လံာ်တၢ်ကဲထီၣ်အခီၣ်ထံး 13:12 - Sgaw Karen Common Bible

¹² စီၤအၤဘြၣ်အိၣ်ဝဲဆိးဝဲလၢကီၢ်ကနၤဧၣ်အပူၤဒီးစီၤလိာ်သူၣ် လီၤအတၢ်အိၣ်တၢ်ဆိးအလီၢ်လၢဝ့ၢ်တဖၣ်လၢအအိၣ်လၢယၢ်ဒ့ၣ်အတၢ်ပၢၤ ခိၣ်အကျါဒီးသူၣ်ထီၣ်အဒဲဘူးဒီးဝ့ၢ်စဒိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 13:12 Iomraidhean Croise

လံာ်တၢ်ကဲထီၣ်အခီၣ်ထံး 13:11

မၤသးဒ်န့ၣ်ဒီးစီၤလိာ်ဃုထၢထီၣ်ဝဲထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါလၢအဂီၢ်ဒၣ်ဝဲဒီးသုးကွံာ်အသးဆူမုၢ်ထီၣ်တကပၤ န့ၣ်လီၤ. တၢ်န့ၣ်မ့ၢ်ပှၤခံဂၤအတၢ်အိၣ်လီၤဖးလိာ်အသးဒ်လဲၣ်အဂ့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 14:12

စီၤအၤဘြၣ်အဖိဒိၣ်စီၤလိာ်အိၣ်ဝဲဆိးဝဲလၢစဒိၣ်အပူၤဒီးလၢ တၢ်န့ၣ်အဃိအဝဲသ့ၣ်စိာ်ကွံာ်အီၤဒီးကယဲၢ်အတၢ်ဖိတၢ်လံၤခဲ လၢာ်န့ၣ်လီၤ.

လံာ်တၢ်ကဲထီၣ်အခီၣ်ထံး 14:2

အိၣ်ဒီးအတၢ်ဒုးလိာ်ယၤလိာ်အသးဒီးစီၤပၤအဂၤယဲၢ်ဂၤလၢအမ့ၢ် ပှၤစဒိၣ်အစီၤပၤစီၤဘ့ရၤ, ပှၤဂမိရၤအစီၤပၤစီၤဘံးရၡၤ, ပှၤအၤဒမၤအစီၤပၤစီၤၡံးနာ်, ပှၤစဘိအံၣ်အစီၤပၤစီၤၡ့မ့ ဘ့ၢ်ဒီးပှၤဘ့လၤ (မ့တမ့ၢ်ပှၤစိၤဧၢ်) အစီၤပၤန့ၣ်လီၤ.

လံာ်တၢ်ကဲထီၣ်အခီၣ်ထံး 19:1

ဒီးတုၤမုၢ်ဟါလီၤဖဲကလူးခံဂၤဟဲတုၤဝ့ၢ်စဒိၣ်န့ၣ်စီၤလိာ် ဆ့ၣ်နီၤဝဲဖဲဝ့ၢ်အကျဲစၢၤန့ၣ်လီၤ. ဒီးတုၤအထံၣ်ဝဲအဝဲသ့ၣ်တဘျီဃီန့ၣ်ဂဲၤဆၢထၢၣ်ဒီးလဲၤသဂၢၢ် အဝဲသ့ၣ်န့ၣ်လီၤ. ဒီးတီၤလီၤလၢအဝဲသ့ၣ်အမဲာ်ညါ,

လံာ်တၢ်ကဲထီၣ်အခီၣ်ထံး 19:24

သတူၢ်ကလာ်န့ၣ်ယွၤမၢလီၤကးဒီးမ့ၣ်အူစူၤလီၤလၢဝ့ၢ်စဒိၣ် ဒီးဝ့ၢ်ဂမိရၤအဖီခိၣ်,

လံာ်တၢ်ကဲထီၣ်အခီၣ်ထံး 19:25

ဒီးမၤဟးဂီၤကွံာ်အဝဲသ့ၣ်ဒီးတၢ်တြီၤဒီခါညါ, ဃုာ်ဒီးပှၤဂီၢ်မုၢ်ဖဲန့ၣ်ခဲလၢာ်ဒီးတၢ်ကိးမံၤဒဲးလၢအမဲ ထီၣ်လၢဟီၣ်ခိၣ်လိၤန့ၣ်လီၤ.

လံာ်တၢ်ကဲထီၣ်အခီၣ်ထံး 19:29

ဘၣ်ဆၣ်ဖဲကစၢ်ယွၤမၤဟးဂီၤကွံာ်တၢ်တြီၤန့ၣ်အဝ့ၢ်သ့ၣ်တဖၣ်လၢ စီၤလိာ်အိၣ်ဝဲဆိးဝဲန့ၣ်ယွၤသ့ၣ်နီၣ်ထီၣ်စီၤအၤဘြၤဟၣ်ဒီး ပျဲစီၤလိာ်ဃ့ၢ်ပူၤထီၣ်ဆူတၢ်ပူၤဖျဲးအလီၢ်န့ၣ်လီၤ.

စံးထီၣ်ပတြၢၤ 26:5

ယသးဟ့ပှၤမၤတၢ်အၢအတၢ်ရိဖှိၣ် ဒီးဟးဆှဲးပှၤတတီတလိၤန့ၣ်လီၤ.

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”