လံာ်တၢ်ကဲထီၣ်အခီၣ်ထံး 17:13 - Sgaw Karen Common Bible

¹³ ပှၤကိးဂၤဒဲးကဘၣ်ဒိးတၢ်ကူးတရံးဒီးတၢ်အံၤမ့ၢ်နီၢ်ခိအတၢ် ပနီၣ်လၢအပာ်ဖျါထီၣ်ယတၢ်အၢၣ်လီၤအီလီၤဒီးသုမ့ၢ်တၢ်လီၤထူ လီၤယိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:13 Iomraidhean Croise

လံာ်တၢ်ကဲထီၣ်အခီၣ်ထံး 14:14

ဒီးတုၤစီၤအၤဘြၣ်နၢ်ဟူဝဲလၢအဖိဒိၣ်ဘၣ်တၢ်ဖီၣ်န့ၢ်အီၤ န့ၣ်, အဝဲကိးထီၣ်ဝဲကယဲၢ်ပှၤဒုးတၢ်ဖိခဲလၢာ်လၢအတၢ်အိၣ်တၢ်ဆိး အလီၢ်အပူၤပှၤသၢကယၤတဆံဃိးဂၤဒီးလူၤဝဲစီၤပၤလွံၢ်ဂၤလၢ ကျဲဆူဝ့ၢ်ဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 15:3

နတဟ့ၣ်လီၤတ့ၢ်ယၤဖိနီတဂၤဘၣ်. ဒီးပှၤလၢကန့ၢ်သါယတၢ်စုလီၢ် ခီၣ်ခိၣ်န့ၣ်မ့ၢ်ဒၣ်ယကုၢ်တဖၣ်အကျါတဂၤလီၤ.”

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်တၢ်ကဲထီၣ်အခီၣ်ထံး 37:27

မ်ပကဆါကွံာ်အီၤဆူပှၤယံးၡမၤဧ့လးဖိသ့ၣ်တဖၣ်အအိၣ်န့ၣ်တ က့ၢ်. အန့ၣ်ဒီးပတမၤဆါဘၣ်အီၤဘၣ်. နီၢ်နီၢ်တခီ, အဝဲမ့ၢ်ဒၣ်ပဒီပုၢ်ဝဲၢ်ခွါ, ပဖံးပညၣ်ဒီးပသွံၣ်ပထံဒၣ်ဝဲလီၤ.” အဒီပုၢ်ဝဲၢ်ခွါတဖၣ်ဘၣ်သူၣ်ဘၣ်သးဝဲ,

လံာ်တၢ်ကဲထီၣ်အခီၣ်ထံး 37:36

အကတီၢ်ဖဲန့ၣ်, လၢကီၢ်အဲၤကူပတူးအပူၤ, ပှၤမံးဒယၣ်ဖိတဖၣ်ဆါလီၤကွံာ်လံစီၤယိၤသးဆူစီၤပိၤတံၤ ဖၢ်, ပှၤပၢၤနီအခိၣ်တဂၤလၢအမ့ၢ်စီၤပၤအပဒိၣ်ပပှၢ်တဖၣ်အကျါတဂၤအစု ပူၤလီၤ.

လံာ်တၢ်ကဲထီၣ်အခီၣ်ထံး 39:1

ခဲအံၤ, ပှၤယံးၡမၤဧ့လးဖိသ့ၣ်တဖၣ်လဲၤကိးစီၤယိၤသးဆူ ကီၢ်အဲၤကူပတူးဒီးဆါကွံာ်အီၤဆူစီၤပိၤတံၤဖၢ်, လၢအမ့ၢ်စီၤပၤအပဒိၣ်ပပှၢ်တဖၣ်အကျါတဂၤလၢအမ့ၢ်ပှၤပၢၤနီအခိၣ် တဂၤန့ၣ်အအိၣ်လီၤ.

လံာ်တၢ်ကဲထီၣ်အခီၣ်ထံး 9:16

တုၤတၢၢ်ကွဲၤဖျါထီၣ်လၢတၢ်အၢၣ်အကျါန့ၣ်ဒီးယကထံၣ်တၢ်အံၤဒီး သ့ၣ်နီၣ်ထီၣ်က့ၤတၢ်အၢၣ်လီၤအီလီၤလီၤထူလီၤယိာ်လၢယမၤဒီး ကယဲၢ်တၢ်မူတၢ်သါခဲလၢာ်လၢဟီၣ်ခိၣ်ဖီခိၣ်န့ၣ်လီၤ.

