လံာ်တၢ်ကဲထီၣ်အခီၣ်ထံး 15:2 - Sgaw Karen Common Bible

² ဘၣ်ဆၣ်စီၤအၤဘြၣ်စံးဆၢဝဲဒၣ်, “ယွၤပၢဘၣ်တၢ်ခဲလၢာ်ကစၢ်ဧၢ, နတၢ်ဟ့ၣ်ဘျုးကမၤဂ့ၤယၤမနုၤတမံၤလဲၣ်. အဂ့ၢ်ဒ်အံၤ, ယဖိတအိၣ်နီတဂၤဘၣ်. ပှၤလၢကန့ၢ်သါတၢ်ဘၣ်ဃးဒီး ယၤန့ၣ်မ့ၢ်ဒၣ်ပှၤဝ့ၢ်ဒၤမ့ၤစ့းဖိစီၤအလံၤဧ့စ့ၢ်တဂၤဧိၤ န့ၣ်လီၤ.

လံာ်တၢ်ကဲထီၣ်အခီၣ်ထံး 15:2 Iomraidhean Croise

လံာ်တၢ်ကဲထီၣ်အခီၣ်ထံး 14:15

ဒီးဖဲန့ၣ်အဝဲနီၤဖးလီၤဝဲအပှၤဒုးသုးဖိသ့ၣ်တဖၣ်ဆူကရူၢ် ဖိတဖၣ်ဒီးဒုးအဒုၣ်အဒါသ့ၣ်တဖၣ်ဖဲမုၢ်နၤအကတီၢ်ဒီးမၤနၢၤ ကွံာ်ဝဲဒၣ်န့ၣ်လီၤ. အဝဲလူၤထွဲအဝဲသ့ၣ်တုၤဆူဝ့ၢ်ဃိဘၤလၢအအိၣ်လၢဝ့ၢ်ဒၤမ့း စ့းအကလံၤစိးတခီန့ၣ်လီၤ.

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 15:3

နတဟ့ၣ်လီၤတ့ၢ်ယၤဖိနီတဂၤဘၣ်. ဒီးပှၤလၢကန့ၢ်သါယတၢ်စုလီၢ် ခီၣ်ခိၣ်န့ၣ်မ့ၢ်ဒၣ်ယကုၢ်တဖၣ်အကျါတဂၤလီၤ.”

လံာ်တၢ်ကဲထီၣ်အခီၣ်ထံး 24:10

တၢ်ခ့တၢ်ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤ ဒီးပၢၤစီၤအၤဘြၤဟၣ်အတၢ်စုလီၢ်ခီၣ်ခိၣ်တဂၤအံၤ, ဟံးန့ၢ်အကစၢ်စီၤအၤဘြၤဟၣ်အကီၤလၤအူးအဒုတဆံဒီးလဲၤဝဲဆူ ဝ့ၢ်လၢကီၢ်မ့းစပတၤမံအကလံၤစိးအပူၤဖဲစီၤနၤဃိၢ်အိၣ်ဆိး တ့ၢ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 24:2

စီၤအၤဘြၤဟၣ်စံးဘၣ်အခ့အပှၤလၢအသးပှၢ်ကတၢၢ်, ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤကယဲၢ်တၢ် အိၣ်ဒီးစီၤအၤဘြၤဟၣ်န့ၣ်, “ပာ်နစုလၢယကံၣ်ဒုၣ်အကဆူးဒီးမၤတၢ်ဆိၣ်တမံၤတက့ၢ်.

