၢ်ဒီးမ့ၢ်တၢ်လၢ အကြၢးအဘၣ်လၢအဝဲသ့ၣ်အ ဂီၢ်လၢလၢပှဲၤပှဲၤလီၤ.

လံာ်ယၡါယၤ 19:24

ဖဲတၢ်ဆၢကတီၢ်န့ၣ်ဟဲဝဲဒီး, ကီၢ်အံၣ်စရ့လးကအိၣ်တတီၤဃီ ဒီးကီၢ်အဲၤကူပတူးဒီးကီၢ်အၤၡူၢ်, ဒီးထံကီၢ်သၢဘ့ၣ်အံၤ ကကဲထီၣ်တၢ်ဆိၣ်ဂ့ၤလၢဟီၣ်ခိၣ်ဒီဘ့ၣ်အဂီၢ်လီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယၡါယၤ 65:8

ယွၤစံးဝဲဒၣ်, “စပံးသၣ်လၢအဂ့ၤတဖၣ်န့ၣ်ပှၤ တမၤဟးဂီၤကွံာ်နီတဂၤဘၣ်. အခိၣ်တလိာ်, အဝဲသ့ၣ်ဒုးကဲထီၣ်စပံးထံလၢစပံးသၣ်တဖၣ်အံၤလီၤ. ဒ်န့ၣ်အသိးယတမၤဟးဂီၤယပှၤဂီၢ်မုၢ်ခဲလၢာ်ဘၣ်, ယကအုၣ်က့ၤခီၣ်က့ၤပှၤသ့ၣ်တဖၣ်လၢအမၤန့ၢ်ယၤ လၢတၢ်ခ့တၢ်ပှၤအတၢ်မၤန့ၣ်လီၤ.

လံာ်ယံးရမံယၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဃ့ၢ်ဝ့ၤဝီၤလၢသုကျဲတဖၣ် အပူၤတက့ၢ်. ကွၢ်တၢ်ဝးတရံးဒီးကွၢ်တၢ်လၢသုကစၢ် ဒၣ်သုဝဲတက့ၢ်. ကွၢ်ဃုတၢ်ဆါတၢ်ပှ့ၤအလီၢ်တဖၣ်တက့ၢ်. ပှၤလၢအမၤတၢ်အဘၣ် ဒီးကျဲးစၢးသးတီဒီးကစၢ်ယွၤန့ၣ်, မ့ၢ်သုထံၣ်န့ၢ်သ့ တဂၤဂၤဧါ. သုထံၣ်န့ၢ်မ့ၢ်သ့ဒီးယွၤကပျၢ်ဝ့ၢ်ယရူၤၡလ့ၣ်န့ၣ်လီၤ.

လံာ်ယဃ့းစက့လး 22:30

ယဃုထံၣ်ပှၤတဂၤလၢကသ့ဘှီထီၣ်တၢ်ဒူၣ်တခါ, ပှၤတဂၤလၢကသ့ဆၢထၢၣ်ဖဲတၢ်လီၢ်တဖၣ်လၢတၢ်အဒူၣ်တဖၣ်လီၤပှီၢ် တ့ၢ်န့ၣ်, ဒီးဒီဒၣ်ကီၢ်ဖဲယတၢ်သးထီၣ်ကမၤဟးဂီၤအီၤအခါန့ၣ်လီၤ. ဘၣ်ဆၣ်ယတထံၣ်န့ၢ်ပှၤနီတဂၤဘၣ်.

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.