လံာ်တၢ်ကဲထီၣ်အခီၣ်ထံး 15:5 - Sgaw Karen Common Bible

⁵ ယွၤကိးထီၣ်အီၤဆူတၢ်ချၢဒီးစံးဝဲဒၣ်, “ကွၢ်ထီၣ်ဆူမူခိၣ် ဒီးဂံၢ်ကွၢ်ဆၣ်ဧိၤဖီဧိၤန့ၣ်တက့ၢ်. နကအိၣ်ဒီးနစၢၤနသွဲၣ်အါအါဂီၢ်ဂီၢ်ဒ်န့ၣ်အသိးလီၤ.”

လံာ်တၢ်ကဲထီၣ်အခီၣ်ထံး 15:5 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 13:16

ယကဟ့ၣ်လီၤနၤလၢနစၢၤနသွဲၣ်အါအါကလဲာ်တုၤပှၤဂံၢ်ထီၣ်အီၤ တန့ၢ်တသ့နီတဂၤဘၣ်န့ၣ်လီၤ. တၢ်မ့ၢ်ဘၣ်ဂံၢ်ကယဲၢ်ဟီၣ်ခိၣ်အကမူၣ်ခဲလၢာ်န့ၣ်ကညီဒိၣ်တက့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 16:10

ယွၤအကလူးန့ၣ်စံးကဒီးအီၤ, “ယကဟ့ၣ်လီၤနၤလၢနစၢၤနသွဲၣ်အါ အါကလဲာ်တုၤဒၣ်လဲၣ်ပှၤဂံၢ်အီၤတန့ၢ်တသ့နီတဂၤဘၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:2

ယကမၤယတၢ်အၢၣ်လီၤအီလီၤဒီးနၤဒီးဟ့ၣ်လီၤနၤလၢနစၢၤနသွဲၣ် အါအါဂီၢ်ဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:4

ယကဟ့ၣ်နၤနစၢၤနသွဲၣ်တဖၣ်အါဝဲဒ်ဆၣ်ဧိၤဖီဧိၤလၢမူခိၣ်အသိး ဒီးယကဟ့ၣ်အဝဲသ့ၣ်လၢတၢ်လီၢ်ခဲလၢာ်အံၤန့ၣ်လီၤ. ကယဲၢ်ပှၤကလုာ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ်ဂ့ၤ တ့ၢ်နစၢၤနသွဲၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 28:14

အဝဲသ့ၣ်အနီၣ်ဂံၢ်ကအါဝဲဂီၢ်ဝဲဒ်ဟီၣ်ခိၣ်အကမူၣ်ကမှံၤအဖီးတဖၣ် လၢဟီၣ်ခိၣ်လိၤအသိးန့ၣ်လီၤ. ဒီးကမၤလဲၢ်ထီၣ်အကီၢ်ဆူတၢ်လီၢ်ကိးကပၤဒဲးဒီးယကဆိၣ်ဂ့ၤပှၤ ကလုာ်ခဲလၢာ်ခီဖျိနၤဒီးနစၢၤနသွဲၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 32:13

အိၣ်ဝဲဖဲန့ၣ်ဝံၤမုၢ်တနၤဒီး, စီၤယၤကိာ်ဃုထၢဆၣ်ဖိကီၢ်ဖိ တနီၤလၢကဟ့ၣ်အဝဲခွါစီၤဧ့ၡီၤအဂီၢ်ဒ်တၢ်ဟ့ၣ်ကနၢၤလၢမ့ၢ်ဝဲ,

လံာ်စီၤပၤအခီၣ်ထံးတဘ့ၣ် 3:8

ခဲအံၤ, ယအိၣ်လၢပှၤဂီၢ်မုၢ်လၢနဃုထၢအီၤဒ်သိးကမ့ၢ်နတၢ်ဒၣ် နဲ, ပှၤဂီၢ်မုၢ်တဖုလၢအါဝဲတုၤဒၣ်လဲာ်တၢ်ဂံၢ်အီၤတသ့ဘၣ်အကျါ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:23

စီၤပၤစီၤဒၤဝံးတမၤဘၣ်တၢ်ဂံၢ်ဒီးဆဲးလီၤပှၤဂီၢ်မုၢ်အမံၤ တခါလၢပှၤလၢအသးအိၣ်အနံၣ်ခံဆံအဖီလာ်တဖၣ်အဂီၢ်ဘၣ်. အဂ့ၢ်ဒ်အံၤ, ယွၤအိၣ်ဒီးအတၢ်အၢၣ်လီၤလၢကမၤအါထီၣ်အံၣ်စရ့လး အပှၤဂီၢ်မုၢ်အါအါဂီၢ်ဂီၢ်ဒ်ဆၣ်တဖၣ်လၢမူကပိာ်လိၤအသိးန့ၣ်လီၤ.

လံာ်စီၤနဃ့မယၤ 9:23

နဟ့ၣ်အီၤအဖိတဖၣ်အါအါဂီၢ်ဂီၢ်ဒ်ဆၣ်လၢမူကပိာ်လိၤအသိး ဒီးပျဲအမၤနၢၤကွံာ်ဒီးအိၣ်ဝဲဆိးဝဲလၢထံဧိၤကီၢ်ဧိၤ လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်လၢနကဟ့ၣ် အဝဲသ့ၣ်အပူၤန့ၣ်လီၤ.

