လံာ်တၢ်ကဲထီၣ်အခီၣ်ထံး 16:2 - Sgaw Karen Common Bible

² မၤသးဒ်န့ၣ်ဒီး, နီၢ်စၤရဲစံးဘၣ်စီၤအၤဘြၣ်, “ယွၤတြီယၤဒ်သိးယဖိသုတအိၣ်တဂ့ၤလီၤ. လဲၤမံဃုာ်ဒီးယကုၢ်ပိာ်မုၣ်ဖိန့ၣ်တက့ၢ်. ဘၣ်တဘၣ်အဝဲကဒိးန့ၢ်ဘၣ်ဖိတဂၤလၢယဂီၢ်ကန့ၢ်ကသ့ဝဲလီၤ.” စီၤအၤဘြၣ်အသးလီၤပလိာ်ဒီးတၢ်လၢနီၢ်စၤရဲစံးဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 16:2 Iomraidhean Croise

လံာ်တၢ်ကဲထီၣ်အခီၣ်ထံး 11:30

ဒီးနီၢ်စၤရဲန့ၣ်အဖိအိၣ်ဝဲတသ့တန့ၢ်ဘၣ်.

လံာ်တၢ်ကဲထီၣ်အခီၣ်ထံး 17:16

ယကဆိၣ်ဂ့ၤအီၤဒီးယကဟ့ၣ်လီၤနၤဖိခွါတဂၤခီဖျိအီၤစ့ၢ်ကီး လီၤ. ယကဆိၣ်ဂ့ၤအီၤဒီးအဝဲကကဲထီၣ်ပှၤကလုာ်တဖၣ်အမိၢ်ဒီးစီၤပၤ တဖၣ်ကအိၣ်ဝဲလၢအစၢၤအသွဲၣ်တဖၣ်အကျါန့ၣ်လီၤ.”

လံာ်တၢ်ကဲထီၣ်အခီၣ်ထံး 18:10

ဒီးလၢအဝဲသ့ၣ်အကျါတဂၤစံးဝဲ, “စးထီၣ်ခဲအံၤဒီးဆူညါ ခွံလါန့ၣ်ယကဟဲက့ၤဒီးနမါနီၢ်စၤရါကအိၣ်ဒီးအဖိခွါတဂၤလီၤ.” နီၢ်စၤရါအိၣ်လၢအဝဲအလီၢ်ခံဖဲဒဲအတြဲၤဒီးဒိကနၣ်တၢ်လီၤ.

လံာ်တၢ်ကဲထီၣ်အခီၣ်ထံး 19:31

ဒီးအဖိမုၣ်အဒိၣ်တဂၤစံးဘၣ်အဒီပုၢ်ဝဲၢ်မုၣ်, “ပပၢ်အံၤအသးပှၢ် တ့ၢ်လံ. ဒီးပှၤပိာ်ခွါတအိၣ်လၢဟီၣ်ခိၣ်ဒီဘ့ၣ်အံၤနီတဂၤလၢကဒိးတ့ ဒိးဖျီအသးဒီးပှၤဒ်သိးပဖိအိၣ်ကသ့အဂီၢ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 25:21

ဒီးမ့ၢ်လၢနီၢ်ရံးဘကၤအဖိတအိၣ်ဘၣ်အဃိစီၤအံၤစဲးဘါထုကဖၣ် လၢအဂီၢ်န့ၣ်လီၤ. ဒီးယွၤစံးဆၢအတၢ်ထုကဖၣ်ဒီးနီၢ်ရံးဘကၤဒၢထီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 3:12

ဒီးပိာ်ခွါန့ၣ်စံးဆၢအီၤ, “ပိာ်မုၣ်လၢနဒုးအိၣ်ဃုာ်ဒီးယၤ ဖဲအံၤဟ့ၣ်ယၤသ့ၣ်သၣ်ဒီးယအီၣ်ဘၣ်လီၤ.”

