လံာ်တၢ်ကဲထီၣ်အခီၣ်ထံး 14:19 - Sgaw Karen Common Bible

¹⁹ ဒီးဆိၣ်ဂ့ၤအီၤဝံၤဒီးစံးဝဲဒၣ်, “မ်တၢ်ထီကတၢၢ်ကစၢ်ယွၤ လၢအတ့လီၤမူခိၣ်ဒီးဟီၣ်ခိၣ်တဂၤအံၤဆိၣ်ဂ့ၤစီၤအၤဘြၣ်တ က့ၢ်.

လံာ်တၢ်ကဲထီၣ်အခီၣ်ထံး 14:19 Iomraidhean Croise

လံာ်တၢ်ကဲထီၣ်အခီၣ်ထံး 14:22

စီၤအၤဘြၣ်စံးဆၢဝဲဒၣ်, “ယဆိၣ်လီၤယသးသညူးသပှၢ်လၢယွၤ, တၢ်ထီကတၢၢ်ကစၢ်ယွၤ, ယွၤလၢအတ့လီၤမူခိၣ်ဒီးဟီၣ်ခိၣ်အမဲာ်ညါ,

လံာ်တၢ်ကဲထီၣ်အခီၣ်ထံး 24:3

ယအဲၣ်ဒိးလၢနကမၤတၢ်ဆိၣ်တမံၤလၢယွၤ, မူခိၣ်ဒီးဟီၣ်ခိၣ်အကစၢ်ယွၤအမံၤအပူၤလၢနတဃုထၢန့ၢ်ဘၣ်ယဖိ ခွါအမါတဂၤလၢပှၤဂီၢ်မုၢ်ဖဲအံၤလၢကီၢ်ကနၤဧၣ်အပူၤဘၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 27:4

ဒီးဖီန့ၢ်ယၤတၢ်အီၣ်အဝံၣ်အဘဲန့ၣ်လၢအဘၣ်ယသးဒီးဟဲစိာ်အီၤ ဆူယအိၣ်တက့ၢ်. ယအီၣ်တၢ်မ့ၢ်ဝံၤဒီးယကဟ့ၣ်နၤယတၢ်ဆိၣ်ဂ့ၤလၢခံကတၢၢ်တချုး ယသံဒံးဘၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 47:10

စီၤယၤကိာ်ဟ့ၣ်တၢ်လီၤဖးအတၢ်ဆိၣ်ဂ့ၤတထံၣ်ဆူစီၤပၤဝံၤဒီး ဟးထီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:7

အန့ၣ်ဒီး, စီၤယိၤသးဟဲကိးအပၢ်စီၤယၤကိာ်ဒီးဆှၢထီၣ်အီၤ ဆူစီၤပၤအအိၣ်န့ၣ်လီၤ. စီၤယၤကိာ်ဆိၣ်ဂ့ၤဆိၣ်ဝါစီၤပၤ,

လံာ်တၢ်ကဲထီၣ်အခီၣ်ထံး 49:28

ပှၤသ့ၣ်တဖၣ်အံၤ, မ့ၢ်ပှၤအံၣ်စရ့လးဖိတဆံခံဒူၣ်, ဒီးအအံၤမ့ၢ်တၢ်လၢအဝဲသ့ၣ်အပၢ်စံးတ့ၢ်ဝဲဒ်တၢ်လီၤဖးအတၢ် ကတိၤလၢအဘၣ်ဘျီးဘၣ်ဒါဝဲတထံၣ်, ဆူအဖိခွါတဂၤဘၣ်တဂၤစုာ်စုာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:5

အဝဲဆှၢလီၤပှၤတနီၤဃုာ်ဒီးတၢ်ကစီၣ်ဒ်အံၤ, “မ်ယွၤဆိၣ်ဂ့ၤသုလၢသုဒုးနဲၣ်သုတၢ်သူၣ်တီသးရၤဆူသု စီၤပၤခီဖျိသုခူၣ်လီၤဘျၢလီၤအီၤအဃိန့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 29:11