လံာ်စီၤနဃ့မယၤ 5:5

ပမ့ၢ်ပှၤတကလုာ်ဃီဒီးပဒီပုၢ်ဝဲၢ်ပှၤယူဒၤဖိသ့ၣ်တဖၣ်န့ၣ် လီၤ. မ့ၢ်ပဖိပလံၤသ့ၣ်တဖၣ်တဂ့ၤထဲသိးအဝဲသ့ၣ်န့ၣ်ဘၣ်ဧါ. ဘၣ်ဆၣ်ပဘၣ်ဒုးကဲကုၢ်ပဖိပလံၤသ့ၣ်တဖၣ်န့ၣ်လီၤ. ပဖိမုၣ်တနီၤဘၣ်တၢ်ဆါတ့ၢ်လံအီၤလၢကုၢ်အလီၢ်န့ၣ်လီၤ. မ့ၢ်လၢပစံာ်ပျီတဖၣ်ဒီးပစပံးလီၢ်သ့ၣ်တဖၣ်ဘၣ်တၢ်ဟံးထီၣ်ကွံာ် လၢပအိၣ်အဃိတၢ်မၤစၢၤပှၤတအိၣ်ဘၣ်န့ၣ်လီၤ.”

လံာ်စီၤနဃ့မယၤ 5:8

ဒီးယစံးဘၣ်အဝဲသ့ၣ် “ဖဲပမၤသ့ဝဲအသိးန့ၣ်ပပှ့ၤက့ၤလံ ပဒီပုၢ်ဝဲၢ်သ့ၣ်တဖၣ်လၢအဆါလီၤအသးဆူပှၤကလုာ်ဂၤန့ၣ်လီၤ. ဒီးခဲကနံၣ်အံၤသုမၤဆူၣ်သုဒီပုၢ်ဝဲၢ်သ့ၣ်တဖၣ်လၢကဆါလီၤ အသးလၢသုပှၤယူဒၤဖိကဒဲကဒဲန့ၣ်လီၤ.” ဒီးပှၤခိၣ်ပှၤနၢ်တဖၣ်အိၣ်ဘှီၣ်ဝဲဒီးစံးတၢ်တသ့နီတမံၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 12:44

ဘၣ်ဆၣ်ဒီးကုၢ်တဂၤလၢ်လၢ်လၢသုပှ့ၤအီၤန့ၣ်သုမ့ၢ်ကူးတရံးဆိ အီၤသၢပျၢၤဒီးအီၣ်ဝဲသ့လီၤ.

လံာ်တၢ်ဟးထီၣ်ကွံာ် 21:16

ပှၤတဂၤလၢ်လၢ်မ့ၢ်ဟုၣ်န့ၢ်ပှၤကညီလၢကဆါအီၣ်အီၤအဂီၢ်မ့ၢ်ဂ့ၤ, ကမၢကဲကုၢ်အီၤအဂီၢ်မ့ၢ်ဂ့ၤန့ၣ်ကဘၣ်တၢ်မၤသံကွံာ်အီၤလီၤ.

လံာ်တၢ်ဟးထီၣ်ကွံာ် 21:2

သုမ့ၢ်ပှ့ၤန့ၢ်ပှၤဧ့ၤဘြံၤဖိ ကုၢ်တဂၤဒီးအဝဲကမၤသုတၢ်ခ့တၢ်ပှၤတၢ်မၤဃုနံၣ်လီၤ. လၢနွံနံၣ်တနံၣ်အပူၤန့ၣ်အဝဲကဘၣ်တၢ်ပျၢ်ဖျဲးကွံာ်အီၤဒီးတဘၣ်ဟ့ၣ်တၢ်အပှ့ၤနီတမံၤဘၣ်.

လံာ်တၢ်ဟးထီၣ်ကွံာ် 21:4

အကစၢ်မ့ၢ်ဟ့ၣ်အီၤအမါတဂၤဒီးထီၣ်ဖိန့ၢ်အီၤဖိခွါတဖၣ်မ့ၢ် ဂ့ၤဖိမုၣ်တဖၣ်မ့ၢ်ဂ့ၤဒီးပိာ်မုၣ်ဒီးအဖိတဖၣ်န့ၣ်ဘၣ်ဃးဒီး အကစၢ်လီၤ. ဒီးပှၤတဂၤန့ၣ်ကဘၣ်ဟးထီၣ်ကွံာ်ထဲအနီၢ် ကစၢ်ဒၣ်ဝဲဧိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:11

မ့မ့ၢ်ကုၢ်လၢပှၤလုၢ်တၢ်အခိၣ်ပှ့ၤအီၤလၢအတိၢ်ဒၣ်ဝဲဒ်အကုၢ် အသိးမ့ၢ်ဂ့ၤ, အိၣ်ဖျဲၣ်ထီၣ်လၢအဟံၣ်ပူၤမ့ၢ်ဂ့ၤကအီၣ်ဘၣ် တၢ်အီၣ်လၢပှၤလုၢ်တၢ်အခိၣ်ဒိးန့ၢ်ဘၣ်ဝဲတဖၣ်န့ၣ်လီၤ.

လံာ်မးသဲ 18:25

မ့ၢ်လၢအခ့အပှၤအံၤလိးက့ၤစ့အံၤတန့ၢ်ဘၣ်အဃိ, အကစၢ်ဟ့ၣ်လီၤအကလုၢ်လၢအကဘၣ်တၢ်ဆါလီၤကွံာ်အီၤ, အမါဒီးအဖိတဖၣ်, ဒီးတၢ်လၢအအိၣ်ဒီးအီၤခဲလၢာ်, ဒီးလိးက့ၤအကမၢ်န့ၣ်လီၤ.