လံာ်တၢ်ကဲထီၣ်အခီၣ်ထံး 3:17

ဒီးအဝဲစံးဘၣ်ပိာ်ခွါန့ၣ်, “နဒိကနၣ်နမါအကလုၢ်ဒီးအီၣ်သ့ၣ် သၣ်လၢယမၤလိာ်နၤအီၣ်အီၤတဂ့ၤန့ၣ်လီၤ. မ့ၢ်လၢနမၤတ့ၢ်တၢ်အံၤအဃိဟီၣ်ခိၣ်ကအိၣ်လၢတၢ်ဆိၣ်အၢတမံၤအဖီလာ်လီၤ. နကဘၣ်မၤတၢ်ဆူၣ်ဆူၣ်တစိၤနသးဒ်သိးနကမၤန့ၢ်တၢ်အီၣ်လၢလၢလီၣ်လီၣ်လၢအပူၤ, လၢနဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 30:22

ဒီးကစၢ်ယွၤသ့ၣ်နီၣ်နီၢ်ရၤဃ့လး, ဒီးစံးဆၢအတၢ်ထုကဖၣ် လၢကအိၣ်ဒီးအဖိ အဂီၢ်လီၤ.

လံာ်တၢ်ကဲထီၣ်အခီၣ်ထံး 30:6

ဒီးနီၢ်ရၤဃ့လးစံးဝဲ, “ကစၢ်ယွၤစံၣ်ညီၣ်တီတၢ်လၢတၢ်ကွၢ် မဲာ်ယၤအပူၤလီၤ. အဝဲနၢ်ဟူတ့ၢ်လံယတၢ်ထုကဖၣ်ဒီးဟ့ၣ်ယၤလၢဖိခွါတဂၤလံ.” ဒီးယုၢ်ဝဲအမံၤလၢစီၤဒၣ်န့ၣ်လီၤ.

စံးထီၣ်ပတြၢၤ 127:3

ကွၢ်ကွၢ်, ပဖိပလံၤန့ၣ်မ့ၢ်တၢ်န့ၢ်သါဟဲလၢယွၤလီၤ. ဒီးပှၤဒၢလီၢ်အတၤသၣ်န့ၣ် မ့ၢ်တၢ်အဘူးအလဲလီၤ.

လံာ်တၢ်ဟးထီၣ်ကွံာ် 21:4

အကစၢ်မ့ၢ်ဟ့ၣ်အီၤအမါတဂၤဒီးထီၣ်ဖိန့ၢ်အီၤဖိခွါတဖၣ်မ့ၢ် ဂ့ၤဖိမုၣ်တဖၣ်မ့ၢ်ဂ့ၤဒီးပိာ်မုၣ်ဒီးအဖိတဖၣ်န့ၣ်ဘၣ်ဃးဒီး အကစၢ်လီၤ. ဒီးပှၤတဂၤန့ၣ်ကဘၣ်ဟးထီၣ်ကွံာ်ထဲအနီၢ် ကစၢ်ဒၣ်ဝဲဧိၤန့ၣ်လီၤ.

လံာ်နီၢ်ရူၤသး 4:11

တုၤနုၤတစု, ပှၤအခိၣ်အနၢ်တဖၣ်ဒီးပှၤအဂၤလၢအအိၣ်ဖဲ ဝ့ၢ်အပဲတရီခဲလၢာ်န့ၣ်စံးဝဲ, “ပမ့ၢ်ပှၤအုၣ်အသးတဖၣ်လီၤ. မ်ယွၤဒုးကဲထီၣ်ပိာ်မုၣ်လၢအကဟဲနုာ်လၢနဟံၣ်ပူၤတဂၤအံၤဒ် သိးအကလီၤဂာ်ဒီးနီၢ်ရၤဃ့လးဒီးနီၢ်လ့အၤခံဂၤလၢအဆံးစၢ် န့ၢ်ဖိလံၤအါဂၤလၢစီၤယၤကိာ်အဂီၢ်န့ၣ်တက့ၢ်. မ်နကဘီၣ်ထီၣ်ညီထီၣ်လၢအ့ဖရးသးအဒူၣ်အထၢပူၤဒီးနမံၤဟူ ထီၣ်သါလီၤလၢဝ့ၢ်ဘ့ၤသလ့ဃ့ၣ်အပူၤန့ၣ်တက့ၢ်.