လံာ်တၢ်ကဲထီၣ်အခီၣ်ထံး 18:14 - Sgaw Karen Common Bible

¹⁴ မ့ၢ်တၢ်ကီကဲၣ်ဆိးလၢယွၤအဂီၢ်အိၣ်ဝဲတမံၤမံၤန့ၣ်ဧါ. ဒ်ယစံးတ့ၢ်လံအသိးစးထီၣ်ခဲအံၤဒီးဆူညါခွံလါန့ၣ်ယကဟဲ က့ၤဒီးနီၢ်စၤရါကအိၣ်ဒီးအဖိခွါတဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 18:14 Iomraidhean Croise

လံာ်တၢ်ကဲထီၣ်အခီၣ်ထံး 17:16

ယကဆိၣ်ဂ့ၤအီၤဒီးယကဟ့ၣ်လီၤနၤဖိခွါတဂၤခီဖျိအီၤစ့ၢ်ကီး လီၤ. ယကဆိၣ်ဂ့ၤအီၤဒီးအဝဲကကဲထီၣ်ပှၤကလုာ်တဖၣ်အမိၢ်ဒီးစီၤပၤ တဖၣ်ကအိၣ်ဝဲလၢအစၢၤအသွဲၣ်တဖၣ်အကျါန့ၣ်လီၤ.”

လံာ်တၢ်ကဲထီၣ်အခီၣ်ထံး 17:21

ဘၣ်ဆၣ်ဒီး, ယကဟံးဃာ်ယတၢ်အၢၣ်လီၤအီလီၤဒီးနဖိခွါစီၤအံၤ စဲးလၢနီၢ်စၤရါကဆံးစၢ်န့ၢ်နၤလၢခဲကိာ်တနံၣ်ဖဲအကတီၢ်အံၤ န့ၣ်လီၤ.

လံာ်တၢ်ကဲထီၣ်အခီၣ်ထံး 18:10

ဒီးလၢအဝဲသ့ၣ်အကျါတဂၤစံးဝဲ, “စးထီၣ်ခဲအံၤဒီးဆူညါ ခွံလါန့ၣ်ယကဟဲက့ၤဒီးနမါနီၢ်စၤရါကအိၣ်ဒီးအဖိခွါတဂၤလီၤ.” နီၢ်စၤရါအိၣ်လၢအဝဲအလီၢ်ခံဖဲဒဲအတြဲၤဒီးဒိကနၣ်တၢ်လီၤ.

လံာ်တၢ်ကဲထီၣ်အခီၣ်ထံး 18:13

တုၤနုၤတစု, ယွၤသံကွၢ်စီၤအၤဘြၤဟၣ်, “ဘၣ်မနုၤလၢနီၢ်စၤ ရါနံၤဒီးစံးဝဲလၢ, ယသးပှၢ်ထဲအံၤန့ၣ်ယအိၣ်ဒီးယဖိကန့ၢ်က သ့သပှၢ်တၢၢ်ဒ်လဲၣ်, န့ၣ်လဲၣ်.

လံာ်တၢ်ကဲထီၣ်အခီၣ်ထံး 18:15

မ့ၢ်လၢနီၢ်စၤရါပျံၤတၢ်အဃိသမၢတၢ်ဒီးစံး, “ယတနံၤဘၣ်” ဘၣ်ဆၣ်ဒီးကလူးစံးဝဲ, “နနံၤတ့ၢ်လီၤ. နနံၤသပှၢ်တၢၢ်လီၤ.”

