လံာ်တၢ်ကဲထီၣ်အခီၣ်ထံး 13:11 - Sgaw Karen Common Bible

¹¹ မၤသးဒ်န့ၣ်ဒီးစီၤလိာ်ဃုထၢထီၣ်ဝဲထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါလၢအဂီၢ်ဒၣ်ဝဲဒီးသုးကွံာ်အသးဆူမုၢ်ထီၣ်တကပၤ န့ၣ်လီၤ. တၢ်န့ၣ်မ့ၢ်ပှၤခံဂၤအတၢ်အိၣ်လီၤဖးလိာ်အသးဒ်လဲၣ်အဂ့ၢ်န့ၣ် လီၤ.

လံာ်တၢ်ကဲထီၣ်အခီၣ်ထံး 13:11 Iomraidhean Croise

လံာ်တၢ်ကဲထီၣ်အခီၣ်ထံး 13:10

စီၤလိာ်ကွၢ်တၢ်ဝးဝးဒီးထံၣ်ဝဲဒၣ်လၢထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါကျဲတရဲာ်ဃီဆူဝ့ၢ်စိၤဧၢ်န့ၣ်ထံအိၣ်လၢလၢလီၣ် လီၣ်လီၤဂာ်ဒ်ယွၤအတၤသၣ်လီၢ်အသိးမ့ၢ်ဂ့ၤ, လီၤဂာ်ဒ်ကီၢ်အဲၤကူပတူးအသိးမ့ၢ်ဂ့ၤန့ၣ်လီၤ. (အအံၤမ့ၢ်တၢ်အကတီၢ်လၢယွၤတချုးမၤဟးဂီၤဝ့ၢ်စဒိၣ်ဒီးဂမိၤ ရၤဒံးဘၣ်န့ၣ်လီၤ.)

လံာ်တၢ်ကဲထီၣ်အခီၣ်ထံး 13:12

စီၤအၤဘြၣ်အိၣ်ဝဲဆိးဝဲလၢကီၢ်ကနၤဧၣ်အပူၤဒီးစီၤလိာ်သူၣ် လီၤအတၢ်အိၣ်တၢ်ဆိးအလီၢ်လၢဝ့ၢ်တဖၣ်လၢအအိၣ်လၢယၢ်ဒ့ၣ်အတၢ်ပၢၤ ခိၣ်အကျါဒီးသူၣ်ထီၣ်အဒဲဘူးဒီးဝ့ၢ်စဒိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 13:14

ဖဲစီၤလိာ်ဟးထီၣ်ကွံာ်ဝံၤအလီၢ်ခံန့ၣ်ယွၤစံးဘၣ်စီၤအၤဘြၣ်, “ဖဲနအိၣ်အလီၢ်အံၤန့ၣ်ကွၢ်ထီၣ်တၢ်လီၤတံၢ်လီၤဆဲးဆူ တၢ်လီၢ်ကိးကပၤဒဲးတက့ၢ်.

လံာ်တၢ်ကဲထီၣ်အခီၣ်ထံး 13:9

မၤသးဒ်န့ၣ်ဒီး, မ်ပကအိၣ်လီၤဖးလိာ်သကိးပသးတက့ၢ်. ဃုထၢတၢ်လီၢ်တတီၤတီၤလၢနသးလီလၢကီၢ်အံၤအပူၤတက့ၢ်. လဲၤနဲကျဲတဘိဒီးယကလဲၤယဲအဂၤတဘိလီၤ.”

လံာ်တၢ်ကဲထီၣ်အခီၣ်ထံး 19:17

အန့ၣ်ဝံၤဒီးကလူးအကျါတဂၤန့ၣ်စံးဘၣ်အီၤ, “ဃ့ၢ်လၢသုသးသမူအဂီၢ်တက့ၢ်. ကွၢ်ဆူလီၢ်ခံတဂ့ၤ. ဒီးအိၣ်ကတီၢ်လၢတၢ်တြီၤပူၤတဂ့ၤ. ဃ့ၢ်ဆူတၢ်လူၢ်တဖၣ်အလိၤဒ် သိးသုသုတဘၣ်တၢ်မၤသံအီၤတဂ့ၤအဂီၢ်န့ၣ်တက့ၢ်.”