လံာ်စီၤယိၤဘး 35:5

ကွၢ်ထီၣ်ဆူမူခိၣ်တက့ၢ်. ကွၢ်တၢ်အၢၣ်တဖၣ်လၢအိၣ်ထီၣ် ထီလၢနဖီခိၣ်န့ၣ်တက့ၢ်.

စံးထီၣ်ပတြၢၤ 147:4

အဝဲစံၣ်ညီၣ်တဲာ်ဆၣ်ဧိၤဖီဧိၤအတၢ်ဂံၢ်, ဒီးကိးဝဲအမံၤခဲလၢာ်လီၤ.

လံာ်တၢ်ဟးထီၣ်ကွံာ် 32:13

သ့ၣ်နီၣ်ထီၣ်က့ၤနခ့နပှၤစီၤအၤဘြၤဟၣ်, စီၤအံၤစဲး, ဒီးစီၤယၤကိာ်တက့ၢ်. သ့ၣ်နီၣ်ထီၣ်က့ၤတၢ်အၢၣ်လီၤအီလီၤ သမှံၤသပှၢ်လၢနမၤဒီးအဝဲသ့ၣ်, လၢနကဟ့ၣ်လီၤအဝဲသ့ၣ်လၢအစၢၤအသွဲၣ်အါထဲသိးသိးဒီးဆၣ်ဧိၤ ဖီဧိၤလၢမူကပိာ်လိၤဒီးဟ့ၣ်လီၤအစၢၤအသွဲၣ်တဖၣ်လၢကီၢ်တဘ့ၣ် လၢနအၢၣ်လီၤအီလီၤတ့ၢ်လၢကကဲထီၣ်အတၢ်န့ၢ်သါအထူအယိာ်န့ၣ်တက့ၢ်.”

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်ယံးရမံယၤ 33:22

ယကမၤအါထီၣ်ယခ့ယပှၤ စီၤဒၤဝံးအစၢၤအသွဲၣ် တဖၣ်အနီၣ်ဂံၢ်, တုၤဒၣ်လဲာ် ပှၤဂံၢ်အဝဲသ့ၣ်တသ့ လၢၤဘၣ်. ဒ်ပှၤဂံၢ်ဆၣ်တဖၣ်လၢ မူကပိာ်လိၤ မ့ၢ်ဂ့ၤ, မဲးဧိၤဟီၣ်ဧိၤလၢ ပီၣ်လဲၣ်ကၢၢ်နံၤမ့ၢ်ဂ့ၤ, တသ့ဝဲဘၣ် အသိးန့ၣ်လီၤ.”

ရိမ့ၤ 4:18

ဖဲတၢ်မုၢ်လၢ်တအိၣ်ဘၣ်န့ၣ်, စီၤအၤဘြၤဟၣ်နာ်တၢ်ဒီးမုၢ်လၢ်တၢ်သတးဒီးကဲထီၣ် “ပှၤအါကလုာ်အပၢ်,” ဒ်တၢ်ကွဲးအသးစံးဝဲအသိး, “နစၢၤနသွဲၣ်တဖၣ်ကအါဝဲဂီၢ်ဝဲဒ်ဆၣ်ဧိၤဖီဧိၤအသိး န့ၣ်လီၤ.”

လံာ်သိၣ်လီၤသီလီၤတၢ် 1:10

ယွၤ, သုကစၢ်ယွၤမၤအါထီၣ်သုနီၣ်ဂံၢ်ဒ်ဆၣ်ဧိၤဖီဧိၤတဖၣ်လၢ မူခိၣ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 10:22

ဖဲသုမိၢ်ပၢ်ဖံဖုလၢပျၢၤတဖၣ်လဲၤဆူကီၢ်အဲၤကူပတူးန့ၣ်, အဝဲသ့ၣ်အိၣ်ဒၣ်ထဲပှၤအဂၤနွံဆံဧိၤလီၤ. မ့မ့ၢ်ခဲကနံၣ်အံၤ ယွၤ, သုကစၢ်ယွၤမၤအါထီၣ်တ့ၢ်သုအါအါကလဲာ်ဒ်ဆၣ်ဧိၤဖီဧိၤလၢ မူကပိာ်လိၤအသိးန့ၣ်လီၤ.

ဧ့ၤဘြံၤ 11:12

အဂ့ၢ်ဒ်အံၤ, လၢပှၤတဂၤလၢအမၤအသးဒ်ပှၤလၢအသံတ့ၢ်ဝဲ အသိးန့ၣ်, ပှၤလၢအအါဝဲထဲသိးဒီးဆၣ်တဖၣ်လၢမူခိၣ်ဒီးမဲး အဖျၢၣ်ဖိလၢပီၣ်လဲၣ်နံၤလၢပဂံၢ်တသ့ဘၣ်န့ၣ်, လီၤစၢၤဝဲဒၣ်လီၤ.

လံာ်စီၤယိၤၡူ 24:3

ဒီးယဟံးန့ၢ်သုပၢ်စီၤအၤဘြၤဟၣ်လၢထံမိၢ်ပှၢ် အဝၢ်ဘးခီဒီးဆှၢအီၤလၢကီၢ်ကနၤဧၣ်ဒီဘ့ၣ်ညါဒီးဟ့ၣ်လီၤ အီၤလၢအစၢၤအသွဲၣ်အါမးန့ၣ်လီၤ. ယဟ့ၣ်လီၤစီၤအံၤစဲး,