လံာ်တၢ်ကဲထီၣ်အခီၣ်ထံး 21:1

ဒီးယွၤဆိၣ်ဂ့ၤနီၢ်စၤရါဒ်အဝဲအၢၣ်လီၤတ့ၢ်လံဝဲအသိး, ဒီးနီၢ်စၤရါဒၢထီၣ်ဝဲ, ဒီးဆံးစၢ်န့ၢ်ဖိခွါတဂၤလၢစီၤအၤ ဘြၤဟၣ်အဂီၢ်ဖဲအသးပှၢ်တ့ၢ်လံဝဲအကတီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:16

ဒီးစီၤအလံၤၡါစံးဘၣ်အီၤ, “ဆူညါတနံၣ်တုၤအကတီၢ်ဒ်အံၤ န့ၣ်, နကစိာ်ဘၣ်နဖိခွါတဂၤလၢနစုတီၤလိၤန့ၣ်လီၤ.” ပိာ်မုၣ်န့ၣ်စံးဆၢအီၤ, “တၢ်ဒိၣ်ဧၢ, နမ့ၢ်ကစၢ်ယွၤအပှၤကညီ တဂၤလီၤ. ဝံသးစူၤလီယၤတဂ့ၤ.”

လံာ်စီၤယိၤဘး 36:5

ကွၢ်ကွၢ်, ကစၢ်ယွၤန့ၣ်ဒိၣ်နီၢ်မးလီၤ. အဝဲတသးဘၣ်အၢဘၣ် ပှၤနီတဂၤဘၣ်. အဝဲဒိၣ်ဝဲဆူၣ်ဝဲဒီးဂၢၢ်ဝဲကျၢၤဝဲလၢအတၢ် တိာ်အပူၤလီၤ.

လံာ်စီၤယိၤဘး 42:2

ယွၤဧၢ, ယသ့ၣ်ညါလၢနသ့တၢ်လၢာ်, ဒီးတၢ်တြီနတိာ်တၢ် တသ့ဘၣ်နီတမံၤဘၣ်.

စံးထီၣ်ပတြၢၤ 90:13

နတၢ်သးထီၣ်ကယံာ်ဒံးဝဲဆံးယံာ်လဲၣ်. ယွၤဧၢ, သူၣ်ကညီၤသးကညီၤလၢ် နခ့နပှၤတဖၣ်န့ၣ်တက့ၢ်.

စံးထီၣ်ပတြၢၤ 93:1

ယွၤမ့ၢ်စီၤပၤလီၤ. အဝဲကူသိးဝဲတၢ်ကဟုကညီၢ် ဒီးတၢ်ဂံၢ်တၢ်ဘါလီၤ. ဟီၣ်ခိၣ်ဘၣ်တၢ်ပာ်ဂၢၢ်ပာ်ကျၢၤအီၤ ဒီးဘၣ်တၢ်မၤဟူးဝးအီၤတန့ၢ်ဘၣ်.

စံးထီၣ်ပတြၢၤ 95:3

အဂ့ၢ်ဒ်အံၤ, ယွၤမ့ၢ်ကစၢ်ယွၤဖးဒိၣ်တဂၤ, ဒီးစီၤပၤဖးဒိၣ်တဂၤလၢကယဲၢ်ကစၢ် ခဲလၢာ်အဖီခိၣ်န့ၣ်လီၤ.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယံးရမံယၤ 32:17

“ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ. တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.

လံာ်ဒၤနံးယ့လး 6:20

တုၤလၢအတုၤဃီၤဝဲဖဲန့ၣ်ဒီးကိးထီၣ်ဝဲလၢတၢ်သူၣ်ကိၢ်သးဂီၤ အပူၤ, “စီၤဒၤနံးယ့လး, ကစၢ်ယွၤလၢအမူဝဲတဂၤအခ့အပှၤ ဧၢ, ကစၢ်ယွၤလၢနမၤအတၢ်လၢတၢ်သူၣ်တီ သးရၤအပူၤတဂၤန့ၣ်မၤပူၤဖျဲးနၤလၢခ့ ယုၢ်တဖၣ်န့ၣ်သ့စ့ၢ်ကီးဧါ.”

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်စကၤရယၤ 8:6

လၢပှၤကလုာ်လၢအအိၣ်လီၤတဲာ်တ့ၢ်ခဲအံၤတဖၣ် အဂီၢ်န့ၣ်တၢ်အံၤကမ့ၢ်တၢ်လၢအမၤအသးတသ့ဘၣ်လီၤ. ဘၣ်ဆၣ်ဒီးတၢ်တသ့ဘၣ်န့ၣ်တအိၣ်ဒီးယၤဘၣ်.

