လံာ်တၢ်ကဲထီၣ်အခီၣ်ထံး 15:18 - Sgaw Karen Common Bible

¹⁸ တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်တၢ်ကဲထီၣ်အခီၣ်ထံး 15:18 Iomraidhean Croise

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 13:15

ယကဟ့ၣ်လီၤနၤဒီးနစၢၤနသွဲၣ်တဖၣ်လၢကယဲၢ်ကီၢ်လၢနထံၣ်ဘၣ်အီၤ ဒီးကမ့ၢ်နတၢ်လီၤစိၤလီၤထီန့ၣ်လီၤ.

လံာ်တၢ်ကဲထီၣ်အခီၣ်ထံး 2:14

ထံကျိသၢဘိတဘိမ့ၢ်ဝဲထံကျိဃံးဒက့လးလၢအယွၤလီၤဆူကီၢ်အၤၡူၢ်အမုၢ်ထီၣ်, ဒီးထံကျိလွံၢ်ဘိတဘိမ့ၢ်ဝဲထံကျိဖရၤသးလီၤ.

လံာ်တၢ်ကဲထီၣ်အခီၣ်ထံး 24:7

ယွၤ, မူခိၣ်အကစၢ်ယွၤ, စိာ်ထီၣ်ယၤလၢယပၢ်အဟံၣ်ဒီးယဘူးယတံၢ် သ့ၣ်တဖၣ်အထံအကီၢ်ဒီးအၢၣ်လီၤယၤသညူးသပှၢ်လၢကဟ့ၣ်ဝဲကီၢ်တဘ့ၣ် အံၤလၢယစၢၤယသွဲၣ်တဖၣ်န့ၣ်လီၤ. အဝဲကဆှၢလီၤအကလူးလၢနမဲာ်ညါဒ်သိးနကမၤန့ၢ်မါတဂၤဖဲန့ၣ်လၢ ယဖိခွါအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:4

ယကဟ့ၣ်နၤနစၢၤနသွဲၣ်တဖၣ်အါဝဲဒ်ဆၣ်ဧိၤဖီဧိၤလၢမူခိၣ်အသိး ဒီးယကဟ့ၣ်အဝဲသ့ၣ်လၢတၢ်လီၢ်ခဲလၢာ်အံၤန့ၣ်လီၤ. ကယဲၢ်ပှၤကလုာ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ်ဂ့ၤ တ့ၢ်နစၢၤနသွဲၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 28:4

မ်ယွၤဆိၣ်ဂ့ၤနၤဒီးနစၢၤနသွဲၣ်တဖၣ်ဒ်အဆိၣ်ဂ့ၤတ့ၢ်စီၤအၤ ဘြၤဟၣ်အသိးဒီးမ်နကန့ၢ်သါကီၢ်လၢနအိၣ်တ့ၢ်လံလၢအပူၤလၢ ကစၢ်ယွၤဟ့ၣ်တ့ၢ်စီၤအၤဘြၤဟၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 35:12

ယကဟ့ၣ်နၤထံဧိၤကီၢ်ဧိၤလၢယဟ့ၣ်တ့ၢ်စီၤအၤဘြၤဟၣ်, စီၤအံၤစဲးဒီးယကဟ့ၣ်စ့ၢ်ကီးအီၤဆူနၤဒီးနစၢၤနသွဲၣ်လၢ နလီၢ်ခံတဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 50:24

အဝဲစံးဘၣ်အဒီပုၢ်ဝဲၢ်ခွါတဖၣ်, “ယကသံဘူးထီၣ်လံ. ဘၣ်ဆၣ်ကစၢ်ယွၤကအံးထွဲကကွၢ်ထွဲသုသပှၢ်ကတၢၢ်, ဒီးဆှၢထီၣ်သုလၢကီၢ်အံၤဆူကီၢ်တဘ့ၣ်လၢအဝဲဆိၣ်တ့ၢ်တၢ်သညူး သပှၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်, အပူၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:3

