လံာ်တၢ်ကဲထီၣ်အခီၣ်ထံး 17:1 - Sgaw Karen Common Bible

¹ ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 17:1 Iomraidhean Croise

လံာ်တၢ်ကဲထီၣ်အခီၣ်ထံး 12:1

ဒီးယွၤစံးဘၣ်စီၤအၤဘြၣ်, “ဟးထီၣ်နဲလၢနထံနကီၢ်, နဘူးနတံၢ်အအိၣ်, ဒီးနပၢ်အဟံၣ်, ဒီးလဲၤဆူထံကီၢ်တဘ့ၣ်လၢ ယကဒုးနဲၣ်နၤတက့ၢ်.

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 16:16

အကတီၢ်ဖဲန့ၣ်စီၤအၤဘြၣ်အသးအိၣ်ဝဲဃိးဆံဃုနံၣ်လီၤ.

လံာ်တၢ်ကဲထီၣ်အခီၣ်ထံး 18:1

ယွၤလီၣ်ဖျါထီၣ်အသးလၢစီၤအၤဘြၤဟၣ်ဖဲမးမရ့အသ့ၣ်စီဆှံ တဖၣ်န့ၣ်လီၤ. ဖဲလၢမုၢ်တနံၤအပူၤတၢ်ကိၢ်ဆူၣ်ကတၢၢ်အက တီၢ်န့ၣ်စီၤအၤဘြၤဟၣ်ဆ့ၣ်နီၤဝဲလၢအဒဲအကျဲစၢၤအခါ,

လံာ်တၢ်ကဲထီၣ်အခီၣ်ထံး 18:14

မ့ၢ်တၢ်ကီကဲၣ်ဆိးလၢယွၤအဂီၢ်အိၣ်ဝဲတမံၤမံၤန့ၣ်ဧါ. ဒ်ယစံးတ့ၢ်လံအသိးစးထီၣ်ခဲအံၤဒီးဆူညါခွံလါန့ၣ်ယကဟဲ က့ၤဒီးနီၢ်စၤရါကအိၣ်ဒီးအဖိခွါတဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:40

ဒီးအဝဲစံးဆၢဝဲ, ‘ယွၤလၢယစူၢ်တ့ၢ်လံအီၤထီဘိတဂၤအံၤ ကဆှၢလီၤအကလူးဃုာ်ဒီးနၤဒီးကဟ့ၣ်နၤတၢ်မၤနၢၤလီၤ. နကမၤန့ၢ်မါတဂၤလၢယဖိခွါအဂီၢ်လၢယပှၤဂီၢ်မုၢ်ဒၣ်ယဲ အကျါဒီးလၢယပၢ်အဒူၣ်ဖိထၢဖိဒၣ်ဝဲအကျါန့ၣ်လီၤ.

လံာ်တၢ်ကဲထီၣ်အခီၣ်ထံး 26:2

ဒီးယွၤလီၣ်ဖျါထီၣ်အသးလၢစီၤအံၤစဲးအမဲာ်ညါဒီးစံးဝဲ ဒၣ်, “လဲၤဆူကီၢ်အဲၤကူပတူးအပူၤတဂ့ၤ. အိၣ်လၢကီၢ်လၢယစံးဘၣ် နၤအပူၤတက့ၢ်.

လံာ်တၢ်ကဲထီၣ်အခီၣ်ထံး 28:3

မ်သ့တၢ်လၢာ်ကစၢ်ယွၤဆိၣ်ဂ့ၤနတၢ်ဖျီဒီးဟ့ၣ်နၤလၢနဖိတဖၣ် အါအါဂီၢ်ဂီၢ်ဒ်သိးနကကဲထီၣ်ပှၤအါကလုာ်အပၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 35:11

ဒီးကစၢ်ယွၤစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. ထီၣ်ဖိအါအါဂီၢ်ဂီၢ်တက့ၢ်. ပှၤကလုာ်တဖၣ်ကလီၤစၢၤလီၤသွဲၣ် လၢနၤဒီးနကမ့ၢ်ပှၤလၢစီၤပၤတဖၣ်ဟဲလီၤစၢၤလီၤသွဲၣ်လၢအီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 43:14

မ်သ့တၢ်လၢာ်ကစၢ်ယွၤထိးဘၣ်ပှၤတဂၤန့ၣ်အသးဒ်သိးကသးကညီၤသု တုၤလၢကဟ့ၣ်ကဒါက့ၤစီၤဘံၣ်ယၤမံၣ်ဒီးသုဒီပုၢ်ဝဲၢ်ခွါအဂၤ တဂၤဆူသုအိၣ်န့ၣ်တက့ၢ်. မ့မ့ၢ်လၢယဂီၢ်တခီယမ့ၢ်ဘၣ်ခီၣ်ဆူကွံာ်ယဖိတဖၣ်ဒီးယကဘၣ်ခီၣ် ဆူကွံာ်လီၤ.”