လံာ်တၢ်ဂံၢ် 11:23

ယွၤစံးဆၢဝဲဒၣ်, “မ့ၢ်တၢ်တြီဃာ်ယစိယကမီၤအဆၢသ့ဧါ. တယံာ်ဘၣ်ဒီးနကထံၣ်ဘၣ်တၢ်လၢယစံးတ့ၢ်ဝဲန့ၣ်ကကဲထီၣ်ဧါ တကဲထီၣ်ဘၣ်ဧါန့ၣ်လီၤ.”

လံာ်မးသဲ 14:31

ဒီးယ့ၣ်ၡူးယူာ်ဃီၤအစုတဘျီဃီ, ဒီးဟံးဃာ်အီၤဒီးစံးဝဲ, “နနာ်တၢ်စှၤမးလဲၣ်. ဘၣ်မနုၤလၢနသးဒ့ဒီလဲၣ်.”

လံာ်မးသဲ 19:26

ယ့ၣ်ၡူးကွၢ်အဝဲသ့ၣ်လိၤလိၤဒီးစံး, “လၢပှၤကညီအဂီၢ်တၢ်အံၤမ့ၢ်တၢ်လၢအမၤအသးတသ့ဘၣ်လီၤ. ဘၣ်ဆၣ်လၢကစၢ်ယွၤအဂီၢ်န့ၣ်တၢ်ခဲလၢာ်မၤအသးသ့ဝဲလီၤ.”

လံာ်မးသဲ 3:9

တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

လံာ်မၢ်ကူး 10:27

ယ့ၣ်ၡူးကွၢ်ဃီၤအဝဲသ့ၣ်ဒီးစံးဘၣ်အီၤ, “တၢ်တမံၤအံၤပှၤကညီမၤတသ့လ့ၤတက့ၤဘၣ်. ဘၣ်ဆၣ်လၢကစၢ်ယွၤအဂီၢ်တမ့ၢ်တၢ်ဒ်န့ၣ်ဘၣ်. အဂ့ၢ်ဒ်လဲၣ်န့ၣ်, ယွၤမၤတၢ်သ့ကိးမံၤဒဲးလီၤ.”

လံာ်လူၤကၣ် 1:13

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ စီၤစဃၤရံဧၢ, ကစၢ်ယွၤနၢ်ဟူလံနတၢ်ထုကဖၣ်လံ. ဒီးနမါနီၢ်အ့းလံၤစါဘ့းကဆံးစၢ်န့ၢ်နၤလၢဖိခွါတဂၤလီၤ. နကဘၣ်ယုၢ်န့ၢ်အမံၤလၢစီၤယိၤဟၣ်လီၤ.

လံာ်လူၤကၣ် 1:18

စီၤစဃၤရံစံးဘၣ်ကလူးအဝဲန့ၣ်, “တၢ်အဝဲအံၤမ့ၢ်, တမ့ၢ်လဲၣ်န့ၣ်, ယကသ့ၣ်ညါယဲလၢကျဲဒ်လဲၣ်. ယမ့ၢ်ပှၤလၢအသးပှၢ်ထီၣ်လံတဂၤဒီးယမါစ့ၢ်ကီး အသးပှၢ်လံန့ၣ်လီၤ.”

လံာ်လူၤကၣ် 1:37

အဂ့ၢ်ဒ်အံၤတၢ်လၢကစၢ်ယွၤမၤတသ့န့ၣ်တအိၣ်နီတမံၤဘၣ်.”

လံာ်လူၤကၣ် 8:50

ဘၣ်ဆၣ်ဒီးယ့ၣ်ၡူးနၢ်ဟူတၢ်အံၤဒီးစံးဘၣ်စီၤယၤအ့ၤရူး, “တဘၣ်ဘၣ်ယိၣ်တၢ်တဂ့ၤ. ထဲနာ်တၢ်တက့ၢ်. ဒီးအဝဲဒၣ်ကအိၣ်ဆူၣ်ထီၣ်က့ၤဝဲလီၤ.”