အန့ၣ်ဝံၤဒီးအဝဲမၤနၢၤကွံာ်ပှၤစူၤရံဖိအစီၤပၤလၢကီၢ်ဆၣ်စိဘၤ, စီၤရဃိာ်အဖိခွါစီၤဟးဒးဧ့စ့ၢ်, ဖဲစီၤဟးဒးဧ့စ့ၢ်လဲၤ တၢ်လၢကျဲအဖၢမုၢ်ဒ်သိးအကလဲၤမၤန့ၢ်က့ၤအတၢ်ပၢၤဘၣ်လီၢ်ကဝီၤ လၢထံကျိဖရၤသးအထးခီအဂီၢ်အခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:21

စီၤၡလိၤမိၤအဘီအမုၢ်တုၤဝဲဆူကယဲၢ်ပှၤကလုာ်, လၢအအိၣ်လၢထံကျိဖရၤသးအကီၢ်ဒီးတုၤဆူကီၢ်အဲၤကူပတူး အကီၢ်ဆၢန့ၣ်လီၤ. ဒီးအဝဲသ့ၣ်ဟ့ၣ်အီၤတၢ်ခိတၢ်သွဲတဖၣ်ဒီးအိၣ်လၢအဝဲအတၢ်ပၢ အဖီလာ်တစိၤဒၣ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:1

ဝ့ၢ်ထါယၢၣ်ကီၢ်အစီၤပၤဃူရၣ်, ထီဘိမ့ၢ်တ့ၢ်စီၤဒၤဝံးအတံၤသကိးတဂၤန့ၣ်လီၤ. ဒီးဖဲအဝဲနၢ်ဟူဘၣ်ဝဲလၢစီၤၡလိၤမိၤကဲထီၣ်စီၤပၤလၢစီၤ ဒၤဝံးအလီၢ်န့ၣ်, အဝဲဆှၢလီၤအထံကီၢ်မီၣ်သီတဖၣ်ဆူစီၤၡလိၤမိၤအအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:16

တၢ်အၢၣ်လီၤအီလီၤန့ၣ်မ့ၢ်တၢ်လၢကစၢ်ယွၤမၤဝဲဒီးစီၤအၤဘြၣ်ဟၣ် ဒီးမ့ၢ်တၢ်အၢၣ်လီၤလၢအမၤဝဲဒီးစီၤအံၤစဲးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:9

အဝဲသ့ၣ်အိၣ်ဒီးဆၣ်ဖိကီၢ်ဖိအဖုအဂီၢ်ဖးဒိၣ်လၢကီၢ်ကံးလဧး အပူၤ, ဒီးလၢတၢ်န့ၣ်အဃိအဝဲသ့ၣ်ဟံးန့ၢ်တၢ်လီၢ်ယံၤဝဲ တုၤလၢမုၢ်ထီၣ်မဲးမုၢ်ခိၣ်လၢအအိၣ်လၢထံကျိဖရၤသးအကၢၣ်ခိၣ် ဒီတကျိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:8

စီၤၡလိၤမိၤဒီးကယဲၢ်အံၣ်စရ့လးအပှၤဂီၢ်မုၢ်မၤမူးမၤပွဲ လၢဘူၣ်ဒဲအဂီၢ်နွံသီန့ၣ်လီၤ. ဖဲန့ၣ်ပှၤကမျၢၢ်ဂီၢ်မုၢ်ဖးဒိၣ်တဖၣ်အိၣ်ဝဲ, လၢအဟဲဝဲလၢကလံၤစိးတခီယံၤဝဲပၢၢ်လၢဝ့ၢ်ဃမါသးအတၢ်လဲၤ နုာ်အကျဲဒီးလၢကလံၤထံးတခီန့ၣ်ယံၤဝဲပၢၢ်လၢကီၢ်အဲၤကူပတူး အကီၢ်အဆၢန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:7