လံာ်တၢ်ကဲထီၣ်အခီၣ်ထံး 25:21

ဒီးမ့ၢ်လၢနီၢ်ရံးဘကၤအဖိတအိၣ်ဘၣ်အဃိစီၤအံၤစဲးဘါထုကဖၣ် လၢအဂီၢ်န့ၣ်လီၤ. ဒီးယွၤစံးဆၢအတၢ်ထုကဖၣ်ဒီးနီၢ်ရံးဘကၤဒၢထီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 39:9

ယအိၣ်ဒီးတၢ်စိတၢ်ကမီၤထဲသိးဒီးအီၤလၢဟံၣ်အံၤအပူၤန့ၣ် လီၤ. မ့တမ့ၢ်ဘၣ်ထဲလၢနၤတဂၤဧိၤဘၣ်ဒီး, အဝဲတတြီဃာ်တၢ်အဂုၤအဂၤနီတမံၤလၢယကပၢၤအီၤဘၣ်လီၤ. လၢတၢ်န့ၣ်အဃိ, ယကမၤတၢ်အၢတၢ်သီဒ်သိးအံၤတမံၤဒီးမၤတၢ်ဒဲး ဘးထီဒါကစၢ်ယွၤဒ်လဲၣ်.”

လံာ်တၢ်ကဲထီၣ်အခီၣ်ထံး 43:19

လၢတၢ်န့ၣ်အဃိဖဲဟံၣ်အတြဲၤန့ၣ်, အဝဲသ့ၣ်စံးဘၣ်တၢ်ခ့တၢ်ပှၤ အခိၣ်,

လံာ်တၢ်ကဲထီၣ်အခီၣ်ထံး 44:1

စီၤယိၤသးမၢအဟံၣ်အခ့အပှၤတဖၣ်အခိၣ်ဒီးစံးဝဲ, “မၤပှဲၤပှၤတဖၣ်အံၤအထၢၣ်ဒီးတၢ်အီၣ်ဖဲအဝဲသ့ၣ်စိာ်ဝဲန့ၢ်, ဒီးဒၢနုာ်ပှၤတဂၤစုာ်စုာ်အစ့လၢအထၢၣ်ခိၣ်ထိးန့ၣ်တက့ၢ်.

စံးထီၣ်ပတြၢၤ 127:3

ကွၢ်ကွၢ်, ပဖိပလံၤန့ၣ်မ့ၢ်တၢ်န့ၢ်သါဟဲလၢယွၤလီၤ. ဒီးပှၤဒၢလီၢ်အတၤသၣ်န့ၣ် မ့ၢ်တၢ်အဘူးအလဲလီၤ.

တၢ်ကတိၤဒိ. 13:12

ဖဲတၢ်မုၢ်လၢ်ဘၣ်တၢ်မၤလီၤသဘှံးအီၤဒီး, သးလီၤသဘှံးဝဲလီၤ. မ့မ့ၢ်တုၤတၢ်ဆၢန့ၢ်တမံၤကဲထီၣ်လိၣ်ထီၣ်ဝဲန့ၣ်, မၤပှဲၤနၤဒီးတၢ်သးခုလီၤ.

တၢ်ကတိၤဒိ. 17:2

ကုၢ်လၢအအိၣ်ဒီးတၢ်ကူၣ်တၢ်ဆးတဂၤန့ၣ်ကမၤန့ၢ်တၢ်စိတၢ်ကမီၤ လၢအကစၢ်အဖိခွါလၢတဂိာ်တသီၣ်ဘၣ်တဂၤအဖီခိၣ်ဒီးဒိး န့ၢ်တၢ်န့ၢ်သါတနီၤလီၤ.

လံာ်ယၡါယၤ 17:1

ယွၤစံးဝဲဒၣ်, “ဒၤမ့းစ့းတမ့ၢ်ဝ့ၢ်တဖျၢၣ်ယံာ်ယံာ်လၢၤဘၣ်. ကမ့ၢ်ဒၣ်တၢ်လီၤပှီၢ်ဟးဂီၤတဖၣ်အတၢ်ပာ်ဖှိၣ်ထီၣ်အသးအလီၢ် တတီၤလီၤ.