နမ့ၢ်တၢ်ဒိၣ်တၢ်မုၢ်ဒီးစိဒိၣ်ကမီၤထီ, လၤဒိၣ်ကပီၤအါ, ကပြုၢ်ကပြီၤဒီးလီၤကဟုကညီၢ်န့ၣ်လီၤ. ကယဲၢ်တၢ်ခဲလၢာ်လၢအအိၣ်ဝဲလၢမူခိၣ်ဒီးဟီၣ်ခိၣ်န့ၣ်မ့ၢ်နတၢ်, ဒီးနမ့ၢ်စီၤပၤ, ဒီးပှၤပၢတၢ်အဒိၣ်ကတၢၢ်လၢတၢ်ခဲလၢာ်အဖီခိၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:8

တုၤစီၤပၤယဃံးစကံယၤဒီးအဝဲအပဒိၣ်ပပှၢ်တဖၣ်, ထံၣ်ဘၣ်တၢ်ဟ့ၣ်တဖၣ်ဘၣ်တၢ်ဟ့ၣ်လီၤအီၤအါထဲလဲၣ်န့ၣ်, အဝဲသ့ၣ်စံးထီၣ်ပတြၢၤယွၤဒီးစံးထီၣ်ပတြၢၤအဝဲအပှၤဂီၢ် မုၢ်အံၣ်စရ့လးန့ၣ်လီၤ.

စံးထီၣ်ပတြၢၤ 115:15

မ်သုဘၣ်ဆိၣ်ဂ့ၤလၢယွၤ, လၢအတ့လီၤမူခိၣ်ဒီးဟီၣ်ခိၣ်န့ၣ်တက့ၢ်.

စံးထီၣ်ပတြၢၤ 115:16

မူခိၣ်န့ၣ်ဘၣ်ဃးဒၣ်ဒီးယွၤတဂၤဧိၤန့ၣ်လီၤ. မ့မ့ၢ်ဟီၣ်ခိၣ်န့ၣ်ဟ့ၣ်လီၤဝဲဆူပှၤကညီလီၤ.

စံးထီၣ်ပတြၢၤ 24:1

ဟီၣ်ခိၣ်ဒီးတၢ်လၢအအိၣ်လၢအပူၤ ခဲလၢာ်အံၤ မ့ၢ်ယွၤအတၢ်လီၤ. ဟီၣ်ခိၣ်ဒီးပှၤလၢအအိၣ်ဝဲဆိးဝဲလၢအပူၤ ခဲလၢာ်အံၤ မ့ၢ်အတၢ်လီၤ.

စံးထီၣ်ပတြၢၤ 50:10

အဂ့ၢ်ဒ်အံၤ, ဆၣ်ဖိကီၢ်ဖိအမံၤလၢပှၢ်လၢ်ကျါဒီး ဆၣ်ဖိကီၢ်ဖိအဒၢလၢကစၢၢ်ကလိအလိၤလၢအအိၣ်, အကထိကထိတဖၣ်န့ၣ်, မ့ၢ်ယတၢ်လီၤ.

လံာ်မံကၤ 6:6

ယကဘၣ်ဟဲစိာ်တၢ်မနုၤတမံၤဆူယွၤ, မူခိၣ်ကစၢ်ယွၤအအိၣ်, ဖဲယဟဲဒ်သိးယကဘူၣ်ထီၣ်ဘါထီၣ်အီၤအခါန့ၣ်လဲၣ်. မ့ၢ်ယကဘၣ်ဟဲစိာ်ဂီၤဖံးဖိအဂ့ၤကတၢၢ်တဖၣ် လၢယကဆိၣ်ကဲၤအီၤဒ်တၢ်လုၢ်မ့ၣ်အူဆူအအိၣ်ဧါ.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မၢ်ကူး 10:16

ဝံၤဒီး, အဝဲဒၣ်ဖိးဟုထီၣ်ဖိသၣ်တဖၣ်တဂၤဘၣ်တဂၤ, ပာ်ထီၣ်အစုလၢအလိၤ, ဒီးဆိၣ်ဂ့ၤအဝဲသ့ၣ်လီၤ.