ကယဲၢ်ကီၢ်ကနၤဧၣ်အပှၤဂီၢ်မုၢ်အစၢၤအသွဲၣ်တဖၣ်, လၢပှၤအံၣ်စရ့လးဖိတဖၣ်မၤသံကွံာ်ဘၣ်အီၤဖဲအဟံးန့ၢ်ကွံာ် တ့ၢ်ထံကီၢ်အခါ, ဃုာ်ဒီးပှၤဃ့ၤသးဖိ, ပှၤအမိၢ်ဖိ, ပှၤပရးစးဖိ, ပှၤဃံၤဝံဖိဒီးပှၤယဘူၣ်ဖိ, ပှၤလၢအတမ့ၢ်ဘၣ်ပှၤအံၣ်စရ့လးဖိတဖၣ်ဘၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 9:26

အဝဲမ့ၢ်စီၤပၤလၢအစိကမီၤအိၣ်ဝဲအဒိၣ်ကတၢၢ်လၢကယဲၢ်စီၤပၤ ခဲလၢာ်အဖီခိၣ်လၢအအိၣ်ဝဲလၢလီၢ်ကဝီၤတဖၣ်စးထီၣ်လၢထံ မိၢ်ပှၢ်ဖရၤသးတုၤဆူကီၢ်ဖလ့ၡသးဒီးလၢကီၢ်အဲၤကူပတူးအကီၢ် ဆၢန့ၣ်လီၤ.

လံာ်စီၤဧ့စြၤ 4:20

စီၤပၤလၢအအိၣ်ဒီးတၢ်စိတၢ်ကမီၤတဖၣ်ပၢတ့ၢ်တၢ်ဖဲန့ၣ်, ဒီးပၢဘၣ်တၢ်လၢကီၢ်ဖရၤသးအမုၢ်နုာ်ဒီးထၢဖှိၣ်ဝဲတၢ်ခိ တၢ်သွဲတဖၣ်, လၢထံလီၢ်ကီၢ်ပူၤဒီးလၢတၢ်ဖိတၢ်လံၤလၢအဟဲလၢ ထံဂၤကီၢ်ဂၤတဖၣ်အဖီခိၣ်န့ၣ်လီၤ.

လံာ်စီၤနဃ့မယၤ 9:8

နထံၣ်တ့ၢ်လၢအဝဲမ့ၢ်ပှၤသးတီဒီးနၤ ဒီးနမၤတၢ်အၢၣ်လီၤအီလီၤတမံၤဒီးအီၤန့ၣ်လီၤ. နအၢၣ်လီၤတ့ၢ်လၢနကဟ့ၣ်အီၤလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤယဘူၣ်ဖိ, ဒီးပှၤကံၣ်ကၣ်ဖိတဖၣ်အကီၢ် လၢကမ့ၢ်ကီၢ်တဘ့ၣ်လၢအဝဲအစၢၤအသွဲၣ်တဖၣ်ကအိၣ်ဝဲဆိးဝဲန့ၣ် လီၤ. နဟံးဃာ်ဂၢၢ်ကျၢၤနတၢ်အၢၣ်လီၤမ့ၢ်လၢနကလုၢ်တီဝဲ အဃိန့ၣ်လီၤ.

စံးထီၣ်ပတြၢၤ 105:11

အဝဲစံးဝဲ, “ယကဟ့ၣ်လီၤနၤလၢ ကီၢ်ကနၤဧၣ်, ဒီး တၢ်န့ၣ်ကမ့ၢ်နတၢ်န့ၢ်သါဒၣ်နဲလီၤ.”

