လံာ်တၢ်ကဲထီၣ်အခီၣ်ထံး 16:1 - Sgaw Karen Common Bible

¹ စီၤအၤဘြၣ်အမါနီၢ်စၤရဲန့ၣ်တဆံးစၢ်န့ၢ်အဖိနီတဂၤလၢစီၤအၤဘြၣ်အဂီၢ်ဘၣ်. မ့မ့ၢ်အဝဲဒၣ်အိၣ်ဒီးအပှၤအဲၤကူပတူးဖိအကုၢ်ပိာ်မုၣ်တဂၤလၢအမံၤမ့ၢ်ဝဲ နီၢ်ဟၤကၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 16:1 Iomraidhean Croise

လံာ်တၢ်ကဲထီၣ်အခီၣ်ထံး 11:30

ဒီးနီၢ်စၤရဲန့ၣ်အဖိအိၣ်ဝဲတသ့တန့ၢ်ဘၣ်.

လံာ်တၢ်ကဲထီၣ်အခီၣ်ထံး 12:16

မ့ၢ်လၢနီၢ်စၤရဲအဃိစီၤပၤတူၢ်လိာ်မၤဘျုးစီၤအၤဘြၣ်ဂ့ၤဂ့ၤဘၣ်ဘၣ် ဒီးဟ့ၣ်အီၤလၢသိဒီးမဲာ်တဲးလဲး, ဂီၤဖံး, ကသ့ၣ်ယီၤ, ကုၢ်ဒီးကီၤလၤအူးသ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 15:21

ပှၤအမိၢ်ဖိ, ပှၤကနၤဧၣ်ဖိ, ပှၤကံၢ်ကၣ်ဖိဒီးပှၤယဘူၣ်ဖိအထံအကီၢ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 21:12

ဒီးကစၢ်ယွၤစံးဘၣ်စီၤအၤဘြၤဟၣ်, “တဘၣ်ဘၣ်ယိၣ်တၢ်လၢဖိသၣ်ပိာ် ခွါဒီးနကုၢ်ပိာ်မုၣ်နီၢ်ဟၤကၢ်အဂီၢ်တဂ့ၤ. မၤဒ်တၢ်လၢနီၢ်စၤရါတဲဘၣ်နၤန့ၣ်တက့ၢ်. အဂ့ၢ်ဒ်အံၤ, နကမၤန့ၢ်နစၢၤနသွဲၣ်ဒ်ယအၢၣ်လီၤတ့ၢ်နၤအသိးခီ ဖျိစီၤအံၤစဲးန့ၣ်လီၤ.

လံာ်တၢ်ကဲထီၣ်အခီၣ်ထံး 21:21

အမိၢ်ဃုထံၣ်န့ၢ်အီၤအဲၤကူပတူးမုၣ်တဂၤလၢကကဲထီၣ်အမါအဂီၢ် န့ၣ်လီၤ.

လံာ်တၢ်ကဲထီၣ်အခီၣ်ထံး 25:21

ဒီးမ့ၢ်လၢနီၢ်ရံးဘကၤအဖိတအိၣ်ဘၣ်အဃိစီၤအံၤစဲးဘါထုကဖၣ် လၢအဂီၢ်န့ၣ်လီၤ. ဒီးယွၤစံးဆၢအတၢ်ထုကဖၣ်ဒီးနီၢ်ရံးဘကၤဒၢထီၣ်ဝဲဒၣ်န့ၣ်လီၤ.

လံာ်လူၤကၣ် 1:36

သ့ၣ်နီၣ်ထီၣ်နဘူးနတံၢ်နီၢ်အ့းလံၤစါဘ့းတက့ၢ်. တၢ်စံးတ့ၢ်ဝဲလၢအဝဲဒၣ်အဖိအိၣ်တသ့ဘၣ်. ဘၣ်ဆၣ်ဒီး, ခဲကနံၣ်အံၤအဝဲအသးပှၢ်ဒိၣ်မးသနာ်က့ အနီၢ်ကစၢ်ဒၣ်ဝဲအိၣ်ဒီးအဟုးအသးန့ၣ်အိၣ်လံဃုလါလံ.

လံာ်လူၤကၣ် 1:7

အဝဲသ့ၣ်အဖိတအိၣ်နီတဂၤဘၣ်. အဂ့ၢ်မ့ၢ်လၢ နီၢ်အ့းလံၤစါဘ့းမ့ၢ်ပှၤတူာ်ဖိဒီးအဝဲဒၣ်ဒီးစီၤစဃၤရံခံဂၤလၢာ် အသးပှၢ်ထီၣ်ဖးဒိၣ်လံအဃိန့ၣ်လီၤ.

ကလၤတံ 4:24

တၢ်သ့ၣ်တဖၣ်အံၤ, တၢ်နၢ်ပၢၢ်အီၤဒ်တၢ်ဒိတၢ်တဲာ်အသိး သ့ဝဲလီၤ. ပိာ်မုၣ်ခံဂၤန့ၣ်ပာ်ဖျါထီၣ်တၢ်အၢၣ်လီၤအီလီၤခံ ခါလီၤ. အဝဲတဂၤလၢအဖိတဖၣ်အိၣ်ဖျဲၣ်ထီၣ်ဒ်ကုၢ်န့ၣ်မ့ၢ်ဝဲနီၢ် ဟၤကၢ်, ဒီးအဝဲဒၣ်မ့ၢ်တၢ်အၢၣ်လီၤအီလီၤအီၤလၢအဘၣ် တၢ်မၤအီၤဖဲကစၢၢ်စံၤနါန့ၣ်လီၤ.

လံာ်ပှၤစံၣ်ညီၣ်ကွီၢ် 13:2

အကတီၢ်ဖဲန့ၣ်ပှၤအိၣ်ဝဲတဂၤအမံၤလၢစီၤမၤနိလီၤ. အဝဲဒၣ်အိၣ်လၢဝ့ၢ်စိးရၤလီၤ. အဝဲဒၣ်မ့ၢ်ဝဲစီၤဒၣ်အဒူၣ်ဖိထၢဖိအကျါတဂၤလီၤ. အဝဲအမါန့ၣ်အိၣ်ဒံၣ်အိၣ်ဖိတန့ၢ်ဝဲနီတစုဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 1:5

ဒီးအဝဲမ့ၢ်အဲၣ်ဝဲနီၢ်ဃးနၤဒိၣ်မးဒၣ်လဲာ်န့ၣ်ဟ့ၣ်ဒၣ်ဝဲထဲတပူဧိၤလီၤ. အဂ့ၢ်ဒ်အံၤ, ယွၤတြီဃာ်အီၤဒ်သိးအသုတအိၣ်ဒံၣ်အိၣ်ဖိတဂ့ၤအဂီၢ်လီၤ.