လံာ်တၢ်ကဲထီၣ်အခီၣ်ထံး 14:20 - Sgaw Karen Common Bible

²⁰ မ်တၢ်ထီကတၢၢ်ကစၢ်ယွၤတဂၤလၢအဟ့ၣ်နၤတၢ်မၤနၢၤလၢနဒုၣ်နဒါ အဖီခိၣ်န့ၣ်ဘၣ်တၢ်စံးထီၣ်ပတြၢၤအီၤတက့ၢ်.” ဒီးစီၤအၤဘြၣ်ဟ့ၣ်ဝဲစီၤမးလကံစဒ့းလၢကယဲၢ်တၢ်ဂုာ်န့ၢ်လၢ အဘၣ်တၢ်မၤန့ၢ်ကဒါက့ၤအီၤအကျါဆံဆဲၣ်ပူတပူန့ၣ်လီၤ.

လံာ်တၢ်ကဲထီၣ်အခီၣ်ထံး 14:20 Iomraidhean Croise

လံာ်တၢ်ကဲထီၣ်အခီၣ်ထံး 14:21

ဒီးစဒိၣ်အစီၤပၤစံးဘၣ်စီၤအၤဘြၣ်, “ဟံးဃာ်နဲတၢ်ဂုာ်န့ၢ် တဖၣ်တက့ၢ်. မ့မ့ၢ်ဟ့ၣ်က့ၤယၤယပှၤတဖၣ်တက့ၢ်.”

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်တၢ်ကဲထီၣ်အခီၣ်ထံး 28:22

တၢ်သ့ၣ်နီၣ်ထီၣ်အလၢၢ်လၢယပာ်လီၤအီၤအံၤကမ့ၢ်တၢ်လီၢ်လၢနဘၣ်တၢ်ဘူၣ်ထီၣ်ဘါထီၣ်နၤဒီးယကဟ့ၣ်နၤကယဲၢ်တၢ်လၢနဟ့ၣ်ယၤအကျါဆံဆဲၣ်ပူတပူန့ၣ်လီၤ.”

လံာ်တၢ်ကဲထီၣ်အခီၣ်ထံး 47:24

ဖဲကူးတၢ်အကတီၢ်န့ၣ်, သုကဘၣ်ဟ့ၣ်စီၤပၤယဲၢ်ပူတပူ န့ၣ်လီၤ. တၢ်လၢအအိၣ်လီၤတဲာ်တဖၣ်န့ၣ်, သုသူအီၤလၢတၢ်ချံ အဂီၢ်ဒီးလၢတၢ်အီၣ်တၢ်အီလၢသုကစၢ်ဒၣ်သုဝဲဒီးသုဒူၣ်ဖိထၢ ဖိတဖၣ်အဂီၢ်သ့ဝဲန့ၣ်လီၤ.”

လံာ်တၢ်ကဲထီၣ်အခီၣ်ထံး 47:26

လၢတၢ်န့ၣ်အဃိ, စီၤယိၤသးဒုးအိၣ်ထီၣ်တၢ်သိၣ်တၢ်သီတမံၤဘၣ် ထွဲဒီးကီၢ်အဲၤကူပတူးအဟီၣ်ခိၣ်တဖၣ်လၢ, တၢ်ကူးက့ၤလၢအန့ၢ်ယဲၢ်ပူတပူန့ၣ်ကြၢးမ့ၢ်စီၤပၤအတၢ်လီၤ. တၢ်သိၣ်တၢ်သီအံၤအိၣ်ဂၢၢ်ဝဲကျၢၤဝဲတုၤလၢမုၢ်မဆါတနံၤအံၤ လီၤ. ထဲပှၤလုၢ်တၢ်အခိၣ်တဖၣ်အဟီၣ်ခိၣ်ဧိၤန့ၣ်တကဲထီၣ်စီၤပၤအတၢ်စု လီၢ်ခီၣ်ခိၣ်ဘၣ်.

လံာ်တၢ်ကဲထီၣ်အခီၣ်ထံး 9:26

စံးထီၣ်ပတြၢၤယွၤ, စီၤၡ့ၣ်အကစၢ်ယွၤန့ၣ်တက့ၢ်. စီၤကနၤဧၣ်ကမ့ၢ်စီၤၡ့ၣ်အကုၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:28

စီၤအဃံမ့ၤဧးကိးထီၣ်တၢ်ဆၢဂ့ၤဆၢဝါဆူစီၤပၤအအိၣ်, စုးလီၤအသးလၢဟီၣ်ခိၣ်လိၤလၢစီၤပၤအမဲာ်ညါဒီးစံးဝဲဒၣ်, “စံးထီၣ်ပတြၢၤယွၤ, နကစၢ်ယွၤလၢအဟ့ၣ်လီၤနၤတၢ်မၤနၢၤလၢ ပှၤတဖၣ်လၢအပူထီၣ်ထီဒါနဲဒၣ်တၢ်ဒိၣ်ကစၢ်စီၤပၤန့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 31:12

