လံာ်တၢ်ကဲထီၣ်အခီၣ်ထံး 18:19 - Sgaw Karen Common Bible

¹⁹ ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 18:19 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 12:3

ဒီးပှၤလၢအဆိၣ်ဂ့ၤနၤန့ၣ်ယကဆိၣ်ဂ့ၤအီၤဒီးပှၤလၢအဆိၣ်အၢနၤ န့ၣ်ယကဆိၣ်အၢအီၤလီၤ. ဒီးခီဖျိနၤန့ၣ်ယကဆိၣ်ဂ့ၤကယဲၢ်ပှၤကလုာ်တဖၣ်ခဲလၢာ်န့ၣ်လီၤ.”

လံာ်တၢ်ကဲထီၣ်အခီၣ်ထံး 17:9

ကစၢ်ယွၤစံးဘၣ်စီၤအၤဘြၤဟၣ်, “နဲစ့ၢ်ကီးနကဘၣ်ဘၣ်သူၣ်ဘၣ် သးလၢနကဟံးဃာ်တၢ်အၢၣ်လီၤအီလီၤဒီးယၤ, ဃုာ်ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:18

ကယဲၢ်ပှၤကလုာ်တဖၣ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ် ဂ့ၤတ့ၢ်နစၢၤနသွဲၣ်တဖၣ်အသိးလီၤ. တၢ်ခဲလၢာ်အံၤမ့ၢ်လၢနစူၢ်တ့ၢ်ယကလုၢ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 35:2

လၢတၢ်န့ၣ်အဃိစီၤယၤကိာ်စံးဘၣ်အပှၤဟံၣ်ဖိဃီဖိဒီးကယဲၢ်ပှၤ အိၣ်ဒီးအီၤခဲလၢာ်, “ကွံာ်တ့ၢ်ကွံာ်ပှၤတခီဘီမုၢ်ဖိအကစၢ်တဖၣ်လၢအအိၣ်ဒီးသု, မၤကဆှီထီၣ်သုသးဒီးသိးထီၣ်တၢ်ကူတၢ်သိးလၢအကဆှီတဖၣ်တ က့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 22:22

ယစူၢ်တ့ၢ်ယွၤအတၢ်သိၣ်တၢ်သီန့ၣ်လီၤ. ယတဃၣ်ကွံာ်ဘၣ်ယသးလၢယကစၢ်ယွၤ အအိၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 7:20

ယစံးအါထီၣ်နၤတၢ်မနုၤကသ့ဒံးလဲၣ်. နသ့ၣ်ညါယၤ, နခ့နပှၤအံၤလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:3

အဝဲသုးကွံာ်ပှၤတခီဘီမုၢ်ဖိအတၢ်လုၢ်လီၢ်တဖၣ်ဒီးပှၤဘါတၢ် ဂီၤတၢ်ဖီၣ်အတၢ်ဘူၣ်ထီၣ်ဘါထီၣ်အလီၢ်တဖၣ်, မၤလီၤကလဲကွံာ်ပှၤဘါတၢ်ဂီၤတၢ်ဖီၣ်အလၢၢ်ထူၣ်စီၤဆှံတဖၣ်, ဒီးကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တဖၣ်န့ၣ်လီၤ.

လံာ်စီၤနဃ့မယၤ 9:7

နဲဒၣ်ယွၤ, ကစၢ်ယွၤဧၢ, နဃုထၢစီၤအၤဘြၣ် ဒီးနကိးထီၣ်ကွံာ်အီၤလၢဝ့ၢ်အူၢ်လၢကီၢ်ဘၤဘူၤလိၣ် ဒီးနလဲလိာ်ကွံာ်အမံၤဆူစီၤအၤဘြၤဟၣ်လီၤ.

လံာ်စီၤယိၤဘး 1:5

မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 11:4

ယွၤအိၣ်ဝဲလၢအတၢ်လုၢ်ဟံၣ်စီဆှံအပူၤ, အိၣ်ဒီးအလီၢ်ပစိာ်လၢမူခိၣ်လီၤ. အဝဲကွၢ်လီၤဝဲပှၤဟီၣ်ခိၣ်ဖိခဲလၢာ် ဒီးကွၢ်ထံကွၢ်ဆးအတၢ်မၤတဖၣ်န့ၣ်လီၤ.

စံးထီၣ်ပတြၢၤ 34:15

ယွၤကွၢ်လီၤပှၤတီပှၤလိၤဒီး ဒိကနၣ်အတၢ်ကိးထီၣ်အီၤန့ၣ်လီၤ.