လံာ်တၢ်ဟးထီၣ်ကွံာ် 13:11

ဒီးယွၤကဆှၢနုာ်သုဆူပှၤကနၤဧၣ်ဖိတဖၣ်အကီၢ်ပူၤ, ကီၢ်တဘ့ၣ်လၢအအၢၣ်လီၤအီလီၤတ့ၢ်ဝဲသပှၢ်ကတၢၢ်ဒီးသုဒီးသု မိၢ်ပၢ်ဖံဖုလၢပျၢၤတဖၣ်န့ၣ်လီၤ. ဒီးတုၤအဟ့ၣ်သုလၢကီၢ်အံၤန့ၣ်ဒီး,

လံာ်တၢ်ဟးထီၣ်ကွံာ် 2:24

ဒီးကစၢ်ယွၤနၢ်ဟူအတၢ်ကအုကစွါဒီးသ့ၣ်နီၣ်ထီၣ်က့ၤအတၢ်အၢၣ် လီၤအီလီၤဒီးစီၤအၤဘြၤဟၣ်, ဒီးစီၤအံၤစဲးဒီးစီၤယၤကိာ်န့ၣ်လီၤ.

လံာ်တၢ်ဟးထီၣ်ကွံာ် 23:23

ယကလူးကလဲၤတၢ်လၢသုမဲာ်ညါဒီးဆှၢသုဆူပှၤအမိၢ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤကနၤဧၣ်ဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်အကီၢ်ပူၤဒီးယကမၤဟးဂီၤ အဝဲသ့ၣ်လီၤ.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 32:13

သ့ၣ်နီၣ်ထီၣ်က့ၤနခ့နပှၤစီၤအၤဘြၤဟၣ်, စီၤအံၤစဲး, ဒီးစီၤယၤကိာ်တက့ၢ်. သ့ၣ်နီၣ်ထီၣ်က့ၤတၢ်အၢၣ်လီၤအီလီၤ သမှံၤသပှၢ်လၢနမၤဒီးအဝဲသ့ၣ်, လၢနကဟ့ၣ်လီၤအဝဲသ့ၣ်လၢအစၢၤအသွဲၣ်အါထဲသိးသိးဒီးဆၣ်ဧိၤ ဖီဧိၤလၢမူကပိာ်လိၤဒီးဟ့ၣ်လီၤအစၢၤအသွဲၣ်တဖၣ်လၢကီၢ်တဘ့ၣ် လၢနအၢၣ်လီၤအီလီၤတ့ၢ်လၢကကဲထီၣ်အတၢ်န့ၢ်သါအထူအယိာ်န့ၣ်တက့ၢ်.”

လံာ်တၢ်ဟးထီၣ်ကွံာ် 34:11

စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယကဟ့ၣ်လီၤသုတနံၤအံၤန့ၣ်တက့ၢ်. ယကဟီထီၣ်ကွံာ်ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်ဖဲသုလဲၤထီၣ်ဒုးတၢ်န့ၣ်လီၤ.

လံာ်တၢ်ဟးထီၣ်ကွံာ် 34:24

ဖဲယဟီထီၣ်ကွံာ်ပှၤကလုာ်တဖၣ်လၢသုမဲာ်ညါဒီးမၤလဲၢ်ထီၣ်သု တၢ်လီၢ်တၢ်ကျဲဝံၤအလီၢ်ခံန့ၣ်, ပှၤတဂုာ်မၤနၢၤသုကီၢ်ဖဲမူးသၢမူးအကတီၢ်အံၤနီတဂၤဘၣ်.

လံာ်တၢ်ဟးထီၣ်ကွံာ် 6:4

ဒီးယမၤစ့ၢ်ကီးတၢ်အၢၣ်လီၤအီလီၤဒီးအဝဲသ့ၣ်, ဒီးယအၢၣ်လီၤလၢယကဟ့ၣ်အဝဲသ့ၣ်လၢကီၢ်ကနၤဧၣ်, ကီၢ်လၢအဝဲသ့ၣ်အိၣ်ဆိးဝဲဒ်ပှၤတခီဘီမုၢ်ဖိတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 6:8

