လံာ်တၢ်ကဲထီၣ်အခီၣ်ထံး 13:8 - Sgaw Karen Common Bible

⁸ ဒီးစီၤအၤဘြၣ်စံးဘၣ်စီၤလိာ်, “ပမ့ၢ်ပှၤဒီဘူးဒီတံၢ်လီၤ. နပှၤဒီးယပှၤတဖၣ်တကြၢးအ့ၣ်လိာ်ဆိးက့လိာ်အသးဘၣ်.

လံာ်တၢ်ကဲထီၣ်အခီၣ်ထံး 13:8 Iomraidhean Croise

လံာ်တၢ်ကဲထီၣ်အခီၣ်ထံး 13:9

မၤသးဒ်န့ၣ်ဒီး, မ်ပကအိၣ်လီၤဖးလိာ်သကိးပသးတက့ၢ်. ဃုထၢတၢ်လီၢ်တတီၤတီၤလၢနသးလီလၢကီၢ်အံၤအပူၤတက့ၢ်. လဲၤနဲကျဲတဘိဒီးယကလဲၤယဲအဂၤတဘိလီၤ.”

လံာ်တၢ်ကဲထီၣ်အခီၣ်ထံး 14:14

ဒီးတုၤစီၤအၤဘြၣ်နၢ်ဟူဝဲလၢအဖိဒိၣ်ဘၣ်တၢ်ဖီၣ်န့ၢ်အီၤ န့ၣ်, အဝဲကိးထီၣ်ဝဲကယဲၢ်ပှၤဒုးတၢ်ဖိခဲလၢာ်လၢအတၢ်အိၣ်တၢ်ဆိး အလီၢ်အပူၤပှၤသၢကယၤတဆံဃိးဂၤဒီးလူၤဝဲစီၤပၤလွံၢ်ဂၤလၢ ကျဲဆူဝ့ၢ်ဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 45:24

အဝဲဆှၢလီၤအဒီပုၢ်ဝဲၢ်ခွါတဖၣ်ဖဲအဟးထီၣ်န့ၣ်, ဒီးအဝဲစံးဘၣ်အဝဲသ့ၣ် “အ့ၣ်လိာ်သုသးလၢကျဲတဂ့ၤ.”

လံာ်တၢ်ကဲထီၣ်အခီၣ်ထံး 46:34

တဲဘၣ်အီၤသပှၢ်ကတၢၢ်လၢ, သုမ့ၢ်ပှၤကွၢ်ထွဲဆၣ်ဖိကီၢ်ဖိ အဒၢလၢသုသးသမူဒီစိၤ, ဒ်သုမိၢ်ပၢ်ဖံဖုလၢပျၢၤတဖၣ်မၤ တ့ၢ်ဝဲအသိးတက့ၢ်. လၢကျဲဒ်အံၤန့ၣ်, အဝဲကပျဲသုအိၣ်သုဆိးလၢကီၢ်ကိၡ့ၣ်အလီၢ် ကဝီၤအပူၤန့ၣ်လီၤ.” စီၤယိၤသးစံးတၢ်အံၤမ့ၢ်လၢပှၤအဲၤကူပတူးဖိတဖၣ်တမၤဃုာ် တၢ်ဒီးပှၤကွၢ်သိတဖၣ်နီတစဲးလၢအသးဟ့, သးဘၣ်အၢဝဲအဃိလီၤ.

စံးထီၣ်ပတြၢၤ 133:1

ဒီပုၢ်ဝဲၢ်အိၣ်ဝဲဆိးဝဲလၢအသးတဖျၢၣ်ဃီအံၤ, ဂ့ၤဆံးဒိၣ်လဲၣ်, ဒီးမုာ်ဆံးဒိၣ်လဲၣ်ဆံးဒိၣ်လဲၣ်န့ၣ် ကွၢ်ကွၢ်တက့ၢ်.

လံာ်တၢ်ဟးထီၣ်ကွံာ် 2:13

လၢခံတနံၤန့ၣ်, စီၤမိၤၡ့လဲၤကဒီးဝဲ, ဒီးထံၣ်ပှၤဧ့ၤဘြံၤဖိခံဂၤအ့ၣ်လိာ်အသးန့ၣ်လီၤ. ဒီးစံးဘၣ်ပှၤလၢအမၤကမၣ်တၢ်တဂၤန့ၣ်, “ဘၣ်မနုၤလၢနဘၣ်တီၢ် နတံၤသကိးပှၤဧ့ၤဘြံၤဖိတဂၤန့ၣ်လဲၣ်.”

တၢ်ကတိၤဒိ. 15:1

တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

တၢ်ကတိၤဒိ. 15:18

တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 20:3

ပှၤဟးဂီၤဖိတဂၤလၢ်လၢ်စးထီၣ်တၢ်ဂ့ၢ်လိာ်ဘှီလိာ်တဖၣ်သ့လီၤ. မ့မ့ၢ်တၢ်အိၣ်ယံၤဒီးတၢ်အ့ၣ်လိာ်ဆိးက့လိာ်န့ၣ်, မ့ၢ်တၢ်လၤကပီၤတမံၤလီၤ.

လံာ်မးသဲ 5:9

ပှၤလၢအမၤဃူမၤဖိးတၢ်တဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ပှၤတဖၣ်န့ၣ် ကစၢ်ယွၤကကိးအီၤလၢအဖိတဖၣ်လီၤ.