လံာ်လူၤကၣ် 10:21

ဖဲအဆၢကတီၢ်ဝဲန့ၣ်, ယ့ၣ်ၡူးလၢပှဲၤဒီးတၢ်သးခုခီဖျိသးစီဆှံဒီးစံးဝဲ, “မူခိၣ်ဒီးဟီၣ်ခိၣ်အကစၢ်, ပၢ်ယွၤဧၢ, ယစံးဘျုးနၤမ့ၢ်လၢနပာ်ဖျါထီၣ်တၢ်သ့ၣ်တဖၣ်အံၤလၢ နပာ်တဒၢအီၤလၢပှၤကူၣ်ဘၣ်ကူၣ်သ့ဒီးပှၤမၤလိမၤဒိးဘၣ်တၢ်တဖၣ်, ဆူပှၤလၢအတမၤလိမၤဒိးဘၣ်တၢ်တဖၣ်အဃိန့ၣ်လီၤ. မ့ၢ်လီၤ, ပၢ်ဧၢ, တၢ်အဝဲအံၤဘၣ်တၢ်မၤအီၤလၢနတၢ်ဘၣ်နသးဒၣ်ဝဲအဃိလီၤ.

မၤတၢ် 16:17

အဝဲဒၣ်ပိာ်ထီၣ်စီၤပီလူးဒီးပဝဲသ့ၣ်တဖၣ်အခံ, အိၣ်ဒီးတၢ်ကိး ပသူထီၣ်ဝဲ, “ပှၤသ့ၣ်တဖၣ်အံၤမ့ၢ်ကစၢ်ယွၤလၢအဒိၣ်ကတၢၢ် အထီကတၢၢ်တဂၤအခ့အပှၤလီၤ. အဝဲသ့ၣ်ဘိးဘၣ်သ့ၣ်ညါသုလၢသုကဘၣ်တၢ်အုၣ်က့ၤခီၣ် က့ၤသုဒ်လဲၣ်အဂ့ၢ်န့ၣ်လီၤ.”

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

လံာ်သိၣ်လီၤသီလီၤတၢ် 10:14

မူခိၣ်ဒီးအလီၢ်လၢအထီကတၢၢ်ဒၣ်လဲာ်ဘၣ်ဃးဒီးယွၤလီၤ. ဟီၣ်ခိၣ်ဒီးတၢ်လၢအအိၣ်လၢအပူၤကိးမံၤဒဲးန့ၣ်မ့ၢ်စ့ၢ်ကီးအဝဲအတၢ်န့ၣ်လီၤ.

လံာ်နီၢ်ရူၤသး 3:10

ဒီးအဝဲစံးဝဲ, “မ်ယွၤဆိၣ်ဂ့ၤနၤတက့ၢ်. နပာ်ဖျါထီၣ်ဟံၣ်ဖိ ဃီဖိအတၢ်သးတီလၢနမၤတၢ်အံၤအဂီၢ်န့ၣ်, ဒိၣ်န့ၢ်တၢ်လၢနမၤတ့ၢ်ဘၣ်နမံၤပှၢ်ပိာ်မုၣ် အဂီၢ်တက့ၢ်ဒၣ်လဲာ်လီၤ. နတဃုန့ၢ်ပိာ်ခွါသးစၢ်လၢအထူးအတီၤမ့ၢ်ဂ့ၤ, အဖှီၣ်မ့ၢ်ဂ့ၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 15:13

စီၤၡမူၤအ့လးလဲၤဆူစီၤစီလူးအအိၣ်ဒီးစီၤစီလူးသဂၢၢ် အီၤဒီးစံးဝဲ, “စီၤၡမူၤအ့လးဧၢ, မ်ယွၤဆိၣ်ဂ့ၤနၤတက့ၢ်. ယစူၢ်တ့ၢ်ယွၤအတၢ်မၤလိာ်လီၤ.”