လံာ်တၢ်ကဲထီၣ်အခီၣ်ထံး 15:9 - Sgaw Karen Common Bible

⁹ ဒီးယွၤစံးဆၢအီၤ, “ဟဲစိာ်န့ၢ်ယၤလၢဂီၤဖံးမိၢ်တဒု, မဲာ်တဲးလဲးတဒုဒီးသိဖါတဒုလၢအသးအိၣ်သၢနံၣ်စုာ်စုာ်ဒီး ထိၣ်လွံၢ်တဘ့ၣ်ဒီးထိၣ်ကးက့ၣ်ဖိတဘ့ၣ်တက့ၢ်.”

လံာ်တၢ်ကဲထီၣ်အခီၣ်ထံး 15:9 Iomraidhean Croise

လံာ်တၢ်ကဲထီၣ်အခီၣ်ထံး 15:10

ဒီးစီၤအၤဘြၣ်ဟဲစိာ်ဆၣ်ဖိကီၢ်ဖိသ့ၣ်တဖၣ်အံၤဆူယွၤအအိၣ်, ဒီးဒီၣ်တဲာ်ဝဲခံခီပှဲၤသိးသိးန့ၣ်လီၤ. ဒီးပာ်လီၤဝဲတၢ်အခီတဖၣ်တခီပၤသဃီၤလိာ်အသးခံကျိၤန့ၣ် လီၤ. မ့မ့ၢ်ထိၣ်တဖၣ်န့ၣ်တကူးတဲာ်ဝဲဒၣ်ဘၣ်.

လံာ်တၢ်ကဲထီၣ်အခီၣ်ထံး 15:8

ဘၣ်ဆၣ်ဒီး, စီၤအၤဘြၣ်သံကွၢ်ထီၣ်ဝဲဒၣ်, “ယွၤပၢဘၣ်တၢ်ခဲလၢာ် ကစၢ်ဧၢ, တၢ်အံၤကမ့ၢ်ယတၢ်န့ၣ်ယသ့ၣ်ညါကသ့ဒ်လဲၣ်.”

လံာ်တၢ်ကဲထီၣ်အခီၣ်ထံး 22:13

ဒီးစီၤအၤဘြၤဟၣ်ကွၢ်တၢ်ဆူအခိၣ်အဃၢၤဒီးထံၣ်ဘၣ်သိဖါတဒု အနၢၤတဖၣ်ဘၣ်ဘျးလၢသ့ၣ်တပှီာ်တပှာ်အကျါဒီးအဝဲ လဲၤဖီၣ်န့ၢ်အီၤဒီးလုၢ်ထီၣ်အီၤဒ်တၢ်လုၢ်မ့ၣ်အူတမံၤအသိးလၢ အဖိခွါအလီၢ်န့ၣ်လီၤ.

စံးထီၣ်ပတြၢၤ 50:5

အဝဲစံးဝဲ, “ပာ်ဖှိၣ်ပှၤလၢအသးတီဒီးယၤ, ပှၤလၢအမၤတၢ်အၢၣ်လီၤအီလီၤဒီးယၤခီဖျိ တၢ်လုၢ်ထီၣ်အတၢ်လုၢ်န့ၣ်တက့ၢ်.”

လံာ်တၢ်သးဝံၣ်တဖၣ်အတၢ်သးဝံၣ် 2:12

ဖီတဖၣ်ဘိၣ်ထီၣ်ဖးထီၣ်လၢဟီၣ်ခိၣ်အဖီခိၣ်လံန့ၣ်လီၤ. အအံၤမ့ၢ်တၢ်ဆၢကတီၢ်လၢတၢ်သူၣ်ဝံၣ်သးဆၢအဂီၢ်, ဒီးပနၢ်ဟူထိၣ်လွံၢ်တဖၣ်ပှ့ၤထီၣ်လၢပကီၢ်ပူၤန့ၣ်လီၤ.

လံာ်ယၡါယၤ 15:5

ယသးကိးပသူထီၣ်လၢကီၢ်မိၤအးအဂီၢ်လီၤ. ပှၤဂီၢ်မုၢ်ဃ့ၢ်ထီၣ်ကွံာ်ဝဲတုၤလၢဝ့ၢ်စိၤဧၢ်, ဒီးဆူအဲးကလးၡဃ့ၡၣ်န့ၣ်လီၤ. တနီၤလဲၤထီၣ်ကျဲဆူဝ့ၢ်လူဃံးဒီး ဟီၣ်ဝဲယၢၤဝဲဖဲအလဲၤတၢ်အဖၢမုၢ်လီၤ. တနီၤဃ့ၢ်ထူၣ်ဖျဲးထီၣ် ဆူဝ့ၢ်ဃိရနဲၣ်, အိၣ်ဒီးတၢ်သူၣ်အုးသးအုးအသီၣ်ဖးဒိၣ်လီၤ.

