လံာ်တၢ်ကဲထီၣ်အခီၣ်ထံး 17:11 - Sgaw Karen Common Bible

^11-12 စးထီၣ်ခဲအံၤဒီးဆူညါနကဘၣ်ကူးတရံးပှၤဖိသၣ်ပိာ်ခွါကိး ဂၤဒဲးဖဲအသးပှဲၤထီၣ်ဃိးသီဃုာ်ဒီးကုၢ်တဖၣ်လၢအအိၣ်ဖျဲၣ် ထီၣ်လၢနဟံၣ်ဒူၣ်ဃီထၢအပူၤမ့ၢ်ဂ့ၤ, ကုၢ်တဖၣ်လၢအဘၣ်တၢ်ပှ့ၤအီၤလၢပှၤတခီဘီမုၢ်ဖိအအိၣ်မ့ၢ်ဂ့ၤ န့ၣ်လီၤ. တၢ်အံၤကဒုးနဲၣ်ဖျါထီၣ်လၢတၢ်အၢၣ်လီၤအီလီၤအိၣ်ဝဲလၢနၤ ဒီးယၤအဘၢၣ်စၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 17:11 Iomraidhean Croise

လံာ်တၢ်ကဲထီၣ်အခီၣ်ထံး 9:12

ဒ်တၢ်အၢၣ်လီၤအီလီၤလီၤထူလီၤယိာ်အပနီၣ်တမံၤလၢယမၤ ဒီးသုဒီးတၢ်အမူအသါခဲလၢာ်အသိးန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 3:14

ဒီးစီၤဒၤဝံးဆှၢလီၤစ့ၢ်ကီးပှၤစိာ်တၢ်ကစီၣ်တဖၣ်ဆူစီၤအံၤ ၡဘိၡ့းအအိၣ်ဒီးစံး, “ဟ့ၣ်က့ၤယၤယမါနီၢ်မံၤကၤလးတက့ၢ်. ယဟ့ၣ်တ့ၢ်ပှၤဖလ့ၡသးဖိအတၢ်ခိၣ်ထိးအဖံးတကယၤဒ်သိးယကဖျီဘၣ် ယသးဒီးအီၤအဂီၢ်လီၤ.”

လံာ်တၢ်ဟးထီၣ်ကွံာ် 12:48

ဘၣ်ဆၣ်ဒီးပှၤလၢတဒိးတၢ်ကူးတရံးအီၤတဖၣ်တဘၣ်အီၣ်အီၤနီတဂၤ ဘၣ်. ပှၤတခီဘီမုၢ်ဖိလၢအအိၣ်အဆိးလၢသုကျါမ့ၢ်အဲၣ်ဒိးတိၢ်န့ၢ် ဘူၣ်လဲၤကပာ်အံၤဒီးမၤလၤကပီၤယွၤန့ၣ်သုကဘၣ်ကူးတရံးဆိ ကယဲၢ်ပှၤပိာ်ခွါတဖၣ်လၢဒူၣ်ဖိထၢဖိတဒူၣ်န့ၣ်အပူၤလီၤ. စးထီၣ်ဖဲန့ၣ်အဝဲဒၣ်ကဘၣ်တၢ်ပာ်အီၤဒ်ပှၤအံၣ်စရ့လးဖိလၢ အအိၣ်ဖျဲၣ်လၢကီၢ်ပူၤတဂၤအသိးဒီးတူၢ်လိာ်အီၤလၢဘူၣ်အပူၤန့ၣ်လီၤ.

လံာ်တၢ်ဟးထီၣ်ကွံာ် 4:25

ဒီးနီၢ်စံးဖိရၤဟံးန့ၢ်ဒီဖိလၢအကနၣ်အ့ၣ်တဘ့ၣ်ဒီးကူးတဲာ် အဖိခွါအတၢ်ခိၣ်ဖံးဒီးထိးဝဲလၢစီၤမိၤၡ့အခီၣ်န့ၣ်လီၤ.

မၤတၢ် 7:8

အန့ၣ်ဝံၤကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်, ဒီးအပနီၣ်မ့ၢ်ဝဲ, တၢ်ကူးတရံးအလုၢ်အလၢ်န့ၣ်လီၤ. သတးဒီး, စီၤအၤဘြၤဟၣ်ကူးတရံးဝဲအဖိခွါစီၤအံၤစဲး, ဖဲအအိၣ်ဖျဲၣ်ထီၣ်ဝံၤဃိးသီတသီန့ၣ်လီၤ. စီၤအံၤစဲးမၤဝဲတၢ်တမံၤဃီန့ၣ်လၢအဖိခွါစီၤယၤကိာ် အဂီၢ်, ဒီးစီၤယၤကိာ်မၤစ့ၢ်ကီးဝဲတၢ်တမံၤဃီန့ၣ်လၢအဖိခွါ တဆံခံဂၤ, လၢအမ့ၢ်ပပှၤကလုာ်အပၢ်ဖးဒိၣ်, မံၤဟူသၣ်ဖျါလၢပျၢၤတဖၣ်အဂီၢ်န့ၣ်လီၤ.

ရိမ့ၤ 4:11

အဝဲကူးတရံးအသးလၢခံ, ဒီးအတၢ်ကူးတရံးအံၤမ့ၢ်တၢ်ပနီၣ် တမံၤလၢအဒုးနဲၣ်ဝဲကစၢ်ယွၤအတၢ်တူၢ်လိာ်အီၤဒ်ပှၤတီပှၤလိၤ တဂၤအသိးလၢအတၢ်နာ်အဃိ, တချုးဒံးဘၣ်လၢအဝဲဘၣ်တၢ်ကူးတရံးအီၤန့ၣ်လီၤ. သတးဒီး, စီၤအၤဘြၤဟၣ်မ့ၢ်ပှၤနာ်ကစၢ်ယွၤခဲလၢာ်အပၢ် လၢသူၣ်လၢသး, ဒီးပှၤခဲလၢာ်အံၤဘၣ်တၢ်တူၢ်လိာ်အီၤလၢ ယွၤဒ်ပှၤတီပှၤလိၤအသိး, ဖဲအဝဲသ့ၣ်တဒိးဘၣ်တၢ်ကူးတရံးအခါဒၣ်လဲာ်န့ၣ်လီၤ.

လံာ်သိၣ်လီၤသီလီၤတၢ် 10:16

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်ကဲထီၣ်ပှၤ စူၢ်ယွၤအကလုာ်ဒီးဆိကတီၢ်ကွံာ်သုတၢ်ခိၣ်ကိၤန့ၣ်တက့ၢ်.

လံာ်စီၤယိၤၡူ 5:3

အန့ၣ်ဒီး, စီၤယိၤၡူတ့ဒီလၢၢ်တဖၣ်ဒီးကူးတရံးပှၤအံၣ်စရ့လးဖိတဖၣ် ဖဲတၢ်လီၢ်လၢအဘၣ်တၢ်ကိးအီၤလၢတၢ်စိခိၣ်ဧၤရလိးအခီပညီမ့ၢ် တၢ်ကူးတရံးအတၢ်စိခိၣ်န့ၣ်လီၤ.