လံာ်တၢ်ကဲထီၣ်အခီၣ်ထံး 18:2 - Sgaw Karen Common Bible

² အဝဲကွၢ်ထီၣ်တၢ်ဒီးထံၣ်ဘၣ်ပှၤသၢဂၤဂဲၤဆၢထၢၣ်ဖဲန့ၣ်လီၤ. ဒီးတုၤအထံၣ်အဝဲသ့ၣ်တဘျီဃီန့ၣ်, အဝဲလဲၤဃ့ၢ်ထီၣ်သဂၢၢ်အဝဲ သ့ၣ်လီၤ. ဒီးတီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်လိၤ,

လံာ်တၢ်ကဲထီၣ်အခီၣ်ထံး 18:2 Iomraidhean Croise

လံာ်တၢ်ကဲထီၣ်အခီၣ်ထံး 17:3

စီၤအၤဘြၣ်တီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်ဒီး ကစၢ်ယွၤစံးဘၣ်အီၤ,

လံာ်တၢ်ကဲထီၣ်အခီၣ်ထံး 18:16

ဒီးပှၤတဖၣ်န့ၣ်ဟးထီၣ်ဝဲဒီးလဲၤဆူတၢ်လီၢ်တတီၤဖဲအကွၢ်လီၤ တၢ်ဆူဝ့ၢ်စဒိၣ်သ့ဝဲဒီးစီၤအၤဘြၤဟၣ်လဲၤဃုာ်ဒီးအဝဲသ့ၣ် လၢအကဆှၢလီၤအဝဲသ့ၣ်အတၢ်လဲၤဆူညါအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 18:22

တုၤနုၤတစု, ပှၤခံဂၤန့ၣ်ဟးထီၣ်ဒီးလဲၤဝဲလိၤလိၤဆူဝ့ၢ် စဒိၣ်လီၤ. မ့မ့ၢ်ယွၤအိၣ်လီၤတဲာ်ဒီးစီၤအၤဘြၤဟၣ်လီၤ.

လံာ်တၢ်ကဲထီၣ်အခီၣ်ထံး 18:3

ဒီးစံးဝဲ, “တၢ်ဒိၣ်သ့ၣ်ဧၢ, သုတအိၣ်ပတုာ်ဘၣ်ဒီးဝံသးစူၤ လဲၤပူၤကွံာ်ယဟံၣ်တဂ့ၤ. ယသးအိၣ်တူၢ်လိာ်သုလီၤ.

လံာ်တၢ်ကဲထီၣ်အခီၣ်ထံး 19:1

ဒီးတုၤမုၢ်ဟါလီၤဖဲကလူးခံဂၤဟဲတုၤဝ့ၢ်စဒိၣ်န့ၣ်စီၤလိာ် ဆ့ၣ်နီၤဝဲဖဲဝ့ၢ်အကျဲစၢၤန့ၣ်လီၤ. ဒီးတုၤအထံၣ်ဝဲအဝဲသ့ၣ်တဘျီဃီန့ၣ်ဂဲၤဆၢထၢၣ်ဒီးလဲၤသဂၢၢ် အဝဲသ့ၣ်န့ၣ်လီၤ. ဒီးတီၤလီၤလၢအဝဲသ့ၣ်အမဲာ်ညါ,

လံာ်တၢ်ကဲထီၣ်အခီၣ်ထံး 23:12

ဘၣ်ဆၣ်ဒီး, စီၤအၤဘြၤဟၣ်သကူးလီၤအသးလၢပှၤဃ့ၤသးဖိ တဖၣ်အမဲာ်ညါ,

လံာ်တၢ်ကဲထီၣ်အခီၣ်ထံး 23:7

တုၤနုၤတစု, စီၤအၤဘြၤဟၣ်သကူးလီၤအသးလၢအဝဲသ့ၣ်အမဲာ်ညါ,

လံာ်တၢ်ကဲထီၣ်အခီၣ်ထံး 24:63

ဒီးဖဲမုၢ်ဟါလီၤသီသီအကတီၢ်န့ၣ်အဝဲဟးထီၣ်ဒ်သိးကဟးကသုၣ် ကသီလၢစံာ်ပျီပူၤဒီးထံၣ်ဝဲကီၤလၤအူးတဖၣ်ဟဲဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 32:24

မ့မ့ၢ်အဝဲအိၣ်လီၤတဲာ်တ့ၢ်ထဲတဂၤဧိၤန့ၣ်လီၤ. ဖဲန့ၣ်ပှၤတဂၤဟဲဒီးကနိတၢ်ဒီးအီၤတုၤမုၢ်ဘူးကဆ့ၣ်ထီၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 42:6

ဒ်ကီၢ်အဲၤကူပတူးအပဒိၣ်ဖးဒိၣ်တဂၤအသိး, စီၤယိၤသးဆါလီၤဘုဧိၤဟုဧိၤဆူပှၤဂီၢ်မုၢ်လၢအအိၣ်လၢဟီၣ် ခိၣ်ချၢခဲလၢာ်န့ၣ်လီၤ. လၢတၢ်န့ၣ်အဃိစီၤယိၤသးအဒီပုၢ်ဝဲၢ်ခွါတဖၣ်ဟဲဒီးသကူးလီၤ အသးတုၤအကျးလီၤအမဲာ်လၢဟီၣ်ခိၣ်လိၤလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 43:26