ဒီးဒၢနုာ်ကယဲၢ်တၢ်ဟ့ၣ်ခဲလၢာ်ဒီးတၢ်မၤဘူၣ်ဆံဆဲၣ်ပူတပူ လၢတၢ်ပာ်ဖှိၣ်အဒၢးတဖၣ်န့ၣ်အပူၤလၢတၢ်ကပၢၤဃာ်အီၤအဂီၢ်န့ၣ် လီၤ. အဝဲသ့ၣ်ပာ်လီၤပှၤလ့ၤဝံဖိစီၤကနၤနယၤလၢပှၤအခိၣ်လၢကကွၢ် ထွဲတၢ်အဂီၢ်, ဒီးဒုးကဲထီၣ်အဝဲအဒီပုၢ်ဝဲၢ်ခွါစီၤၡံမံၤလၢပှၤကမၤစၢၤ အီၤန့ၣ်လီၤ.

လံာ်စီၤနဃ့မယၤ 10:37

ကိၣ်လၢပမၤအီၤအဆိကတၢၢ်ခီဖျိဘုခ့လၢပကူးဘၣ်အီၤကိးနံၣ် ဒဲး, ဒီးပတၢ်မၤဘူၣ်အဂၤလၢအမ့ၢ်စပံးထံ, သ့ၣ်စၤယံးအသိ, ဒီးကယဲၢ်သ့ၣ်သၣ်အကလုာ်ကလုာ်န့ၣ်, ပကလဲၤစိာ်အီၤဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ် အပူၤန့ၣ်လီၤ. တၢ်မုၢ်တၢ်ဘိလၢပသူၣ်အီၤလၢပဟီၣ်ခိၣ်အပူၤဆံဆဲၣ်ပူတပူ တဖၣ်န့ၣ်, ပကလဲၤစိာ်အီၤဆူပှၤလ့ၤဝံဖိတဖၣ်လၢအထၢဖှိၣ်တၢ်ဆံ ဆဲၣ်ပူတပူတဖၣ်လၢပဒူသဝီတဖၣ်အစံာ်ပျီပူၤအအိၣ်န့ၣ်လီၤ.

လံာ်စီၤနဃ့မယၤ 13:12

အန့ၣ်ဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်စးထီၣ်ဟဲ စိာ်က့ၤအဝဲသ့ၣ်အတၢ်ဆံဆဲၣ်ပူတပူလၢဘုဧိၤဟုဧိၤ, စပံးထံဒီးသ့ၣ်စၤယံးအသိဆူတၢ်လုၢ်ဟံၣ်အတၢ်ပာ်ဖှိၣ်အဒၢး တဖၣ်န့ၣ်လီၤ.

စံးထီၣ်ပတြၢၤ 144:1

ယွၤ, ယလၢၢ်ယလ့, ပှၤလၢအသိၣ်လိယစုလၢတၢ်ဒုးအဂီၢ်, ဒီးယစုမုၢ်စုနၢတဖၣ်လၢ တၢ်ဒုးသုးအဂီၢ်တဂၤန့ၣ်, မ်အဘၣ်တၢ်စံးထီၣ်ပတြၢၤအီၤတက့ၢ်.

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

စံးထီၣ်ပတြၢၤ 68:19

မ်ကစၢ်ယွၤလၢအဝံပတၢ်ဝံတၢ်ယိးတနံၤဘၣ်တနံၤန့ၣ် ဘၣ်တၢ်စံးထီၣ်ပတြၢၤအီၤတက့ၢ်. တၢ်အုၣ်က့ၤခီၣ်က့ၤပှၤန့ၣ်မ့ၢ်ကစၢ်ယွၤလီၤ. စ့လၤ

လံာ်တၢ်ဟးထီၣ်ကွံာ် 18:10

ဒီးစံးဝဲဒၣ်, “စံးထီၣ်ပတြၢၤယွၤ, ပှၤလၢအအုၣ်က့ၤခီၣ်က့ၤ သုလၢကီၢ်အဲၤကူပတူးအစီၤပၤဒီးပှၤအဲၤကူပတူးဖိတဖၣ်အစု ပူၤန့ၣ်တက့ၢ်.

လံာ်ဧၤမိၣ် 4:4

တၢ်စိတၢ်ကမီၤခဲလၢာ်အယွၤစံးဝဲဒၣ်, ပှၤကီၢ်အံၣ်စရ့လးဖိ သ့ၣ်ဧၢ, သုမ့ၢ်ဘၣ်မၤတၢ်ဒဲးဘးသပှၢ်ကတၢၢ်ဒီး, လဲၤဆူဘ့ၤသ့လးအတၢ်လီၢ်စီဆှံဒီးမၤတၢ်ဒဲးဘးတက့ၢ်. လဲၤဆူကံးလကၤလး, မၤတၢ်ဒဲးဘးလၢာ်သူၣ်လၢာ်သးတက့ၢ်. လဲၤ, မၤဒီးဟဲစိာ်ဆၣ်ဖိကီၢ်ဖိတဖၣ်ဒ်သိးကဘၣ်တၢ်လုၢ်ထီၣ်အီၤ တဂီၤဝံၤတဂီၤ, ဒီးဟဲစိာ်သုတၢ်ဆံဆဲၣ်ပူတပူတဖၣ်လၢကိးသၢသီတသီအနံၤန့ၣ် တက့ၢ်.

