လံာ်တၢ်ကဲထီၣ်အခီၣ်ထံး 15:7 - Sgaw Karen Common Bible

⁷ ဒီးယွၤစံးဘၣ်အီၤ, “ယမ့ၢ်ယွၤလၢအဒုးဟးထီၣ်နၤလၢဝ့ၢ်အူၢ် လၢကီၢ်ဘၤဘူၤလိၣ်အပူၤဒ်သိးယကဟ့ၣ်လီၤနၤထံကီၢ်အံၤလၢနတၢ် ဒၣ်နဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 15:7 Iomraidhean Croise

လံာ်တၢ်ကဲထီၣ်အခီၣ်ထံး 12:1

ဒီးယွၤစံးဘၣ်စီၤအၤဘြၣ်, “ဟးထီၣ်နဲလၢနထံနကီၢ်, နဘူးနတံၢ်အအိၣ်, ဒီးနပၢ်အဟံၣ်, ဒီးလဲၤဆူထံကီၢ်တဘ့ၣ်လၢ ယကဒုးနဲၣ်နၤတက့ၢ်.

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:4

မ်ယွၤဆိၣ်ဂ့ၤနၤဒီးနစၢၤနသွဲၣ်တဖၣ်ဒ်အဆိၣ်ဂ့ၤတ့ၢ်စီၤအၤ ဘြၤဟၣ်အသိးဒီးမ်နကန့ၢ်သါကီၢ်လၢနအိၣ်တ့ၢ်လံလၢအပူၤလၢ ကစၢ်ယွၤဟ့ၣ်တ့ၢ်စီၤအၤဘြၤဟၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 50:24

အဝဲစံးဘၣ်အဒီပုၢ်ဝဲၢ်ခွါတဖၣ်, “ယကသံဘူးထီၣ်လံ. ဘၣ်ဆၣ်ကစၢ်ယွၤကအံးထွဲကကွၢ်ထွဲသုသပှၢ်ကတၢၢ်, ဒီးဆှၢထီၣ်သုလၢကီၢ်အံၤဆူကီၢ်တဘ့ၣ်လၢအဝဲဆိၣ်တ့ၢ်တၢ်သညူး သပှၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်, အပူၤန့ၣ်လီၤ.”

စံးထီၣ်ပတြၢၤ 105:11

အဝဲစံးဝဲ, “ယကဟ့ၣ်လီၤနၤလၢ ကီၢ်ကနၤဧၣ်, ဒီး တၢ်န့ၣ်ကမ့ၢ်နတၢ်န့ၢ်သါဒၣ်နဲလီၤ.”

စံးထီၣ်ပတြၢၤ 105:42

အဂ့ၢ်ဒ်အံၤ, အဝဲသ့ၣ်နီၣ်ထီၣ်က့ၤအတၢ်အၢၣ်လီၤအီလီၤစီဆှံ ဆူအခ့အပှၤစီၤအၤဘြၤဟၣ်န့ၣ်လီၤ.

စံးထီၣ်ပတြၢၤ 105:44

အဝဲဒၣ်ဟ့ၣ်အဝဲသ့ၣ်လၢ ပှၤဂီၢ်မုၢ်အဂၤအထံအကီၢ်တဖၣ်, ဒီးပျဲအဟံးန့ၢ်ကွံာ်အစံာ်ဧိၤပှဲၤဧိၤတဖၣ်,

လံာ်တၢ်ဟးထီၣ်ကွံာ် 32:13

သ့ၣ်နီၣ်ထီၣ်က့ၤနခ့နပှၤစီၤအၤဘြၤဟၣ်, စီၤအံၤစဲး, ဒီးစီၤယၤကိာ်တက့ၢ်. သ့ၣ်နီၣ်ထီၣ်က့ၤတၢ်အၢၣ်လီၤအီလီၤ သမှံၤသပှၢ်လၢနမၤဒီးအဝဲသ့ၣ်, လၢနကဟ့ၣ်လီၤအဝဲသ့ၣ်လၢအစၢၤအသွဲၣ်အါထဲသိးသိးဒီးဆၣ်ဧိၤ ဖီဧိၤလၢမူကပိာ်လိၤဒီးဟ့ၣ်လီၤအစၢၤအသွဲၣ်တဖၣ်လၢကီၢ်တဘ့ၣ် လၢနအၢၣ်လီၤအီလီၤတ့ၢ်လၢကကဲထီၣ်အတၢ်န့ၢ်သါအထူအယိာ်န့ၣ်တက့ၢ်.”