လံာ်ယၡါယၤ 56:5

နမံၤကဘၣ်တၢ်သ့ၣ်နီၣ်ထီၣ်အီၤလၢယတၢ်လုၢ်ဟံၣ်အပူၤဒီး လၢယပှၤဂီၢ်မုၢ်အကျါယံာ်န့ၢ်ဒံးနမ့ၢ်အိၣ်တ့ၢ်ဒီးနဖိခွါတဖၣ်ဒီး နဖိမုၣ်တဖၣ်တက့ၢ်န့ၣ်လီၤ. နတဘၣ်တၢ်သးပ့ၤနီၣ်နၤနီတစုဘၣ်.”

လံာ်ယံးရမံယၤ 49:23

အအံၤမ့ၢ်တၢ်လၢ ယွၤစံးဝဲဘၣ်ဃးဒီးဝ့ၢ်ဒၤမ့ၤစ့းလီၤ. “ပှၤဂီၢ် မုၢ်လၢ ဝ့ၢ်ဃမါသးဒီးဝ့ၢ်အ့ၢ်ဖးတဖၣ်ဘၣ်ကိၢ်ဘၣ်ဂီၤဒီး အသးဘၣ်တံာ်တာ်ဝဲ မ့ၢ်လၢအဝဲသ့ၣ်နၢ်ဟူတ့ၢ်တၢ်ကစီၣ် အအၢအသီအဃိန့ၣ်လီၤ. တၢ်သူၣ်ကိၢ်သးဂီၤတလ့ၣ်အသး လၢအဝဲသ့ၣ်အဖီခိၣ်ဒ်ပီၣ်လဲၣ်လၢတအိၣ်ဘှံးဘၣ်အသိးန့ၣ်လီၤ.

မၤတၢ် 7:5

ဖဲန့ၣ်အကတီၢ်, ကစၢ်ယွၤတဟ့ၣ်အီၤဟီၣ်ခိၣ်နီတက့လၢကကဲအတၢ် ဒၣ်ဝဲန့ၣ်ဘၣ်. ထဲတပျၢ်ဧိၤဒၣ်လဲာ်တဟ့ၣ်ဝဲဘၣ်. ဘၣ်ဆၣ်, ကစၢ်ယွၤအၢၣ်လီၤအီလီၤဝဲလၢအကဟ့ၣ်အီၤဟီၣ်ခိၣ်အံၤ လၢအကကဲထီၣ်အတၢ်ဒၣ်ဝဲဒီးအစၢၤအသွဲၣ်တဖၣ်အတၢ် န့ၣ်လီၤ. ဖဲကစၢ်ယွၤမၤတၢ်အၢၣ်လီၤအီလီၤတမံၤအံၤ အကတီၢ်န့ၣ်, စီၤအၤဘြၤဟၣ်အဖိအလံၤတအိၣ်နီတဂၤဘၣ်.

လံာ်နီၢ်ရူၤသး 2:6

ပှၤတဂၤန့ၣ်စံးဆၢအီၤ, “အဝဲမ့ၢ်ပှၤမိၤအးမုၣ်ဖိတဂၤလၢအဟဲက့ၤဒီး နီၢ်နၤဧမံလၢကီၢ်မိၤအးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:11

နီၢ်ဃးနၤမၤတၢ်အၢၣ်လီၤအီၤလီၤတၢ်သညူးသပှၢ်တမံၤန့ၣ်လီၤ. “ယွၤသ့တၢ်လၢာ်ဧၢ, ကွၢ်လီၤယၤနကုၢ်အံၤတက့ၢ်. ထံၣ်ယတၢ်ကိၢ်တၢ်ဂီၤဒီးသ့ၣ်နီၣ်ထီၣ်က့ၤယၤတက့ၢ်. သးပ့ၤနီၣ်ယၤတဂ့ၤ. နမ့ၢ်ဟ့ၣ်ယၤလၢဖိခွါတဂၤဒီးယအၢၣ်လီၤ နၤလၢယကပာ်စီဆှံအီၤဆူနအိၣ်လၢအသးသမူတစိၤဒီးအခိၣ်သူ တဘၣ်တၢ်ကူးတဲာ်အီၤနီတစုဘၣ်.”