လံာ်တၢ်ကဲထီၣ်အခီၣ်ထံး 17:10 - Sgaw Karen Common Bible

¹⁰ နၤဒီးကယဲၢ်နစၢၤနသွဲၣ်ခဲလၢာ်ကဘၣ်ဘၣ်သူၣ်ဘၣ်သးလၢပိာ်ခွါလၢ သုကျါခဲလၢာ်ကဒိးတၢ်ကူးတရံးအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:10 Iomraidhean Croise

လံာ်တၢ်ကဲထီၣ်အခီၣ်ထံး 17:11

စးထီၣ်ခဲအံၤဒီးဆူညါနကဘၣ်ကူးတရံးပှၤဖိသၣ်ပိာ်ခွါကိး ဂၤဒဲးဖဲအသးပှဲၤထီၣ်ဃိးသီဃုာ်ဒီးကုၢ်တဖၣ်လၢအအိၣ်ဖျဲၣ် ထီၣ်လၢနဟံၣ်ဒူၣ်ဃီထၢအပူၤမ့ၢ်ဂ့ၤ, ကုၢ်တဖၣ်လၢအဘၣ်တၢ်ပှ့ၤအီၤလၢပှၤတခီဘီမုၢ်ဖိအအိၣ်မ့ၢ်ဂ့ၤ န့ၣ်လီၤ. တၢ်အံၤကဒုးနဲၣ်ဖျါထီၣ်လၢတၢ်အၢၣ်လီၤအီလီၤအိၣ်ဝဲလၢနၤ ဒီးယၤအဘၢၣ်စၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 17:23

ဒီးလၢမုၢ်တနံၤဃီအံၤန့ၣ်စီၤအၤဘြၤဟၣ်စူၢ်ကစၢ်ယွၤဒီးကူး တရံးအဖိခွါစီၤယံးၡမၤဧ့လးဒီးပှၤပိာ်ခွါအဂၤခဲလၢာ်လၢ အဟံၣ်ဒူၣ်ဃီထၢအပူၤဃုာ်ဒီးကုၢ်လၢအအိၣ်ဖျဲၣ်ထီၣ်လၢအဟံၣ်ဒူၣ် ဃီထၢအပူၤဒီးလၢအပှ့ၤတ့ၢ်ဝဲတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:27

ဃုာ်ဒီးအကုၢ်ခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 34:15

တၢ်အဂ့ၢ်အခၢးထဲတမံၤဧိၤလၢကဒုးသးလီၤပလိာ်ပှၤဒီးသုန့ၣ် မ့ၢ်ဒၣ်သုကကဲထီၣ်တၢ်ဒ်သိးဒီးပှၤခီဖျိသုပှၤပိာ်ခွါခဲ လၢာ်ဒိးဘၣ်တၢ်ကူးတရံးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 34:22

ဘၣ်ဆၣ်ပှၤတဖၣ်အံၤကသးလီၤပလိာ်ဒ်သိးကအိၣ်ဆိးလၢပကျါဒီးကဲ ထီၣ်ပှၤဂီၢ်မုၢ်တဖုဃီဒီးပှၤထဲဒၣ်လၢတၢ်အဂ့ၢ်အခၢးတမံၤဧိၤ အဖီခိၣ်လၢအမ့ၢ်ပပှၤပိာ်ခွါခဲလၢာ်ကဘၣ်ဒိးတၢ်ကူးတရံးဒ်အဝဲ သ့ၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 12:48

ဘၣ်ဆၣ်ဒီးပှၤလၢတဒိးတၢ်ကူးတရံးအီၤတဖၣ်တဘၣ်အီၣ်အီၤနီတဂၤ ဘၣ်. ပှၤတခီဘီမုၢ်ဖိလၢအအိၣ်အဆိးလၢသုကျါမ့ၢ်အဲၣ်ဒိးတိၢ်န့ၢ် ဘူၣ်လဲၤကပာ်အံၤဒီးမၤလၤကပီၤယွၤန့ၣ်သုကဘၣ်ကူးတရံးဆိ ကယဲၢ်ပှၤပိာ်ခွါတဖၣ်လၢဒူၣ်ဖိထၢဖိတဒူၣ်န့ၣ်အပူၤလီၤ. စးထီၣ်ဖဲန့ၣ်အဝဲဒၣ်ကဘၣ်တၢ်ပာ်အီၤဒ်ပှၤအံၣ်စရ့လးဖိလၢ အအိၣ်ဖျဲၣ်လၢကီၢ်ပူၤတဂၤအသိးဒီးတူၢ်လိာ်အီၤလၢဘူၣ်အပူၤန့ၣ်လီၤ.