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်မၤလကံ 3:8

ဒီးယသံကွၢ်သု, ပှၤတဂၤကလီကစၢ်ယွၤန့ၣ်, မ့ၢ်အဘၣ်ကစီဒီဧါ. တဘၣ်ဘၣ်. ဒီးအန့ၣ်ဒၣ်လဲာ်သုလီယၤလီၤ. ဒီးသုသံကွၢ်, ‘ပလီနၤဒ်လဲၣ်.’ လၢတၢ်ဆံဆဲၣ်ပူတပူဒီးတၢ်မၤဘူၣ်မၤတီၢ်တဖၣ်န့ၣ်လီၤ.

လံာ်တၢ်ဂံၢ် 28:26

လၢတၢ်ကူးဘုမူးဖးဒိၣ်အကတီၢ်အဆိကတၢၢ်တသီဖဲ သုဟ့ၣ်ထီၣ်ဘုဧိၤဟုဧိၤအသီဆူယွၤအအိၣ်န့ၣ်, သုကဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်, ဒီးပှၤတဘၣ်မၤတၢ်မၤနီတဂၤဘၣ်.

လံာ်လူၤကၣ် 18:12

ယဒုၣ်တၢ်အီၣ်တၢ်အီတနွံခံဘျီ, ကိးနွံဒဲး, ဒီးလၢယတၢ်ဟဲနုာ်ခဲလၢာ်န့ၣ်, ယဟ့ၣ်နၤအပူတဆံတပူလီၤ.’

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

လံာ်သိၣ်လီၤသီလီၤတၢ် 12:17

လၢတၢ်လီၢ်တဖၣ်ဖဲသုအိၣ်ဆိးန့ၣ်, သုတဘၣ်အီၣ်တၢ်လၢသုလုၢ်ထီၣ် အီၤဆူယွၤအအိၣ်နီတမံၤဘၣ်. သုဘုဧိၤဟုဧိၤအဆံဆဲၣ်ပူ တပူမ့ၢ်ဂ့ၤ, သုစပံးထံမ့ၢ်ဂ့ၤ, သုသ့ၣ်စၤယံးအသိမ့ၢ်ဂ့ၤ, သုဂီၤဘုၣ်ဂီၤဖံးဒီးသုသိအဝဲၢ်ကိမ့ၢ်ဂ့ၤ, သုတၢ်ဟ့ၣ်တဖၣ်လၢသု အၢၣ်လီၤဒီးယွၤမ့ၢ်ဂ့ၤ, သုတၢ်သူၣ်အိၣ်သးအိၣ်အတၢ်မၤဘူၣ်တဖၣ် မ့ၢ်ဂ့ၤ, ဒီးတၢ်လုၢ်အဂၤတဖၣ်မ့ၢ်ဂ့ၤ, သုတဘၣ်အီၣ်အီၤဘၣ်.

လံာ်သိၣ်လီၤသီလီၤတၢ် 14:23

အန့ၣ်ဝံၤဒီးလဲၤဆူတၢ်လီၢ်တတီၤဖဲယွၤသုကစၢ်ယွၤဃုထၢအီၤ လၢတၢ်ကဘူၣ်ထီၣ်ဘါထီၣ်အီၤအဂီၢ်ဒီးဖဲန့ၣ်လၢယွၤအမဲာ်ညါန့ၣ် အီၣ်သုတၢ်ဆံဆဲၣ်ပူတပူဘၣ်ဃးဒီးဘုဧိၤဟုဧိၤသုစပံးထံ ဒီးသုသ့ၣ်စၤယံးအသိ, သုဂီၤဘုၣ်ဂီၤဖံးဒီးသုသိအဝဲၢ်ကိန့ၣ်တက့ၢ်. မၤတၢ်အံၤဒ်သိးဒီးသုကမၤလိန့ၢ်တၢ်အိၣ်ဒီး တၢ်ယူးယီၣ်ပာ်ကဲယွၤသုကစၢ်ယွၤထီဘိတထံၣ်ဃီန့ၣ်တက့ၢ်.

လံာ်သိၣ်လီၤသီလီၤတၢ် 14:28

လၢသၢနံၣ်တနံၣ်အကတၢၢ်ကိးနံၣ်ဒဲးန့ၣ်, ဟဲစိာ်သုတၤသူတၤသၣ်အတၢ်ဆံဆဲၣ်ပူတပူခဲလၢာ်ဒီးပာ်ဖှိၣ်အီၤလၢသုဝ့ၢ်တဖၣ် အပူၤန့ၣ်တက့ၢ်.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.