လံာ်တၢ်ကဲထီၣ်အခီၣ်ထံး 17:6 - Sgaw Karen Common Bible

⁶ ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်ဒီးလၢအကျါတနီၤ န့ၣ်ကကဲထီၣ်စီၤပၤတဖၣ်လီၤ. နကအိၣ်ဒီးနစၢၤနသွဲၣ်အါဂၤတုၤဒၣ်လဲာ်အဝဲသ့ၣ်တဖၣ်ကကဲထီၣ်ပှၤ ကလုာ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:6 Iomraidhean Croise

လံာ်တၢ်ကဲထီၣ်အခီၣ်ထံး 13:16

ယကဟ့ၣ်လီၤနၤလၢနစၢၤနသွဲၣ်အါအါကလဲာ်တုၤပှၤဂံၢ်ထီၣ်အီၤ တန့ၢ်တသ့နီတဂၤဘၣ်န့ၣ်လီၤ. တၢ်မ့ၢ်ဘၣ်ဂံၢ်ကယဲၢ်ဟီၣ်ခိၣ်အကမူၣ်ခဲလၢာ်န့ၣ်ကညီဒိၣ်တက့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 17:16

ယကဆိၣ်ဂ့ၤအီၤဒီးယကဟ့ၣ်လီၤနၤဖိခွါတဂၤခီဖျိအီၤစ့ၢ်ကီး လီၤ. ယကဆိၣ်ဂ့ၤအီၤဒီးအဝဲကကဲထီၣ်ပှၤကလုာ်တဖၣ်အမိၢ်ဒီးစီၤပၤ တဖၣ်ကအိၣ်ဝဲလၢအစၢၤအသွဲၣ်တဖၣ်အကျါန့ၣ်လီၤ.”

လံာ်တၢ်ကဲထီၣ်အခီၣ်ထံး 17:20

ယနၢ်ဟူတ့ၢ်လံလၢနဃ့တၢ်ဘၣ်ဃးဒီးစီၤယံးၡမၤဧ့လးအဂီၢ်န့ၣ် လီၤ. မၤသးဒ်န့ၣ်ဒီး, ယကဆိၣ်ဂ့ၤအီၤဒီးဟ့ၣ်အီၤလၢအဖိ တဖၣ်ဒီးအစၢၤအသွဲၣ်တဖၣ်အါအါဂီၢ်ဂီၢ်န့ၣ်လီၤ. အဝဲကမ့ၢ်ပဒိၣ်တဆံခံဂၤအပၢ်ဒီးယကဒုးကဲထီၣ်အစၢၤအသွဲၣ်တဖၣ် လၢပှၤကလုာ်ဖးဒိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:4

“ယမၤတၢ်အၢၣ်လီၤအီလီၤအံၤဒီးနၤလီၤ. ယအၢၣ်လီၤတၢ်လၢနကကဲထီၣ်ပှၤအါကလုာ်အတၢ်လီၤစၢၤလီၤသွဲၣ်အပၢ် ဖးဒိၣ်လၢပျၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 26:22

ဒီးစီၤအံၤစဲးသုးယံၤကွံာ်အသးဖဲန့ၣ်ဒီးခူၣ်ထံပူၤအဂၤ တပူၤန့ၣ်လီၤ. ဒီးတၢ်ဂ့ၢ်လိာ်ဘီလိာ်တအိၣ်ဘၣ်လၢထံပူၤအံၤအဂ့ၢ်ဘၣ်လီၤ. ဒီးကိးဝဲထံပူၤအံၤအမံၤလၢ, “ရဃိဘိး” အခီပညီ, “တၢ်သဘျ့” န့ၣ်လီၤ. ဒီးစီၤအံၤစဲးစံးဝဲ, “ခဲကနံၣ်အံၤ, ယွၤဟ့ၣ်လံပှၤတၢ်သဘျ့လၢပကအိၣ်ကဆိးလၢကီၢ်အံၤအပူၤဒီး ပကဘီၣ်ထီၣ်ညီထီၣ်ဖဲအံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 28:3

မ်သ့တၢ်လၢာ်ကစၢ်ယွၤဆိၣ်ဂ့ၤနတၢ်ဖျီဒီးဟ့ၣ်နၤလၢနဖိတဖၣ် အါအါဂီၢ်ဂီၢ်ဒ်သိးနကကဲထီၣ်ပှၤအါကလုာ်အပၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 35:11

ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 41:52

အဝဲစံးစ့ၢ်ကီးဝဲ, “ကစၢ်ယွၤဟ့ၣ်လံယၤလၢဖိတဖၣ်လၢယတၢ်ဘၣ် ကိၢ်ဘၣ်ဂီၤအကီၢ်ပူၤလံ.” လၢတၢ်န့ၣ်အဃိအဝဲယုၢ်န့ၢ်အဖိခွါခံဂၤတဂၤအမံၤလၢစီၤအ့ ဖရဲၣ်လီၤ.

လံာ်တၢ်ကဲထီၣ်အခီၣ်ထံး 47:27

ပှၤအံၣ်စရ့လးဖိတဖၣ်အိၣ်ဝဲဆိးဝဲလၢကီၢ်အဲၤကူပတူးအပူၤ, လၢကီၢ်ကိၡ့ၣ်အလီၢ်ကဝီၤဖဲအဝဲသ့ၣ်ထူးထီၣ်တီၤထီၣ်, ဒီးအိၣ်ဒီးအဖိတဖၣ်အါဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:3

စီၤယၤကိာ်စံးဘၣ်စီၤယိၤသး, “သ့တၢ်လၢာ်ကစၢ်ယွၤလီၣ်ဖျါ ထီၣ်အသးလၢယၤဖဲဝ့ၢ်လူးစလၢကီၢ်ကနၤဧၣ်အပူၤဒီးဆိၣ်ဂ့ၤ ယၤလီၤ.

လံာ်တၢ်ကဲထီၣ်အခီၣ်ထံး 48:4

အဝဲစံးဘၣ်ယၤ, ‘ယကဟ့ၣ်နၤလၢနဖိအါအါဂီၢ်ဂီၢ်, ဒ်သိးနစၢၤနသွဲၣ်တဖၣ်ကကဲထီၣ်ပှၤအါကလုာ်န့ၣ်လီၤ. ယကဟ့ၣ်လီၤနစၢၤနသွဲၣ်တဖၣ်လၢကီၢ်အံၤဒ်အဝဲသ့ၣ်အတၢ်န့ၢ်သါ အစိၤစိၤအဃၣ်ဃၣ်န့ၣ်လီၤ.”

လံာ်စီၤဧ့စြၤ 4:20

စီၤပၤလၢအအိၣ်ဒီးတၢ်စိတၢ်ကမီၤတဖၣ်ပၢတ့ၢ်တၢ်ဖဲန့ၣ်, ဒီးပၢဘၣ်တၢ်လၢကီၢ်ဖရၤသးအမုၢ်နုာ်ဒီးထၢဖှိၣ်ဝဲတၢ်ခိ တၢ်သွဲတဖၣ်, လၢထံလီၢ်ကီၢ်ပူၤဒီးလၢတၢ်ဖိတၢ်လံၤလၢအဟဲလၢ ထံဂၤကီၢ်ဂၤတဖၣ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:9

ဒီးယကဆိၣ်ဂ့ၤသုဒီးဟ့ၣ်သုလၢဖိတဖၣ်အါအါဂီၢ်ဂီၢ်လီၤ. ယကဟံးဃာ်ယတၢ်အၢၣ်လီၤအီလီၤလၢယမၤဒီးသုန့ၣ်လီၤ.