လံာ်တၢ်ကဲထီၣ်အခီၣ်ထံး 15:16 - Sgaw Karen Common Bible

¹⁶ တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

လံာ်တၢ်ကဲထီၣ်အခီၣ်ထံး 15:16 Iomraidhean Croise

လံာ်တၢ်ကဲထီၣ်အခီၣ်ထံး 10:16

စီၤကနၤဧၣ်မ့ၢ်စ့ၢ်ကီးပှၤယဘူၣ်ဖိ, ပှၤအမိၢ်ဖိဒီးပှၤကံၢ်ကၣ်ဖိ,

လံာ်တၢ်ကဲထီၣ်အခီၣ်ထံး 15:13

ယွၤစံးဘၣ်အီၤ, “နစၢၤနသွဲၣ်တဖၣ်ကကဲထီၣ်ပှၤသမှံၤလၢပှၤတခီ ဘီမုၢ်အကီၢ်တဘ့ၣ်အပူၤလီၤ. အဝဲသ့ၣ်ကကဲထီၣ်ကုၢ်တဖၣ်ဖဲန့ၣ်ဒီးကဘၣ်တၢ်မၤအီၤအၢအၢသီသီ အနံၣ်လွံၢ်ကယၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:21

အန့ၣ်ဒီး, စီၤယၤကိာ်စံးဘၣ်စီၤယိၤသး, “ဒ်နထံၣ်အသိး, ယကသံဘူးထီၣ်လံ. ဘၣ်ဆၣ်ဒီး, ကစၢ်ယွၤကအိၣ်ဒီးနၤ, ဒီးကဆှၢကဒါက့ၤနၤဆူနမိၢ်ပၢ်ဖံဖုလၢပျၢၤတဖၣ်အကီၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 50:24

အဝဲစံးဘၣ်အဒီပုၢ်ဝဲၢ်ခွါတဖၣ်, “ယကသံဘူးထီၣ်လံ. ဘၣ်ဆၣ်ကစၢ်ယွၤကအံးထွဲကကွၢ်ထွဲသုသပှၢ်ကတၢၢ်, ဒီးဆှၢထီၣ်သုလၢကီၢ်အံၤဆူကီၢ်တဘ့ၣ်လၢအဝဲဆိၣ်တ့ၢ်တၢ်သညူး သပှၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်, အပူၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:26

အဝဲမၤတ့ၢ်တၢ်ဒဲးဘးတဖၣ်လၢအလီၤမဲာ်ဆှးအဒိၣ်ကတၢၢ်ခီဖျိတၢ် ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်ဒ်ပှၤအမိၢ်ဖိတဖၣ်လၢယွၤ ဟီထီၣ်ကွံာ်တ့ၢ်အီၤလၢကီၢ်ပူၤဖဲကီၢ်အံၣ်စရ့လးအပှၤဂီၢ်မုၢ်တဖၣ် ဟဲထီၣ်ဒုးတၢ်အခါမၤတ့ၢ်ဝဲအသိးန့ၣ်လီၤ.)

လံာ်စီၤပၤခံဘ့ၣ်တဘ့ၣ် 21:11

“စီၤပၤမနၤၡ့ၤမၤတ့ၢ်တၢ်လီၤသးဘၣ်အၢတဖၣ်အံၤ, တၢ်တဖၣ်လၢအအၢဒိၣ်န့ၢ်ဒံးတၢ်လၢပှၤကနၤဧၣ်ဖိတဖၣ်မၤတ့ၢ်အီၤ န့ၣ်လီၤ. ခီဖျိအတၢ်ဂီၤတၢ်ဖီၣ်တဖၣ်အံၤန့ၣ်အဝဲဆှၢဃီၤကီၢ်ယူဒၤအပှၤ ဂီၢ်မုၢ်ဆူတၢ်ဒဲးဘးအပူၤန့ၣ်လီၤ.

