လံာ်တၢ်ကဲထီၣ်အခီၣ်ထံး 14:14 - Sgaw Karen Common Bible

¹⁴ ဒီးတုၤစီၤအၤဘြၣ်နၢ်ဟူဝဲလၢအဖိဒိၣ်ဘၣ်တၢ်ဖီၣ်န့ၢ်အီၤ န့ၣ်, အဝဲကိးထီၣ်ဝဲကယဲၢ်ပှၤဒုးတၢ်ဖိခဲလၢာ်လၢအတၢ်အိၣ်တၢ်ဆိး အလီၢ်အပူၤပှၤသၢကယၤတဆံဃိးဂၤဒီးလူၤဝဲစီၤပၤလွံၢ်ဂၤလၢ ကျဲဆူဝ့ၢ်ဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 14:14 Iomraidhean Croise

လံာ်တၢ်ကဲထီၣ်အခီၣ်ထံး 12:16

မ့ၢ်လၢနီၢ်စၤရဲအဃိစီၤပၤတူၢ်လိာ်မၤဘျုးစီၤအၤဘြၣ်ဂ့ၤဂ့ၤဘၣ်ဘၣ် ဒီးဟ့ၣ်အီၤလၢသိဒီးမဲာ်တဲးလဲး, ဂီၤဖံး, ကသ့ၣ်ယီၤ, ကုၢ်ဒီးကီၤလၤအူးသ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 12:5

ဒီးစီၤအၤဘြၣ်ကိးန့ၢ်အမါနီၢ်စၤရဲ, အဖိဒိၣ်စီၤလိာ်ဒီး ကယဲၢ်အတၢ်ဖိတၢ်လံၤဒီးအကုၢ်ခဲလၢာ်လၢအမၤန့ၢ်ဘၣ်ဝဲ လၢဝ့ၢ်ဟၤရၣ်အပူၤဒီးစးထီၣ်လဲၤတၢ်ဆူကီၢ်ကနၤဧၣ်န့ၣ်လီၤ. ဒီးဖဲအဝဲသ့ၣ်လဲၤတုၤဆူကီၢ်ကနၤဧၣ်အပူၤန့ၣ်,

လံာ်တၢ်ကဲထီၣ်အခီၣ်ထံး 13:8

ဒီးစီၤအၤဘြၣ်စံးဘၣ်စီၤလိာ်, “ပမ့ၢ်ပှၤဒီဘူးဒီတံၢ်လီၤ. နပှၤဒီးယပှၤတဖၣ်တကြၢးအ့ၣ်လိာ်ဆိးက့လိာ်အသးဘၣ်.

လံာ်တၢ်ကဲထီၣ်အခီၣ်ထံး 14:12

စီၤအၤဘြၣ်အဖိဒိၣ်စီၤလိာ်အိၣ်ဝဲဆိးဝဲလၢစဒိၣ်အပူၤဒီးလၢ တၢ်န့ၣ်အဃိအဝဲသ့ၣ်စိာ်ကွံာ်အီၤဒီးကယဲၢ်အတၢ်ဖိတၢ်လံၤခဲ လၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 14:16

ဒီးဒိးန့ၢ်ဘၣ်ကဒါက့ၤကယဲၢ်တၢ်ခဲလၢာ်လၢအဘၣ်တၢ်ဟံးန့ၢ်ဆူၣ် သ့ၣ်တဖၣ်လီၤ. ဒီးဟဲက့ၤကိးစ့ၢ်ကီးအဖိဒိၣ်စီၤလိာ်ဒီးအတၢ်ဖိတၢ်လံၤခဲ လၢာ်, ဒီးပိာ်မုၣ်ပိာ်မၢၤတဖၣ်ဒီးပှၤဘၣ်တၢ်ဖီၣ်န့ၢ်အီၤအဂၤတဖၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 15:3

နတဟ့ၣ်လီၤတ့ၢ်ယၤဖိနီတဂၤဘၣ်. ဒီးပှၤလၢကန့ၢ်သါယတၢ်စုလီၢ် ခီၣ်ခိၣ်န့ၣ်မ့ၢ်ဒၣ်ယကုၢ်တဖၣ်အကျါတဂၤလီၤ.”

လံာ်တၢ်ကဲထီၣ်အခီၣ်ထံး 17:23

ဒီးလၢမုၢ်တနံၤဃီအံၤန့ၣ်စီၤအၤဘြၤဟၣ်စူၢ်ကစၢ်ယွၤဒီးကူး တရံးအဖိခွါစီၤယံးၡမၤဧ့လးဒီးပှၤပိာ်ခွါအဂၤခဲလၢာ်လၢ အဟံၣ်ဒူၣ်ဃီထၢအပူၤဃုာ်ဒီးကုၢ်လၢအအိၣ်ဖျဲၣ်ထီၣ်လၢအဟံၣ်ဒူၣ် ဃီထၢအပူၤဒီးလၢအပှ့ၤတ့ၢ်ဝဲတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:27

ဃုာ်ဒီးအကုၢ်ခဲလၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 23:6

ပပာ်ကဲနၤဒ်ခိၣ်နၢ်တဂၤလၢအစိဒိၣ်ကမီၤထီလီၤ. ခူၣ်လီၤနမါလၢတၢ်သွၣ်ခိၣ်အဂ့ၤကတၢၢ်လၢအအိၣ်ဒီးပှၤန့ၣ်တ က့ၢ်. ပဝဲဒၣ်အကျါတဂၤလၢ်လၢ်ကသးခုဟ့ၣ်နၤတၢ်သွၣ်ခိၣ်တခါလၢနခူၣ် လီၤအီၤကသ့အဂီၢ်လီၤ.”