ဒီးယကဒုးလဲၤနုာ်သုဆူကီၢ်တဘ့ၣ်လၢယအၢၣ်အီလီၤလၢ ယကဟ့ၣ်စီၤအၤဘြၤဟၣ်, စီၤအံၤစဲးဒီးစီၤယၤကိာ်, ဒီးယကဟ့ၣ်လီၤသုဒ်သုတၢ်န့ၢ်သါအသိးန့ၣ်လီၤ. ယဲဒၣ်အံၤယမ့ၢ်ယွၤလီၤ.’ ”

လံာ်ယၡါယၤ 27:12

တၢ်လၢမုၢ်တနံၤန့ၣ်, ယွၤကပာ်ဖှိၣ်က့ၤအပှၤဂီၢ်မုၢ်တဂၤဘၣ် တဂၤစးထီၣ်လၢထံကျိဖရၤသးတုၤဆူကီၢ်အဲၤကူပတူးအကီၢ်ဆၢ လီၤဂာ်ဒ်ပှၤတဂၤနီၤဖးဝဲဘုကၠူၣ်ဒီးအဖ့အသိး န့ၣ်လီၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယံးရမံယၤ 32:22

နဟ့ၣ်လီၤတ့ၢ် အဝဲသ့ၣ်လၢ ကီၢ်တဘ့ၣ်လၢ အထူးဝဲတီၤဝဲဒီး အဟီၣ်ခိၣ်ညၣ်ထ့ၣ်ဂ့ၤဝဲ, ဒ်နအၢၣ်လီၤတ့ၢ် အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:42

ယကသ့ၣ်နီၣ်ထီၣ်က့ၤယတၢ်အၢၣ်လီၤဒီးစီၤယၤကိာ်, ဒီးစီၤအံၤစဲးဒီးစီၤအၤဘြၤဟၣ်, ဒီးယကမၤသီထီၣ်က့ၤယတၢ်အၢၣ်လီၤလၢယကဟ့ၣ်ယပှၤဂီၢ်မုၢ်လၢထံဧိၤကီၢ်ဧိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:45

ယကမၤသီထီၣ်က့ၤယတၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်ဖဲယဒုးနဲၣ် ကယဲၢ်ပှၤကလုာ်တဖၣ်လၢယစိကမီၤခီဖျိတၢ်ထုးထီၣ်ယပှၤ ဂီၢ်မုၢ်လၢကီၢ်အဲၤကူပတူးအပူၤ, ဒ်သိးယၤ, ယွၤအံၤ ကမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ဂံၢ် 34:5

တၢ်လီၢ်ဖဲကတရံးက့ၤလိၤလိၤဆူတၢ်တြီၤအိၣ်လၢကီၢ်အဲၤကူ ပတူးကီၢ်ဆၢဒီးကကတၢၢ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ် န့ၣ်လီၤ.”

မၤတၢ် 7:5

ဖဲန့ၣ်အကတီၢ်, ကစၢ်ယွၤတဟ့ၣ်အီၤဟီၣ်ခိၣ်နီတက့လၢကကဲအတၢ် ဒၣ်ဝဲန့ၣ်ဘၣ်. ထဲတပျၢ်ဧိၤဒၣ်လဲာ်တဟ့ၣ်ဝဲဘၣ်. ဘၣ်ဆၣ်, ကစၢ်ယွၤအၢၣ်လီၤအီလီၤဝဲလၢအကဟ့ၣ်အီၤဟီၣ်ခိၣ်အံၤ လၢအကကဲထီၣ်အတၢ်ဒၣ်ဝဲဒီးအစၢၤအသွဲၣ်တဖၣ်အတၢ် န့ၣ်လီၤ. ဖဲကစၢ်ယွၤမၤတၢ်အၢၣ်လီၤအီလီၤတမံၤအံၤ အကတီၢ်န့ၣ်, စီၤအၤဘြၤဟၣ်အဖိအလံၤတအိၣ်နီတဂၤဘၣ်.

