လံာ်တၢ်ကဲထီၣ်အခီၣ်ထံး 16:3 - Sgaw Karen Common Bible

³ မၤသးဒ်န့ၣ်ဒီး, နီၢ်စၤရဲဟ့ၣ်ဝဲအကုၢ်ပိာ်မုၣ်နီၢ်ဟၤကၢ်ဆူ စီၤအၤဘြၣ်ဒ်သိးကကဲထီၣ်အသံၣ်အမါန့ၣ်လီၤ. (တၢ်အံၤမၤအသးဖဲစီၤအၤဘြၣ်အိၣ်ဝဲလၢကီၢ်ကနၤဧၣ်အပူၤအနံၣ် တဆံဝံၤအလီၢ်ခံန့ၣ်လီၤ.)

လံာ်တၢ်ကဲထီၣ်အခီၣ်ထံး 16:3 Iomraidhean Croise

လံာ်တၢ်ကဲထီၣ်အခီၣ်ထံး 16:16

အကတီၢ်ဖဲန့ၣ်စီၤအၤဘြၣ်အသးအိၣ်ဝဲဃိးဆံဃုနံၣ်လီၤ.

လံာ်တၢ်ကဲထီၣ်အခီၣ်ထံး 16:4

စီၤအၤဘြၣ်မံဃုာ်ဂဲၤဃုာ်ဒီးနီၢ်ဟၤကၢ်ဝံၤနီၢ်ဟၤကၢ်ဒၢထီၣ်ဝဲဒၣ်န့ၣ်လီၤ. ဒီးတုၤအသ့ၣ်ညါဝဲလၢအဒၢထီၣ်န့ၣ်အဝဲပာ်ထီၣ်ထီအသးဒီးပာ် နီၢ်စၤရဲဒ်တမ့ၢ်တၢ်နီတမံၤလၢအမဲာ်ညါအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 16:5

တုၤနုၤတစု, နီၢ်စၤရဲစံးဘၣ်စီၤအၤဘြၣ်, “နီၢ်ဟၤကၢ်ပာ်ယၤဒ်ယတမ့ၢ်တၢ်နီတမံၤအသိးန့ၣ်မ့ၢ်ဒၣ်နတၢ်ကမၣ်လီၤ. ယနီၢ်ကစၢ်ဒၣ်ယဲယဟ့ၣ်လီၤအီၤလၢနၤဒီးစးထီၣ်လၢအသ့ၣ်ညါဝဲ လၢအဒၢထီၣ်န့ၣ်, ပာ်ယၤဒ်ယတမ့ၢ်တၢ်နီတမံၤဘၣ်အသိးန့ၣ်လီၤ. မ်ယွၤစံၣ်ညီၣ်တၢ်လၢနၤဒီးယၤအံၤမ့ၢ်မတၤအတၢ်ဘၣ်လဲၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 21:21

အမိၢ်ဃုထံၣ်န့ၢ်အီၤအဲၤကူပတူးမုၣ်တဂၤလၢကကဲထီၣ်အမါအဂီၢ် န့ၣ်လီၤ.

လံာ်တၢ်ကဲထီၣ်အခီၣ်ထံး 25:6

မ့မ့ၢ်, ဖဲအအိၣ်မူဒံးဝဲအခါန့ၣ်ဟ့ၣ်ဝဲတၢ်ဟ့ၣ်သ့ၣ်တဖၣ်ဆူ အဖိခွါတဖၣ်လၢအမါအဂၤတဖၣ်ဆံးစၢ်န့ၢ်အီၤန့ၣ်လီၤ. ဒီးဆှၢလီၤအဖိခွါသ့ၣ်တဖၣ်အံၤဆူကီၢ်လၢမုၢ်ထီၣ်လၢအယံၤ ဒီးအဖိခွါစီၤအံၤစဲးန့ၣ်လီၤ.

လံာ်တၢ်ကဲထီၣ်အခီၣ်ထံး 28:9

ဒီးလၢတၢ်န့ၣ်အဃိလဲၤဝဲဆူစီၤအၤဘြၤဟၣ်အဖိခွါစီၤယံး ၡမၤဧ့လးအအိၣ်ဒီးဒိးတ့ဒိးဖျီအသးဒီးနီၢ်မၤဃလးလၢအမ့ၢ် စီၤယံးၡမၤဧ့လးအဖိမုၣ်, စီၤနဘါယိးအဒီပုၢ်ဝဲၢ်မုၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 30:4

ဒီးလၢတၢ်န့ၣ်အဃိနီၢ်ရၤဃ့လးဟ့ၣ်ဝဲအကုၢ်ပိာ်မုၣ်နီၢ်ဘံၤလဟၤ လၢအဝၤစီၤယၤကိာ်န့ၣ်လီၤ. ဒီးစီၤယၤကိာ်မံဃုာ်ဂဲၤဃုာ်ဒီးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 30:9

ဒီးတုၤနီၢ်လ့ၤအၤသ့ၣ်ညါလၢတဆံးစၢ်န့ၢ်အဖိလၢၤဘၣ်န့ၣ်ဟ့ၣ် ဝဲအကုၢ်ပိာ်မုၣ်နီၢ်စံၤလပၤဆူစီၤယၤကိာ်ဒ်အမါအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 32:22

ဒီးတနၤဃီန့ၣ်, စီၤယၤကိာ်ဂဲၤထၢၣ်ဒီးကိးထီၣ်အမါခံဂၤ, သံၣ်မါခံဂၤဒီးအဖိတဆံတဂၤဒီးခီဂာ်ထံကျိယးဘိးန့ၣ် လီၤ.

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:13

တုၤအသုးအလီၢ်လၢဝ့ၢ်ဃ့ဘြိၣ်ဆူဝ့ၢ်ယရူၤၡလ့ၣ်ဝံၤအလီၢ်ခံန့ၣ်, စီၤဒၤဝံးဟံးန့ၢ်အါထီၣ်အသံမါတဖၣ်ဒီးအမါတဖၣ်ဒီးအိၣ်အါထီၣ်ဒီး အဖိခွါတဖၣ်ဒီးအဖိမုၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:3

စီၤၡလိၤမိၤဒိးတ့ဒိးဖျီတ့ၢ်အသးဒီးစီၤပၤအဖိမုၣ်တဖၣ် အဂၤနွံကယၤဒီးအိၣ်စ့ၢ်ကီးဒီးအသံၣ်မါအဂၤသၢကယၤန့ၣ်လီၤ. အဝဲသ့ၣ်ဒုးဃၣ်ယံၤကွံာ်အီၤလၢကစၢ်ယွၤအအိၣ်,

ကလၤတံ 4:25

နီၢ်ဟၤကၢ်, လၢအဘၣ်ထိၣ်သတြီၤအီၤဒီးကစၢၢ်စံၤနါလၢကီၢ်ဧ့ရ့းန့ၣ်, မ့ၢ်တၢ်ဒိတၢ်တဲာ်ဘၣ်ဃးမုၢ်မဆါတနံၤအံၤအဝ့ၢ် ယရူၤၡလ့ၣ်လီၤ. အဂ့ၢ်ဒ်အံၤအဝဲကဲကုၢ်ဒီးအဖိတဖၣ်လီၤ.