လံာ်တၢ်ဟးထီၣ်ကွံာ် 4:25

ဒီးနီၢ်စံးဖိရၤဟံးန့ၢ်ဒီဖိလၢအကနၣ်အ့ၣ်တဘ့ၣ်ဒီးကူးတဲာ် အဖိခွါအတၢ်ခိၣ်ဖံးဒီးထိးဝဲလၢစီၤမိၤၡ့အခီၣ်န့ၣ်လီၤ.

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယိၤဟၣ် 7:22

စီၤမိၤၡ့မၢသုကူးတရံးသုဖိခွါတဖၣ်, အန့ၣ်ဒီးသုကူးတရံးဘၣ်ပိာ်ခွါဖိသၣ်လၢမုၢ်အိၣ်ဘှံးနံၤ န့ၣ်လီၤ. (ပှၤစးထီၣ်လုၢ်လၢ်အံၤမ့ၢ်သုပၢ်ဖးဒိၣ်လၢပျၢၤဒီး တမ့ၢ်စီၤမိၤၡ့ဘၣ်.)

မၤတၢ် 7:8

အန့ၣ်ဝံၤကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်, ဒီးအပနီၣ်မ့ၢ်ဝဲ, တၢ်ကူးတရံးအလုၢ်အလၢ်န့ၣ်လီၤ. သတးဒီး, စီၤအၤဘြၤဟၣ်ကူးတရံးဝဲအဖိခွါစီၤအံၤစဲး, ဖဲအအိၣ်ဖျဲၣ်ထီၣ်ဝံၤဃိးသီတသီန့ၣ်လီၤ. စီၤအံၤစဲးမၤဝဲတၢ်တမံၤဃီန့ၣ်လၢအဖိခွါစီၤယၤကိာ် အဂီၢ်, ဒီးစီၤယၤကိာ်မၤစ့ၢ်ကီးဝဲတၢ်တမံၤဃီန့ၣ်လၢအဖိခွါ တဆံခံဂၤ, လၢအမ့ၢ်ပပှၤကလုာ်အပၢ်ဖးဒိၣ်, မံၤဟူသၣ်ဖျါလၢပျၢၤတဖၣ်အဂီၢ်န့ၣ်လီၤ.

ရိမ့ၤ 2:28

မ့မ့ၢ်ဒ်န့ၣ်ဒီး, ပှၤယူဒၤဖိနီၢ်နီၢ်တဂၤလၢအဒိးဘၣ်တၢ်ကူးတရံး အီၤန့ၣ်, မ့ၢ်မတၤတဂၤလဲၣ်. တမ့ၢ်ပှၤတဂၤလၢအမ့ၢ်ပှၤယူဒၤ ဖိထဲလၢအဖျါလၢခိလၢအဒိးတၢ်ကူးတရံးထဲလၢနီၢ်ခိဧိၤန့ၣ်ဘၣ်.

ရိမ့ၤ 3:25

ကစၢ်ယွၤဟ့ၣ်လီၤယ့ၣ်ၡူးခရံာ်ဒ်သိးခီဖျိအတၢ်သံန့ၣ်, အဝဲကကဲထီၣ်ကျဲလၢပှၤဟီၣ်ခိၣ်ဖိတဖၣ်အတၢ်ဒဲးဘး ကဘၣ်တၢ်ပျၢ်အီၤအဂီၢ်လၢအဝဲသ့ၣ်အတၢ်နာ်အီၤအဃိန့ၣ်လီၤ. ကစၢ်ယွၤမၤတ့ၢ်တၢ်အံၤဒ်သိးအကဒုးနဲၣ်အတၢ်တီတၢ်လိၤ အဂီၢ်န့ၣ်လီၤ. လၢအပူၤကွံာ်န့ၣ်, ကစၢ်ယွၤဝံသးစူၤတၢ်ဒီးကွၢ်ကပာ်ကွံာ်ပှၤဟီၣ်ခိၣ်ဖိ တဖၣ်အတၢ်ဒဲးဘးန့ၣ်လီၤ.