လံာ်တၢ်ကဲထီၣ်အခီၣ်ထံး 46:3

ကစၢ်ယွၤစံးဘၣ်အီၤ, “ယမ့ၢ်ကစၢ်ယွၤ, နပၢ်အကစၢ်ယွၤလီၤ. နကလဲၤဆူကီၢ်အဲၤကူပတူးန့ၣ်ပျံၤတၢ်တ ဂ့ၤ. ယကဒုးကဲထီၣ်နစၢၤနသွဲၣ်တဖၣ်လၢပှၤကလုာ်ဖးဒိၣ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 48:15

ဝံၤဒီး, အဝဲဆိၣ်ဂ့ၤစီၤယိၤသးဒီးစံးဝဲ, “မ်ကစၢ်ယွၤလၢယပၢ် စီၤအၤဘြၤဟၣ်ဒီးစီၤအံၤစဲးမၤအတၢ်, ဆိၣ်ဂ့ၤပိာ်ခွါဖိသၣ် တဖၣ်အံၤတက့ၢ်. မ်ကစၢ်ယွၤလၢအဆှၢတ့ၢ်ယၤတုၤမုၢ်တနံၤအံၤန့ၣ်, ဆိၣ်ဂ့ၤအဝဲသ့ၣ်တက့ၢ်.

လံာ်တၢ်ကဲထီၣ်အခီၣ်ထံး 48:3

စီၤယၤကိာ်စံးဘၣ်စီၤယိၤသး, “သ့တၢ်လၢာ်ကစၢ်ယွၤလီၣ်ဖျါ ထီၣ်အသးလၢယၤဖဲဝ့ၢ်လူးစလၢကီၢ်ကနၤဧၣ်အပူၤဒီးဆိၣ်ဂ့ၤ ယၤလီၤ.

လံာ်တၢ်ကဲထီၣ်အခီၣ်ထံး 5:22

အန့ၣ်ဝံၤအလီၢ်ခံစီၤဃနိာ်ရ့လိာ်သကိးအသးဒီးကစၢ်ယွၤအနံၣ် သၢကယၤဒီးထီၣ်ဖိအဖိအဂုၤအဂၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 5:24

အဝဲအိၣ်မူတ့ၢ်ဝဲလၢတၢ်ရ့လိာ်အသးဒီးကစၢ်ယွၤအပူၤ, ဝံၤဒီးတၢ်တထံၣ်အီၤလၢၤဘၣ်. အဂ့ၢ်ဒ်အံၤ, ယွၤစိာ်ထီၣ်ကွံာ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 6:9

အအံၤမ့ၢ်စီၤနိအၤအတၢ်အိၣ်မူအဂ့ၢ်န့ၣ်လီၤ. စီၤနိအၤမ့ၢ်ပှၤအတီအလိၤတဂၤ, ပှၤလၢတၢ်တထံၣ်န့ၢ်အတၢ်ဒဲးဘး လၢပှၤတစိၤဒၣ်အီၤအကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:4

နမ့ၢ်စူၢ်အီၤဒီး, ယွၤကဟံးဃာ်အတၢ်အၢၣ်လီၤလၢအမၤတ့ၢ်ဝဲ, ဖဲအဝဲစံးဘၣ်တ့ၢ်ယၤလၢ, ယစၢၤယသွဲၣ်တဖၣ်, ကပၢဘၣ်ကီၢ်အံၣ်စရ့လးအဆၢကတီၢ်ကယံာ်ပှဲၤသိးဒီးအဝဲသ့ၣ်အတၢ် စူၢ်ယတၢ်မၤလိာ်လၢတၢ်သးတီလီၤတံၢ်လီၤဆဲးလၢအသူၣ်ဒီဖျၢၣ် သးဒီဖျၢၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:6

စီၤၡလိၤမိၤစံးဆၢဝဲ, “ထီဘိနပာ်ဖျါထီၣ်နတၢ်အဲၣ်ဒိၣ်ဒိၣ် ကလဲာ်လၢနခ့နပှၤယပၢ်စီၤဒၤဝံးအဂီၢ်ဒီးအဝဲမ့ၢ်တ့ၢ်ပှၤအ ဂ့ၤ, ပှၤအသးတီဒီးပှၤလၢအတီဝဲလိၤဝဲလၢအတၢ်ဘၣ်ထွဲဒီးနၤအပူၤ န့ၣ်လီၤ. ဒီးနပာ်ဖျါထွဲဒံးနတၢ်အဲၣ်လၢအဒိၣ်ဝဲဒီးတလီၤတူာ်ဘၣ်ခီ ဖျိနဟ့ၣ်အီၤဖိခွါတဂၤလၢမုၢ်မဆါတနံၤအံၤလၢအပၢတၢ်လၢ အလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:25