စံးထီၣ်ပတြၢၤ 105:43

လၢတၢ်န့ၣ်အဃိအဝဲဆှၢပူၤဖျဲးထီၣ် ပှၤဂီၢ်မုၢ် လၢအဃုထၢဝဲ, ဒီးအဝဲသ့ၣ် သူၣ်ဝံၣ်သးဆၢဒီး ကိးသတြီထီၣ်လၢ တၢ်သးခုအပူၤန့ၣ်လီၤ.

လံာ်တၢ်ဟးထီၣ်ကွံာ် 12:40

ပှၤအံၣ်စရ့လးဖိတဖၣ်အိၣ်ဆိးတ့ၢ်ဝဲဒၣ်လၢကီၢ်အဲၤကူပတူး အနံၣ်လွံၢ်ကယၤသၢဆံန့ၣ်လီၤ.

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်တၢ်ဟးထီၣ်ကွံာ် 13:4

သုဟးထီၣ်ကွံာ်လၢကီၢ်အဲၤကူပတူးအပူၤလၢမုၢ်တနံၤအံၤ, လၢလါခီၣ်ထံးကတၢၢ်တလါ, လါအၤဘံာ်အပူၤန့ၣ်လီၤ.

လံာ်ဒၤနံးယ့လး 8:23

ဘီမုၢ်တဖၣ်န့ၣ်အကတၢၢ်ဘူးထီၣ်ဝဲ, ဒီးအဝဲသ့ၣ်အၢထီၣ်သီထီၣ် နးနးကလဲာ်တုၤကဘၣ်တၢ်စံၣ်ညီၣ်အကတီၢ်န့ၣ်စီၤပၤလၢအခိၣ် ကိၤ, အၢတူာ်ကိာ်ဒီးကူၣ်လီတၢ်သ့တဂၤကအိၣ်ထီၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 18:24

မၤဘၣ်အၢသုသးလၢတၢ်တဖၣ်အံၤနီတမံၤတဂ့ၤ. အဂ့ၢ်ဒ်အံၤ, ပှၤကလုာ်တဖၣ်လၢယဟီထီၣ်ကွံာ်လၢသုမဲာ်ညါန့ၣ်မၤဘၣ်အၢအသးလၢ တၢ်တဖၣ်အံၤန့ၣ်လီၤ.

လံာ်သိၣ်လီၤသီလီၤတၢ် 9:4

ဖဲယွၤ, သုကစၢ်ယွၤနီၣ်ထီၣ်ကွံာ်အဝဲသ့ၣ်လၢသုဂီၢ်ဝံၤတစု န့ၣ်, စံးလီၤသုသးလၢအဝဲဆှၢနုာ်သုလၢသုကမၤန့ၢ်ဘၣ်ကီၢ်အံၤ, မ့ၢ်လၢသုကြၢးဒိးန့ၢ်အီၤအဃိန့ၣ်တဂ့ၤ. တမ့ၢ်ဘၣ်. ယွၤကနီၣ်ထီၣ်ကွံာ်ပှၤဂီၢ်မုၢ်တဖၣ်အံၤလၢသုဂီၢ်, မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 9:5

တမ့ၢ်လၢသုမ့ၢ်ပှၤတဖၣ်လၢအဂ့ၤဒီးမၤတၢ်လၢအဘၣ်အဃိဒီးယွၤ ပျဲသုမၤန့ၢ်ဘၣ်အဝဲသ့ၣ်အကီၢ်အံၤဘၣ်. ယွၤကနီၣ်ထီၣ်ကွံာ်အဝဲသ့ၣ်မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ် မ့ၢ်လၢအဝဲပာ်လီၤအသးလၢကဟံးဃာ်ဂၢၢ်ကျၢၤအတၢ်အၢၣ်လီၤအီလီၤ လၢအမၤတ့ၢ်ဝဲဒီးသုပၢ်ဖးဒိၣ်လၢပျၢၤတဖၣ်ဒ်စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အဃိန့ၣ်လီၤ.

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.