လံာ်တၢ်ကဲထီၣ်အခီၣ်ထံး 16:12 - Sgaw Karen Common Bible

¹² ဘၣ်ဆၣ်ဒီး, နဖိခွါကအိၣ်မူဝဲဒ်ကသ့ၣ်ယီၤမံၤတဒုအသိးန့ၣ် လီၤ. အဝဲကထီဒါပှၤကိးဂၤဒဲးဒီးပှၤကိးဂၤဒဲးစ့ၢ်ကီးကထီဒါ အီၤန့ၣ်လီၤ. အဝဲကအိၣ်မူလီၤဖးဒီးကယဲၢ်အဒူၣ်ဖိထၢဖိခဲလၢာ်လီၤ.”

လံာ်တၢ်ကဲထီၣ်အခီၣ်ထံး 16:12 Iomraidhean Croise

လံာ်တၢ်ကဲထီၣ်အခီၣ်ထံး 21:20

ကစၢ်ယွၤအိၣ်ဒီးဖိသၣ်ပိာ်ခွါဖဲအဒိၣ်ထီၣ်ဝဲအခါန့ၣ်လီၤ. အဝဲအိၣ်ဝဲဆိးဝဲလၢပၤရၣ်အပှၢ်မုၢ်ကနၢဒီးကဲထီၣ်ပှၤခးတၢ် သ့တဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 25:18

စီၤယံးၡမၤဧ့လးအစၢၤအသွဲၣ်တဖၣ်အိၣ်ဝဲဆိးဝဲလၢတၢ်လီၢ်လၢ ကီၢ်ဃဝံလၤဒီးကီၢ်ၡူၢ်အဘၢၣ်စၢၤဒီးပၢၢ်လၢကီၢ်အဲၤကူပတူး အမုၢ်ထီၣ်ဒီးဆူကီၢ်အၤၡူၢ်န့ၣ်လီၤ. အဝဲသ့ၣ်အိၣ်လီၤဖးဒီးစီၤအၤဘြၤဟၣ်အစၢၤအသွဲၣ်အဂၤတဖၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 27:40

နကအိၣ်မူခီဖျိနနးလီၤ. ဘၣ်ဆၣ်ဒီးနကမ့ၢ်နပုၢ်အကုၢ်အပှၤလီၤ. ဒီးတုၤနပူထီၣ်အီၤဒီးနကပူၤဖျဲးလၢအတၢ်ပၢနၤလီၤ.”

လံာ်တၢ်ကဲထီၣ်အခီၣ်ထံး 37:25

ဖဲအဝဲသ့ၣ်အီၣ်တၢ်အခါန့ၣ်, သတူၢ်ကလာ်ထံၣ်ဃီၤပှၤယံးၡမၤဧ့လး ဖိတဖုလဲၤတၢ်လၢကီၢ်ကံးလဧးဆူကီၢ်အဲၤကူပတူးန့ၣ်လီၤ. အကီၤလၤအူးတဖၣ်ဘၣ်တၢ်ပဒၢးအီၤဒီးတၢ်နၢမူနၢဆှီတဖၣ်ဒီး စပံးသၣ်အဃ့တဖၣ်လီၤ.

လံာ်စီၤယိၤဘး 11:12

ပှၤလၢအမ့ၢ်တၢ်ကလီကလီတဖၣ်ကအိၣ်ထီၣ်ဒီးတၢ်ကူၣ်ဘၣ် ကူၣ်သ့ဖဲကသ့ၣ်ယီၤမံၤအိၣ်ဖျဲၣ်ထီၣ်ကသ့ၣ်ယီၤဒၢန့ၣ်လီၤ.

လံာ်စီၤယိၤဘး 24:5

လၢတၢ်န့ၣ်အဃိပှၤဖှီၣ်ဖိယာ်ဖိသ့ၣ်တဖၣ်မၤသးဒ်ကသ့ၣ်ယီၤမံၤ အသိး, ဒီးဃုအတၢ်အီၣ်လၢပှၢ်မုၢ်ကနၢလၢအဃ့ထီအပူၤန့ၣ်လီၤ.