တၢ်ကတိၤဒိ. 22:6

သိၣ်လိဖိသၣ်တဂၤလၢအကဘၣ်အိၣ်မူဒ်လဲၣ်ဒ်လဲၣ်န့ၣ်တက့ၢ်. ဒီးအဝဲကသ့ၣ်နီၣ်ထီၣ်က့ၤဝဲလၢအတၢ်အိၣ်မူတစိၤသးလီၤ.

လံာ်ယၡါယၤ 38:19

ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:42

ဒီးလၢၢ်လၢအဘၣ်တၢ်သုးကွံာ်အီၤတဖၣ်အလီၢ်န့ၣ်ကဘၣ်တၢ်မၤပှဲၤ က့ၤအီၤလၢလၢၢ်အဂၤတဖၣ်ဒီးတၢ်အဒူၣ်တဖၣ်န့ၣ်ကဘၣ်တၢ်လံာ်က့ၤ အီၤလၢကပံာ်အသိန့ၣ်လီၤ.

လံာ်ဧၤမိၣ် 3:2

“လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”

လံာ်မးသဲ 25:17

ပှၤလၢအဒိးန့ၢ်စ့ခံတၤလၣ်တဂၤန့ၣ်, မၤစ့ၢ်ကီးဝဲဒၣ်ဒ်န့ၣ်ဒီးဒိးန့ၢ်အါထီၣ်စ့ခံတၤလၣ်န့ၣ် လီၤ.

လံာ်ယိၤဟၣ် 10:14

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလီၤ. ဒ်ပၢ်သ့ၣ်ညါယၤဒီးယသ့ၣ်ညါပၢ်အသိးန့ၣ်, ယသ့ၣ်ညါ ယသိဒီးအဝဲသ့ၣ် သ့ၣ်ညါယၤလီၤ.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

မၤတၢ် 27:31

ဘၣ်ဆၣ်ဒီးစီၤပီလူးစံးဘၣ်ပှၤသုးဖိတကယၤအခိၣ်ဒီး သုးဖိတဖၣ်, “ပှၤကဘီဖိသ့ၣ်တဖၣ်အံၤမ့ၢ်တအိၣ်လၢ ကဘီပူၤန့ၣ်သုပူၤဖျဲးတသ့ဘၣ်.”

အ့းဖ့းစူး 6:4

မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 32:46

အဝဲစံးဝဲ, “မၤလီၤတံၢ်လၢသုကစူၢ်ကယဲၢ်တၢ်မၤလိာ်တဖၣ်အံၤ လၢယဟ့ၣ်လီၤသုတနံၤအံၤန့ၣ်တက့ၢ်. တဲကဒါက့ၤအီၤဆူသုဖိတဖၣ်, ဒ်သိးအဝဲသ့ၣ်ကစူၢ်ကယဲၢ်ကစၢ် ယွၤအတၢ်သိၣ်လိတဖၣ်လၢတၢ်သူၣ်တီသးရၤအပူၤတက့ၢ်.

၁ တံၤမသ့း 3:12

ပှၤမၤစၢၤတၢ်အိၣ်ဖှိၣ်တဂၤန့ၣ်ကဘၣ်အိၣ်ဒီးအမါထဲတဂၤဧိၤ, ဒီးကဘၣ်သ့ပၢဆှၢအဖိအလံၤဒီးအဒူၣ်ဖိထၢဖိဂ့ၤဂ့ၤဘၣ်ဘၣ် န့ၣ်လီၤ.

၂ တံၤမသ့း 1:5

ယသ့ၣ်နီၣ်ထီၣ်တၢ်စူၢ်တၢ်နာ်တံၢ်နီၢ်လၢအအိၣ် လၢနပူၤ, တၢ်စူၢ်တၢ်နာ်တကလုာ်လၢအအိၣ်တ့ၢ်လၢနဖံနီၢ် လိၤအ့ၣ်ဒီးနမိၢ်နီၢ်အူၤနံက့ၤအပူၤန့ၣ်လီၤ. ဒီးယနာ်နီၢ်နီၢ်လၢအအိၣ်စ့ၢ်ကီးလၢနပူၤန့ၣ်လီၤ.

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်ပှၤစံၣ်ညီၣ်ကွီၢ် 13:12

အန့ၣ်ဒီးစီၤမၤနိစံးဝဲ, “မ့မ့ၢ်ဒ်န့ၣ်ဒီးခဲအံၤ, ဖဲတၢ်လၢနစံးတ့ၢ်တဖၣ်လၢထီၣ်ပှဲၤထီၣ်ဝဲန့ၣ်, ဖိသၣ်အံၤကဘၣ်မၤတၢ်မနုၤလဲၣ်. အဝဲကဘၣ်အိၣ်မူတၢ်အိၣ်မူဒ်လဲၣ်တကလုာ်လဲၣ်.”