လံာ်တၢ်ကဲထီၣ်အခီၣ်ထံး 14:17 - Sgaw Karen Common Bible

¹⁷ ဒီးဖဲစီၤအၤဘြၣ်ဟဲက့ၤကဒါက့ၤဃုာ်ဒီးစီၤပၤအဂၤတဖၣ်လၢ တၢ်မၤနၢၤစီၤပၤစီၤကဒၢ်လဧိမ့ၢ်ဒီးစီၤပၤအဂၤတဖၣ်န့ၣ်စဒိၣ် အစီၤပၤလဲၤသဂၢၢ်အီၤဖဲၡၤဝ့အတၢ်တြီၤပူၤ (လၢအဘၣ်တၢ်ကိးစ့ၢ် ကီးအီၤလၢစီၤပၤအတၢ်တြီၤပူၤ) န့ၣ်လီၤ.

လံာ်တၢ်ကဲထီၣ်အခီၣ်ထံး 14:17 Iomraidhean Croise

လံာ်တၢ်ကဲထီၣ်အခီၣ်ထံး 14:1

ဒီးတၢ်မၤအသးလၢစီၤပၤလွံၢ်ဂၤလၢအမ့ၢ်ကီၢ်ဘၤဘူၤလိၣ်အစီၤ ပၤစီၤအးမရၤဖ့လး, ပှၤအ့းလးစၢ်အစီၤပၤစီၤအၤရယိာ်, ပှၤဧ့ၤလၣ်အစီၤပၤစီၤကဒၢ်လဧိမ့ၢ်ဒီးပှၤကလုာ်တဖၣ်အစီၤပၤ စီၤတံးဒၤလးသ့ၣ်တဖၣ်န့ၣ်,

လံာ်တၢ်ကဲထီၣ်အခီၣ်ထံး 14:10

ဒီးစံးဒံၣ်အတၢ်တြီၤပူၤန့ၣ်ပှဲၤဒီးကျဲတံးအပူၤတဖၣ်ဒီးဖဲ စဒိၣ်ဒီးဂမိၤရၤအစီၤပၤတဖၣ်ဃ့ၢ်ကွံာ်လၢတၢ်ဒုးဒီးလီၤတဲာ် လၢတၢ်ပူၤန့ၣ်လီၤ. ဘၣ်ဆၣ်ဒီးစီၤပၤအဂၤတဖၣ်ဃ့ၢ်ပူၤဖျဲးဝဲဆူကစၢၢ်ကလိန့ၣ် လီၤ.

လံာ်တၢ်ကဲထီၣ်အခီၣ်ထံး 14:5

ဒီးလၢတဆံလွံၢ်နံၣ်တနံၣ်န့ၣ်စီၤပၤစီၤကဒၢ်လဧိမ့ၢ်ဒီးအသိၣ် အမှံၤစီၤပၤအဂၤသ့ၣ်တဖၣ်ဟဲလၢအသုးမုၢ်ဒၣ်ဝဲဒီးမၤနၢၤပှၤ ရၤဖၤဖိအိၣ်လၢဝ့ၢ်ဧၤၡတါရိၤကၢ်နါယံၣ်, ပှၤစူစၤဖိအိၣ်လၢကီၢ်ဟၣ်အပူၤ, ပှၤအ့ၣ်ဖိအိၣ်လၢၡၤဝ့ကးရ ယးသံၣ်အတၢ်ပျီပူၤ,

