လံာ်တၢ်ကဲထီၣ်အခီၣ်ထံး 16:6 - Sgaw Karen Common Bible

⁶ ဒီးစီၤအၤဘြၣ်စံးဆၢဝဲဒၣ်, “ဂ့ၤလံ, အဝဲဒၣ်န့ၣ်မ့ၢ်နကုၢ် ဒီးအိၣ်လၢနတၢ်ပၢအဖီလာ်လီၤ. မၤအီၤဒ်တၢ်လၢနအဲၣ်ဒိးမၤအီၤန့ၣ်တက့ၢ်.” တုၤနုၤတစုနီၢ်စၤရဲမၤနီၢ်ဟၤကၢ်အၢအၢသီသီတုၤဒၣ်လဲာ် နီၢ်ဟၤကၢ်ဘၣ်ထွးထီၣ်ဃ့ၢ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 16:6 Iomraidhean Croise

လံာ်တၢ်ကဲထီၣ်အခီၣ်ထံး 16:9

ဒီးယွၤအကလူးန့ၣ်စံးဘၣ်အီၤ, “က့ၤကဒါက့ၤဆူနကစၢ်မုၣ် အအိၣ်ဒီးကဲအကုၢ်တက့ၢ်.”

လံာ်တၢ်ကဲထီၣ်အခီၣ်ထံး 24:10

တၢ်ခ့တၢ်ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤ ဒီးပၢၤစီၤအၤဘြၤဟၣ်အတၢ်စုလီၢ်ခီၣ်ခိၣ်တဂၤအံၤ, ဟံးန့ၢ်အကစၢ်စီၤအၤဘြၤဟၣ်အကီၤလၤအူးအဒုတဆံဒီးလဲၤဝဲဆူ ဝ့ၢ်လၢကီၢ်မ့းစပတၤမံအကလံၤစိးအပူၤဖဲစီၤနၤဃိၢ်အိၣ်ဆိး တ့ၢ်ဝဲန့ၣ်လီၤ.

လံာ်စီၤယိၤဘး 2:6

ဒီးယွၤစံးဘၣ်မုၣ်ကီၤလံၢ်, “ဂ့ၤလံအဝဲဒၣ်အိၣ်လၢနစိက မီၤအဖီလာ်လီၤ. ဘၣ်ဆၣ်ဒီးနတဘၣ်မၤသံအီၤဘၣ်.”

လံာ်တၢ်ဟးထီၣ်ကွံာ် 2:15

ဖဲစီၤပၤနၢ်ဟူလၢစီၤမိၤၡ့မၤသံတၢ်န့ၣ်ဒီးအဝဲဃုမၤသံ စီၤမိၤၡ့လီၤ. ဘၣ်ဆၣ်ဒီး, စီၤမိၤၡ့ဃ့ၢ်ထီၣ်ကွံာ်ဆူကီၢ်မံးဒယၣ်ဒ်သိး အကအိၣ်ဝဲဖဲန့ၣ်လီၤ. တနံၤဖဲစီၤမိၤၡ့ဆ့ၣ်နီၤဝဲလၢထံပူၤတပူၤအဃၢၤန့ၣ်,

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

တၢ်ကတိၤဒိ. 15:1

တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

တၢ်ကတိၤဒိ. 27:8

ပှၤတဂၤလၢအအိၣ်ယံၤဒီးဟံၣ်န့ၣ်, လီၤဂာ်ဒီးထိၣ်တဘ့ၣ်လၢအယံၤဒီးအသွံလီၤ.

တၢ်ကတိၤဒိ. 29:19

နသိၣ်ဂ့ၤသီဘၣ်တၢ်ခ့တၢ်ပှၤတဂၤထဲလၢတၢ်ကတိၤတဖၣ်ဧိၤန့ၣ်တသ့ ဘၣ်. ဘၣ်သ့ၣ်သ့ၣ်ကနၢ်ပၢၢ်ဝဲလီၤ. ဘၣ်ဆၣ်ဒီးတပာ်လ့ၤပာ်ကါဝဲဘၣ်.

လံာ်ပှၤစံၣ်တဲၤတဲလီၤတၢ် 10:4

ပှၤပၢနၤတဂၤမ့ၢ်သးဒိၣ်ဘၣ်နၤဒီး, ဟးထီၣ်လၢနလီၢ်တဂ့ၤ. နမ့ၢ်ပာ်နသးခုၣ်ခုၣ်မုာ်မုာ်ဒီးတၢ်ကမၣ်လၢအဒိၣ်အမုၢ်တဖၣ်ဘၣ် တၢ်ပျၢ်ဖျဲးအီၤကသ့န့ၣ်လီၤ.

လံာ်ယံးရမံယၤ 38:5

စီၤပၤစံးဒကံယၤစံးဆၢဝဲ, “မ့မ့ၢ်ဒ်န့ၣ်ဒီး, ဂ့ၤလံ. တၢ်လၢသုသးအိၣ်မၤအီၤန့ၣ်, မၤဘၣ်တက့ၢ်. ယတြီဘၣ်သုတသ့ဘၣ်.”

လံာ်စီၤယိၤၡူ 9:25

ဒီး, ကွၢ်ကွၢ်, ခဲအံၤပအိၣ်လၢနစုပူၤလီၤ. တၢ်လၢနဆိက မိၣ်လၢအဘၣ်ဒီးဂ့ၤလၢနမဲာ်န့ၣ်, မၤဘၣ်ပှၤတက့ၢ်.”

၁ ပ့းတရူး 3:7

ဒ်န့ၣ်အသိး, သုဝဲဝၤတဖၣ်သုကဘၣ်အိၣ်မူဒီးသုမါတဖၣ် လၢတၢ်သ့ၣ်ညါနၢ်ပၢၢ်လၢအဝဲသ့ၣ်မ့ၢ်ပှၤဂံၢ်စၢ်ဘါစၢ်တဖၣ် အပူၤန့ၣ်လီၤ. ယူးယီၣ်ပာ်ကဲအဝဲသ့ၣ်မ့ၢ်လၢအဝဲသ့ၣ်ကဒိး န့ၢ်ကစၢ်ယွၤအတၢ်ဟ့ၣ်ဘၣ်ဃးဒီးတၢ်မူဃုာ်ဒီးသုအဃိန့ၣ် တက့ၢ်. မၤတၢ်အံၤဒ်သိးသုတၢ်ထုကဖၣ်တဖၣ်တၢ်သုတမၤ တံာ်တာ်အီၤနီတမံၤတဂ့ၤအဂီၢ်န့ၣ်တက့ၢ်.