လံာ်တၢ်ကဲထီၣ်အခီၣ်ထံး 15:6 - Sgaw Karen Common Bible

⁶ စီၤအၤဘြၣ်နာ်ယွၤဒီးမ့ၢ်လၢတၢ်အံၤအဃိယွၤဘၣ်သူၣ်ဘၣ်သးအီၤ ဒီးတူၢ်လိာ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 15:6 Iomraidhean Croise

လံာ်စီၤနဃ့မယၤ 9:8

နထံၣ်တ့ၢ်လၢအဝဲမ့ၢ်ပှၤသးတီဒီးနၤ ဒီးနမၤတၢ်အၢၣ်လီၤအီလီၤတမံၤဒီးအီၤန့ၣ်လီၤ. နအၢၣ်လီၤတ့ၢ်လၢနကဟ့ၣ်အီၤလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤယဘူၣ်ဖိ, ဒီးပှၤကံၣ်ကၣ်ဖိတဖၣ်အကီၢ် လၢကမ့ၢ်ကီၢ်တဘ့ၣ်လၢအဝဲအစၢၤအသွဲၣ်တဖၣ်ကအိၣ်ဝဲဆိးဝဲန့ၣ် လီၤ. နဟံးဃာ်ဂၢၢ်ကျၢၤနတၢ်အၢၣ်လီၤမ့ၢ်လၢနကလုၢ်တီဝဲ အဃိန့ၣ်လီၤ.

စံးထီၣ်ပတြၢၤ 106:31

စးထီၣ်ဖဲန့ၣ်တၢ်အံၤ ဘၣ်တၢ်သ့ၣ်နီၣ်ထီၣ်အီၤ ဒ်တၢ်ကွၢ်မဲာ်အီၤအသိးဒီး ကမ့ၢ်တၢ်တစိၤသးလၢ ခါဆူညါအပူၤန့ၣ်လီၤ.

ရိမ့ၤ 4:11

အဝဲကူးတရံးအသးလၢခံ, ဒီးအတၢ်ကူးတရံးအံၤမ့ၢ်တၢ်ပနီၣ် တမံၤလၢအဒုးနဲၣ်ဝဲကစၢ်ယွၤအတၢ်တူၢ်လိာ်အီၤဒ်ပှၤတီပှၤလိၤ တဂၤအသိးလၢအတၢ်နာ်အဃိ, တချုးဒံးဘၣ်လၢအဝဲဘၣ်တၢ်ကူးတရံးအီၤန့ၣ်လီၤ. သတးဒီး, စီၤအၤဘြၤဟၣ်မ့ၢ်ပှၤနာ်ကစၢ်ယွၤခဲလၢာ်အပၢ် လၢသူၣ်လၢသး, ဒီးပှၤခဲလၢာ်အံၤဘၣ်တၢ်တူၢ်လိာ်အီၤလၢ ယွၤဒ်ပှၤတီပှၤလိၤအသိး, ဖဲအဝဲသ့ၣ်တဒိးဘၣ်တၢ်ကူးတရံးအခါဒၣ်လဲာ်န့ၣ်လီၤ.

ရိမ့ၤ 4:9

တၢ်သးခုလၢစီၤဒၤဝံးစံးကတိၤလၢအဂ့ၢ်အံၤ, မ့ၢ်အမ့ၢ်ဒၣ်ထဲပှၤတဖၣ်လၢအကူးတရံးအသးအဂီၢ်န့ၣ်ဧါ. တမ့ၢ်ဘၣ်. မ့ၢ်စ့ၢ်ကီးလၢပှၤတကူးတရံးအသးတဖၣ်အဂီၢ်န့ၣ်လီၤ. အဂ့ၢ်ဒ်အံၤ, ပစံးတ့ၢ်လံလၢစီၤအၤဘြၤဟၣ်နာ်ကစၢ်ယွၤဒီးမ့ၢ်လၢ အတၢ်နာ်အံၤအဃိ, ကစၢ်ယွၤတူၢ်လိာ်အီၤဒ်ပှၤတီပှၤလိၤတဂၤ အသိးန့ၣ်လီၤ.

၂ ကရံၣ်သူး 5:19

ပတၢ်ကစီၣ်မ့ၢ်ဝဲ, ကစၢ်ယွၤဒုးကဲထီၣ်ပှၤဟီၣ်ခိၣ်ဖိခဲလၢာ်လၢ အတံၤသကိးတဖၣ်ခီဖျိခရံာ်န့ၣ်လီၤ. ကစၢ်ယွၤတကွဲးနီၣ်ကွဲးဃါအဝဲသ့ၣ်အတၢ်ဒဲးဘးအဂ့ၢ်အကျိၤ တဖၣ်ဘၣ်. ဒီးအဝဲဒၣ်ဟ့ၣ်ပှၤတၢ်ကစီၣ်လၢအတဲဘၣ်ဃး အဝဲဒၣ်ဒုးကဲထီၣ်အဝဲသ့ၣ်လၢအတံၤသကိးတဖၣ်န့ၣ် လၢကျဲဒ်လဲၣ်အဂ့ၢ်လီၤ.

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.

ယၤကိာ် 2:23

ဒီးတၢ်ကွဲးအသးလၢအစံးဝဲ, “စီၤအၤဘြၤဟၣ်နာ်ကစၢ်ယွၤဒီးမ့ၢ်အတၢ်စူၢ်တၢ်နာ်အဃိ ဒီးကစၢ်ယွၤတူၢ်လိာ်အီၤဒ်ပှၤတီပှၤလိၤအသိး” အံၤလၢထီၣ်ပှဲၤထီၣ်ဝဲဒၣ်န့ၣ်လီၤ. ဒီးလၢတၢ်န့ၣ်အဃိ, စီၤအၤဘြၤဟၣ်ဘၣ်တၢ်ကိးအီၤလၢယွၤအတံၤသကိး န့ၣ်လီၤ.