လံာ်စီၤၡမူၤအ့လးခံဘ့ၣ်တဘ့ၣ် 18:18

ဖဲအဝဲအိၣ်မူဒံးအခါန့ၣ်စီၤအးဘၡါလိၣ်သူၣ်ထီၣ်တ့ၢ် တၢ်သ့ၣ်နီၣ်အလၢၢ်ထူၣ်တထူၣ်လၢအဂီၢ်ဒၣ်ဝဲလၢစီၤပၤအတၢ်တြီၤပူၤန့ၣ် လီၤ. အဂ့ၢ်ဒ်အံၤ, အဝဲတအိၣ်ဒီးအဖိခွါနီတဂၤလၢကစိာ်မူအဝဲအမံၤ အဂီၢ်န့ၣ်ဘၣ်. လၢတၢ်န့ၣ်အဃိအဝဲယုၢ်န့ၢ်လၢၢ်ထူၣ်န့ၣ်အမံၤဒ်အဝဲအမံၤဒၣ်ဝဲ ဒီးတုၤမုၢ်မဆါတနံၤအံၤန့ၣ်, လၢၢ်ထူၣ်န့ၣ်ဘၣ်တၢ်သ့ၣ်ညါအီၤဒ်တၢ်သ့ၣ်နီၣ်စီၤအးဘၡါလိၣ် အလၢၢ်ထူၣ်န့ၣ်လီၤ.

တၢ်ကတိၤဒိ. 14:20

ပှၤဖှီၣ်ဖိယာ်ဖိန့ၣ်ဘၣ်တၢ်သးဟ့အီၤလၢပှၤလၢအဃၢၤ ဒၣ်လဲာ်လီၤ. မ့မ့ၢ်, ပှၤထူးပှၤတီၤအိၣ်ဒီးအတံၤသကိးအါဂၤလီၤ.

တၢ်ကတိၤဒိ. 19:4

တၢ်ထူးတၢ်တီၤဟဲစိာ်တံၤသကိးအသီအါဂၤလီၤ. မ့မ့ၢ်တၢ်ဖှီၣ်တၢ်ယာ်န့ၣ်ဟံးဃာ်တံၤသကိးစှၤဂၤဒၣ်လဲာ်တန့ၢ် ဘၣ်.

ဧ့ၤဘြံၤ 7:1

စီၤမၤလကံစဒ့းအံၤမ့ၢ်ၡၤလ့ၣ်အစီၤပၤ, တၢ်ဒိၣ်ကတၢၢ်ထီကတၢၢ်ကစၢ်ယွၤအပှၤလုၢ်တၢ်အခိၣ် တဂၤလၢအလဲၤသဂၢၢ်ဒီးဆိၣ်ဂ့ၤစီၤအၤဘြၤဟၣ်ဖဲအဟဲ က့ၤလၢတၢ်မၤနၢၤဒီးမၤသံကွံာ်စီၤပၤတဖၣ်ဝံၤအလီၢ်ခံ န့ၣ်လီၤ.

လံာ်ပှၤစံၣ်ညီၣ်ကွီၢ် 11:34

ဒီးဖဲစီၤယံးဖသၤက့ၤဆူအဟံၣ်အိၣ်လၢမံးစပၤန့ၣ်အဖိမုၣ်ဟဲ ထီၣ်လၢဟံၣ်ပူၤဒ်သိးအကသဂၢၢ်အီၤ, အိၣ်ဒီးတၢ်ဂဲၤကလံာ်ဒီးတၢ်ပှီၢ်ဒၢန့ၣ်လီၤ. အဝဲမ့ၢ်ဖိမုၣ်ထဲတဂၤဧိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:6

ဖဲစီၤဒၤဝံးဟဲက့ၤလၢအတၢ်မၤသံစီၤကၤလယးဝံၤဒီး, ဒီးပှၤသုးဖိတဖၣ်ဟဲက့ၤဆူဟံၣ်န့ၣ်, ပိာ်မုၣ်တဖၣ်လၢဝ့ၢ်ကိးဝ့ၢ်ဒဲး အိၣ်လၢကီၢ်အံၣ်စရ့လးအပူၤဟဲထီၣ်ဒ်သိးကသဂၢၢ်စီၤပၤ စီၤစီလူးလီၤ. အဝဲသ့ၣ်သူၣ်ဝံၣ်သးဆၢတၢ်သးခု အတၢ်သးဝံၣ်တဖၣ်, ဂဲၤကလံာ်ဝဲဒီးဆ့လ့, ဒီးသီတူၢ်တဖၣ်လီၤ.