ဖဲစီၤယိၤသးဟဲက့ၤတုၤဆူဟံၣ်န့ၣ်, အဝဲသ့ၣ်လဲၤစိာ်တၢ်ဟ့ၣ် တဖၣ်ဆူဟံၣ်ပူၤဆူအအိၣ်ဒီးဆုးလီၤအခိၣ်တုၤလၢဟီၣ်ခိၣ်လိၤ လၢအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 43:28

အဝဲသ့ၣ်စံးဆၢဝဲ, “နခ့ဆံးပှၤဆံးပပၢ်အိၣ်မူဒံးဝဲအိၣ် ဆူၣ်အိၣ်ချ့ကစီဒီလီၤ.” ဒီးအဝဲသ့ၣ်ချံးခီၣ်တီၤလီၤဒီးသကူးလီၤအသးလၢအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 44:14

ဖဲစီၤယူဒၤဒီးအဒီပုၢ်ဝဲၢ်ခွါတဖၣ်လဲၤတုၤဆူစီၤယိၤသး အဟံၣ်န့ၣ်စီၤယိၤသးအိၣ်ဒံးလၢဟံၣ်န့ၣ်လီၤ. ဒီးအဝဲသ့ၣ်တီၤလီၤလၢစီၤယိၤသးအမဲာ်ညါ,

လံာ်တၢ်ကဲထီၣ်အခီၣ်ထံး 48:12

အန့ၣ်ဒီး, စီၤယိၤသးဟံးန့ၢ်အဝဲသ့ၣ်လၢစီၤယၤကိာ်အဟုးလာ် ဒီးသကူးလီၤအသးလၢအမဲာ်ညါ, တုၤအဝဲအမဲာ်သၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:15

ဝံအဂၤယဲၢ်ဆံလၢဝ့ၢ်ယရံၤဃိထံၣ်အီၤဒီးစံးဝဲဒၣ်, “စီၤအ့ၤလံယၤအသးအစိကမီၤလီၤဘၣ်လၢစီၤအလံၤၡါအလိၤန့ၣ် လံ.” အဝဲသ့ၣ်လဲၤဒ်သိးကသဂၢၢ်အီၤဒီးတီၤလီၤဝဲလၢအမဲာ်ညါ,

ရိမ့ၤ 12:13

နီၤဟ့ၣ်တၢ်လၢအအိၣ်ဒီးသုတဖၣ်လၢသုဒီပုၢ်ဝဲၢ်လၢ အလိၣ်ဘၣ်တၢ်တဖၣ်, ဒီးတူၢ်လိာ်ပှၤသမှံၤတဖၣ်လၢသုဟံၣ်သုဃီတဖၣ်အပူၤတက့ၢ်.

ဧ့ၤဘြံၤ 13:2

တဘၣ်သးပ့ၤနီၣ်တူၢ်တံၢ်တူၢ်သမှံၤတဂ့ၤ. အဂ့ၢ်ဒ်အံၤပှၤတနီၤနီၤလၢတၢ်တပာ်သူၣ်ပာ်သးဘၣ်အပူၤ တူၢ်လိာ်ဘၣ်ကလူးတဖၣ်လီၤ.

လံာ်စီၤယိၤၡူ 5:13

ဖဲစီၤယိၤၡူလဲၤဘူးဒီးဝ့ၢ်ယရံၤဃိန့ၣ်, သတူၢ်ကလာ်အဝဲထံၣ်ပှၤတဂၤဆၢထၢၣ်လၢအမဲာ်ညါ, ဟံးဃာ်ဒီးနးတဘ့ၣ်န့ၣ်လီၤ. စီၤယိၤၡူလဲၤဆူအအိၣ်ဒီးသံကွၢ်အီၤ, “နမ့ၢ်ပပှၤဧါ, မ့တမ့ၢ်ဘၣ်ဒီးပဒုၣ်ပဒါအပှၤဧါ.”

၁ ပ့းတရူး 4:9

တူၢ်တံၢ်တူၢ်သမှံၤလၢသုဟံၣ်သုဃီတဖၣ်အပူၤ, တအိၣ်ဘၣ်ဒီးတၢ်ကဒူးကဒ့ၣ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 13:3

ယွၤအကလူးလီၣ်ဖျါထီၣ်အသးလၢအီၤဒီးစံးဘၣ်အီၤ, “နအိၣ်ဒံၣ်အိၣ်ဖိတန့ၢ်ဝဲနီတစုဘၣ်, ဘၣ်ဆၣ်ဒီးတယံာ်ဘၣ်ဒီး နကဒၢထီၣ်ဒီးမၤန့ၢ်ဖိခွါတဂၤလီၤ.

လံာ်နီၢ်ရူၤသး 2:10

တုၤနုၤတစု, နီၢ်ရူၤသးထိၣ်လီၤပှီၤအသးဒီးကျးလီၤအမဲာ် ပၢၢ်တုၤလၢဟီၣ်ခိၣ်ဒီးစံးဘၣ်စီၤဘိၤဧး, “ဘၣ်မနုၤအဃိန သူၣ်အိၣ်သးအိၣ်ယၤလၢအမ့ၢ်ဒၣ် ပှၤတခီဘီမုၢ်ဖိအံၤန့ၣ်လဲၣ်.”