လံာ်တၢ်ကဲထီၣ်အခီၣ်ထံး 18:10 - Sgaw Karen Common Bible

¹⁰ ဒီးလၢအဝဲသ့ၣ်အကျါတဂၤစံးဝဲ, “စးထီၣ်ခဲအံၤဒီးဆူညါ ခွံလါန့ၣ်ယကဟဲက့ၤဒီးနမါနီၢ်စၤရါကအိၣ်ဒီးအဖိခွါတဂၤလီၤ.” နီၢ်စၤရါအိၣ်လၢအဝဲအလီၢ်ခံဖဲဒဲအတြဲၤဒီးဒိကနၣ်တၢ်လီၤ.

လံာ်တၢ်ကဲထီၣ်အခီၣ်ထံး 18:10 Iomraidhean Croise

လံာ်တၢ်ကဲထီၣ်အခီၣ်ထံး 16:10

ယွၤအကလူးန့ၣ်စံးကဒီးအီၤ, “ယကဟ့ၣ်လီၤနၤလၢနစၢၤနသွဲၣ်အါ အါကလဲာ်တုၤဒၣ်လဲၣ်ပှၤဂံၢ်အီၤတန့ၢ်တသ့နီတဂၤဘၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:16

ယကဆိၣ်ဂ့ၤအီၤဒီးယကဟ့ၣ်လီၤနၤဖိခွါတဂၤခီဖျိအီၤစ့ၢ်ကီး လီၤ. ယကဆိၣ်ဂ့ၤအီၤဒီးအဝဲကကဲထီၣ်ပှၤကလုာ်တဖၣ်အမိၢ်ဒီးစီၤပၤ တဖၣ်ကအိၣ်ဝဲလၢအစၢၤအသွဲၣ်တဖၣ်အကျါန့ၣ်လီၤ.”

လံာ်တၢ်ကဲထီၣ်အခီၣ်ထံး 17:19

ဒီးကစၢ်ယွၤစံးဆၢအီၤ, “တသ့ဘၣ်. နမါနီၢ်စၤရါကဆံးစၢ်န့ၢ် ဖိခွါတဂၤလၢနဂီၢ်ဒီးနကယုၢ်န့ၢ်အမံၤလၢစီၤအံၤစဲးန့ၣ် လီၤ. ယကဟံးဃာ်ယတၢ်အၢၣ်လီၤအီလီၤဒီးအီၤ, ဒီးအစၢၤအသွဲၣ်တဖၣ်လီၤထူလီၤယိာ်န့ၣ်လီၤ. တၢ်အံၤမ့ၢ်တၢ်အၢၣ်လီၤအီလီၤအထူအယိာ်တမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 17:21

ဘၣ်ဆၣ်ဒီး, ယကဟံးဃာ်ယတၢ်အၢၣ်လီၤအီလီၤဒီးနဖိခွါစီၤအံၤ စဲးလၢနီၢ်စၤရါကဆံးစၢ်န့ၢ်နၤလၢခဲကိာ်တနံၣ်ဖဲအကတီၢ်အံၤ န့ၣ်လီၤ.

လံာ်တၢ်ကဲထီၣ်အခီၣ်ထံး 18:9

ဒီးအဝဲသ့ၣ်သံကွၢ်အီၤ, “နမါနီၢ်စၤရါအိၣ်ဖဲလဲၣ်.” ဒီးစီၤအၤဘြၤဟၣ်စံးဆၢ, “အိၣ်ဝဲလၢဒဲပူၤလီၤ.”

လံာ်တၢ်ကဲထီၣ်အခီၣ်ထံး 21:1

ဒီးယွၤဆိၣ်ဂ့ၤနီၢ်စၤရါဒ်အဝဲအၢၣ်လီၤတ့ၢ်လံဝဲအသိး, ဒီးနီၢ်စၤရါဒၢထီၣ်ဝဲ, ဒီးဆံးစၢ်န့ၢ်ဖိခွါတဂၤလၢစီၤအၤ ဘြၤဟၣ်အဂီၢ်ဖဲအသးပှၢ်တ့ၢ်လံဝဲအကတီၢ်န့ၣ်လီၤ.

လံာ်လူၤကၣ် 1:13

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ စီၤစဃၤရံဧၢ, ကစၢ်ယွၤနၢ်ဟူလံနတၢ်ထုကဖၣ်လံ. ဒီးနမါနီၢ်အ့းလံၤစါဘ့းကဆံးစၢ်န့ၢ်နၤလၢဖိခွါတဂၤလီၤ. နကဘၣ်ယုၢ်န့ၢ်အမံၤလၢစီၤယိၤဟၣ်လီၤ.

ကလၤတံ 4:23

အဝဲဒၣ်အဖိခွါလၢကုၢ်ပိာ်မုၣ်တဂၤန့ၣ်အိၣ်ဖျဲၣ်ထီၣ်ဒ်တၢ်ဖံး တၢ်ညၣ်အကျဲအသိးလီၤ. မ့မ့ၢ်အဖိခွါလၢသဘျ့မုၣ်တဂၤန့ၣ်အိၣ်ဖျဲၣ်ထီၣ်ဒ် ကစၢ်ယွၤအၢၣ်လီၤတ့ၢ်အသိးန့ၣ်လီၤ.

ကလၤတံ 4:28

ဒီးခဲကနံၣ်အံၤ, ပဒီပုၢ်ဝဲၢ်သ့ၣ်ဧၢ, သုမ့ၢ်ကစၢ်ယွၤအဖိတဖၣ်လၢ အအိၣ်ထီၣ်ဝဲခီဖျိအတၢ်အၢၣ်လီၤအီလီၤ, ဒ်စီၤအံၤစဲးမ့ၢ်ဝဲ အသိးန့ၣ်လီၤ.