မၤတၢ် 7:26

လၢခံတနံၤအဝဲဒၣ်ထံၣ်ဘၣ်ပှၤအံၣ်စရ့လးဖိခံဂၤအ့ၣ်လိာ် အသး, ဒီးဂုာ်မၤဃူမၤဖိးက့ၤအဝဲသ့ၣ်န့ၣ်လီၤ. အဝဲဒၣ်စံးဝဲ, ‘တံၤသကိးသ့ၣ်ဧၢ, ကနၣ်တက့ၢ်. သုမ့ၢ်ဒီပုၢ်ဝဲၢ်တဖၣ်လီၤ. ဘၣ်မနုၤသုဘၣ်မၤဆူးမၤဆါလိာ်သုသးန့ၣ်လဲၣ်.’

ရိမ့ၤ 12:10

အဲၣ်လိာ်သုသးတဂၤဒီးတဂၤတံၢ်တံၢ်နီၢ်နီၢ်ဒ်ဒီပုၢ်ဝဲၢ်တဖၣ် လၢခရံာ်အပူၤအသိး, ဒီးသးဆူၣ်ဒုးနဲၣ်တၢ်ယူးယီၣ်ပာ် ကဲလိာ်သးလၢတဂၤဒီးတဂၤအဂီၢ်န့ၣ်တက့ၢ်.

ဖံလံးပံၤ 2:14

ဖဲသုဖံးတၢ်မၤတၢ်တမံၤလၢ်လၢ်န့ၣ်တဘၣ်အိၣ်ဒီးတၢ်ကဒူး ကဒ့ၣ်ဒီးတၢ်ဂ့ၢ်လိာ်ဘှီလိာ်တဂ့ၤ.

၁ သ့းစၤလနံ 4:9

ဘၣ်ဃးတၢ်အဲၣ်ဒီပုၢ်ဒီဝဲၢ်လၢအမ့ၢ်ပှၤစူၢ်က့ၤနာ်က့ၤတၢ် န့ၣ်, တၢ်ကွဲးန့ၢ်သုအလီၢ်တအိၣ်ဘၣ်. သုနီၢ်ကစၢ်ဒၣ်သုဝဲ, ကစၢ်ယွၤသိၣ်လိတ့ၢ်သုလၢသုကဘၣ်အဲၣ်လိာ်သုသး တဂၤဒီးတဂၤဒ်လဲၣ်န့ၣ်လီၤ.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.

ဧ့ၤဘြံၤ 13:1

တၢ်အဲၣ်ပုၢ်အဲၣ်ဝဲၢ်န့ၣ် မ်အအိၣ်တဘိယူၢ်ဃီတက့ၢ်.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ပ့းတရူး 2:17

ယူးယီၣ်ပာ်ကဲပှၤခဲလၢာ်တက့ၢ်. အဲၣ်ပှၤလၢအစူၢ်က့ၤနာ်က့ၤတၢ်ကဒဲကဒဲဒီးသုတဖၣ်တက့ၢ်. ပျံၤကစၢ်ယွၤဒီးယူးယီၣ်ပာ်ကဲစီၤပၤတက့ၢ်.

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.

၁ ပ့းတရူး 4:8

လၢတၢ်ခဲလၢာ်အဖီခိၣ်, အဲၣ်လိာ်ကွံလိာ်တံၢ်နီၢ်သုသးတဂၤဒီး တဂၤ, မ့ၢ်လၢတၢ်အဲၣ်တၢ်ကွံကျၢၢ်ဘၢတၢ်ဒဲးဘးအါမးအဃိန့ၣ် တက့ၢ် (ကူၣ်သ့ ၁၀:၁၂).

၂ ပ့းတရူး 1:7

လၢတၢ်အဲၣ်ထူအဲၣ်ယွၤအမဲာ်ညါပာ်ဖှိၣ်အါထီၣ်တၢ်အဲၣ် ပုၢ်အဲၣ်ဝဲၢ်, ဒီးလၢတၢ်အဲၣ်ပုၢ်အဲၣ်ဝဲၢ်အမဲာ်ညါပာ်ဖှိၣ်အါထီၣ် တၢ်အဲၣ်တၢ်ကွံတက့ၢ်.

၁ ယိၤဟၣ် 4:7

တံၤသကိးသးဘိသ့ၣ်ဧၢ, မ်ပအဲၣ်လိာ်ကွံလိာ်ပသးတဂၤဒီး တဂၤတက့ၢ်. အဂ့ၢ်ဒ်လဲၣ်န့ၣ်, တၢ်အဲၣ်တၢ်ကွံဟဲလၢ ကစၢ်ယွၤလီၤ. မတၤတဂၤဂ့ၤတဂၤဂ့ၤလၢအအဲၣ်တၢ်ကွံ တၢ်န့ၣ်, မ့ၢ်ယွၤအဖိဒီးသ့ၣ်ညါကစၢ်ယွၤလီၤ.

လံာ်ပှၤစံၣ်ညီၣ်ကွီၢ် 9:26

တုၤနုၤတစု, စီၤဧ့းဘ့းအဖိခွါစီၤကၤလးဟဲဝဲဆူၡက့ၣ်ဃုာ်ဒီးအဒီပုၢ်ဝဲၢ်တဖၣ် ဒီးပှၤၡက့ၣ်ဖိတဖၣ်သန့ၤအသးလၢအီၤလီၤ.