ဒီးခဲကနံၣ်အံၤ, ယွၤ, ကီၢ်အံၣ်စရ့လးအကစၢ်ယွၤဧၢ, ယဃ့ကညးနၤလၢနကဟံးဃာ်ဂၢၢ်ကျၢၤစ့ၢ်ကီးတၢ်အၢၣ်လီၤအဂၤလၢ နမၤတ့ၢ်ဒီးယပၢ်, ဖဲနစံးဘၣ်တ့ၢ်အီၤလၢထီဘိအဝဲအစၢၤအသွဲၣ်အကျါတဂၤကပၢဘၣ် တၢ်ဒ်အံၣ်စရ့လးအစီၤပၤအသိးဖဲအဝဲဒုးစူၢ်အဝဲသ့ၣ်လၢနၤလီၤ တံၢ်လီၤဆဲးဒ်အဝဲစူၢ်ဝဲအသိး, အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်စီၤယိၤဘး 11:7

မ့ၢ်နဃုထံၣ်သ့ၣ်ညါသ့တၢ်လၢာ်ကစၢ်ယွၤအတၢ်ဒိၣ်ဝဲထီဝဲ ဒီးအစိအကမီၤဘၣ်ကသ့ဧါ.

စံးထီၣ်ပတြၢၤ 115:3

ပကစၢ်အိၣ်လၢမူခိၣ်န့ၣ်လီၤ. ဒီးဖဲဒၣ်အသးန့ၣ်မၤဝဲဒၣ်လီၤ.

စံးထီၣ်ပတြၢၤ 116:9

လၢတၢ်န့ၣ်အဃိ, ယလဲၤတၢ်လၢယွၤအမဲာ်ညါ, လၢပှၤမူသ့ၣ်တဖၣ်အဟီၣ်ခိၣ်အပူၤန့ၣ်လီၤ.

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 6:3

ယလီၣ်ဖျါထီၣ်တ့ၢ်ယသးဆူစီၤအၤဘြၤဟၣ်, စီၤအံၤစဲးဒီး စီၤယၤကိာ်ဒ်သ့တၢ်လၢာ်ကစၢ်ယွၤအသိးန့ၣ်လီၤ. ဘၣ်ဆၣ်ဒီးယတဒုးသ့ၣ်ညါယသးလၢအဝဲသ့ၣ်ခီဖျိယမံၤစီဆှံ, ယွၤန့ၣ်ဘၣ်.

တၢ်ကတိၤဒိ. 10:9

ပှၤအတီအလိၤတဖၣ်လဲၤတၢ်ဂၢၢ်ဂၢၢ်ကျၢၤကျၢၤလီၤ. မ့မ့ၢ်ပှၤလၢအမၤဒၢက့ၣ်ဒၢကူအကျဲတဖၣ်န့ၣ်, ကဘၣ်တၢ်ဖီၣ်န့ၢ်အီၤလီၤ.

လံာ်ယၡါယၤ 38:3

“ယွၤဧၢ, သ့ၣ်နီၣ်ထီၣ်က့ၤလၢယမၤတ့ၢ်နတၢ်မၤလၢတၢ်ကလုၢ်တီ ဒီးတၢ်သူၣ်တီသးရၤအပူၤ, ဒီးထီဘိန့ၣ်ယကျဲးစၢးမၤတ့ၢ်တၢ်လၢနသးအိၣ်လၢယကမၤအီၤန့ၣ် တက့ၢ်.” ဝံၤဒီးအဝဲဟီၣ်နးနးကလဲာ်န့ၣ်လီၤ.

လံာ်ယံးရမံယၤ 32:17

“ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ. တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်မံကၤ 6:8

တမ့ၢ်ဘၣ်. ယွၤစံးဘၣ်တ့ၢ်ပှၤတၢ်အဂ့ၤမ့ၢ်မနုၤလဲၣ်န့ၣ်လီၤ. တၢ်လၢယွၤအဲၣ်ဒိးလၢပအိၣ်န့ၣ်မ့ၢ်အအံၤလီၤ. လၢပကမၤတၢ်လၢအတီအလိၤ, လၢပကပာ်ဖျါတၢ်အဲၣ်တပယူာ်ဃီ, ဒီးလၢပကအိၣ်မူရ့လိာ်ပသးဒီး ကစၢ်ယွၤအိၣ်ဒီးတၢ်ဆီၣ်လီၤသးန့ၣ်လီၤ.

