လံာ်တၢ်ကဲထီၣ်အခီၣ်ထံး 17:23 - Sgaw Karen Common Bible

²³ ဒီးလၢမုၢ်တနံၤဃီအံၤန့ၣ်စီၤအၤဘြၤဟၣ်စူၢ်ကစၢ်ယွၤဒီးကူး တရံးအဖိခွါစီၤယံးၡမၤဧ့လးဒီးပှၤပိာ်ခွါအဂၤခဲလၢာ်လၢ အဟံၣ်ဒူၣ်ဃီထၢအပူၤဃုာ်ဒီးကုၢ်လၢအအိၣ်ဖျဲၣ်ထီၣ်လၢအဟံၣ်ဒူၣ် ဃီထၢအပူၤဒီးလၢအပှ့ၤတ့ၢ်ဝဲတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:23 Iomraidhean Croise

လံာ်တၢ်ကဲထီၣ်အခီၣ်ထံး 14:14

ဒီးတုၤစီၤအၤဘြၣ်နၢ်ဟူဝဲလၢအဖိဒိၣ်ဘၣ်တၢ်ဖီၣ်န့ၢ်အီၤ န့ၣ်, အဝဲကိးထီၣ်ဝဲကယဲၢ်ပှၤဒုးတၢ်ဖိခဲလၢာ်လၢအတၢ်အိၣ်တၢ်ဆိး အလီၢ်အပူၤပှၤသၢကယၤတဆံဃိးဂၤဒီးလူၤဝဲစီၤပၤလွံၢ်ဂၤလၢ ကျဲဆူဝ့ၢ်ဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:9

ကစၢ်ယွၤစံးဘၣ်စီၤအၤဘြၤဟၣ်, “နဲစ့ၢ်ကီးနကဘၣ်ဘၣ်သူၣ်ဘၣ် သးလၢနကဟံးဃာ်တၢ်အၢၣ်လီၤအီလီၤဒီးယၤ, ဃုာ်ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 34:24

ကယဲၢ်ဝ့ၢ်အထံဖိကီၢ်ဖိခဲလၢာ်အသးလီၤပလိာ်ဒီးတၢ်ဂ့ၢ်လၢစီၤ ဃမိၢ်ဒီးစီၤၡက့ၣ်ဆှၢထီၣ်တ့ၢ်ဝဲ, ဒီးကယဲၢ်ပှၤပိာ်ခွါခဲလၢာ်ဒိးတၢ်ကူးတရံးအီၤန့ၣ်လီၤ.

စံးထီၣ်ပတြၢၤ 119:60

လၢတၢ်တမၤယံာ်မၤနီၢ်သးဘၣ်အပူၤ, ယမၤချ့ချ့ဒ်သိးယကတိၢ်န့ၢ်ဖံးဃာ် နတၢ်မၤလိာ်တဖၣ်န့ၣ်လီၤ.

တၢ်ကတိၤဒိ. 27:1

ပာ်ကဖိနသးလၢခဲဂီၤကိာ်အဂ့ၢ်နီတစုတဂ့ၤ. အဂ့ၢ်ဒ်အံၤ, တၢ်ကမၤအသးလၢခဲအံၤဒီးဆူညါအဘၢၣ်စၢၤန့ၣ်, နတသ့ၣ်ညါဘၣ်.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

မၤတၢ် 16:3

စီၤပီလူးအသးအိၣ်လၢအဝဲဒၣ်ကကဲထီၣ်ပှၤလဲၤဃုာ်တၢ်ဒီး အီၤသတးဒီး, ကူးတရံးအီၤလီၤ. အဝဲမၤတၢ်ဒ်သိးအံၤန့ၣ်, မ့ၢ်လၢပှၤယူဒၤဖိလၢအအိၣ်အဆိးဖဲတၢ်လီၢ်တၢ်ကျဲတဖၣ် န့ၣ်အပူၤအဃိ, အဂ့ၢ်မ့ၢ်လၢအဝဲသ့ၣ်ခဲလၢာ်သ့ၣ်ညါလၢ စီၤတံၤမသ့းအပၢ်မ့ၢ်ပှၤကြံးခ်ဖိတဂၤအဃိန့ၣ်လီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

ကလၤတံ 6:15

ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးဝဲမ့ၢ်ဂ့ၤတမ့ၢ်တၢ်လၢ အကါဒိၣ်ဘၣ်. တၢ်လၢအကါဒိၣ်တခီမ့ၢ်ဝဲတၢ်ကဲထီၣ် တၢ်ဘၣ်တ့အသီန့ၣ်လီၤ.