လံာ်တၢ်ဂံၢ် 33:53

ဟံးန့ၢ်ကီၢ်န့ၣ်ဒီးသူၣ်လီၤဆီလီၤသုသးဖဲအပူၤန့ၣ်တက့ၢ်. အဂ့ၢ်ဒ်အံၤ, ယဟ့ၣ်လီၤတၢ်န့ၣ်လၢသုလီၤ.

ရိမ့ၤ 4:13

ကစၢ်ယွၤအၢၣ်လီၤအီလီၤစီၤအၤဘြၤဟၣ်ဒီးအစၢၤအသွဲၣ် တဖၣ်လၢဟီၣ်ခိၣ်ကကဲထီၣ်အတၢ်န့ၣ်လီၤ. တၢ်အၢၣ်လီၤ အီလီၤအံၤဘၣ်တၢ်မၤအီၤ, တမ့ၢ်လၢစီၤအၤဘြၤဟၣ်တိၢ်န့ၢ် တၢ်သိၣ်တၢ်သီအဃိဘၣ်. မ့ၢ်လၢအဝဲစူၢ်က့ၤနာ်က့ၤကစၢ် ယွၤ, ဒီးကစၢ်ယွၤတူၢ်လိာ်အီၤဒ်ပှၤတီပှၤလိၤတဂၤအသိး အဃိန့ၣ်လီၤ.

လံာ်သိၣ်လီၤသီလီၤတၢ် 3:18

တကတီၢ်ဃီန့ၣ်, ယဟ့ၣ်လီၤအဝဲသ့ၣ်လၢတၢ်သိၣ်လိနဲၣ်ယုၤတဖၣ်ဒ်လၢ လာ်အံၤန့ၣ်လီၤ. ပကစၢ်ယွၤဟ့ၣ်လီၤတ့ၢ်သုလၢကီၢ်အံၤလၢထံကျိယၢ်ဒ့ၣ်မုၢ်ထီၣ် တခီဒ်သိးသုကမၤန့ၢ်အီၤအဂီၢ်လီၤ. ခဲကနံၣ်အံၤမၢသုပှၤဒုးသုးဖိတဖၣ်ကံာ်တူာ်ထီၣ်အတၢ်စုကဝဲၤ ဒီးဆှၢလီၤအဝဲသ့ၣ်ဆူထံကျိယၢ်ဒ့ၣ်အဘးခီလၢကီၢ်အံၣ်စရ့ လးအဒူၣ်အဂၤတဖၣ်အမဲာ်ညါဒ်သိးကမၤစၢၤအဝဲသ့ၣ်လၢကမၤန့ၢ်အကီၢ် အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 9:5

တမ့ၢ်လၢသုမ့ၢ်ပှၤတဖၣ်လၢအဂ့ၤဒီးမၤတၢ်လၢအဘၣ်အဃိဒီးယွၤ ပျဲသုမၤန့ၢ်ဘၣ်အဝဲသ့ၣ်အကီၢ်အံၤဘၣ်. ယွၤကနီၣ်ထီၣ်ကွံာ်အဝဲသ့ၣ်မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ် မ့ၢ်လၢအဝဲပာ်လီၤအသးလၢကဟံးဃာ်ဂၢၢ်ကျၢၤအတၢ်အၢၣ်လီၤအီလီၤ လၢအမၤတ့ၢ်ဝဲဒီးသုပၢ်ဖးဒိၣ်လၢပျၢၤတဖၣ်ဒ်စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အဃိန့ၣ်လီၤ.