လံာ်တၢ်ကဲထီၣ်အခီၣ်ထံး 17:18 - Sgaw Karen Common Bible

¹⁸ ဒီးစီၤအၤဘြၤဟၣ်သံကွၢ်ကစၢ်ယွၤ, “နတပျဲစီၤယံးၡမၤဧ့လး မ့ၢ်ယပှၤန့ၢ်သါတၢ်န့ၣ်ဘၣ်မနုၤအဃိလဲၣ်.”

လံာ်တၢ်ကဲထီၣ်အခီၣ်ထံး 17:18 Iomraidhean Croise

လံာ်တၢ်ကဲထီၣ်အခီၣ်ထံး 17:17

စီၤအၤဘြၤဟၣ်တီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ် လိၤန့ၣ်လီၤ. ဘၣ်ဆၣ်နံၤထီၣ်ဝဲဒၣ်ဖဲအဆိကမိၣ်ထီၣ်ဝဲ, “ပှၤလၢအသးအိၣ်လံအနံၣ်တကယၤန့ၣ်အဖိအိၣ်ဘၣ်ကသ့ စ့ၢ်ကီးဧါ. မ့ၢ်နီၢ်စၤရါလၢအသးအိၣ်အနံၣ်ခွံဆံန့ၣ်အဖိ အိၣ်ဘၣ်ကသ့စ့ၢ်ကီးဧါ.”

လံာ်တၢ်ကဲထီၣ်အခီၣ်ထံး 17:19

ဒီးကစၢ်ယွၤစံးဆၢအီၤ, “တသ့ဘၣ်. နမါနီၢ်စၤရါကဆံးစၢ်န့ၢ် ဖိခွါတဂၤလၢနဂီၢ်ဒီးနကယုၢ်န့ၢ်အမံၤလၢစီၤအံၤစဲးန့ၣ် လီၤ. ယကဟံးဃာ်ယတၢ်အၢၣ်လီၤအီလီၤဒီးအီၤ, ဒီးအစၢၤအသွဲၣ်တဖၣ်လီၤထူလီၤယိာ်န့ၣ်လီၤ. တၢ်အံၤမ့ၢ်တၢ်အၢၣ်လီၤအီလီၤအထူအယိာ်တမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 21:11

ဒီးတၢ်အံၤမၤကိၢ်မၤဂီၤစီၤအၤဘြၤဟၣ်ဒိၣ်မးလၢစီၤယံးၡမၤ ဧ့လးစ့ၢ်ကီးမ့ၢ်စီၤအၤဘြၤဟၣ်အဖိခွါအဃိန့ၣ်လီၤ.

လံာ်တၢ်ကဲထီၣ်အခီၣ်ထံး 4:12

နမ့ၢ်ဂုာ်ကျဲးစၢးသူၣ်လီၤတၢ်မုၢ်တၢ်ဘိတဖၣ်ဘၣ်ဆၣ်ဒီးဟီၣ်ခိၣ် တဟ့ၣ်ထီၣ်တၢ်နီတမံၤဘၣ်. နကကဲထီၣ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢန့ၣ် လီၤ.”

လံာ်တၢ်ကဲထီၣ်အခီၣ်ထံး 4:14

နဟီထီၣ်ကွံာ်ယၤလၢတၢ်လီၢ်အံၤဒီးဟီယံၤကွံာ်ယၤလၢနမဲာ်ညါ န့ၣ်လီၤ. ယကမ့ၢ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢဒီးကယဲၢ် ပှၤတဂၤလၢ်လၢ်လၢအထံၣ်ယၤကမၤသံယၤန့ၣ်လီၤ.”

စံးထီၣ်ပတြၢၤ 4:6

ပှၤအိၣ်ဝဲအါဂၤလၢအစံး, “အိ, မ့ၢ်မတၤကဒုးထံၣ်ပှၤ လၢတၢ်အဂ့ၤန့ၣ်လဲၣ်. ယွၤဧၢ, ကွၢ်လီၤပှၤလၢ တၢ်သူၣ်ကညီၤသးကညီၤအပူၤတက့ၢ်.”

စံးထီၣ်ပတြၢၤ 41:12

နဟံးဃာ်တ့ၢ်လံယၤမ့ၢ်လၢ ယမၤတၢ်အမ့ၢ်အတီအဃိ, ဒီးနကပာ်ယၤလၢနမဲာ်ညါလီၤစိၤလီၤထီန့ၣ်လီၤ.

လံာ်ယၡါယၤ 59:2

တၢ်အံၤ, မ့ၢ်ဒၣ်လၢသုတၢ်ဒဲးဘးတဖၣ်အဃိဒီးအဝဲ တနၢ်ဟူသုန့ၣ်လီၤ. တၢ်အံၤမ့ၢ်သုတၢ်ဒဲးဘးတဖၣ်လၢ အမၤလီၤဖးသုဒီးကစၢ်ယွၤဖဲသုကျဲးစၢးဘူၣ်ထီၣ်ဘါထီၣ် အီၤအကတီၢ်န့ၣ်လီၤ.

လံာ်ယံးရမံယၤ 32:39

ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”