လံာ်စီၤပၤအခီၣ်ထံးတဘ့ၣ် 15:20

စီၤပၤဘ့ၤဟဒးအၢၣ်လီၤထွဲစီၤအၤစါအတၢ်ဟ့ၣ်ကူၣ်ဒီးဆှၢလီၤ အသုးခိၣ်သုးနၢ်တဖၣ်ဒီးအသုးမုၢ်တဖၣ်လၢကလဲၤထီၣ်ဒုးကီၢ်အံၣ် စရ့လးအဝ့ၢ်တဖၣ်န့ၣ်အဂီၢ်လီၤ. အဝဲသ့ၣ်မၤန့ၢ်ဝဲဝ့ၢ်တဖၣ်လၢအမ့ၢ်ဧံၤယိၣ်, ဒၣ်, အၤဘ့ၤလးဘ့ၤသမၤကၤ, ဒီးလီၢ်ကဝီၤလၢအအိၣ်ဘူးဒီးပီၣ် လဲၣ်ကၤလံၤလါဒီးကီၢ်နးသၤလံဒီဘ့ၣ်ညါန့ၣ်လီၤ.

စံးထီၣ်ပတြၢၤ 68:12

“စီၤပၤတဖၣ်ဒီး အသုးမုၢ်တဖၣ်ဃ့ၢ်ကွံာ်ဝဲ, ဃ့ၢ်ကွံာ်ဝဲ,” ဒီးပိာ်မုၣ်လၢအအိၣ်ဒၣ်တၢ်လၢဟံၣ်ပူၤန့ၣ် နီၤဖးတၢ်ဂုာ်န့ၢ်,

တၢ်ကတိၤဒိ. 17:17

တံၤသကိးတဖၣ်ဒုးနဲၣ်အတၢ်အဲၣ်တၢ်ကွံထီဘိလီၤ. မ့တမ့ၢ်လၢတၢ်နီၤတူၢ်သကိးတၢ်ကီတၢ်ခဲဘၣ်ဒီးဒီပုၢ်ဝဲၢ်တဖၣ် အိၣ်လၢမနုၤအဂီၢ်လဲၣ်.

လံာ်ပှၤစံၣ်တဲၤတဲလီၤတၢ် 2:7

ယပှ့ၤတ့ၢ်ကုၢ်တဖၣ်အါမးဒီးယအိၣ်စ့ၢ်ကီးဒီးကုၢ်တဖၣ်လၢအအိၣ် ဖျဲၣ်ထီၣ်လၢယဟံၣ်ပူၤလီၤ. ယအိၣ်ဒီးဂီၤဘုၣ်ဂီၤဖံး, သိ, မဲာ်တဲးလဲးအဖုအဂီၢ်တဖၣ်အါန့ၢ်ဒံးပှၤလၢအအိၣ်ဝဲလၢ ယမဲာ်ညါလၢဝ့ၢ်ယရူၤၡလ့ၣ်အပူၤတက့ၢ်န့ၣ်လီၤ.

လံာ်ယံးရမံယၤ 41:12

လၢတၢ်န့ၣ်အဃိ, အဝဲသ့ၣ်လူၤထွဲအီၤဒီးချုးန့ၢ်အီၤဖဲကံးဘိၣ် အနိၣ်ဖးဒိၣ်အကပၤန့ၣ်လီၤ.

လံာ်သိၣ်လီၤသီလီၤတၢ် 34:1

စီၤမိၤၡ့လဲၤထီၣ်လၢကီၢ်မိၤအးအတၢ်ပၢၤခိၣ်ဆူကစၢၢ်နဘိ အလိၤလၢကစၢၢ်ပံးစကၤအဒီခိၣ်, လၢဝ့ၢ်ယရံၤဃိအမုၢ်ထီၣ်, ဒီးဖဲန့ၣ်ယွၤဒုးနဲၣ်ဃီၤအီၤလၢကီၢ်ဒီတဘ့ၣ်ညါန့ၣ်လီၤ. ကီၢ်ကံးလဧးအလီၢ်ကဝီၤလၢအလဲၤယံၤဝဲလၢကလံၤစိးတကပၤတုၤ ဆူဝ့ၢ်ဒၣ်,

၁ ယိၤဟၣ် 2:18

ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.

လံာ်ပှၤစံၣ်ညီၣ်ကွီၢ် 18:29

ဒီးအဝဲသ့ၣ်လဲလိာ်က့ၤဝ့ၢ်န့ၣ်အမံၤလၢလ့ၡ့ၣ်ဆူဒၣ်, ပိာ်ထွဲထီၣ်အပၢ်ဖးဒိၣ်, စီၤယၤကိာ်အဖိခွါလၢအဝဲသ့ၣ်လီၤစၢၤဝဲအမံၤအခံန့ၣ်လီၤ.

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:19

တၢ်လီၤမၢ်တအိၣ်ဘၣ်နီတမံၤဘၣ်. စီၤဒၤဝံးမၤန့ၢ်က့ၤကယဲၢ်အပှၤတဖၣ်အဖိခွါအဖိမုၣ်တဖၣ်ခဲလၢာ် ဒီးကယဲၢ်တၢ်လၢပှၤဧမၤလ့းဖိဂုာ်ဆူၣ် ပျိဆူၣ်တ့ၢ်ဝဲတဖၣ်န့ၣ်လီၤ.