ရိမ့ၤ 3:28

အဂ့ၢ်ဒ်အံၤပစံးသ့လၢပှၤကညီတဂၤဘၣ်တၢ်ပာ်တီပာ်လိၤ အီၤလၢယွၤခီဖျိဒၣ်ထဲလၢတၢ်စူၢ်တၢ်နာ်, ဒီးတမ့ၢ်ဘၣ်လၢအမၤထွဲတၢ်သိၣ်တၢ်သီအတၢ်မၤလိာ်တဖၣ် အခံအဃိန့ၣ်ဘၣ်.

ရိမ့ၤ 3:30

ကစၢ်ယွၤမ့ၢ်တဂၤဃီ, ဒီးအဝဲကမၤလိၤမၤဘၣ်ပှၤဒိးတၢ်ကူးတရံးဖိ တဖၣ်ဒီးအီၤခီဖျိအဝဲသ့ၣ်အတၢ်စူၢ်တၢ်နာ်, ဒီးပှၤတဒိးတၢ်ကူးတရံးတဖၣ်စ့ၢ်ကီးခီဖျိအဝဲသ့ၣ်အတၢ်စူၢ် တၢ်နာ်န့ၣ်လီၤ.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

ကလၤတံ 6:12

ပှၤသ့ၣ်တဖၣ်လၢအဂုာ်ကျဲးစၢးမၢဆူၣ်သုဒိးတၢ်ကူးတရံး န့ၣ်မ့ၢ်ပှၤတဖၣ်လၢအအဲၣ်ဒိးမၤအိၣ်အမဲာ်သၣ်ဒီးကတိၤတၢ် ကဖၢလၢဘၣ်ဃးတၢ်အိၣ်ဖျါလၢခိတကပၤလီၤ. အဝဲသ့ၣ် မၤဝဲဒ်အံၤန့ၣ်, မ့ၢ်ဒ်သိးအသုတဘၣ်တၢ်မၤအၢမၤနးအီၤ, လၢအစံၣ်တဲၤတဲလီၤခရံာ်အတၢ်သံလၢထူၣ်စုညါအလိၤ အဂ့ၢ်အဃိ, တဂ့ၤအဂီၢ်န့ၣ်လီၤ.

အ့းဖ့းစူး 2:11

ပှၤလၢအအိၣ်ဖျဲၣ်ထီၣ်ဒ်ပှၤကလုာ်ဂၤတဖၣ်အသိး, ပှၤလၢပှၤယူဒၤဖိလၢအကိးလီၤအသးလၢပှၤဒိးတၢ်ကူးတရံး လၢနီၢ်ခိနီၢ်ခီတဖၣ်, ကိးဝဲလၢပှၤတဒိးဘၣ်တၢ်ကူးတရံးဖိတဖၣ် သ့ၣ်ဧၢ, သ့ၣ်နီၣ်ထီၣ်တၢ်လၢသုမ့ၢ်တ့ၢ်လၢအပူၤကွံာ်အဆၢ ကတီၢ်န့ၣ်တက့ၢ်.

လံာ်သိၣ်လီၤသီလီၤတၢ် 10:16

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်ကဲထီၣ်ပှၤ စူၢ်ယွၤအကလုာ်ဒီးဆိကတီၢ်ကွံာ်သုတၢ်ခိၣ်ကိၤန့ၣ်တက့ၢ်.

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

လံာ်စီၤယိၤၡူ 5:2

အကတီၢ်ဖဲန့ၣ်ယွၤစံးဘၣ်စီၤယိၤၡူ, “တ့ဒီလၢၢ်တဖၣ်ဒီးကူးတရံးပှၤအံၣ်စရ့လးဖိတဖၣ်ခံဘျီ တဘျီတက့ၢ်.”

လံာ်စီၤယိၤၡူ 5:4

ဒီးတၢ်အဂ့ၢ်အခၢးလၢစီၤယိၤၡူကူးတရံးအဝဲ သ့ၣ်မ့ၢ်ဒ်အံၤလီၤ. ပိာ်ခွါခဲလၢာ်လၢအဟးထီၣ်လၢကီၢ်အဲၤကူပတူး, ပှၤလၢအဒုးသုးခဲလၢာ်, သံဝဲလၢကျဲလၢပှၢ်မုၢ်ကနၢအပူၤဖဲ အဟးထီၣ်ဝံၤအလီၢ်ခံန့ၣ်လီၤ.