ရိမ့ၤ 4:21

အဝဲနာ်ဝဲလၢလၢပှဲၤပှဲၤလၢကစၢ်ယွၤမၤလၢထီၣ်ပှဲၤထီၣ် အတၢ်အၢၣ်လီၤအီလီၤသ့ဝဲဒၣ်န့ၣ်လီၤ.

အ့းဖ့းစူး 3:20

ခီဖျိလၢအစိအကမီၤလၢအမၤတၢ်လၢပပူၤန့ၣ်, ယွၤမၤတၢ်သ့ဝဲဒိၣ်န့ၢ်အါန့ၢ်ဒၣ်လဲာ်တၢ်လၢပဃ့ဒီးဆိ ကမိၣ်ဝဲသ့တက့ၢ်န့ၣ်လီၤ.

လံာ်သိၣ်လီၤသီလီၤတၢ် 30:3

တုၤနုၤတစု, ယွၤ, သုကစၢ်ယွၤကအိၣ်ဒီးတၢ်သးကညီၤဘၣ်သုန့ၣ် လီၤ. အဝဲကဟဲက့ၤစိာ်က့ၤသုလၢ, ပှၤကလုာ်တဖၣ်ဖဲအဝဲမၤလီၤပြံလီၤပြါတ့ၢ်သုအကျါ, ဒီးအဝဲကဒုးဘီၣ်ထီၣ်ညီထီၣ်က့ၤကဒီးသုန့ၣ်လီၤ.

လံာ်သိၣ်လီၤသီလီၤတၢ် 7:21

လၢတၢ်န့ၣ်အဃိ, ပျံၤဘၣ်ပှၤဂီၢ်မုၢ်တဖၣ်အံၤတဂ့ၤ. ယွၤ, သုကစၢ်ယွၤအိၣ်ဒီးသုလီၤ. အဝဲမ့ၢ်ကစၢ်ယွၤတဂၤလၢအဒိၣ် နီၢ်မး, ဒီးပှၤတဂၤလၢကြၢးဘၣ်တၢ်ပျံၤအီၤန့ၣ်လီၤ.

ဖံလံးပံၤ 3:21

အဝဲဒၣ်ကလဲလိာ်ကွံာ်ပနီၢ်ခိလၢအဂံၢ်စၢ်ဘါစၢ်လၢ အသံသ့အံၤတဖၣ်, ဒီးဒုးကဲထီၣ်အီၤဒ်အနီၢ်ကစၢ်ဒၣ်ဝဲအနီၢ်ခိလၢအအိၣ်ဒီးတၢ် လၤကပီၤအသိး, ဒီးကသူဝဲတၢ်စိကမီၤလၢအဝဲဒၣ်ဒုးအိၣ်တၢ်ခဲလၢာ်လၢ အတၢ်ပၢအဖီလာ်သ့, တမံၤန့ၣ်လီၤ.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

ဧ့ၤဘြံၤ 11:19

အဝဲဆိကမိၣ်ပာ်စၢၤဝဲလၢအသးကံၢ်ပူၤလၢကစၢ်ယွၤ မၤမူထီၣ်က့ၤစီၤအံၤစဲးလၢတၢ်သံန့ၣ်သ့ဝဲဒီးဒ်န့ၣ်အသိး မၤအသးဒ်စီၤအၤဘြၤဟၣ်ဒိးန့ၢ်က့ၤစီၤအံၤစဲးလၢတၢ်သံ အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 13:3

ယွၤအကလူးလီၣ်ဖျါထီၣ်အသးလၢအီၤဒီးစံးဘၣ်အီၤ, “နအိၣ်ဒံၣ်အိၣ်ဖိတန့ၢ်ဝဲနီတစုဘၣ်, ဘၣ်ဆၣ်ဒီးတယံာ်ဘၣ်ဒီး နကဒၢထီၣ်ဒီးမၤန့ၢ်ဖိခွါတဂၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”