လံာ်သိၣ်လီၤသီလီၤတၢ် 11:24

ကယဲၢ်တၢ်လီၢ်လၢသုခီၣ်ယီၢ်လီၤလၢအဖီခိၣ်န့ၣ်ကမ့ၢ်သု တၢ်လီၤ. သုလီၢ်ကဝီၤကလဲၢ်ဝဲစးထီၣ်လၢပှၢ်မုၢ်ကနၢလၢကလံၤ ထံးတခီတုၤဆူကီၢ်လဘၤနိၣ်အကစၢၢ်ကလိတဖၣ်လၢကလံၤစိးတခီ, ဒီးစးထီၣ်လၢထံကျိဖရၤသးလၢမုၢ်ထီၣ်တခီတုၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်လၢမုၢ်နုာ်တခီန့ၣ်လီၤ.

လံာ်သိၣ်လီၤသီလီၤတၢ် 12:20

တုၤယွၤသုကစၢ်ယွၤမၤလဲၢ်ထီၣ်သုလီၢ်ကဝီၤ, ဒ်အဝဲအအၢၣ်လီၤတ့ၢ်အသိးန့ၣ်ဒီး, သုကအီၣ်ဘၣ်တၢ်ညၣ်တဘျီလၢ်လၢ် ဖဲသုအဲၣ်ဒိးအီၤန့ၣ်လီၤ.

လံာ်သိၣ်လီၤသီလီၤတၢ် 19:8

တုၤယွၤ, သုကစၢ်ယွၤမၤလဲၢ်ထီၣ်သုလီၢ်ကဝီၤ, ဒ်အဝဲတဲဘၣ်တ့ၢ်သုမိၢ်ပၢ်ဖံဖုလၢပျၢၤတဖၣ်လၢကမၤဝဲ, ဒီးဟ့ၣ်သုကယဲၢ်ထံကီၢ်လၢအဝဲအၢၣ်လီၤတ့ၢ်လံဝဲန့ၣ်,

လံာ်သိၣ်လီၤသီလီၤတၢ် 34:4

အန့ၣ်ဝံၤဒီး, ယွၤစံးဘၣ်စီၤမိၤၡ့, “တၢ်အံၤမ့ၢ်ကီၢ်လၢ ယအၢၣ်လီၤတ့ၢ်စီၤအၤဘြၤဟၣ်, ဒီၤအံၤစဲးဒီးစီၤယၤကိာ်, လၢယကဟ့ၣ်လီၤအီၤဆူအဝဲသ့ၣ်အစၢၤအသွဲၣ်တဖၣ်န့ၣ်လီၤ. ယဒုးထံၣ်နၤတၢ်အံၤ, ဘၣ်ဆၣ်ယတပျဲနလဲၤနုာ်ဖဲန့ၣ်ဘၣ်.”

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).

လံာ်စီၤယိၤၡူ 15:4

ဒီးလဲၤထီၣ်ဆူဝ့ၢ်ဧၤစမိၣ်, ဒီးပိာ်ထွဲထံကျိဖိလၢကီၢ်အဲၤကူပတူးအကီၢ်ဆၢတုၤလၢပီၣ် လဲၣ်ဖးဒိၣ်မဲးဒံးထၢၣ်ရ့နယၢၣ်ဖဲကီၢ်ဆၢကတၢၢ်ဝဲန့ၣ်လီၤ. အဝဲအံၤမ့ၢ်ယူဒၤအကီၢ်ဆၢလၢကလံၤထံးတခီန့ၣ်လီၤ.

လံာ်လီၣ်ဖျါ 9:14

တၢ်ကလုၢ်စံးဘၣ်ကလူးဃုဂၤတဂၤန့ၣ် “ပျၢ်လီၤကွံာ်ကလူးလွံၢ်ဂၤလၢအဘၣ်တၢ်စၢဃာ်အီၤဖဲထံကျိ ဖးဒိၣ်ဖရၤသးန့ၣ်တက့ၢ်.”