လံာ်တၢ်ဘူၣ်ထီၣ်ဘါထီၣ် 1:10

ဒီးပှၤတဂၤအံၤမ့ၢ်လုၢ်ထီၣ်အသိ, မ့တမ့ၢ်အမဲာ်တဲးလဲးအကျါတဒုန့ၣ်, ကဘၣ်မ့ၢ်အဖါလၢမဲၣ်သူမဲၣ် ဂီၤတအိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:14

ဒီးပှၤတဂၤအံၤမ့ၢ်လုၢ်ထီၣ်ထိၣ်ဒ်တၢ်လုၢ်မ့ၣ်အူအသိးန့ၣ်ကဘၣ် မ့ၢ်ထိၣ်လွံၢ်ဘုၣ်, မ့တမ့ၢ်ထိၣ်ကးက့ၣ်ဖိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:6

ဒီးဖဲအဘၣ်တၢ်မၤကဆှီအီၤဝံၤန့ၣ်လၢအဖိပိာ်ခွါအဂီၢ်မ့ၢ်ဂ့ၤ, အဖိမုၣ်အဂီၢ်မ့ၢ်ဂ့ၤအဝဲကဘၣ်ဟဲစိာ်သိဖိတနံၣ်ဖိတဒုလၢတၢ် လုၢ်မ့ၣ်အူအဂီၢ်, ဒီးထိၣ်ကးက့ၣ်တဘ့ၣ်မ့တမ့ၢ်ထိၣ်လွံၢ်ဘုၣ်တဘ့ၣ်လၢတၢ်လုၢ်တၢ် ပျၢ်တၢ်ဒဲးဘးအဂီၢ်, ဆူပှၤလုၢ်တၢ်အခိၣ်အအိၣ်ဖဲတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:8

ပိာ်မုၣ်လၢအလုၢ်ထီၣ်သိဖိတန့ၢ်န့ၣ်ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ခံဘ့ၣ်န့ၣ်လီၤ. တဘ့ၣ်န့ၣ်လၢတၢ်လုၢ်မ့ၣ်အူ အဂီၢ်ဒီးအဂၤတဘ့ၣ်န့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်အတၢ်လုၢ်မၤဘူၣ်ဆူ ယွၤအအိၣ်လၢတၢ်မၤကဆှီထီၣ်က့ၤအီၤအဂီၢ်ဒီးကကဆှီထီၣ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 14:22

ဒီးကဘၣ်ဟဲစိာ်စ့ၢ်ကီးဝဲထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ် န့ၣ်လီၤ. တဘ့ၣ်န့ၣ်ကမ့ၢ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ် န့ၣ်ကမ့ၢ်လၢတၢ်လုၢ်မ့ၣ်အူအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:30

အန့ၣ်ဝံၤဒီး, ကလုၢ်ထီၣ်ဝဲဒၣ်ထိၣ်လွံၢ်ဘုၣ်တဘ့ၣ်မ့တမ့ၢ်ကးက့ၣ်ဖိတဘ့ၣ်,

လံာ်တၢ်ဘူၣ်ထီၣ်ဘါထီၣ် 3:1

ပှၤတဂၤလၢ်လၢ်မ့ၢ်လုၢ်ထီၣ်အဂီၤဖံးဒ်တၢ်လုၢ်မၤဃူမၤဖိးအသိးန့ၣ်, ကဘၣ်မ့ၢ်ဂီၤဖံးအဖါတဒုမ့တမ့ၢ်အမိၢ်တဒုလၢအတအိၣ်ဒီးမဲၣ်သူ မဲၣ်ဂီၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:6

ဒီးတၢ်လုၢ်ထီၣ်သိမ့တမ့ၢ်မဲာ်တဲးလဲးလၢတၢ်လုၢ်မၤဃူမၤဖိး တၢ်အဂီၢ်န့ၣ်, ကဘၣ်မ့ၢ်အဖါမ့တမ့ၢ်အမိၢ်လၢအတအိၣ်ဒီး မဲၣ်သူမဲၣ်ဂီၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:2

ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်ဂီၤဖံးဖါဖိတဒုဒီးသိဖါဖိတဒုလၢမဲၣ်သူမဲၣ် ဂီၤတအိၣ်ဘၣ်ဒီးလုၢ်ထီၣ်အီၤဆူယွၤအအိၣ်တက့ၢ်. ဂီၤဖံးဖါဖိတဒုန့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးသိ ဖါဖိန့ၣ်လၢတၢ်လုၢ်မ့ၣ်အူအဂီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 9:4

ဒီးဂီၤဖံးဖါတဒုဒီးသိဖါတဒုလၢတၢ်လုၢ်မၤဃူမၤဖိးအဂီၢ်, လၢကလုၢ်ထီၣ်ဝဲဆူယွၤအအိၣ်ဃုာ်ဒီးတၢ်လုၢ်ဘုဧိၤဟုဧိၤဃါ ဃုာ်ဒီးသိန့ၣ်တက့ၢ်. ဒီးကဘၣ်မၤဝဲတနံၤအံၤမ့ၢ်လၢယွၤကလီၣ်ဖျါထီၣ်အသးဆူအဝဲ သ့ၣ်အအိၣ်အဃိန့ၣ်လီၤ.”

လံာ်လူၤကၣ် 2:24

အဝဲသ့ၣ်လဲၤစ့ၢ်ကီးဒ်သိးအကလုၢ်ထီၣ်ပာ်ထီၣ်ထိၣ်လွံၢ်ဘုၣ်ခံဘ့ၣ် မ့တမ့ၢ်ထိၣ်ကးက့ၣ်ဖိခံဘ့ၣ်, ဒ်ကစၢ်ယွၤအတၢ်သိၣ်တၢ်သီစံးပာ်ဝဲအသိးန့ၣ်လီၤ.