လံာ်တၢ်ကဲထီၣ်အခီၣ်ထံး 18:12 - Sgaw Karen Common Bible

¹² ဒီးနီၢ်စၤရါနံၤဒၣ်အတၢ်ဒီးစံးဝဲ, “ခဲအံၤယသးပှၢ်တ့ၢ် ဒီးယဂံၢ်ယဘါလၢာ်လံ. မ့ၢ်ယကအိၣ်ဒံးဒီးတၢ်ဖံးတၢ်ညၣ်အတၢ်မုာ်လၤစ့ၢ်ကီးဧါ. လၢန့ၣ်အမဲာ်ညါယဝၤစ့ၢ်ကီးအသးပှၢ်လံ.”

လံာ်တၢ်ကဲထီၣ်အခီၣ်ထံး 18:12 Iomraidhean Croise

လံာ်တၢ်ကဲထီၣ်အခီၣ်ထံး 17:17

စီၤအၤဘြၤဟၣ်တီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ် လိၤန့ၣ်လီၤ. ဘၣ်ဆၣ်နံၤထီၣ်ဝဲဒၣ်ဖဲအဆိကမိၣ်ထီၣ်ဝဲ, “ပှၤလၢအသးအိၣ်လံအနံၣ်တကယၤန့ၣ်အဖိအိၣ်ဘၣ်ကသ့ စ့ၢ်ကီးဧါ. မ့ၢ်နီၢ်စၤရါလၢအသးအိၣ်အနံၣ်ခွံဆံန့ၣ်အဖိ အိၣ်ဘၣ်ကသ့စ့ၢ်ကီးဧါ.”

လံာ်တၢ်ကဲထီၣ်အခီၣ်ထံး 18:13

တုၤနုၤတစု, ယွၤသံကွၢ်စီၤအၤဘြၤဟၣ်, “ဘၣ်မနုၤလၢနီၢ်စၤ ရါနံၤဒီးစံးဝဲလၢ, ယသးပှၢ်ထဲအံၤန့ၣ်ယအိၣ်ဒီးယဖိကန့ၢ်က သ့သပှၢ်တၢၢ်ဒ်လဲၣ်, န့ၣ်လဲၣ်.

လံာ်စီၤပၤခံဘ့ၣ်တဘ့ၣ် 4:16

ဒီးစီၤအလံၤၡါစံးဘၣ်အီၤ, “ဆူညါတနံၣ်တုၤအကတီၢ်ဒ်အံၤ န့ၣ်, နကစိာ်ဘၣ်နဖိခွါတဂၤလၢနစုတီၤလိၤန့ၣ်လီၤ.” ပိာ်မုၣ်န့ၣ်စံးဆၢအီၤ, “တၢ်ဒိၣ်ဧၢ, နမ့ၢ်ကစၢ်ယွၤအပှၤကညီ တဂၤလီၤ. ဝံသးစူၤလီယၤတဂ့ၤ.”

စံးထီၣ်ပတြၢၤ 126:2

တုၤနုၤတစု, ပထးခိၣ်ပှဲၤဝဲဒီးတၢ်နံၤတၢ်အ့ ဒီးပပျ့ၤပှဲၤဝဲဒီးတၢ်ကိးထီၣ်လၢတၢ်သးခုန့ၣ်လီၤ. တုၤနုၤတစုပှၤကလုာ်ဂၤတဖၣ်စံးကတိၤတၢ်လၢ ပဂ့ၢ်ဒီးစံးဝဲ, “ယွၤမၤတၢ်အဒိၣ်တဖၣ်လၢအဂီၢ်လီၤ.”

စံးထီၣ်ပတြၢၤ 45:11

စီၤပၤကအဲၣ်ဘၣ်နၤ လၢနတၢ်ဃံတၢ်လၤအဃိန့ၣ်လီၤ. အဝဲမ့ၢ်နကစၢ်, ဒီးနကဘၣ်ဒိကနၣ်အီၤလီၤ.

အ့းဖ့းစူး 5:33

ဘၣ်ဆၣ်, မ့ၢ်စ့ၢ်ကီးတၢ်လၢအဘၣ်ဃးဒီးသုလီၤ. ဝၤကိးဂၤဒဲးမ်အအဲၣ်အမါဒ်အနီၢ်ကစၢ်ဒၣ်ဝဲအသိး တက့ၢ်. ဒီးမါကိးဂၤဒဲးန့ၣ်, မ်ကယူးယီၣ်ပာ်ကဲအဝၤတက့ၢ်.

၁ ပ့းတရူး 3:6

နီၢ်စၤရါမ့ၢ်ပိာ်မုၣ်ဒ်န့ၣ်သိးတဂၤလီၤ. အဝဲစူၢ်စီၤအၤဘြၤဟၣ်အကလုၢ်ဒီးကိးအီၤလၢအကစၢ်န့ၣ်လီၤ. သုမ့ၢ်မၤတၢ်ဂ့ၤဒီးတပျံၤတၢ်နီတမံၤဘၣ်န့ၣ်, အခဲအံၤသုမ့ၢ် အဖိမုၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 19:26

ဖဲမုၢ်ဆ့ၣ်ထီၣ်ဂီၤဂီၤန့ၣ်, ပိာ်မုၣ်န့ၣ်ဟဲက့ၤဝဲဒီးလီၤ ဃံၤလၢပှၤသးပှၢ်န့ၣ်အတြဲၤအခီၣ်ထံး, ဖဲအဝၤအိၣ်ဝဲအလီၢ်န့ၣ်လီၤ. ဖဲမုၢ်ဝါထီၣ်န့ၣ်ပိာ်မုၣ်အိၣ်ဒံးဝဲဖဲန့ၣ်လီၤ.