လံာ်တၢ်ကဲထီၣ်အခီၣ်ထံး 16:8 - Sgaw Karen Common Bible

⁸ ဒီးစံးဘၣ်အီၤ, “နီၢ်စၤရဲအကုၢ်ပိာ်မုၣ်နီၢ်ဟၤကၢ်ဧၢ, နဟဲလၢလဲၣ်ဒီးနကလဲၤဆူလဲၣ်.” ဒီးနီၢ်ဟၤကၢ်စံးဆၢအီၤ, “ယဟးထီၣ်ဃ့ၢ်လၢယကစၢ်မုၣ်နီၢ်စၤ ရဲအအိၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 16:8 Iomraidhean Croise

လံာ်တၢ်ကဲထီၣ်အခီၣ်ထံး 16:1

စီၤအၤဘြၣ်အမါနီၢ်စၤရဲန့ၣ်တဆံးစၢ်န့ၢ်အဖိနီတဂၤလၢစီၤအၤဘြၣ်အဂီၢ်ဘၣ်. မ့မ့ၢ်အဝဲဒၣ်အိၣ်ဒီးအပှၤအဲၤကူပတူးဖိအကုၢ်ပိာ်မုၣ်တဂၤလၢအမံၤမ့ၢ်ဝဲ နီၢ်ဟၤကၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 16:4

စီၤအၤဘြၣ်မံဃုာ်ဂဲၤဃုာ်ဒီးနီၢ်ဟၤကၢ်ဝံၤနီၢ်ဟၤကၢ်ဒၢထီၣ်ဝဲဒၣ်န့ၣ်လီၤ. ဒီးတုၤအသ့ၣ်ညါဝဲလၢအဒၢထီၣ်န့ၣ်အဝဲပာ်ထီၣ်ထီအသးဒီးပာ် နီၢ်စၤရဲဒ်တမ့ၢ်တၢ်နီတမံၤလၢအမဲာ်ညါအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 16:9

ဒီးယွၤအကလူးန့ၣ်စံးဘၣ်အီၤ, “က့ၤကဒါက့ၤဆူနကစၢ်မုၣ် အအိၣ်ဒီးကဲအကုၢ်တက့ၢ်.”

လံာ်တၢ်ကဲထီၣ်အခီၣ်ထံး 21:17

ဒီးကစၢ်ယွၤနၢ်ဟူဖိသၣ်ပိာ်ခွါအံၤဟီၣ်ဝဲအကလုၢ်ဒီးလၢမူ ခိၣ်န့ၣ်ကစၢ်ယွၤအကလူးကတိၤတၢ်ဒီးနီၢ်ဟၤကၢ်စံးဝဲ, “နီၢ်ဟၤကၢ်ဧၢ, နကိၢ်တၢ်လၢမနုၤအဂီၢ်န့ၣ်လဲၣ်. ပျံၤတၢ်တဂ့ၤ. ကစၢ်ယွၤနၢ်ဟူလံဖိသၣ်ပိာ်ခွါအတၢ်ဟီၣ်တၢ်ယၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 3:9

ဘၣ်ဆၣ်ယွၤ, ကစၢ်ယွၤကိးထီၣ်ပိာ်ခွါ, “နအိၣ်ဖဲလဲၣ်.”

လံာ်တၢ်ကဲထီၣ်အခီၣ်ထံး 4:10

ဒီးယွၤစံးဘၣ်အီၤ, “ဘၣ်မနုၤလၢနမၤတၢ်လီၤပျံၤတမံၤအံၤ လဲၣ်. နပုၢ်အသွံၣ်ကိးထီၣ်ယၤလၢဟီၣ်ခိၣ်လာ်, လီၤဂာ်ဒ်တၢ်အကလုၢ်ကိးထီၣ်လၢတၢ်ဟ့ၣ်ကၣ်တၢ်အဂီၢ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:13

တုၤစီၤအ့ၤလံယၤနၢ်ဟူဃီၤတၢ်န့ၣ်ဒီး, အဝဲမၤဘၢအမဲာ်လၢ အဆ့ကၤဖးဒိၣ်ဒီးဟးထီၣ်ဝဲဒီးဆၢထၢၣ်ဖဲလ့ကအိအကျဲစၢၤ န့ၣ်လီၤ. တၢ်ကလုၢ်တထံၣ်စံးဘၣ်အီၤ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 19:9

ဖဲန့ၣ်အဝဲလဲၤနုာ်ဆူလၢၢ်ကအိတခါအပူၤလၢကမံဝဲလၢတနၤအဂီၢ် လီၤ. သတူၢ်ကလာ်ယွၤကတိၤဃီၤတၢ်ဒီးအီၤစံးဝဲ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

လံာ်စီၤပၤခံဘ့ၣ်တဘ့ၣ် 5:25

စီၤက့ၤဃစံက့ၤနုာ်ကဒါက့ၤဆူဟံၣ်ပူၤဒီးစီၤအလံၤၡါသံ ကွၢ်အီၤ, “နလဲၤဖဲလဲၣ်.” အဝဲစံးဆၢဝဲ, “အိ, တၢ်ဒိၣ်ဧၢ, ယတလဲၤတၢ်နီတပူၤဘၣ်.”

လံာ်ပှၤစံၣ်တဲၤတဲလီၤတၢ် 10:4

ပှၤပၢနၤတဂၤမ့ၢ်သးဒိၣ်ဘၣ်နၤဒီး, ဟးထီၣ်လၢနလီၢ်တဂ့ၤ. နမ့ၢ်ပာ်နသးခုၣ်ခုၣ်မုာ်မုာ်ဒီးတၢ်ကမၣ်လၢအဒိၣ်အမုၢ်တဖၣ်ဘၣ် တၢ်ပျၢ်ဖျဲးအီၤကသ့န့ၣ်လီၤ.

လံာ်ပှၤစံၣ်ညီၣ်ကွီၢ် 19:17

ဒီးပှၤသးပှၢ်န့ၣ်ပာ်သူၣ်ပာ်သးလၢပှၤလဲၤတၢ်ဖိအိၣ်လၢဝ့ၢ် အကျဲစၢၤန့ၣ်ဒီးသံကွၢ်အီၤ, “သုဟဲဖဲလဲၣ်ခီလဲၣ်. သုကလဲၤဆူလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.