လံာ်တၢ်ဂံၢ် 11:23

ယွၤစံးဆၢဝဲဒၣ်, “မ့ၢ်တၢ်တြီဃာ်ယစိယကမီၤအဆၢသ့ဧါ. တယံာ်ဘၣ်ဒီးနကထံၣ်ဘၣ်တၢ်လၢယစံးတ့ၢ်ဝဲန့ၣ်ကကဲထီၣ်ဧါ တကဲထီၣ်ဘၣ်ဧါန့ၣ်လီၤ.”

လံာ်တၢ်ဂံၢ် 24:16

မတၤနၢ်ဟူတၢ်လၢကစၢ်ယွၤစံးဝဲဒီးဒိးန့ၢ်တၢ်သ့ၣ်ညါလၢအဟဲ လၢတၢ်ထီကတၢၢ်တဂၤအအိၣ်သ့န့ၣ်လဲၣ် လၢမဲာ်ချံစီၣ်ဝဲၤကဲၤတဖၣ်အပူၤ, ယထံၣ်တၢ်လၢသးတမံၤ, တၢ်ထံၣ်လၢညါခီလၢအဟဲလၢသ့တၢ်လၢာ်ကစၢ်ယွၤအအိၣ်န့ၣ်လီၤ.

လံာ်မးသဲ 19:26

ယ့ၣ်ၡူးကွၢ်အဝဲသ့ၣ်လိၤလိၤဒီးစံး, “လၢပှၤကညီအဂီၢ်တၢ်အံၤမ့ၢ်တၢ်လၢအမၤအသးတသ့ဘၣ်လီၤ. ဘၣ်ဆၣ်လၢကစၢ်ယွၤအဂီၢ်န့ၣ်တၢ်ခဲလၢာ်မၤအသးသ့ဝဲလီၤ.”

လံာ်မးသဲ 5:48

လၢတၢ်န့ၣ်အဃိ, ဒ်သုပၢ်လၢမူခိၣ်လၢပှဲၤဝဲအသိးန့ၣ် လၢထီၣ်ပှဲၤထီၣ်သုဝဲဒ်န့ၣ်အသိးတက့ၢ်.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

မၤတၢ် 23:1

စီၤပီလူးကွၢ်ဃီၤတၢ်လိၤလိၤဆူကီၣ်ကးကရၢဖိတဖၣ်အအိၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, ယသးလၢအသ့ၣ်ညါဒၣ်တၢ်လၢအဂ့ၤဆှံဝဲဒၣ်လီၤတံၢ်လီၤဆဲး ဘၣ်ဃးဒီးယတၢ်အိၣ်မူဒီကတီၢ်ညါလၢကစၢ်ယွၤအမဲာ်ညါ, တုၤလီၤလၢမုၢ်မဆါတနံၤအံၤလီၤ.”

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

အ့းဖ့းစူး 3:20

ခီဖျိလၢအစိအကမီၤလၢအမၤတၢ်လၢပပူၤန့ၣ်, ယွၤမၤတၢ်သ့ဝဲဒိၣ်န့ၢ်အါန့ၢ်ဒၣ်လဲာ်တၢ်လၢပဃ့ဒီးဆိ ကမိၣ်ဝဲသ့တက့ၢ်န့ၣ်လီၤ.

လံာ်သိၣ်လီၤသီလီၤတၢ် 10:17

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

လံာ်သိၣ်လီၤသီလီၤတၢ် 18:13

သူၣ်တီသးရၤဒီးယွၤလၢာ်လၢာ်ဆ့ဆ့တက့ၢ်.

လံာ်သိၣ်လီၤသီလီၤတၢ် 30:20

အဲၣ်ယွၤ, သုကစၢ်ယွၤ, စူၢ်အီၤဒီးအိၣ်ဒီးတၢ်သူၣ်တီသးရၤဒီး အီၤတက့ၢ်. အန့ၣ်ဒီးသုဝဲဒီးသုစၢၤသုသွဲၣ်တဖၣ်ကအိၣ်ကၢအိၣ်ခိးလၢကီၢ် န့ၣ်အပူၤ, လၢအဝဲအၢၣ်လီၤပာ်တ့ၢ်ဝဲလၢကဟ့ၣ်လီၤသုပၢ်ဖးဒိၣ်လၢပျၢၤ တဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်န့ၣ်လီၤ.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.