စံးထီၣ်ပတြၢၤ 119:63

ယဒီတံၤဒီသကိးဒီးကယဲၢ်ပှၤလၢအပျံၤနၤ, ဒီးတိၢ်န့ၢ်ဖံးဃာ်နတၢ်မၤလိာ်တဖၣ်န့ၣ်လီၤ.

စံးထီၣ်ပတြၢၤ 16:3

ယွၤအပှၤဂီၢ်မုၢ်လၢအသးတီသ့ၣ်တဖၣ်န့ၣ် ဂ့ၤဆံးဒိၣ်လဲၣ်. ယတၢ်သးခုအဒိၣ်ကတၢၢ်န့ၣ် မ့ၢ်ဝဲယကအိၣ်ဘၣ်ဒီးအဝဲသ့ၣ်န့ၣ်လီၤ.

တၢ်ကတိၤဒိ. 27:10

သးပ့ၤနီၣ်နတံၤသကိးတဖၣ်ဒီးနပၢ်အတံၤသကိးတဖၣ်တဂ့ၤ. နမ့ၢ်အိၣ်လၢတၢ်ကိၢ်တၢ်ဂီၤအပူၤဒီးဃ့နဒီပုၢ်ဝဲၢ်အတၢ်မၤစၢၤ တဂ့ၤ. ပှၤလၢနဃၢၤလၢအအိၣ်ဘူးဒီးနၤတဂၤမၤစၢၤနၤက သ့အါန့ၢ်ဒံးနဒီပုၢ်ဝဲၢ်လၢအအိၣ်ယံၤတဂၤတက့ၢ်န့ၣ်လီၤ.

လံာ်ယဃ့းစက့လး 47:18

မုၢ်ထီၣ်အကီၢ်ဆၢန့ၣ်လဲၤဝဲဆူကလံၤထံးတကပၤစးထီၣ်လၢ တၢ်လီၢ်တတီၤလၢအအိၣ်လၢဒၤမ့ၤစ့းအလီၢ်ကဝီၤဒီးဝ့ၢ်ဃၤရၣ် အဘၢၣ်စၢၤအိၣ်ဒီးထံကျိယၢ်ဒ့ၣ်ဒ်ကီၢ်အဆၢ, လၢအံၣ်စရ့လးအကီၢ်မုၢ်နုာ်တခီ, ဒီးကီၢ်ကံးလဧးလၢမုၢ်ထီၣ်တခီယံၤဝဲ တုၤလီၤလၢဝ့ၢ်တၤမၣ်လၢပီၣ်လဲၣ်သံအနံၤန့ၣ်လီၤ.

ဧ့ၤဘြံၤ 10:25

မ်ပသုတဟးဆှဲးတၢ်ပာ်ဖှိၣ်ရိဖှိၣ်ထီၣ်ပသးဒ်ပှၤတနီၤမၤဝဲ အသိးန့ၣ်တဂ့ၤ. မ့မ့ၢ်, မ်ပသဆၣ်ထီၣ်လိာ်ပခံဒီးပဒံးထံၣ်လၢကစၢ်အမုၢ်တနံၤဒံးဘူး ထီၣ်ဝဲန့ၣ်မ်ပဟ့ၣ်ဂံၢ်ဟ့ၣ်ဘါလိာ်ပသးဒံးအါထီၣ်တက့ၢ်.

၁ ပ့းတရူး 2:17

ယူးယီၣ်ပာ်ကဲပှၤခဲလၢာ်တက့ၢ်. အဲၣ်ပှၤလၢအစူၢ်က့ၤနာ်က့ၤတၢ်ကဒဲကဒဲဒီးသုတဖၣ်တက့ၢ်. ပျံၤကစၢ်ယွၤဒီးယူးယီၣ်ပာ်ကဲစီၤပၤတက့ၢ်.